གཟུངས་ཕྱུག་སྐྱིད། བདག་གི་མཁའ་དབྱིངས་མཐོན་པོར་བཏེགས་པའི་ཀ་བ་ཇི་བཞིན། བདག་གི་ཁོར་ཡུག་དང་མཐོང་ལམ་གསལ་བར་བྱེད་པའི་ཉི་འོད་ཇི་བཞིན། ངས།   དགུན་དུས་ཧྲིལ་བོ་ཞིག་གི་བསམ་གཞིགས་ཁྲོད་ཁྱེད་ཀྱི་གཏན་ཚིགས་ཚོར། ངས།   རྒྱུ་སྐར་འཁྲིགས་པའི་མཚན་ལྗོངས་ཤིག་གི་མཛུབ་རྩེ་ནས་ཁྱེད་ཀྱི་འཛུམ་མདངས་རྙེད། རྨ་ཆེན་གངས་རི།   བགྲང་བྱ་ཁྲི་ཕྲག་གི་སྦས་སྐུང་ཟབ་མོ། ཁྱེད་ཀྱི་རྫ་སྲུབས་ནས་འཕྱུར་ཞིང་། དཔའ་བོའི་གཡུལ་འཁྲུག་གི་མཛད་རྗེས་ཟླུམ་པོ། ཁྱེད་ཀྱི་ལུང་གྲོག་ནས་བཞུར། རྨ་ཆེན་གངས་རི། འབྲོང་རྒོད་རུ་དམར་གྱིས་བཙན་རྫོང་བཟུང་སའི་རྫ་འགག་དོག་པོ། ཁ་དཀར་རྐྱང་གིས་བང་རྩལ་འགྲན་སའི་སྤང་ལྗོངས་ནེམ་པོ། ཉི་མ་དབུ་ཐོད་དུ་འཆང་ཞིང་། ཟླ་གཞོན་ཕྲག་གོང་ལ་བསུས་པའི་དཔའ་རྒོད་འཕྱོར་པོ། ཁྱེད་ཀྱི་རྟོགས་བརྗོད་དང་རེ་སྨོན་ཡོད་ཚད། རྨ་ཀླུང་རིང་མོའི་རོལ་དབྱངས་ཀྱིས་ཁྱེར་ཏེ། ཞི་བདེ་རྒྱ་མཚོར་ལེགས་སྐྱེས་སུ་ཕུལ་བ་ཡང་སྒྲོ་འདོགས་མིན། ཁྱེད་ཡོད་པ་ནས་བཟུང་ཆོས་རྒྱལ་མེས་དབོན་གྱི་བང་སོ། ང་ཡི་སྙིང་ཁོང་ནས་འབུས་ཤིང་། ཁ་བའི་དར་རྒུད་ཀྱི་རྨ་ཁ་ང་ཡི་རུས་སྟེང་ནས་འཕག རྨ་ཆེན་གངས་རི། ངའི་ཡིད་ཀྱི་མཆོད་ཁང་ན་འབར་བའི་མར་མེ་སེར་པོ། ངའི་མིག་གི་མཁའ་དབྱིངས་སུ་བཀྲ་བའི་མེ་ཏོག་དཀར་པོ། ཁྱེད་མཐོང་བས། བདག་གི་ཕུགས་བསམ་ཀྱི་འཇིག་རྟེན་ལ་ལྗང་མདོགས་འཚེར། བདག་གི་སྨོན་ལམ་གྱི་ཁ་བཏགས་ལ་རྩུབ་རེག་བྲལ། རྨ་ཆེན་གངས་རི། བདག་གི་ཚེ་སྲོག་གི་བཞུར་རྒྱུན་དྭངས་མོ། ངས་ནམ་ཡང་ཁྱེད་ལ་སྙན་ངག་གི་བདེན་དཔང་བརྗོད། ངས་ནམ་ཡང་ཁྱེད་ཉིད་དབུ་ཐོད་ཀྱི་ཞྭ་བཞིན་བཞུར། རྨ་ཆེན་གངས་རི།...

            འབའ་བ་ཕུན་ཚོགས་དབང་རྒྱལ་གྱི་ཕ་ཡུལ་ནི་ཁམས་འབའ་ཐང་ཡིན་ལ་ཕྱི་ལོ་༡༩༢༢ལོར་སྐུ་འཁྲུངས། ཁམས་འབའ་ཐང་ནི་བོད་ཀྱི་སའི་མཐའ་ཡིན་པས་མི་རིགས་གཞན་གྱི་གཉའ་གནོན་དང་བཙན་འཛུལ་ལ་འཐབ་རྩོད་དུས་རྒྱུན་དུ་མྱོང་དགོས་བས་ཕུན་ཚོགས་དབང་རྒྱལ་ལ་མི་རིགས་རིང་ལུགས་ཀྱི་འདུ་ཤེས་ཀྱི་བགས་ཆགས་གཏིང་ཟབ་དང་བསམ་བློའི་གོ་རྟོགས་ཁྱད་པར་བ་ཞིག་ཆུང་ངུའི་དུས་ནས་བསྐྲུན་ཡོད་པ་རེད། རྗེས་སུ་ཕྱི་ལོ ༡༩༣༦ ལོར་སྐབས་དེའི་རྒྱ་ནག་གི་རྒྱལ་ས་ནན་ཅིན་ཆབ་སྲིད་སློབ་གྲྭའི་ཟུར་གཏོགས་བོད་སོག་སློབ་གྲྭ་རུ་སློབ་སྦྱོང་གནང་བ་དང་ཞོར་དུ་སི་ཏ་ལིན་དང་ལེ་ཉིན་གྱི་མི་རིགས་སྐོར་གྱི་རྩོམ་ཡིག་མང་དུ་བཀླགས། ༡༩༣༩ ལོར་སློབ་གྲྭ་དེ་ཁྲུན་ཆིན་དུ་སྤར། ཁྲུན་ཆིན་དུ་ཁོང་གིས་བསམ་བློའི་གོ་རྟོགས་མཐོར་འདེགས་ཆེད་ཕྱོགས་གཅིག་ནས་སློབ་སྦྱོང་ལ་འབད་བརྩོན་རྒྱུན་མར་གནང་བ་དང༌། ཕྱོག་གཞན་ཞིག་ནས་སྐབས་ཀྱི་རྩ་དོན་དང་འབྲེལ་རང་གི་དམིགས་ཡུལ་ཏེ་དྲག་ཤུགས་ལ་བརྟེན་ནས་བོད་ཁམས་ཡོངས་རྫོགས་གཅིག་གྱུར་བྱས་ཏེ་བོད་ཀྱི་ལམ་ལུགས་རྙིང་བ་བསྐྱུར་ནས་ཚབ་ཏུ་་སྤྱི་ཚོགས་རིང་ལུགས་ཀྱི་རྒྱལ་ཁབ་བརྟན་པོ་ཞིག་འཛུགས་རྒྱུའི་ཆེད་དུ་གོ་མིན་ཏང་ཆབ་སྲིད་སློབ་གྲྭའི་ནང་དུ་བོད་རིགས་གུང་ཁྲན་ཚོགས་པ་གསར་འཛུགས་གནང་བ་གོ་མིན་ཏང་འབྲེལ་ཡོད་མི་སྣས་ཤེས་ཚོར་བྱུང་སྟེ། ཁོ་རང་གོ་མིན་ཏང་ཆབ་སྲིད་སློབ་གྲྭའི་ཞོར་གཏོགས་བོད་སོག་སློབ་གྲྭའི་སློབ་སྤྱི་ཅང་ཅེ་ཧྲིས་ནས་ཕྱིར་འབུད་བཏང༌། དེ་རྗེས་ཁམས་ཁུལ་དུ་ཕྱིར་ལོག་ནས་ཕྱི་ཚུལ་དུ་དགེ་རྒན་གྱི་ཕྱག་ལས་གནང་ཞིང་དོན་ལ་ཁམས་ཁུལ་གསར་བརྗེ་བྱ་རྒྱུའི་བྱེད་སྒོ་སྤེལ་བར་གོ་མིན་ཏང་སྲིད་གཞུང་ནས་ཚོར་བས་འབྲི་ཆུའི་ནུབ་རྒྱུད་བོད་གཞུང་མངའ་ཁོངས་སུ་བྲོས་བྱོལ་གནང༌། ཕྱི་ལོ་༡༩༤༣ལོར་ལྷ་སར་ཕེབས་ཏེ་ཡང་བསྐྱར་ (བོད་རིགས་གཅིག་གྱུར་བཅིངས་འགྲོལ་གནའ་འབྲེལ་ཚོགས་པ)  (དེབ་གཞན་དུ་བོད་རིགས་དམར་ཤོག་ཚོགས་པ་ཞེས་བྲིས་འདུག) བཙུགས་ཏེ་བསམ་བློ་ཁོད་ཡངས་ཅན་གྱི་སྐུ་དྲག་དག་ལ་འབྲེལ་བ་གནང་སྟེ་ཞི་བའི་སྒོ་ནས་བོད་ཀྱི་ཆབ་སྲིད་ལམ་ལུགས་ལ་འགྱུར་བ་བྱུང་རྒྱུར་ཤུགས་རྐྱེན་བྱུང་ཅི་ཐུབ་ལ་འབད་པ་དང༌། ཚོགས་པའི་མིང་ཐོགས་ནས་བོད་གཞུང་བཀའ་ཤག་སྲིད་གཞུང་ལ་སྙན་ཞུ་ཕུལ་ནས། སྤྱི་ཚོགས་དམངས་གཙོའི་བཅོས་བསྒྱུར་ཁག་ལག་བསྟར་བྱེད་དགོས་པ་དང༌། མི་དམངས་ཀྱི་ཁུར་བོ་ཡང་དུ་གཏོང་དགོས་པ། དམངས་གཙོའི་སྤྱི་ཚོགས་གསར་བའི་སྲིད་ཇུས་ལག་བསྟར་བྱེད་དགོས་པའི་བླང་བྱ་བཏོན། ཕྱོགས་གཞན་ཞིག་ནས་ཁམས་ཕྱོགས་སུ་བོད་དམག་འབོར་ཆེན་རྩ་འཛུགས་ཆེད་བོད་སྲིད་གཞུང་ནས་གོ་མཚོན་འཐོབ་རྒྱུའི་འབད་བརྩོན་གནང་ཡང་གྲུབ་འབྲས་གང་ཡང་མ་ཐོབ། རྒྱ་གར་དང་ཨུ་རུ་སུའི་དམར་ཤོག་ཚོགས་པ་དག་ལ་འབྲེལ་བ་གནང་ཡང་རོགས་རམ་གང་ཡང་མ་ཐོབ་པས་གོ་མིན་ཏང་སྲིད་གཞུང་གི་མངའ་འོག་ཏུ་ལུས་བའི་འབའ་ཐང་དུ་ཕྱིར་ལོག་སྟེ། རང་རིགས་ལ་ཤ་ཞེན་ཅན་མགོན་པོ་ཚེ་རིང་དང་མཉམ་འབྲེལ་བྱས་ཏེ་(ཤར་བོད་མི་དམངས་རང་སྐྱོང་མནའ་འབྲེལ་ཚོགས་པ)  བཙུགས་ནས་གོ་མིན་ཏང་ས་གནས་ཀྱི་དམག་ཤེད་ཅན་གཏོར་སྟེ་ཁམས་ཁུལ་གཅིག་གྱུར་གྱི་སྲིད་གཞུང་འཛུགས་རྒྱུའི་འཆར་བཀོད་གནང་ནས་དྲག་པོའི་འོས་ལངས་ལ་ཕམ་ཉེས་བྱུང་བ་དང༌། གོ་མིན་ཏང་སྲིད་གཞུང་ནས་འཇུ་བཟུང་བཀའ་རྒྱ་བཀྲམས་པས་ཡང་བསྐྱར་ལྷ་སར་ཕེབས། ཆབ་སྲིད་ཀྱི་དུས་དབང་གིས་བོད་གཞུང་གིས་ཀྱང་ཕུན་དབང་སོགས་བོད་མི་མང་པོ་ལྷ་ས་ནས་ཕྱིར་འབུད་བཏང༌།     དེ་ལྟར་རང་སྟོབས་ལ་བརྟེན་ནས་བོད་ཁམས་གཅིག་གྱུར་གྱི་ཞིང་ཁམས་ཤིག་འཛུགས་རྒྱུར་འབད་བརྩོན་རྒྱ་ཆེར་གནང་ཡང་སྔ་ཕྱིར་ཕམ་ཉེས་བྱུང༌། མཐར་དེ་ལྟར་ཡོང་རྒྱུའི་རེ་བ་མངོན་འགྱུར་མེད་པར་རྟོགས་ནས་འབའ་བ་ཕུན་ཚོགས་དབང་རྒྱལ་ལགས་ཀྱིས་རང་གི་བསམ་བློའི་ཁ་ཕྱོགས་ལ་འགྱུར་བ་གནང་བ་སྟེ།...

ཡོང་ཁུས་དངོས་ཀྱི་ཁ་བྱང་ (མི་ནག་ནག།ལམ་ནག་ནག།རྩྭ་ནག་ནག།ལུག་ནག་ནག།) ནང་དོན་གནད་བསྡུས།   མུ་རུ་ཕྱུགས་ར་ནི། མཚོ་ནུབ་ཐེམ་ཆེན་མུ་རུ་གྲོང་རྡལ་ཏེ། མཚོ་སྔོན་ཞིང་ཆེན་གྱི་བྱང་ཤར། གླང་ཆེན་ལྟར་འགྱིངས་པར་ཆགས་འདུག་པའི་མདོ་ལ་རི་རྒྱུད། ས་མགོ་༤༠༠༠ལས་ལྷག་པའི་རི་ལུང་དང་། ཏཱ་ཐུང་ཆུ། སུ་རུ་ཆུ་དང་སྤྱང་ཚང་ཆུ་བོ་སོགས་འདྲེས་ས། ཕྱུགས་ར་ཕྱུག་མོ་དེའི་ས་འོག་ཏུ། གཏེར་རྫས་ཏུན་དུང་འཕྱུར་ལྷག་གི་རྡོ་སོལ་སྤུས་ལེགས་དེར་ཆགས་འདུག་ལ། ཕྱི་ནང་ཀུན་ནས་སྒོར་མོ་ལ་ཧམ་སེམས་བཅངས་པའི་མི་མང་པོ་ཡང་ཆུ་བཞུར་བཞུར་གྱིས་མུ་རུར་ཐོན། མུ་རུ་ཡང་གྲོང་རྡལ་ཆུང་ཆུང་ཞིག་ནས་སྐད་གྲགས་ཆེ་བའི་རྡོ་སོལ་གཏེར་འདོན་གྱི་ལྟེ་གནས་སུ་གྱུར། རྒྱ་ནག་ཕུན་ཕབ་གསར་འགྱུར་དྲྭ་བ་ནས་བསྒྱུར།        ཆོག་མཆན་མ་བཀོད་པར་གཏེར་འདོན་བྱ་བ་འགོ་བརྩམས་པ་དང་། ཚད་འདས་ཀྱིས་གཏེར་འདོན། ལོག་པར་གཏེར་ཁ་འདོན་པ་སོགས་ལ་ཁྲིམས་ཆད་ཡོད་པ་སྔ་མོ་ནས་ཁྱབ་བསྒྲགས་གནང་འདུག་ལ། ཡིན་ཡང་གཏེར་འདོན་པ་རྣམས་ཀྱི་གོམ་པ་ནང་ཡང་མཚམས་བཞག་མ་མྱོང་། དེ་ལས་ལྡོག་པར། སྲིད་གཞུང་གིས་གཏེར་འདོན་གྱི་བྱ་བ་ལ་རྒྱབ་སྐྱོར་གནང་སྟེ། ༢༠༡༣ལོར་ཤོག་དཀར་སྟེང་དུ་ཡིག་ནག་བཀོད་ནས། ཞིང་ཆེན་རིམ་པའི་སྲུང་སྐྱོབ་ས་གནས་ཀྱི་རྒྱ་ཁྱོན་ལས་བརྒྱ་ཆའི་༥ཙམ་གྱི་ས་ཇེ་ཆུང་དུ་བཏང་ནས། སྔར་གཏེར་འདོན་བྱས་མི་ཆོག་པའི་གཏེར་ཁུལ་གཉིས་ཡང་སྲུང་སྐྱོབ་ས་གནས་ནས་ཕྱིར་འཐེན་ནས་གཏེར་འདོན་བྱ་བ་ལ་མཐུན་རྐྱེན་བསྐྲུན། མུ་རུ་ཁུངས་གཏོགས་ཀྱི་ཐེམ་ཆེན་རྫོང་ནི་ཆུ་བོ་མང་པོ་འདྲེས་ས་དང་། རྒྱལ་ཁབ་ཀྱི་གནད་ཆེན་སྐྱེ་ཁམས་བྱེད་ལས་ས་ཁུལ་༢༥ཡི་ནང་གསེས་ཀྱི་མདོ་ལ་འཁྱགས་རོམ་དང་ཆུ་ཁུངས་ཀྱི་འགྲམ་དུ་ཆགས་འདུག ཡིན་ཡང་མུ་རུ་གཏེར་ཁུལ་གྱི་གཏེར་འདོན་སོལ་སྙིགས་ནི་གང་འདོད་ཀྱིས་ཆུ་བོ་དང་རྩྭ་ཐང་དུ་དོར་ནས། རྫས་འགྱུར་སྣ་མང་ཡིས་ཆུ་བོ་དེ་དག་ཡང་སྙོགས་པར་གྱུར། ལོ་མང་པོའི་གཏེར་འདོན་གྱི་བྱ་བས་ས་གནས་མི་མང་ལ་གནང་པ་ནི་རྡོ་སོལ་སློག་རྗེས་ཀྱི་ས་དོང་དང་སོལ་སྙིགས་ཀྱིས་ཁེངས་པའི་སྙིགས་རི། ཆུ་བོ་དང་རྩྭ་ས། ཆུ་མགོ་དང་ས་འོག་གི་གཏན་འཁྱགས་ས་སོགས་ལ་གཏོེར་བཤིག་ཆེན་པོ་བཟོས་པ་དེ་ཡིན།    ...

 རྒྱ་གར་རང་བཙན་ཉིན་མོ་དང་འབྲེལ་ཁྱེད་ཚོ་བལྟས་པ། སྨྱུག་མདའ། ངུ་ཤུམ་ལ་བདེན་པའི་མེ་ཏོག་བཏུས།། ཁྱོད་ཉིད་ཀྱིས་ཞི་བའི་གོམ་འགྲོས་བཙུགས།། རྨི་ལམ་གྱི་ཤ་ཚུགས་འདྲེས་ས་ན།། ཤེད་པོ་ཡི་རང་ཚུགས་ཡར་ལ་བཀྱགས།།   ངེས་མེད་ཀྱི་གངས་རིའི་མགྲོན་པོ་ཚོ།། གྲོགས་པོ་ཡི་ངོ་སྐལ་བཞག་པ་བྲོད།། བསམ་ཞིང་གི་རིགས་པའི་ཆུ་མིག་ན།། སྤྲང་བོ་ཚོའི་འཛུམ་མདངས་འཐུ་འཕྲོ་ཡོད།།   ཚེ་སྲོག་གིས་བསྡུས་པའི་ཉི་འོད་ཅིག། སེམས་ངོས་སུ་དུངས་པའི་རྣམ་ཐར་ཟིན།། ཆེན་པོ་སུས་བཙན་གྱིས་མགོ་བོ་བཀད།། མཚོ་ངོགས་ཀྱི་བདེན་པ་མཁའ་རུ་འཕུར།།   དེ་རིང་ཡང་རྣམ་དཔྱོད་བཀྱགས་ཏེ་ངར།། བག་ཡངས་ཀྱི་མཛེས་པ་བསྟུད་མར་བཞད།། ཁྱེད་ཉིད་ཀྱང་ཀེར་ཀེར་འགྲེང་སྟེ་འདུག། ཁྱེད་ཚང་གི་དུས་ཚོད་ག་ལེར་བཀྲ།   འཕགས་ཆེན་ཚོའི་ཤུལ་ཏེ་རབ་རིབ་རེད།། ཐག་རིང་ཚོས་སྦུགས་ནས་འཁྱེར་གྱིན་ནོ།། གླེགས་བམ་དེ་དལ་མོར་སློག་པ་ན།། འཛམ་གླིང་གི་སྲང་ལམ་བདེ་ཚོད་རེད།།   ཁང་རྩེག་གི་འདབ་ཀ་རང་བྱུང་མ།། རྐང་རྗེས་ཤིག་བརྩིས་ཆོག་གནའ་བོའི་བུ།། རི་མོ་ཡིས་རུས་ཚིགས་ངོམ་ཙ་ན།། ཚེ་རབས་ལ་སྦྱར་བའི་བསྔོ་ཡིག་མང་།།   ལྟ་གྲུབ་ཀྱི་ནང་ཤེད་གཞུང་དུ་ཤན།། སྒོམ་ཆེན་དེའི་གྲོང་སྡེ་མཚར་ལེ་རེད།།...

      ༄༅། །ཕྱི་ལོ་ ༢༠༡༤ ཟླ་ ༨ ཚེས་ ༢༦ ཉིན་བོད་མིའི་སྒྲིག་འཛུགས་ཀྱིས་བསྡུ་བསྐོང་དང་ཡུ་རོབ་དམིགས་བསལ་དོན་གཅོད་ལས་ཁུངས་ནས་གྲ་སྒྲིག་གནང་ཐོག ཇར་མན་གྱི་གྲོང་ཁྱེར་ཧམ་བྷག་གི་ཨི་ལི་སི་ (HAMBURGHOTEL GRAND ELYSEE) མགྲོན་ཁང་དུ། ཐུན་མོང་གི་གཞི་རྟེན་འཚོལ་བ། ཞེས་པའི་བོད་རྒྱའི་ཚོགས་འདུ་སྐོང་ཚོགས་གནང་ཡོད་པ་ལྟར། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་ཇི་ལྟར་གདན་ཞུའི་གསོལ་འདེབས་ཞུས་དོན་ལྟར་བཀའ་བཞེས་བཟང་པོ་ཐོབ་སྟེ། ཕྱི་ཚེས་ ༢༧ ཉིན་མགོན་པོ་གང་ཉིད་མཆོག་གིས་ཐུན་མོང་གི་གཞི་རྟེན་འཚོལ་བ། ཞེས་པའི་བོད་རྒྱའི་ཚོགས་འདུར་ཡུ་རོབ་དང་། ཨ་རི། ཨེ་ཤི་ཡ། ཨོ་སི་ཊོ་ལི་ཡ་བཅས་ནས་རྒྱ་རིགས་ཤེས་ཡོན་ཅན་དང་། དཔོན་རིགས། ལས་འགུལ་བ། རྩོམ་པ་པོ་སོགས་དང་། དེ་བཞིན་བོད་མིའི་སྒྲིག་འཛུགས་ཀྱི་དཔལ་ལྡན་སྲིང་སྐྱོང་བློ་བཟང་སེང་གེ་མཆོག་གིས་གཙོས་ཕྱི་དྲིལ་བཀའ་བློན་བདེ་སྐྱིད་ཆོས་དབྱངས་མཆོག་དང་། ཡུ་རོབ་དམིགས་བསལ་སྐུ་ཚབ་སྐལ་བཟང་རྒྱལ་མཚན་མཆོག་སོགས་ཁྱོན་མི་གྲངས་ ༧༠ ཙམ་བརྒལ་བ་རྣམས་ལ་བཀའ་སློབ་སྩལ་དོན། དེ་རིང་རྒྱ་རིགས་གྲོགས་པོ་ཚོ་ཉིན་འགའ་ཤས་སྔོན་ནས་ཡོང་བ་ཁྱེད་རང་ཚོ་དང་ཐུག་རྒྱུ་བྱུང་བར་ཧ་ཅང་དགའ་པོ་བྱུང་།...

 ནུབ་ཕྱོགས་ཀྱི་གཟའ་མཇུག་གི་བོད་ཀྱི་སྐད་ཡིག་འཛིན་གྲྭའི་དགོས་མཁོར་གཟས་པ། དམ་ཆོས་བསམ་འཕེལ།  རི་མོ་བ་སློབ་མ་བསྟན་འཕྲིན་ཆོས་མཚོ། (བོད་ནང་།)  ༡༽ འཆར་གཞི་དང་དམིགས་གཟས།      ལོ་རེའི་འཆར་གཞི། སློབ་དུས་ཧྲིལ་པོའི་འཆར་གཞི། གཟའ་འཁོར་གྱི་འཆར་གཞི། སློབ་ཚན་གྱི་འཆར་གཞི། ཆུ་ཚོད་ཀྱི་འཆར་གཞིའི་དམིགས་ཚད་ལས་བྱིས་པའི་སྐད་ཡིག་གི་ཤེས་ཚད་ལ་གཞལ་ཅིང་། སྤུས་ཚད་ལ་ཚོད་དཔོག་བྱས་ཏེ་བོད་ཀྱི་སྐད་ཡིག་སྦྱངས་འབྲས་འགན་ལེན་བྱེད་ཐུབ་པར་འབད་བརྩོན་བྱ་དགོས་པར་མ་ཟད་ལོ་གཅིག་དང་གཉིས། གསུམ་གྱི་རིང་གི་སློབ་མས་སྐད་ཡིག་ཤེས་པའི་ཚད་གཞི་དེ་གཏན་འབེབས་དང་ཁག་ཐེག་བྱ་དགོས་པར་འདོད། དེ་ནི་བོད་ཡིག་བསླབ་གཞི་ཚད་འཛིན་དང་སློབ་དེབ་ཐོག་མའི་རྩ་བའི་ཆ་རྐྱེན་ཡིན་ཞིང་། བསླབ་གཞི་དང་སློབ་དེབ་དེའི་ནང་དོན་གཅིག་པོ་གལ་ཆེ་བར་བརྩིས་ནས་རྒྱལ་རབས་དང་ལོ་རྒྱུས། ནང་ཆོས། བསླབ་བྱ་རྐྱང་རྐྱང་མིན་པར་བོད་ཀྱི་སྐད་ཡིག་གི་རྨང་གཞིའི་ཤེས་བྱ་ལ་དོ་སྣང་ཤུགས་ཆེར་སྤྲད་དེ་སྤྱི་ཚོགས་ཁོར་ཡུག་གི་གནས་བབས་ལ་མཐུན་ཐབས་བྱ་དགོས། དེའི་ཕྱིར། བོད་ཀྱི་སྐད་ཡིག་སློབ་སྦྱོང་དང་ཡར་རྒྱས་གཏོང་ཐབས་ལ་དམིགས་ནས་རྩོམ་རིག་སྣ་མང་གི་ཤེས་བྱའི་སྤྱི་ཁོག་ལ་སྤྲོ་བ་སྐྱེ་རུ་གཞུག་དགོས་པར་སྙམ། དེ་ཡང་ཉིན་རེའི་འཚོ་བ་དང་འབྲེལ་པའི་སྒྲུང་གཏམ་དང་། བྱིས་པའི་སེམས་ཁམས་དང་མཐུན་པའི་རང་མྱོང་གི་མཐོང་ཆོས་དཔེ་ལེན་གྱི་རྩོམ་ཡིག་གོ་སླ་ཞིང་ཀློག་བདེ་བ་དག་གི་མཐུན་རྐྱེན་བསྒྲུབ་དགོས་པ་དེ་རེད། ༢༽སྤུས་ཚད་དང་རྨང་གཞི། དབུ་ཆེན་སྟེ་ཡིག་གཟུགས་གཅིག་གྱུར་ཐོག་བསླབ་གཞི་སླ་བ་ནས་དཀའ་བའི་བར་རིམ་འགྲོས་ཀྱིས་སྔ་ཕྱི་མཚམས་སྦྱོར་བྱས་ནས་རྒྱུན་འཁྱོངས་ཀྱི་དམིགས་ཡུལ་ལ་གཟས་ཤིང་། བོད་ཀྱི་སྐད་ཡིག་གི་རྨིང་གཞི་བརྟན་པོ་གདིང་བཏང་ཏེ་སྐད་ཡིག་གོང་མཐོར་གཏོང་ཐུབ་ལ་འབད་བརྩོན་རྒྱུན་སྲིང་བྱ་ཐུབ་དགོས་པ་རེད། དེ་བཞིན་དུ་ཁ་སྐད་དང་བརྡ་སྤྲོད་གཉིས་ཕན་ཚུན་ལ་ལྟ་རྟོགས་བྱས་ཤིང་། དེ་གཉིས་སྙོམས་པར་བཅུག་ཏེ་ཉིན་རྒྱུན་གྱི་འཚོ་བའི་སྐད་བརྡ་བཀོལ་སྤྱོད་ཀྱིས་བྱིས་པས་སྐད་ཡིག་སྦྱང་བ་ལ་དང་བ་འདྲེན་བཏུབ་དང་། སྤྲོ་བ་འཕེལ་ཐུབ་ཀྱི་སྤོབས་པ་སྐྱེ་རུ་གཞུག་དགོས་པ་དེ་རེད། དེ་དང་བསྟུན་ནས་བོད་སྐད་གཙང་མ་བཤད་ཡུལ་ཞིག་ཡང་ཁྱིམ་ཚང་དང་། སློབ་གྲྭ བོད་ཀྱི་སྤྱི་ཚོགས་རང་ངོས་ནས་དམ་འཛིན་དང་གཅིག་གྱུར་གྱི་ཁོར་ཡུག་ཅིག་བསྐྲུན་དགོས་ཤིང་། བོད་མི་སྒེར་རེ་རེ་ངོས་ནས་བོད་ཀྱི་སྐད་ཡིག་བཀོལ་སྤྱོད་བྱ་རྒྱུར་དོ་སྣང་དང་འགན་ལེན་ནན་ཏན་བྱ་ཐུབ་པ་དགོས་སོ། ༣༽...