སྤོ་ཆུང་ཚང་དོན་གྲུབ་ལྷ་དར།           སྐྱི་ཡ་བའི་རོ་སྒམ་རེའི་ནང་དུ་ཆ་མ་ཚང་བའི་སྐུ་ཕུང་རེ་ནང་མིའི་ལག་ཏུ་མིག་ཆུས་བརླན་ཞིང་འབྱོར།  མི་ཡུལ་གྱི་བྱམས་བརྩེ་དང་རྣམ་དཔྱོད་ཀྱི་འགྲུལ་བཞུད་པ་ཞིག་གློ་བུར་དུ་འདི་ ལྟར་འཇིགས་རྟེན་འདི་ནས་ཁ་བྲལ་བ་ནི། ནད་ཅོང་དང་ཉམས་ཐག་ཁྲི་འབུམ་ལ་ཇི་འདྲའི་གསབ་མི་ཐུབ་པའི་གྱོང་གུད་ཅིག་དང་། བཟོད་མི་ཐུབ་པའི་སྐྱོ་གདུངས་རིང་མོ་ཞིག  སྐྱེས་མཆོག་ཇཱོ་སིབ་མཱ་རི་ཨལ་བྷར་ཊི་ལཱན་ཇེ་Joseph Marie Albert Lange མཆོག་རང་གི་འཁྲུངས་ཡུལ་ཧོ་ལན་ཌ་ནས་ཨོ་སི་ཊི་རེ་ལི་ཡར་རྒྱལ་སྤྱིའི་ཨེཌ་ཙེའི་ ལྷན་ཚོགས་ཐེངས་ཉི་ཤུ་པར་ཨེཌ་ཙེ་སྔོན་འགོག་བཅོས་ཐབས་ཀྱི་ཞིབ་འཇུག་བརྗེ་ལེན་ ཆེད་ཕེབས་པའི་ལམ་བར་དུ་དགུང་ལོ་ ༥༩ ཐོག་ཕྱི་ལོ་༢༠༡༤། ༧། ༡༧ ཉིན་ཡུཀ་རན་དང་ཨུ་རུ་སུའི་ས་མཚམས་ལ་མཱ་ལེ་ཤི་ཡའི་གནམ་གྲུ་ཨེམ་ཨེཆི་ ༡༧ པ (MH17 ) རྟགས་ཅན་བཀས་འཐོར་གཏོར་ལྷུང་གི་དོན་རྐྱེན་ཁྲོད་འགྲུལ་པ་ ༢༩༨ དང་མཉམ་དུ་སྐུ་སྲོག་ཤོར། སྐྱེས་མཆོག་ཁོང་གིས་ད་བར་ཨེཌཚེ་ནད་གཞི་སྔོན་འགོག་དང་བཅོས་ཐབས་ཐོག་ཞིབ་འཇུག་ གི་ཕྱག་ལས་རླབས་ཆེན་གནང་བཞིན། ནད་བཅོས་ཞིབ་འཇུག་དང་། སྔོན་འགོག་ལམ་སྟོན་གྱི་བྱམས་བརྩེ་མཐའ་དབུས་མེད་པར་སྦྱིན།...

ཆུ་ལ་མེ་ཤོར་བ། དཔའ་ཆེན་དང་ཉི་སྐྱལ་ཞེས་ལབ་ན་སུས་ཀྱང་མི་ཤེས་མཁན་མེད་ཅིང་། ཁོ་གཉིས་ནི་རིག་པ་ཤིན་ཏུ་སྐྱོ་ལ་ཨུ་ཚུགས་ཅན་ཞིག་ཀྱང་ཡིན། ཉིན་གཅིག་ཁོ་གཉིས་མཉམ་དུ་གླིང་ཁ་གཏོང་བ་དང་གླིང་ཁའི་ནང་གི་རྫིང་ཆུར་ཉ་ཡོད་ པར་ལྟ་བར་བསྐྱོད། ཁོ་གཉིས་གླིང་ཁའི་ནང་སླེབས་པ་དང་རྫིང་ཆུ་ལྟ་སྐབས། དེའི་ནང་ཉ་འདྲ་མིན་སྣ་ཚོགས་ཡོད་པ་རྣམས་མཐོང་འཕྲལ་དཔའ་ཆེན་གྱིས་སྐད་ཤུགས་ ཆེན་པོས། “དཔེ་བསགས་སོང་། ད་དཔེ་བསགས་སོང་། རྫིང་ཆུ་འདི་ལ་མེ་ཤོར་བ་ཡིན་ན་ཉ་འདི་ཚོ་བྲོས་ས་མི་འདུག” ཅེས་ལབ་པར། ཉི་སྐྱལ་གྱི་ཁོ་ལ། “ལྐུགས་པ་རང་རེད། རྫིང་ཆུར་མེ་ཤོར་ཡང་ཉ་རྣམས་ཤིང་སྡོང་ཆེན་པོ་ཕ་གིའི་རྩེ་ལ་འབྲོ་ཡི་རེད།” ཅེས་ལབ་པར། དེ་ལ་དཔའ་ཆེན་གྱིས་གདོང་པ་ནག་པོ་བསྟན་ཏེ། “སྐྱག་ལྐུགས་ཁྱེད་རང་རེད། ཉ་ཤིང་གི་རྩེ་ནས་མར་འཛག་གི་མ་རེད་དམ། ཉ་ཤིང་གི་རྩེ་ལ་འགྲོ་ཐུབ་པ་དེ་འདྲ་གཡག་ནི་མ་རེད།” ཅེས་ལབ་པར་གཡས་གཡོན་གྱི་མི་རྣམས་གད་མོ་མི་ཤོར་ཀ་མེད་བཟོས་པ་རེད། འཆམ་འཆམ་འགྲོ་བ། རྒན་ཉི་མ་ལགས་ལ་དགེ་ཕྲུག་ཅིག་ཡོད། ཁོ་ཉིད་ལ་རྒན་ལགས་ཀྱིས་རྟག་པར་སློབ་སྦྱོང་དང་ལས་ཀ་ཚར་བའི་རྗེས། ངས་ཁྱེད་རང་འཆམ་འཆམ་ལ་འཁྲིད་ཆོག་ཟེར་བ་ལས་ཉིན་གཅིག་ཀྱང་འཁྲིད་མྱོང་མེད། ཉིན་ཞིག་ཁོང་ཚོ་གཉིས་ལྷན་དུ་གཙུག་ལག་ཁང་ལ་ཞབས་སྐོར་རྒྱག་པར་ཕྱིན། སྐབས་དེར་ལམ་ཟུར་ཕར་ཕྱོགས་དེར་མི་ཤི་བའི་རོ་ཞིག་འཁྱེར་ཡོང་བ་མཐོང་བ་དང་། རྒན་ལགས་ཀྱིིིས་དེ་མཁྱེན་བཞིན་དུ་དགེ་ཕྲུག་དེར། “ཁོ་རེ་ལྟོས་དང་། ཕ་གི་ག་རེ་འཁྱེར་འགྲོ་བ་རེད་དམ།”ཞེས་དྲིས་པར་དགེ་ཕྲུག་དེས། “རྒན་ལགས་ཕ་ཡི་སློབ་སྦྱོང་དང་ལས་ཀ་ཚང་མ་ཚར་ནས་འཆམ་འཆམ་ལ་འགྲོ་ཡི་ཡོད་པ་རེད།”ལབ་པར། རྒན་ཉི་མ་ལགས་ཅི་ལབ་འདི་ལབ་མི་ཤེས་པར་ལུས་སོ། ཡོང་ཁུངས་གཞན།  ཡི་གེ་བ་གྲུ་ལྷོ་སྐལ་བཟང་ཕུན་ཚོགས།...

སྟར་ཀ་ལགས། གཞས་ཚིག རྩོམ་པ་པོ། དམངས་ཁྲོད། གཞས་གདངས། དམངས་ཁྲོད། ལེན་མཁན། བསྟན་པ་དབང་མོ། སྟར་ཀ་ལ་ནས་ཡོ། ། སྟར་ཀ་རྡོ་གཅིག་གཞུས་པས། ། སྟར་ཀ་ལ་ནས་ཡོ། ། ཉི་ཤུ་ས་ལ་ཟགས་སོང་། ། སྟར་ཀ་ལ་ནས་ཡོ། ། སྟར་ཀ་རྡོ་གཅིག་གཞུས་པས། ། སྟར་ཀ་ལ་ནས་ཡོ། ། ཉི་ཤུ་ས་ལ་ཟགས་སོང་། ། སྟར་ཀ་ལ་ནས་ཡོ། ། བཅུ་དགུ་ག་ལེར་བཞུགས་དང་། ། སྟར་ཀ་ལ་ནས་ཡོ། ། སྟར་ཀ་རྡོ་གཅིག་གཞུས་པས། ། སྟར་ཀ་ལ་ནས་ཡོ། །...

ཧི་མ་ལ་ཡའི་སྲས་མོ།གཞས་ཚིག རྩོམ་པ་པོ། ཚེ་རིང་བཀྲ་ཤིས།  གཞས་གདངས། འཇམ་དབྱངས་བསྟན་འཛིན།ལེན་མཁན། གཡང་ཕྱུག་མཚོ། མ་འདྲིས་སེམས་ཀྱི་མདུན་པ། །འདྲིས་ན་དགའ་རོགས་སྐྱོ་རོགས། །ཧི་མ་ལ་ཡའི་སྲས་མོ། །སྙིང་སྡུག་གཡུ་ཆུང་དྲུག་དཀར། ། ཡིད་འཕྲོག་ལྷ་མོ་ལྷ་རེད། །ལྷ་ཡུལ་གང་གི་གང་རེད། །ཧི་མ་ལ་ཡའི་སྲས་མོ། །ཉི་མའི་འོད་ལ་བྱོན་ཡོད། ། གངས་རི་མཐོན་པོའི་རྩེ་ལ། །སྤྲིན་དཀར་བང་རིམ་དབུས་ལ། །ལང་ཚོ་གར་གྱིས་འཁྱུག་པའི། །ཧི་མ་ལ་ཡའི་སྲས་མོ། ། བཞིན་བཟང་གཤིས་འཇམ་གཅིག་ལ། །ཁྲེལ་ཡོད་དམ་ཚིག་གཉིས་ལ། །ཧི་མ་ལ་ཡའི་སྲས་མོ། །མཁའ་མཐའི་སྤྲིན་པ་དམར་པོ། ། བོད་ཡུལ་ཁྲོམ་ཆེན་དབུས་ན། །བརྒྱ་ཚོགས་སྟོང་འདུས་གཙུག་རྒྱན། །ཧི་མ་ལ་ཡའི་སྲས་མོ། །བདག་པོ་གང་འདོད་མ་གནང་། ། གངས་རི་མཐོན་པོའི་རྩེ་ལ། །སྤྲིན་དཀར་བང་རིམ་དབུས་ལ། །ལང་ཚོ་གར་གྱིས་འཁྱུག་པའི། །ཧི་མ་ལ་ཡའི་སྲས་མོ། ། གངས་རི་མཐོན་པོའི་རྩེ་ལ། །སྤྲིན་དཀར་བང་རིམ་དབུས་ལ། །ལང་ཚོ་གར་གྱིས་འཁྱུག་པའི། །ཧི་མ་ལ་ཡའི་སྲས་མོ། །...