August ༢༧, ༢༠༡༤

གསར་འགྱུར། -0 Minutes

ཤེས་ཡོན་སྲིད་བྱུས་ཕྱག་བསྟར་གནང་ཕྱོགས་ལ་་་་

༄༅། །ཕྱི་ལོ་ ༢༠༡༤ ཟླ་ ༨ ཚེས་ ༢༧ ཉིན་རྡ་ས་གངས་སྐྱིད་ལས་བྱེད་གསོལ་ཐབ་ཡང་སྟེང་གཉའ་ཁྲི་ཚོགས་ཁང་ནང་བོད་མིའི་ སྒྲིག་འཛུགས་ཤེས་རིག་ལས་ཁུངས་ཀྱི་ཤེས་ཡོན་སྲོལ་རྒྱུན་ཚན་པས་གོ་སྒྲིག་ཐོག་ ཤེས་ཡོན་སྲིད་བྱུས་ཕྱག་བསྟར་གནང་ཡུལ་སློབ་ཁག་གི་སློབ་སྤྱི་དང་དགེ་ཆེའི་ དམིགས་བསལ་ཚོགས་འདུ་དབུ་འཛུགས་གནང་སོང་། དེ་ ཡང་སྔ་དྲོ་ཆུ་ཚོད་ ༩།༣༠ ཐོག་སྐུ་མགྲོན་གཙོ་བོ་ཤེས་རིག་དྲུང་ཆེ་རྣམ་གཉིས་དང་། ཤེས་རིག་ལས་ཁུངས་ཀྱི་ཚན་པ་ཁག་གི་འགན་འཛིན་རྣམ་པ། འབྲེལ་ཡོད་ལས་བྱེད། སམ་བྷོ་ཊའི་འགན་འཛིན། རྡ་ས་བོད་ཁྱིམ་གྱི་ཤེས་ཡོན་འགན་འཛིན། ལ་དྭགས་བོད་ཁྱིམ་གྱི་སློབ་སྤྱི་དང་། ལ་དྭགས་ཧན་ལེ་བོད་ཁྱིམ་གྱི་དགེ་ཆེ། སམ་བྷོ་ཊའི་ཁྱབ་ཁོངས་སློབ་གྲྭ་ཁག་གི་སློབ་སྤྱི་དང་དགེ་ཆེ། ཨ་རིའི་ཐེབས་རྩའི་སྦོབ་ལགས་བཅས་ཁྱོན་མི་གྲངས་ ༤༠ ཙམ་ལྷན་འཛོམས་ཐོག་སྐུ་མགྲོན་གཙོ་བོས་སྣང་གསལ་ཞལ་འབྱེད་དང་། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུ་པར་མཐོང་གྲོལ་རིན་པོ་ཆེར་ རྟེན་འབྱུང་མཇལ་དར་སྒྲོན་འབུལ་ཞུས་གྲུབ་མཚམས་བོད་རྒྱལ་ཁབ་དང་མི་རིགས་ཀྱི་ ཆེད་དུ་སྐུ་སྲོག་བློས་བཏང་གནང་མཁན་རྒྱལ་གཅེས་པ་རྣམས་ལ་རྗེས་དྲན་ཆེད་སྐར་མ་ གཅིག་རིང་ངག་བཅད་གུས་འདུད་ཞུས། དེ་ནས་ཤེས་རིག་དྲུང་ཆེ་སྟོབས་རྒྱལ་ཚེ་རིང་ལགས་ཀྱིས་ཕེབས་བསུའི་གསུང་བཤད་ གནང་དོན། དེ་ རིང་འདིར་ཕེབས་པའི་སམ་བྷོ་ཊའི་ཁྱབ་ཁོངས་སློབ་གྲྭ་ཁག་གི་སློབ་སྤྱི་དང་དགེ་ཆེ་རྣམ་པ། དེ་བཞིན་ལ་དྭགས་བོད་ཁྱིམ་ནས་ཕེབས་པའི་དགེ་ཆེ་རྣམ་པ།...
དེ་ལས་མང་པ།
བྱིས་པའི་ཤེས་བྱ། -2 Minutes

སངས་རྒྱས་ཀྱི་མཛད་རྣམ་མདོར་བསྡུས།

རི་མོ་བ། ཚེ་བརྟན།                     ང་ཚོ་ནང་པའི་ཆོས་ཐོག་མར་གསུང་མཁན་སྟོན་པ་ཤཱཀྱ་ཐུབ་པ་འཇིག་རྟེན་འདིར་མ་ཕེབས་པའི་གོང་དུ། དགའ་ལྡན་ལྷ་ཡུལ་དུ་ལྷའི་བུ་དམ་པ་ཏོག་དཀར་ཞེས་པ་དེ་ཡིན། ལྷ་ཡུལ་དུ་ཁོང་གིས་དགའ་ལྡན་གྱི་ལྷ་རྣམས་ལ་ཆོས་གསུངས་ཏེ་བཞུགས། དེ་ནས་སྔོན་གྱི་སྨོན་ལམ་གྱི་དབང་གིས་འཛམ་བུ་གླིང་གི་མི་རྣམས་ཚེ་ལོ་བརྒྱ་པའི་སྐབས་ཀྱི་གདུལ་བྱ་རྣམས་འདུལ་བའི་དུས་ལ་བབས་པར་གཟིགས་ནས། རྗེ་བཙུན་བྱམས་པ་མགོན་པོ་རྒྱལ་ཚབ་ཏུ་བསྐོས་ཏེ་གླང་ཆེན་ཐལ་ཀར་མཆེ་བ་དྲུག་ཡོད་པ་ཞིག་གི་ཚུལ་དུ་ཡུམ་སྒྱུ་མ་ལྷ་མཛེས་ཀྱི་ལྷུམས་སུ་ཞུགས་པདང༌། སྐབས་དེར་བཀྲ་ཤིས་པའི་རྟགས་མཚན་མང་པོ་བྱུང་བ་རེད། སྟོན་པ་ཤཱཀྱ་ཐུབ་པ་ནི་ཕྱི་ལོའི་སྔོན་གྱི་ལོ་ ༥༤༤ ལོར་རྒྱ་གར་གྱི་རྒྱལ་ཕྲན་སེར་སྐྱའི་གྲོང་ཁྱེར་དུ་ཡབ་རྒྱལ་པོ་ཟས་གཙང་མ་དང་ཡུམ་སྒྱུ་མ་ལྷ་མཛེས་གཉིས་ཀྱི་སྲས་སུ། ལུམྦི་ནིའི་ཚལ་དུ་(དེང་སང་བལ་པོའི་མངའ་ཁོངས་)ས་ག་ཟླ་བའི་ཚེས་བཅོ་ལྔའི་ཉིན་སྐུ་འཁྲུངས། སྐུ་འཁྲུངས་ནས་ཞག་བདུན་གྱི་རྗེས་ཡུམ་སྐུ་གཤེགས་པས་སྐྱེ་དགུའི་བདག་མོ་སོགས་མ་མ་བརྒྱད་ལ་གཏད་ནས་སྐྱེད་སྲིང་གནང༌། ཁོང་གི་རིགས་ནི་རྒྱལ་རིགས་དང་རུས་ནི་གོའུ་ཏ་མའམ་ཤཱཀྱའི་རིགས་ཡིན་ནོ། །
སྐུ་འཁྲུངས་མ་ཐག་ཕྱོགས་བཞི་ལ་གོམ་པ་བདུན་བདུན་སྤོས་པའི་ཤུལ་དུ་མེ་ཏོག་པདྨ་རེ་རེ་བཞད་ཅིང་། ཁོང་གི་གསུང་ཐོག་མ་ནི། ང་ནི་འཇིག་རྟེན་འདི་ན་མཆོག་ཅེས་གསུངས། མཚན་མཁན་དྲང་སྲོང་ཨ་སི་ཏ་ཟེར་བས་སྐུ་ལུས་ཀྱི་ཁྱད་ཆོས་ཁག་ལ་བརྟག་དཔྱད་གནང་ སྟེ་བུ་འདི་ཁྱིམ་དུ་བཞུགས་ན་འཁོར་ལོས་བསྒྱུར་བའི་རྒྱལ་པོ་དང་། རབ་ཏུ་བྱུང་ན་འཚང་རྒྱ་བར་འགྱུར་རོ་ཞེས་ལུང་བསྟན་གནང༌། སྐུ་ཆུང་དུས་ཀྱི་མཚན་ལ་གཞོན་ནུ་དོན་གྲུབ་ཟེར་ཞིང་། རིམ་བཞིན་ལང་ཚོ་རྒྱས་ཏེ་སློབ་དཔོན་ཀུན་གྱི་བཤེས་གཉེན་དང༌། ཡིག་མཁན་སྲིན་བུ་གོ་ཆ། ཞང་པོ་བཟང་པོ་ལེན་སོགས་ལས་ཡི་གེ་སོགས་རིག་པའི་གནས་དང༌། སྒྱུ་རྩལ་སྣ་ཚོགས་ལ་སྦྱངས། ཉིན་ཞིག་གཞོན་ནུ་དོན་གྲུབ་ཤིང་ཛམ་བུའི་འཁྲི་ཤིང་གི་འོག་ཏུ་སྒོམ་ལ་བཞུགས་ནས་ཉི་མ་ཕྱི་དྲོའི་དུས་སུ་ཡང་གྲིབ་ནག་གིས་ཁོང་གི་སྐུ་ལུས་མ་བང་བར་བསྡད་ཡོད་པ་ཡབ་རྒྱལ་པོ་སོགས་ཀྱིས་མཐོང་ནས་ངོ་མཚར་སྐྱེས། ཁོང་གིས་རྒྱུན་དུ་འགྲོ་བ་སེམས་ཅན་གྱི་སྡུག་བསྔལ་ལ་ཐུགས་བསམ་བཞེས་བཞིན་པ་ཡབ་རྒྱལ་པོས་མཁྱེན་ཏེ་རབ་ཏུ་བྱུང་བར་དོགས་པ་སྐྱེས་ནས་གྲགས་འཛན་མ་བཙུན་མོར་བསུས་ཏེ། དགུང་ལོ་ཉི་ཤུ་རྩ་དགུ་བར་དུ་རྒྱལ་པོའི་ཕོ་བྲང་དུ་བཞུགས། བཙུན་མོ་གྲགས་འཛིན་མ་ལ་སྲས་སྒྲ་གཅན་འཛིན་འཁྲུངས། ཉིན་ཞིག་ཁོང་གི་གྲོགས་པོ་འདུན་པ་དང་མཉམ་དུ་སེར་སྐྱའི་གྲོང་ཁྱེར་དང་ཕོ་བྲང་གི་ཕྱོགས་བཞིའི་སྒོ་བཞི་ལ་ཕེབས་དུས། སྐྱེ་རྒ་ན་འཆིའི་སྡུག་བསྔལ་གཟིགས་ནས་ངེས་འབྱུང་ཤུགས་དྲག་སྐྱེས་ཏེ། འཁོར་བ་ལ་སྙིང་པོ་མི་འདུག་དགོངས་ནས་རབ་ཏུ་བྱུང་འདོད་ཆེན་པོ་སྐྱེས། ཡབ་རྒྱལ་པོའི་བཀའ་ལྟར་ཕོ་བྲང་སྲུང་དམག་གིས་བསྐོར་ཡོད་ན་ཡང་མཚན་མོ་གསང་བའི་སྒོ་ནས་རྟ་མཆོག་བསྔགས་ལྡན་ལ་བཅིབས་ཏེ།...
དེ་ལས་མང་པ།