གསར་འགོད་པ་འབྲོག་མྱི།            ཨ་རིའི་སྲིད་འཛིན་ཨོ་བྷ་མས་དབུ་ཁྲིད་པའི་འཛིན་སྐྱོང་གཞུང་གིས་བཤད་རྒྱུར། ཨེ་སི་ལམ་རྒྱལ་ཁབ་ཀྱིས་རྩ་འཛུགས་བྱས་པའི་ཐལ་དྲགས་རིང་ལུགས་པས་ཨ་རིའི་གསར་འགོད་པ་ཧྥོ་ལེ་དམར་གསོད་བྱས་པ་དེ་ནི་ཨ་མེ་རི་ཀར་ཐད་གར་འཇིགས་སྐུལ་རྒོལ་རྡུང་བྱས་པ་ཡིན་ཞེས་དང་། ཕོ་བྲང་དཀར་པོའི་རྒྱལ་ཁབ་བདེ་འཇགས་བློ་འདོན་པ་གཞོན་པ་རོའོ་ཚི་ཡིས། དེ་ཚོས་ས་ཁུལ་དེ་དག་ན་ཡོད་པའི་ཨ་མེ་རི་ཀའི་ཁེ་ཕན་དང་། མི་སྣ། སྒྲིག་ཆས་ལ་ཉེན་ཁ་བཟོ་བཞིན་པ་ང་ཚོས་མཐོང་སོང་། གསར་འགོད་པ་ཧྥོ་ལེ་དམར་གསོད་བྱས་པའི་གཏུམ་དྲག་གི་བྱ་སྤྱོད་དེ་ཁོང་མི་སྒེར་ལ་བརྙས་བཅོས་དང་རྒོལ་རྡུང་ཙམ་མིན་པར། དེ་མི་ཨ་མེ་རི་ཀར་རྒོལ་རྡུང་བྱས་པར་ངོས་འཛིན་བྱེད་ཀྱིན་ཡོད། ཨ་རི་མི་དམངས་སྲུང་སྐྱོབ་ཀྱི་ཆེད་དང་། ལྷག་པར་དུ་རྩ་འཛུགས་དེའི་སྤེལ་བའི་འཇིགས་སྐུལ་འདས་པའི་ཟླ་ལས་ལྡབ་འགྱུར་གྱིས་འཕར་ཡོད་པས། ཨ་མེ་རི་ཀས་ཨེ་སི་ལམ་རྒྱལ་ཁབ་ལ་དཔུང་འཇུག་གསར་བ་བྱེད་རྒྱུར་གྲ་སྒྲིག་བྱེད་ཀྱིན་ཡོད་ཅེས་བརྗོད་འདུག འདས་པའི་ཟླ་དྲུག་གི་ནང་ དུ། ཨེ་སི་ལམ་རྒྱལ་ཁབ་དྲག་ཆས་མི་སྣས་ཨེ་རག་གི་བྱང་ཕྱོགས་དང་སེ་རེ་ཡའི་ཤར་ཕྱོགས་ ཀྱི་ས་ཁུལ་མང་ཆེ་བ་སྟངས་འཛིན་བྱས་ཡོད་པ་མ་ཟད། ཨེ་རག་དང་སེ་རེ་ཡའི་བར་རང་དབང་གིས་འགྲོ་འོང་བྱེད་ཀྱིན་པ་རེད། ངེད་དྲ་ཚིགས།...

༄༅།། ཟབ་མོ་དབུ་མའི་ལྟ་བ་དང་འབྲེལ་བའི་དཀའ་གནད་འགའ་ ཚིགས་བཅད་དུ་བསྡེབས་པ་དྲང་སྲོང་ཆེན་པོའི་ ཞལ་གདམས་ནོར་བུའི་དོ་ཤལ། ཁ་བ་ཅན། ལེགས་གསུང་དམ་ཆོས་བདུད་རྩིའི་སྙིང་པོའི་བཅུད།། རྟེན་འབྱུང་ཇི་བཞིན་འདོམས་མཛད་འགྲོ་བའི་གཉེན།། ཟླ་མེད་སྟོན་མཆོག་དམ་པར་ཕྱག་བགྱིས་ཏེ།། ལྟ་བའི་དཀའ་གནད་འགའ་ཞིག་སྤེལ་ལ་སྤྲོ།། དགག་བྱ་ཕྲ་རགས་གནད་ཀྱིས་ཐལ་རང་གི།། ཁྱད་པར་འདོད་ཀྱང་དབུ་མ་རང་རྒྱུད་པའི།། བཞེད་སྲོལ་ཇི་བཞིན་གསལ་བའི་རྒྱབ་རྟེན་གྱི།། ལུང་རིགས་ཡོད་མེད་འགལ་སྤོང་ཆེས་ཆེ་བས།། ཡང་དག་རྒྱུ་མཚན་རྙེད་པ་ཤིན་ཏུ་གཅེས།། རིགས་པའི་རྒྱལ་པོར་གྲགས་པའི་རྟེན་འབྲེལ་གྱི།། གཏན་ཚིགས་འདོད་ཀྱང་རྗེས་ཁྱབ་ནམ་གྲུབ་སྐབས།། བསྒྲུབ་བྱ་གྲུབ་པར་དོགས་ཤིང་དེ་བཞིན་དུ།། གཅིག་དུ་བྲལ་སོགས་བདེན་མེད་གསར་སྒྲུབ་ཀྱི།། རིགས་པ་ཡོད་མེད་དཔྱད་པ་ཤིན་ཏུ་གཅེས།། མིང་རྐྱང་བཏགས་ཡོད་ཙམ་དང་རྟོག་བཏགས་གནད།། དེ་བཞིན་གདགས་གཞིའི་ཚད་མ་ཡོད་མེད་སོགས།། རྟེན་ལྟོས་ཕྲ་མོ་ངེས་ཚེ་སྟོང་པ་ཉིད།། རྟོགས་མིན་གལ་ཆེའི་དཀའ་གནད་ཆེས་མང་བས།། ཕྲ་ཞིབ་བློ་ཡིས་བརྟག་པ་ཤིན་ཏུ་གཅེས།། ཟབ་མོའི་གནས་ལུགས་བདག་མེད་རྣམ་པ་གཉིས།། ཆོས་ཅན་མི་འདྲའི་དབྱེ་སྒོ་བྱས་ཙམ་ལས།། དགག་བྱའི་ངོ་བོར་ཕྲ་རགས་མེད་ཚུལ་དང་།། རྟོགས་པའི་གོ་རིམ་ངེས་ཅན་ཡོད་མིན་ལ།། ལུང་རིགས་དུ་མས་དཔྱད་པ་ཤིན་ཏུ་གཅེས།། སྟོང་དང་རྟེན་འབྱུང་གྲོགས་སུ་ཤར་བ་ན།། སྣང་སྟོང་ཟུང་འཇུག་ལྟ་བ་རྙེད་ལུགས་དང་།། བདེན་པར་གྲུབ་མིན་དཔྱོད་པའི་ཕ་མཐའ་རུ།། ཅི་ཡང་རིགས་པས་དཔྱད་དུ་མི་བཟོད་པའི།། གཏམ་འདི་འགལ་མིན་དཔྱད་པ་ཤིན་ཏུ་གཅེས།།...

 རང་བྱུང་སྣང་ཚུལ་སྐོར་གྱི་གབ་ཚིག                                               ལན། ༡  གཡུ་སྔོ་ལེབ་ཟངས་ཀྱི་མཛེར་མ་ཅན།                                ༡ མཚན་མོའི་ནམ་མཁའ། ༢  ཟངས་ང་གཅིག་གི་ནང་ན་གོ་རེ་དྲོད་འཁྱག་གཉིས།              ༢  ཉི་ཟླ། ༣  ག་ར་མ། གུག་རིས་མ།                                                 ༣  ཆུ་རྒྱུན། ༤  ཁ་མིག་མེད་པའི་ངུ་མཁན་མ།                                       ༤  རླུང་། རྐང་ལག་མེད་པའི་ཐང་ཕྱགས་མ། ༥  ...

དྲ་མིང་ལ་གཅེར་བུ་པ། དངོས་མིང་ལ་ཀརྨ་ཚེ་དཔག་གམ་ཀར་ཚོགས་སུ་འབོད། ༡༩༨༨ལོ་ཁམས་ནང་ཆེན་དུ་སྐྱེས། ༢༠༡༢ ལོ་ནས་བཟུང་སྙུག་ཁ་འཁྱར་འཁྱོར་གྱིས་བཅད་མ་གཙོས་རྩོམ་རིག་འབྲི་བའི་ལས་སུ་ཞུགས་ཤིང་། བོད་ཕྱི་ནང་གི་དྲ་ངོས་མང་དག་ཅིག་ལ་ཟིན་བྲིས་གཉེར་ཞིང་བཅད་མ་གཙོས་རྩོམ་ལུས་ཅི་རིགས་ཀྱི་སྒང་ནས་རྩོམ་རེ་འགའ་སྤེལ། འོད་དཀར་དྲ་ཚིགས་ཀྱི་རྐང་འཛིན་རྩོམ་པ་པོ། ཚོར་བའི་ཕྱི་ནང་། རྣམ་ཤེས་ཁ་ཚར་ཅན་ལ་གཤོག་པ་ཐོགས་དུས།། སུ་ཞིག་བདག་གི་གམ་ན་ལྷོད་ཀྱིས་ཉལ་ཡོད།། ཆར་པ་ཤག་ཤག་བྱོ་བའི་ཉི་མ་འདི་ཚོར།། སྤྲིན་པའི་ཡོལ་བ་སེམས་ཀྱི་ནང་དུ་འཐེན་འདྲ།། ནངས་མོ་རྒྱབ་ཏུ་ནུབ་མོ་ལམ་སང་འཁོར་བའི།། ཁངས་ཚུབ་ནང་དུ་བརྒྱབ་འདྲའི་དུས་སྐབས་མཚར་པོ།། ཞོགས་ཀའི་སྐྱ་རེངས་ལྷན་དུ་ཕར་ལ་བཞུད་ན།། ནམ་མཁའི་བཞིན་རས་འོག་ཏུ་འཛུམ་པར་མི་སྐྲག། ལ་མོ་རེ་རེ་བརྒྱབ་ཀྱང་རྫོགས་མཐའ་མི་འདུག། རྡོག་ཤུགས་ཟད་པའི་སྐྱོ་ངལ་ཁུར་དུ་འདེགས་ཏེ།། རི་བོ་འགུལ་རག་བར་དུ་སྒུག་ནས་བལྟས་པའི།། གྲིམ་པའི་མིག་མདངས་ངོས་སུ་སྐྱོ་ཤས་ལྷུང་འདུག། ནམ་ཟླ་སོས་ཀ་སླེབས་ཀྱང་ལྗང་མདོག་མི་མངོན།། ཚེར་ཕུང་སྐྱ་བོའི་འདབས་ཀྱི་རྩྭ་རྡུམ་ཚོ་གཅིག། རླུང་གིས་ས་གཡུག་གནམ་གཡུག་རེ་ཟུང་བར་ནས།། བྱ་ལྡོམ་ཁྱུ་ཞིག་ཉལ་སའི་ཚང་དུ་ཟགས་སོང་།། ཕྱོགས་དུས་བསྣོལ་བ་འདྲ་བའི་གླུ་ཆུང་ཟ་ཟི།། གཡེར་མོ་ཐང་དུ་ལེན་པའི་ཞག་མ་ཨེ་འཁོར།། དེ་ཚོད་ཕྱི་ནང་གསང་གསུམ་མཉམ་དུ་བསྲེས་ཏེ།། ན་ཚོད་རྒས་དུ་མེད་པའི་ལང་ཚོ་སྦར་ཡོང་།། སྨག་མཐའ་སྐར་མས་བཀྱག་པའི་སྲོད་ཀ་ཁྲ་བོ།། རི་བོ་མཐོ་ཤོས་དེ་ཡི་གམ་ནས་ཚེས་སམ།། སྣང་བ་ལང་ལིང་འདི་ཉིད་སྲབ་ཏུ་བཏང་ན།། ཡོན་ཆབ་མདུན་གྱི་ལྷ་གང་དགྱེས་ཚུལ་མི་རྙེད།། གོམ་སྒྲ་དལ་བུར་འཇགས་པའི་འདུས་མདོ་དེ་རུ།། ཕྱ་བ་ཕུ་མེད་ཅིག་གི་བདག་པོ་ཨེ་ཐོན།།...

དངོས་མིང་ལ་གཡང་འབུམ་འབུམ་ཚེ་རིང་། སྙུག་མིང་ས་ལེ་སྦྲམ། བོད་ཆོལ་གསུམ་གྱི་ཡ་གྱལ་མདོ་སྨད་མཚོ་སྔོན་ཆར་གཏོགས་ཁ་སྒང་ཞེས་པའི་ཞིང་གྲོང་ཞིག་ཏུ་སྐྱེས།  སྡེ་བའི་སློབ་ཆུང་དང་སློབ་འབྲིང་རིམ་པར་འགྲིམས་ཤིང་།  སློབ་འབྲིང་མཐར་ཕྱིན་རྗེས་བོད་ཁམས་ན་སྙན་གྲགས་འབར་བའི་མགོ་ལོག་འཇིགས་མེད་རྒྱལ་མཚན་སྒེར་བཙུགས་སློབ་གྲྭའམ་ཤེས་རིག་ནོར་བུའི་གླིང་དུ་འཛུལ་ནས་སུམ་རྟགས་སྙན་གསུམ་གྱིས་མཚོན་པའི་སྦྱང་གཞི་ཀུན་ལ་འབད་པས་སློབ་གཉེར་བྱས།  ད་དུང་སློབ་གླིང་དེར་བསྟུད་མར་ལོ་གསུམ་ལ་གསུམ་བཟང་སློབ་མའི་བྱ་དགའ་ཐོབ་པ་མ་ཟད།  ༢༠༠༣ལོར་ཕུལ་བྱུང་སློབ་མར་འོས་འདེམ་ཀྱིས་གཟེངས་རྟགས་ཀྱང་ཐོབ་མྱོང་། དེར་ལོ་གསུམ་ལྷག་ལ་སློབ་གཉེར་བྱས་པའི་གྲུབ་འབྲས་སམ་ཡང་ན་བཀའ་དྲིན་མཚུངས་ཟླ་བྲལ་བའི་ཕ་མ་དང་སློབ་དཔོན་རྣམ་པའི་བཀའ་དྲིན་མཚོན་ཆེད་དུ་’ལང་ཚོའི་མཆོད་ཡོན་’ཞེས་པའི་སྙན་དེབ་ཅིག་མི་ཡུལ་ལ་ལེགས་སྐྱེས་སུ་བཏེགས་པ་ཡོད།  ༢༠༠༤ལོར་རྒྱ་གར་ལ་སྐྱབས་བཅོལ་དུ་འབྱོར་ཞིང་ཐོག་མར་སུ་ཇཱ་བོད་ཁྱིམ་སློབ་གྲྭར་ཞུགས།   དེར་འཛིན་གྲྭ་ནང་ཁུལ་གྱི་རྩོམ་ཡིག་འགྲན་བསྡུར་སོགས་སུ་བྱ་དགའ་ཐེངས་དུ་མར་ཐོབ་མྱོང་།  ད་དུང་དེར་བསྡད་པའི་རིང་སློབ་གྲྭའི་གངས་ཟླ་དུས་དེབ་ཀྱི་རྩོམ་སྒྲིག་ལས་རོགས་བྱས།   ༢༠༠༧ལོར་རང་གི་དམིགས་འདུན་ལྟར་ཝཱཎ་དབུས་བོད་ཀྱི་གཙུག་ལག་སློབ་གཉེར་ཁང་དུ་འཛུལ་ཞུགས་ཀྱིས་ཕྱི་ནང་གི་ལྟ་གྲུབ་ཀྱིས་གཙོས་སུམ་རྟགས་སྙན་གསུམ་དང་ལེགས་སྦྱར་སོགས་ལ་སློབ་གཉེར་བྱས་ཤིང་།སློབ་ཞོར་དུ་སློབ་གྲྭའི་དུས་དེབ་ཝཱཎའི་རིག་རླབས་ཀྱི་རྩོམ་སྒྲིག་པ་དང་ཇུས་འགོད་པའི་ལས་གནས་ཐད་བསྟུད་མར་ལོ་ལྔ་ལྷག་ལ་ལས་ཀ་བྱས། མ་ཟད།སློབ་གྲྭའི་རྩོམ་ཡིག་འགྲན་བསྡུར་དང་ལྷག་པར་དུ་༢༠༡༡ལོར་གངས་ལྗོངས་གེ་སེར་ཚང་གིས  ་’གངས་རིའི་མགོན་པོ་དང་གངས་ཅན་པ་’ ཞེས་པའི་ཁ་བྱང་ཐོག་བྱེས་ཀྱི་རྩོམ་པ་པོ་ཡོངས་ལ་དམིགས་པའི་གཞི་རྒྱ་ཆེ་བའི་རྩོམ་ཡིག་འགྲན་བསྡུར་ཁྲོད་བྱ་དགའ་ཨང་དང་པོ་ཐོབ།༢༠༡༤ལོའི་ཟླ་༥བའི་ཟླ་མཇུག་ཏུ་དེ་གའི་བསྟན་བཅོས་སློབ་རིམ་ཡོངས་སུ་མཐར་སོན་ཞིང་། ད་ལྟ་སྐར་ཁུང་བོད་ཀྱི་རྩོམ་སྒྱུར་དྲྭ་བའིི་རྒྱ་ཡིག་རྩོམ་སྒྱུར་དང་འོད་དཀར་དྲ་ཚིགས་ཀྱི་རྐང་འཛིན་རྩོམས་པ་པོ་ཡིན། ངེད་དྲ་ཚིགས...

དངོས་མིང་།  གཟུངས་འདུས་སྐྱིད། སྨྱུག་མིང་།  སྐལ་གསུམ་སྲིང་མོ། སྐྱེས་ཡུལ། རྡོ་སྦིས། ཕྱི་ལོ་༢༠༠༣ལོར་བཙན་བྱོལ་དུ་འབྱོར་ནས་སུ་ཇཱ་བོད་ཁྱིམ་དང་ས་རཱ་མཐོ་རིམ་སློབ་གཉེར་ཁང་ནས་སློབ་མཐར་ཕྱིན། དེའི་རིང་དུ་«ཟམ་པ་»དང་«གངྒཱའི་བཞད་སྒྲ»འི་རྩོམ་སྒྲིག་པ། མ་ཡུམ་ཚགས་པར་གྱི་རྐང་འཛིན་རྩོམ་པ་པོ། རྒྱལ་སྤྱིའི་པེན་བོད་ཀྱི་རྩོམ་པ་པོའི་མཐུན་ཚོགས་ཀྱི་རྩོམ་སྒྲིག་པ། ནོར་གླིང་བོད་ཀྱི་རིག་གཞུང་ཞིབ་འཇུག་ལྟེ་གནས་ཀྱི་ཉམས་ཞིབ་པ། སྔ་ཕྱིར་ལྷུག་རྩོམ་གཙོ་བྱས་པའི་རྩོམ་ཡིག་བརྒྱ་ཕྲག་ལྷག་བོད་ཕྱི་ནང་གི་དུས་དེབ་དང་ཚགས་པར། དྲ་རྒྱ་བཅས་སུ་སྤེལ་བ་དང་རྩོམ་ཡིག་འགྲན་སྡུར་གང་མང་ཁྲོད་རྩེ་སོན་གྱི་བྱ་དགའ་ཐེངས་མང་ཐོབ་མྱོང། བརྩམས་ཆོས་ལ་«རིགས་ཞེན་གྱི་འབོད་བརྡ»དང་«བརྩེ་བའི་ཤ་ཁྲག»  «རང་རྟོགས»བཅས་དེབ་ཕྲེང་གསུམ་ཡོད། འོད་དཀར་དྲ་ཚིགས་ཀྱི་རྐང་འཛིན་རྩོམ་པ་པོ་ཡིན། ལྟད་མོ་བ། མིག་ཆུ་མ་འདོན།                    གཅིག ལས་དབང་གི་མཇལ་འཛོམས་ཐེངས་ཤིག ང་ཚོར་ཐོབ་ཅིང གཞན་དབང་དང་ངན་ངོན་གྱི་འཚོ་བའི་བར་སྲུབས་ནས རང་ཉིད་ཀྱི་བགྲོད་ལམ་རང་ཉིད་ལ་བདག་པས ལྟད་མོ་བ  མིག་ཆུ་མ་འདོན ལང་ཚོའི་སྤུ་ཉག་རེ་རེ་རིམ་གྱིས་ཡལ་འགྲོ། གཉིས། དྲང་བདེན་གྱི་རྒྱུ་ཆས་སྟོང་པའི་ཟློས་གར་རེ་རེ ཁོ་མོའི་སེམས་ཀྱི་ཕྱི་ཐག་ཅིག་ལས འཁྲབ་གཞུང་མི་སྣ་ཞིག་གི སྒྱུ་རྩལ་དང་ཀུན་ནས་མཚུངས་ཕྱིར ལྟད་མོ་བ  མིག་ཆུ་མ་འདོན...