པཎ་ཆེན་དྲན་གླུ།

རྩོམ་པ་པོ། སྨན་བླ།

པཎ་ཆེན་ལགས་རིན་པོ་ཆེ། །
ན་ནིང་ཐང་དཀར་རྒོད་པོ་ཞིག །
སྤྲིན་གྱི་བང་རིམ་བརྟོལ་ནས་ནམ་འཕང་བསྟར། །
བདེ་མྱུར་གྱི་གཤོག་འགྱུར་རེ་རེར། །
ཕྲིན་ལས་ཀྱི་འགྱུར་ཁུགས་རེ་རེ། །
ད་ལོ་ནམ་མཁའི་ཐོག་མདའ་བཞིན། །
ཡུལ་ཕྱོགས་གང་ལ་བཞུད། །

པཎ་ཆེན་ལགས་རིན་པོ་ཆེ། །
ཁས་བླངས་བའི་དམ་བཅའ་སུ་ལ་འབུལ། །
ངོ་མཚར་བའི་རྨི་ལམ་སུ་ལ་ཞུ། །
མིག་ཆུའ་ཐིག་པ་རེ་རེ། །
བསམ་ཞིང་བསམ་ཞིང་སེམས་ལ་ལྷུང་། །

པཎ་ཆེན་ལགས་རིན་པོ་ཆེ། །
ན་ནིང་དཀར་གསལ་ཟླ་བ་ཞིག །
གངས་རིའི་དབུ་རྩེ་བརྒྱན་ནས་འཛུམ་ཆུང་གྲོལ། །
འོད་སྣང་གི་ཟེགས་མ་རེ་རེར། །
སྡེབ་གྲོལ་གྱི་སྙན་ངག་རེ་རེ། །
ད་ལོ་ནམ་མཁའི་སྐར་མདའ་བཞིན། །
ཡུལ་ཕྱོགས་གང་ལ་ཕེབས། །

པཎ་ཆེན་ལགས་རིན་པོ་ཆེ། །
དྲི་མེད་པའི་ཁ་བཏགས་སུ་ལ་འབུལ། །
སྙིང་ཁུང་གི་གླུ་དབྱངས་སུ་ལ་ལེན། །
མིག་ཆུའི་ཐིག་པ་རེ་རེ། །
བསམ་ཞིང་བསམ་ཞིང་སེམས་ལ་ལྷུང་། །

པཎ་ཆེན་ལགས་རིན་པོ་ཆེ། །
དྲི་མེད་པའི་ཁ་བཏགས་སུ་ལ་འབུལ། །
སྙིང་ཁུང་གི་གླུ་དབྱངས་སུ་ལ་ལེན། །
མིག་ཆུའི་ཐིག་པ་རེ་རེ། །
བསམ་ཞིང་བསམ་ཞིང་སེམས་ལ་ལྷུང་། །

ཡོང་ཁུངས་དྲ་བ་གཞན།

དཔྱད་མཆན་སྤེལ།

%d bloggers like this: