གཅན་མེ་ཏོག  ༼མཚོ་ནུབ༽ སྲིན་པོ་རྫ་རིའི་རྔམ་ཟིལ་ཁྲོད མེ་ཏོག་གློ་ཁ་ཞིག་མངོན་ཆུང་གིས་བཞད་པ་ནི སྤྱན་གྱི་མེ་ཏོག    སེམས་ཀྱི་མེ་ཏོག ལས་དབང་དབྱངས་སུ་གྲུབ་པའི་མཛེས་སྡུག མཛེས་སྡུག་བྱེ་བ་བརྒྱ་ཕྲག་ལས་འོད་དུ་འཚེར་བ་དེ མུན་པ་ནི་འཇིག་རྟེན་གྱི་གྱོན་གོས་ཡིན་ཡང ང་ལ་མི་དགོས སྤྲིན་པ་ནི་ནམ་མཁའི་རྒྱན་ཆ་ཡིན་ཡང ང་ལ་དེའང་མི་དགོས མུན་པ་དང་སྤྲིན་པ་མཐའ་དག་རྒྱང་དུ་དོར་ཤུལ་དུ ང་ལ་དུས་ཚིགས་ཞེས་པ་ཞིག་ཡོད་པས་ཆོག ཤ་ཁྲག་སྒྱུ་མའི་ལུས་ཀྱི སྐྱེ་རྒ་ན་འཆི་ལྟ་བུའི དགའ་སྐྱོ་ཆགས་སྡང་བཞིན་གྱི དུས་ཚིགས་བཞི་བོ་ཡོད་པས་ཆོག རང་བྱུང་ཁམས་ཆེན་མོའི་སྨྲ་སྒོ་འགག་པ་བཞིན མཛེས་སྡུག་ཡོད་ཚད་རྨང་ནས་ཞིག་ནའང སྤྱན་གྱི་མེ་ཏོག་ལ་ལྷན་པ་མི་དགོས་ལ འཇའ་ཚོན་ལྟ་བུའི་སྒེག་ཆོས་ཀྱང་ག་ལ་དགོས་ཏེ ངས་འཚོལ་བཞིན་པ་གཟུགས་མེད་ཀྱི་ཁ་དོག་དམར་པོ་ཞིག ཆུ་མོར་རྣམ་ཤེས་འཁོར་མི་སྲིད་ན རྡོ་བར་ཚེ་སྲོག་ཐོགས་མི་སྲིད་ན འཇམ་མཉེན་དང་སྲ་མཁྲེགས་ཀྱི་ཚོར་བ་དག་ཀྱང...

ཁ་བའི་འབྲོག་མོ། གངས་དང་རི་ཆུའི་དྭངས་གཙང་གཉེར་ཡོད།། ཕ་མ་སྤུན་གྱི་བརྩེ་སེམས་སྒོམ་ཡོད།། འགྲོ་ཁའི་མིག་ཆུ་སེམས་ལ་བཞུར་ཡོད། ། ད་དུང་ཅི་ཞིག་སྐྱུར་བ་འདྲ་བྱུང་།། འཕྲུལ་གྱི་རྨི་ལམ་ངག་ལ་བཅོལ་ཡོད།། འཇགས་མེད་དུངས་པ་དབྱངས་ལ་འཁོར་ཡོད།། ལྷད་མེད་འཛུམ་མདངས་གངས་ལ་སིམ་ཡོད།། ད་དུང་ཅི་ཞིག་ཞེ་ལ་གཉེར་ཡོད།། སྙིང་གཏམ་དམར་པོ་རི་མོར་ཕབ་ཡོད།། དྲན་པའི་ཚོར་བ་ཉིན་རེར་མྱངས་ཡོད།། དམངས་ལ་དགའ་བའི་རང་གཤིས་བཞག་ཡོད།། ད་དུང་ཅི་ཞིག་བོར་བ་འདྲ་བྱུང་།། ༢༠༡༤། ༠༨ ། ༡༥ ངེད་དྲ་ཚིགས།...

སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཡུ་རོབ་ཏུ་གནས་སྡོད་བོད་རིགས་ཁག་གཅིག་ལ་ལམ་སྟོན་བཀའ་སློབ་སྩལ་བ།     ༄༅། །ཕྱི་ལོ་ ༢༠༡༤  ཟླ་ ༨ ཚེས་ ༢༤ ཉིན་གྱི་ཕྱེད་ཡོལ་ཆུ་ཚོད་ ༡ ཐོག་༸གོང་ས་༸སྐྱབས་མགོན་ཆེན་པོ་མཆོག་གིས་ཇར་མན་གྲོང་ཁྱེར་ཧམ་བྷག་ཏུ་ཡུ་རོབ་ རྒྱལ་ཁབ་ཁག་གཅིག་ནས་ཆེད་བཅར་ཞུས་པའི་བོད་རིགས་ ༦༠༠ བརྒལ་བར་ལམ་སྟོན་བཀའ་སློབ་སྩལ་དོན། ང་ཚོ་གངས་ཅན་པ་ཆོས་གྲོགས་རྒན་བྱིས་ཕོ་མོ་དེ་རིང་ཚོ་འདི་གར་ཁྱུག་ཙམ་ཐུག་ རྒྱུ་བྱུང་བར་ཧ་ཅང་དགའ་པོ་བྱུང། ཚང་མར་འཚམས་འདྲིའི་བཀྲ་ཤིས་བདེ་ལེགས་ཡོད། ང་ཚོ་བཙན་བྱོལ་བ་ཆགས་ཏེ་མི་ལོ་ ༥༥ ལྷག་འགྲོ་གི་ཡོད། གཙོ་ཆེ་ཤོས་བོད་ནང་ཡོད་པའི་གཞིས་ལུས་རྒྱ་ཆེའི་མི་མང་རྣམས་དངོས་གནས་ལྷག་བསམ་ དང་སྙིང་སྟོབས་འགྱུར་བ་མེད་པར་བསྡད་ཡོད། མི་རབས་བརྗེ་འགྲོ་བཞིན་ཡོད་ཀྱང་མི་རབས་གསར་པ་ཚོ་ཧ་ལས་པའི་སེམས་ཤུགས་དང་བོད་ མི་རིགས་ཀྱི་ཞེན་ཁོག་ཧ་ཅང་ཡག་པོ་འདུག ང་ཚོས་རང་ཉིད་ཀྱི་མི་རིགས་ལ་ཞེན་ཁོག་བྱེད་རྒྱུ་དེ་རྒྱུ་མཚན་ལྡན་པ་ཞིག་རེད། སྤྱིར་བཏང་འཛམ་གླིང་འདིའི་ཐོག་མི་རིགས་འདྲ་མིན་མང་དག་ཅིག་ཡོད། མང་ཆེ་བ་ཞིག་ལ་ཡི་གེ་མེད། ལཱ་ཌན་ཨ་མི་རི་ཀ་དང་ལྷོ་ཨ་མི་རི་ཀ། དེ་བཞིན་ཨ་རིའི་ནང་དུ་ཡང་གདོད་མའི་མི་རིགས་ཡོད། འོན་ཀྱང་ཡི་གེ་ཡོད་པ་ཧ་ལམ་མེད། ང་ཚོ་བོད་པ་ནི་ལོ་སྟོང་ཕྲག་ཕྱིན་པའི་མི་རིགས་ཤིག་ཡིན་པ་མ་ཟད། རང་ཉིད་ལ་ཡི་གེ་ཡང་ཡོད། ལྷག་པར་དེང་སྐབས་དངོས་ཡོད་ཀྱི་གནས་ཚུལ་ལ་འཛམ་གླིང་འདིའི་ཐོག་དཔལ་ན་ལེནྡྲའི་...