བེ་རི་འཇིགས་མེད་དབང་རྒྱལ།

སྙན་ངག་པ་བེ་རི་འཇིགས་མེད་དབང་རྒྱལ།

རྩོམ་པ་པོ་བེ་རི་དགེ་བཤེས་འཇིགས་མེད་དབང་རྒྱལ་ལགས།
ཡབ་ཆེན་མཁས་དབང་བློ་བཟང་དོན་འགྲུབ་ཀྱི་དྲུང་ནས་བོད་ཀྱི་ཐ་སྙད་རིག་གནས་ལ་སྦྱངས་པ་མཛད་ཅིང་། རྒྱའི་སློབ་གྲྭ་འབྲིང་བ་ལས་སློབ་ཐོན་བྱས།  ཀླུ་སྦྱིན་དགེ་བཤེས་ཆེན་མོའི་དྲུང་ནས་ཕར་ཕྱིན་གྱི་གཞུང་དང་ལམ་རིམ་སོགས་ལ་སློབ་གཉེར་མཛད།
༡༩༨༧་ནས་དཀར་མཛེས་དགོན་གྱི་ཆོས་རིག་གཉིས་ཀའི་དགེ་རྒན་གྱི་ཕྱག་ལས་གནང་།
༡༩༨༩་ལོར་རྒྱ་གར་དུ་ཕེབས།
༢༠༠༡ལོར་ལྡི་ལི་བོད་ཁང་ཟ་མ་ཏོག་གི་རྩོམ་སྒྲིག་ཚོགས་མི་གནང་།
༢༠༠༣ལོ་ནས་ཨ་མེ་རི་ཁའི་ཨེ་ཌི་ཨ་ན(Indiana)གཙུག་ལག་སློབ་གྲྭ་ཆེན་མོར་ལོ་རྒྱུས་རིག་པའི་ཕྱོགས་ཕེབས་དགེ་རྒན་ཆེན་མོའི་ཕྱག་ལས་གནང་།  ༢༠༠༤ལོར་གཞུང་ལུགས་རབ་འབྱམས་པའི་དགེ་བཤེས་དམ་བཅའ་བཞག
( ༢༠༠༣་ནས་ ༢༠༡༡) ལོའི་བར་དུ་སྐབས་བཅུ་གཉིས་པ་དང་སྐབས་བཅུ་གསུམ་པའི་དགེ་ལུགས་སྤྱི་འཐུས་ཀྱི་ཕྱག་ལས་གནང་།
(༢༠༠༥ནས་༢༠༠༩) ལོའི་བར་དུ་ནོར་གླིང་བོད་ཀྱི་རིག་གཞུང་ཞིབ་འཇུག་ཁང་དུ་ ༧གོང་ས་མཆོག་གི་མཛད་རྣམ་རྩོམ་སྒྲིག་པ་དང་། ནོར་གླིང་མཐོ་སློབ་ཀྱི་དགེ་རྒན་གནང་།
(༢༠༠༧་ནས་༢༠༡༡)  ལོའི་བར་དུ་ཝཱ་ཎཱ་བོད་ཀྱི་ཆེས་མཐོའི་གཙུག་ལག་སློབ་མཉེར་ཁང་དུ་དགོས་འོས་(B.ED)དགེ་རྒན་གྱི་ཕྱག་ལས་གནང་།
(༢༠༠༦་ནས་༢༠༡༡) ལོའི་བར་དུ་ཇན་མན་བྷུན་གཙུག་ལག་སློབ་གྲྭ་ཆེན་མོ་དང་།
(༢༠༠༧)  ལོར་དབྱིན་ལོན་ཨོ་སི་ཧྥོ་ཊི་གཙུག་ལག་སློབ་གྲྭ་ཆེན་མོ། ཧྥ་རིན་སི། བྷེལ་འཇམ། ཨེ་ཊ་ལི་སོགས་སུ་ཆེད་ཕེབས་གནང་ཞིང་། ཁ་ན་ཊ་བྷེ་གོ་ཀོ་ལི་བྷིང་ཡ་གཙུག་ལག་སློབ་གྲྭ་ཆེན་མོར་རྒྱལ་སྤྱིའི་བོད་རིག་པའི་ཞིབ་འཇུག་ཚོགས་ཆེན་དང་། ཨེ་ཊ་ལི་བི་ལོར་ན་ངྷོ་མེ་ན་དགོན་པས་གདན་ཞུས་ལྟར་ཆེད་ཕེབས་གནང་།
༢༠༡༡ལོར་ཨེ་ཊ་ལི་རུ་སེམས་ཁམས་རིག་པ་དང་སྒྱུ་རྩལ་རིག་པའི་ཞིབ་འཇུག་ལྟེ་གནས་ཁང་གསར་འཛུགས་ཀྱི་ཚོགས་མི་བྱས་མྱོང་པ་སོགས་སྔ་ཕྱིར་ཨ་རི་དང་། འཇར་མན། དབྱིན་ཇི།  ཨི་ཊ་ལི་སོགས་ནུབ་ཕྱོགས་རྒྱལ་ཁབ་མང་པོའི་ཚོགས་ཆེན་སྟེང་གདན་ཞུས་བྱུང་བ་ལྟར་ཕེབས་ནས་རྒྱལ་སྤྱིའི་བོད་རིག་པའི་ཞིབ་འཇུག་དང་བོད་ཀྱི་ལོ་རྒྱུས་སློབ་ཁྲིད། ཆོས་དང་རིག་གཞུང་ངོ་སྤྲོད་སོགས་ ཀྱིས་མཚོན་པའི་དཔྱད་བརྗོད་མང་པོ་སྤེལ་མྱོང་།  གཞིས་བྱེས་གཉིས་ཀྱི་གཙོས་ཆོལ་གསུམ་ཆོས་ལུགས་སེར་སྐྱ་རིས་མེད་དང་། དེ་བཞིན་དུ་རྒྱ་བོད་འབྲུག་གསུམ་དང་སྦོ་རི་ཡ། ཨི་ཊ་ལི། འཇར་མན། ཨ་རི། དབྱིན་ཇི་བཅས་རྒྱལ་ཁབ་དང་མི་རིགས་འདྲ་མིན་གྱི་སློབ་མ་སྟོང་ཕྲག་མང་པོ་བསྐྱངས་མྱོང་། དུས་དེབ་དང་ཚགས་པར་སོགས་ཀྱི་སྟེང་དུ་ནང་ཆོས་དང་སྙན་ངག   ལོ་རྒྱུས། དཔྱད་རྩོམ།  སྒྲུང་གཏམ་སོགས་བརྩམས་ཆོས་མང་དུ་སྤེལ་མྱོང་། ད་ལྟའི་བར་དུ་དཔར་སྐྲུན་བྱས་ཟིན་པའི་དེབ་གྲངས་ ༼ ༢༢ ༽  ཙམ་ཡོད།
ད་ལྟ་ཝཱ་ཎ་བོད་ཀྱི་ཆེས་མཐོའི་གཙུག་ལག་མཐོ་རིམ་སློབ་གཉེར་ཁང་དུ་དགེ་རྒན་གྱི་ཕྱག་ལས་གནང་མུས་ཡོད།

ངེད་དྲ་ཚིགས་ཀྱི་ཆོག་མཆན་མེད་པར་རྐུ་འཁྱེར་བརྒྱུད་འགོད་བྱ་མི་ཆོག 

མཆན་ཞོག

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s