འབའ་བ་ཕུན་ཚོགས་དབང་རྒྱལ།

           0 (1) འབའ་བ་ཕུན་ཚོགས་དབང་རྒྱལ་གྱི་ཕ་ཡུལ་ནི་ཁམས་འབའ་ཐང་ཡིན་ལ་ཕྱི་ལོ་༡༩༢༢ལོར་སྐུ་འཁྲུངས། ཁམས་འབའ་ཐང་ནི་བོད་ཀྱི་སའི་མཐའ་ཡིན་པས་མི་རིགས་གཞན་གྱི་གཉའ་གནོན་དང་བཙན་འཛུལ་ལ་འཐབ་རྩོད་དུས་རྒྱུན་དུ་མྱོང་དགོས་བས་ཕུན་ཚོགས་དབང་རྒྱལ་ལ་མི་རིགས་རིང་ལུགས་ཀྱི་འདུ་ཤེས་ཀྱི་བགས་ཆགས་གཏིང་ཟབ་དང་བསམ་བློའི་གོ་རྟོགས་ཁྱད་པར་བ་ཞིག་ཆུང་ངུའི་དུས་ནས་བསྐྲུན་ཡོད་པ་རེད། རྗེས་སུ་ཕྱི་ལོ ༡༩༣༦ ལོར་སྐབས་དེའི་རྒྱ་ནག་གི་རྒྱལ་ས་ནན་ཅིན་ཆབ་སྲིད་སློབ་གྲྭའི་ཟུར་གཏོགས་བོད་སོག་སློབ་གྲྭ་རུ་སློབ་སྦྱོང་གནང་བ་དང་ཞོར་དུ་སི་ཏ་ལིན་དང་ལེ་ཉིན་གྱི་མི་རིགས་སྐོར་གྱི་རྩོམ་ཡིག་མང་དུ་བཀླགས། ༡༩༣༩ ལོར་སློབ་གྲྭ་དེ་ཁྲུན་ཆིན་དུ་སྤར། ཁྲུན་ཆིན་དུ་ཁོང་གིས་བསམ་བློའི་གོ་རྟོགས་མཐོར་འདེགས་ཆེད་ཕྱོགས་གཅིག་ནས་སློབ་སྦྱོང་ལ་འབད་བརྩོན་རྒྱུན་མར་གནང་བ་དང༌། ཕྱོག་གཞན་ཞིག་ནས་སྐབས་ཀྱི་རྩ་དོན་དང་འབྲེལ་རང་གི་དམིགས་ཡུལ་ཏེ་དྲག་ཤུགས་ལ་བརྟེན་ནས་བོད་ཁམས་ཡོངས་རྫོགས་གཅིག་གྱུར་བྱས་ཏེ་བོད་ཀྱི་ལམ་ལུགས་རྙིང་བ་བསྐྱུར་ནས་ཚབ་ཏུ་་སྤྱི་ཚོགས་རིང་ལུགས་ཀྱི་རྒྱལ་ཁབ་བརྟན་པོ་ཞིག་འཛུགས་རྒྱུའི་ཆེད་དུ་གོ་མིན་ཏང་ཆབ་སྲིད་སློབ་གྲྭའི་ནང་དུ་བོད་རིགས་གུང་ཁྲན་ཚོགས་པ་གསར་འཛུགས་གནང་བ་གོ་མིན་ཏང་འབྲེལ་ཡོད་མི་སྣས་ཤེས་ཚོར་བྱུང་སྟེ། ཁོ་རང་གོ་མིན་ཏང་ཆབ་སྲིད་སློབ་གྲྭའི་ཞོར་གཏོགས་བོད་སོག་སློབ་གྲྭའི་སློབ་སྤྱི་ཅང་ཅེ་ཧྲིས་ནས་ཕྱིར་འབུད་བཏང༌། དེ་རྗེས་ཁམས་ཁུལ་དུ་ཕྱིར་ལོག་ནས་ཕྱི་ཚུལ་དུ་དགེ་རྒན་གྱི་ཕྱག་ལས་གནང་ཞིང་དོན་ལ་ཁམས་ཁུལ་གསར་བརྗེ་བྱ་རྒྱུའི་བྱེད་སྒོ་སྤེལ་བར་གོ་མིན་ཏང་སྲིད་གཞུང་ནས་ཚོར་བས་འབྲི་ཆུའི་ནུབ་རྒྱུད་བོད་གཞུང་མངའ་ཁོངས་སུ་བྲོས་བྱོལ་གནང༌།

ཕྱི་ལོ་༡༩༤༣ལོར་ལྷ་སར་ཕེབས་ཏེ་ཡང་བསྐྱར་ (བོད་རིགས་གཅིག་གྱུར་བཅིངས་འགྲོལ་གནའ་འབྲེལ་ཚོགས་པ)  (དེབ་གཞན་དུ་བོད་རིགས་དམར་ཤོག་ཚོགས་པ་ཞེས་བྲིས་འདུག) བཙུགས་ཏེ་བསམ་བློ་ཁོད་ཡངས་ཅན་གྱི་སྐུ་དྲག་དག་ལ་འབྲེལ་བ་གནང་སྟེ་ཞི་བའི་སྒོ་ནས་བོད་ཀྱི་ཆབ་སྲིད་ལམ་ལུགས་ལ་འགྱུར་བ་བྱུང་རྒྱུར་ཤུགས་རྐྱེན་བྱུང་ཅི་ཐུབ་ལ་འབད་པ་དང༌། ཚོགས་པའི་མིང་ཐོགས་ནས་བོད་གཞུང་བཀའ་ཤག་སྲིད་གཞུང་ལ་སྙན་ཞུ་ཕུལ་ནས། སྤྱི་ཚོགས་དམངས་གཙོའི་བཅོས་བསྒྱུར་ཁག་ལག་བསྟར་བྱེད་དགོས་པ་དང༌། མི་དམངས་ཀྱི་ཁུར་བོ་ཡང་དུ་གཏོང་དགོས་པ། དམངས་གཙོའི་སྤྱི་ཚོགས་གསར་བའི་སྲིད་ཇུས་ལག་བསྟར་བྱེད་དགོས་པའི་བླང་བྱ་བཏོན། ཕྱོགས་གཞན་ཞིག་ནས་ཁམས་ཕྱོགས་སུ་བོད་དམག་འབོར་ཆེན་རྩ་འཛུགས་ཆེད་བོད་སྲིད་གཞུང་ནས་གོ་མཚོན་འཐོབ་རྒྱུའི་འབད་བརྩོན་གནང་ཡང་གྲུབ་འབྲས་གང་ཡང་མ་ཐོབ། རྒྱ་གར་དང་ཨུ་རུ་སུའི་དམར་ཤོག་ཚོགས་པ་དག་ལ་འབྲེལ་བ་གནང་ཡང་རོགས་རམ་གང་ཡང་མ་ཐོབ་པས་གོ་མིན་ཏང་སྲིད་གཞུང་གི་མངའ་འོག་ཏུ་ལུས་བའི་འབའ་ཐང་དུ་ཕྱིར་ལོག་སྟེ། རང་རིགས་ལ་ཤ་ཞེན་ཅན་མགོན་པོ་ཚེ་རིང་དང་མཉམ་འབྲེལ་བྱས་ཏེ་(ཤར་བོད་མི་དམངས་རང་སྐྱོང་མནའ་འབྲེལ་ཚོགས་པ)  བཙུགས་ནས་གོ་མིན་ཏང་ས་གནས་ཀྱི་དམག་ཤེད་ཅན་གཏོར་སྟེ་ཁམས་ཁུལ་གཅིག་གྱུར་གྱི་སྲིད་གཞུང་འཛུགས་རྒྱུའི་འཆར་བཀོད་གནང་ནས་དྲག་པོའི་འོས་ལངས་ལ་ཕམ་ཉེས་བྱུང་བ་དང༌། གོ་མིན་ཏང་སྲིད་གཞུང་ནས་འཇུ་བཟུང་བཀའ་རྒྱ་བཀྲམས་པས་ཡང་བསྐྱར་ལྷ་སར་ཕེབས། ཆབ་སྲིད་ཀྱི་དུས་དབང་གིས་བོད་གཞུང་གིས་ཀྱང་ཕུན་དབང་སོགས་བོད་མི་མང་པོ་ལྷ་ས་ནས་ཕྱིར་འབུད་བཏང༌།

    དེ་ལྟར་རང་སྟོབས་ལ་བརྟེན་ནས་བོད་ཁམས་གཅིག་གྱུར་གྱི་ཞིང་ཁམས་ཤིག་འཛུགས་རྒྱུར་འབད་བརྩོན་རྒྱ་ཆེར་གནང་ཡང་སྔ་ཕྱིར་ཕམ་ཉེས་བྱུང༌། མཐར་དེ་ལྟར་ཡོང་རྒྱུའི་རེ་བ་མངོན་འགྱུར་མེད་པར་རྟོགས་ནས་འབའ་བ་ཕུན་ཚོགས་དབང་རྒྱལ་ལགས་ཀྱིས་རང་གི་བསམ་བློའི་ཁ་ཕྱོགས་ལ་འགྱུར་བ་གནང་བ་སྟེ། རྒྱ་ནག་གུང་ཁྲན་ཚོགས་པ་དང་མཉམ་འབྲེལ་གནང་ནས་དེའི་སྟོབས་ཤུགས་བེད་སྤྱོད་ནས་བོད་ཀྱི་ལམ་ལུགས་རྙིང་བ་བསྒྱུར་བཀོད་བཏང་ནས་བོད་ས་ཁུལ་ཡོངས་རྫོགས་གཅིག་གྱུར་གྱི་རང་སྐྱོང་ཚད་ལྡན་ཞིག་འཛུགས་ཐུབ་རྒྱུའི་རེ་བ་བྱས། སྐབས་དེའི་བོད་ཁུལ་ལ་མཚོན་ན་དེ་བས་ཀྱང་ལེགས་ཤོས་ཤིག་མེད་པར་རྟོགས་ནས་པེ་ཅིང་དུ་གྲོས་མཐུན་དོན་ཚན་བཅུ་བདུན་འཇོག་ཐུབ་རྒྱུར་ཧུར་བརྩོན་གནང་བ་དང༌། སྐབས་དེའི་གྲོས་མཐུན་གྱི་ཕྱོགས་གཉིས་ཀྱི་སྐད་བསྒྱུར་བ་འབའ་བ་ཕུན་ཚོགས་དབང་རྒྱལ་དང་བཀྲ་ཤིས་དབང་ཕྱུག་གཉིས་ཡིན་འདུག་སྟེ།  བཀྲ་ཤིས་དབང་ཕྱུག་གི (རང་གི་ལོ་རྒྱུས་མདོར་བསྡུས) ་ལས་ (སྐབས་དེར་ཁོ་བོ་ཨ་མདོའི་ཡུལ་སྐད་ལས་དབུས་གཙང་གི་ཡུལ་སྐད་ཇི་བཞིན་བཤད་མི་ཤེས་བར་བརྟེན། ཞི་མཐུན་བཀའ་མོལ་གནང་སྐབས་ཀྱི་སྐད་བསྒྱུར་ནི་དེ་སྔ་ལྷ་སར་བཞུགས་མྱོང་ཞིང་དབུས་གཙང་གི་སྐད་ལུགས་མཁྱེན་མཁན་ཕུན་ཚོགས་དབང་རྒྱལ་མཆོག་གིས་གནང༌། དབུས་གཙང་ཡུལ་སྐད་དང་ཨ་མདོའི་ཡུལ་སྐད་ནི་གཙོ་བོ་སྐད་གདངས་ཀྱི་ཐོག་ནས་ཁྱད་པར་ཆེ་ཙམ་ཡོད་པ་ལས་ཡི་གེའི་ཐད་གཅིག་གྱུར་ཡིན་ཁར། མིང་ཚིག་ཀྱང་མང་ཆེ་བ་གཅིག་གྱུར་ཡིན་སྟབས་ཡིག་བསྒྱུར་གྱི་ཐད་ཁོ་བོས་བྱས) ཞེས་བྲིས་འདུག བཅིངས་གྲོལ་དམག་གིས་ལྷ་སར་དཔུང་འཇུག་གནང་དུས་སྐད་བསྒྱུར་བ་གནང་སྟེ་མཉམ་དུ་བསྐྱོད་པ་རེད།

    རྗེས་སུ་པེ་ཅིང་ནས་དམའ་རིམ་མགོ་ཁྲིད་ངན་པས་གཡོ་ཇུས་དང་ཕྲག་དོག་གི་དབང་གིས་བོད་ཐོག་འཛིན་པའི་ཆབ་སྲིད་ལམ་ལུགས་ལ་འགྱུར་བ་བྱུང་སྟེ་སྔར་གྱི་དོན་ཚན་བཅུ་བདུན་གྱི་ཆིངས་ཡིག་དང་དམ་བཅའ། ཁས་ལེན། ཁ་གཡང་སོགས་ལག་ལེན་གྱི་ཐོག་སྟོང་བར་གྱུར་ཏེ། བོད་ཐོག་འཛིན་པའི་ཆབ་སྲིད་ཀྱི་ལམ་ལུགས་དམར་རྗེན་དུ་མཐོང་སྟབས། རང་གཅེས་ཀྱི་བསམ་བློ་ཡོང་སུ་བཏང་ནས་བོད་མི་རིགས་ཀྱི་ཆེད་དུ་བློ་སྤོབས་ཆེན་པོས་ངོ་རྒོལ་དང་བོད་ཁུལ་གྱི་གནས་ཚུལ་གོང་རིམ་ལ་སྙན་ཞུ་ཕུལ་བ་སོགས་ཀྱི་དབང་གིས་མི་རིགས་ལ་ཤ་ཞེན་ཆེ་ཞིང༌། བློ་སེམས་དཀར་བའི་འབའ་བ་ཕུན་ཚོགས་དབང་རྒྱལ་ལགས་བདེན་དོན་གྱི་ཆེད་དུ་ཕམ་ཉེས་བྱུང༌། ཉེས་མེད་ཉེས་འགལ་གྱི་ཞྭ་མོ་ཆེན་པོ་ཞིག་བསྐོན་ན0 (3)ས་མི་ལོ་བཅོ་བརྒྱད་ཀྱི་རིང་འཛམ་གླིང་ན་མིང་དུ་གྲགས་བའི་ཆིན་ཁྲེན་ཆབ་སྲིད་བཙོན་ཁང་དང་པོའི་ནང་འཚོ་དགོས་བྱུང་བ་རེད། ཕུན་དབང་གིས་སྲིད་འཛིན་ཧུའུ་ཅིན་ཐོ་ལ་ཕུལ་བའི་འཕྲིན་ཡིག་ནང་དུ་(ལོ་རབས་དྲུག་བཅུ་པའི་ནང་རང་ཁྱིམ་གུང་ཁྲན་ཏང་གི་མི་རེ་འགས་ཉེས་མེད་ཉེས་འདོགས་ཀྱིས་  {བོད་རང་བཙན་གྱི་ལས་འགུལ་སྤེལ་བར་}ཁ་གཡར་ནས་ཆིན་ཁྲེན་བཙོན་ཁང་དང་བོར་མི་ཧྲེང་གཅིག་པོར་བཙོན་འཇུག་བྱས་ཏེ། ལུས་དང་སེམས་ཐོག་མི་ལོ་བཅོ་བརྒྱད་རིང་གདུག་རྩུབ་ཚད་མེད་ཀྱིས་མནར་གཅོད་བཏང་) ཞེས་གསུངས་བ་ལྟར་ལགས།

དུས་སྐབས་དེར་ཁོང་གི་ཆུང་མ་ཡང་བཙོན་ཁང་གཞན་ཞིག་ཏུ་མནར་གཅོད་འོག་འདས་གྲོངས་སུ་གྱུར་བ་དང༌།སྤུན་གྲོགས་དང་བུ་ཕྲུག་དག་ཀྱང་ཚད་གཞི་མི་འདྲ་བའི་རྡུང་རྡེག་དང་བཙོན་འཇུག་བྱས་བས་ཁོང་གི་མ་རྒན་ལགས་ནས་དེ་དོན་ལ་སྡུག་བསྔལ་ཚད་མེད་གནང་ནས་འདས་གྲོངས་སུ་གྱུར།

འབའ་བ་ཕུན་ཚོགས་དབང་རྒྱལ་ལགས་ལུས་པོ་བཙོན་འཇུག་གནང་ཡང་བློ་སྤོབས་ལ་ཞུམ་པ་མེད་པར་ད་དུང་ཕམ་ཁའི་ཁྲོད་ནས་རྒྱལ་ཁ་ལ་རེ་བ་དང་མངོན་དུ་ཕྱོགས་ཏེ། མར་ཁེ་སི་རང་ལུགས་ཀྱི་རིག་གཞུང་དེབ་མང་པོ་དང༌། ལྷག་པར་དུ་མཚན་ཉིད་རིག་པའི་དཔེ་དེབ་མང་པོ་ཀློག་ནས་སློབ་སྦྱོང་དང་ཞིབ་འཇུག་གཏིང་ཟབ་པ་གནང་མཐར། སྐད་གྲགས་ཅན་གྱི་དེབ་རྩོད་སྒྲུབ་རིག་པའི་གསར་དཔྱད་ཅེས་བ་ལེགས་འགྲུབ་བྱུང་སྟེ་མར་ཁེ་སུ་མཚན་ཉིད་རིག་པ་འཕེལ་རྒྱས་དང་བོད་མི་རིགས་ཀྱི་མཚན་སྙན་དང་ལ་རྒྱ་ལ་མཐོར་འདེགས་གནང༌། ཆིན་ཁྲིང་ཆབ་སྲིད་བཙོན་ཁང་དང་པོའི་ནང་ཁོང་གིས་མཐའ་མཇུག་བྲིས་བའི་སྙན་ཚིག་དུམ་པུ་ཞིག་ཡོད་པ་འདི་ལྟར།0 (7)

ཉི་གཞོན་འོད་ཐིག་སྒེའུ་ཁུང་ཟུར་ནས་འཕྲོས།།

ནུབ་ཁའི་ཉི་འོད་ལྕགས་སྒོའི་ངོགས་སུ་གསལ།།

ཉམ་ངའི་བཙོན་ཁང་སྒོ་ལྕགས་མདོ་སྦུག་མནན།།

གཅིག་པུར་གྱང་ལ་མི་ལོ་བཅོ་བརྒྱད་བལྟས།།

དབྱར་དགུན་སྟོན་དཔྱིད་ཡོལ་ནས་སྐྱར་དུ་སླེབས།།

དཔྱིད་ཀྱི་མེ་ཏོག་སྟོན་གྱི་ཟླ་བ་དེ།།

ལྕགས་རི་མཐོན་པོའི་ཕྱི་ལ་གནས་པ་ཙམ།།

འཇིག་རྟེན་འདི་རུ་ཁྲིམས་གཅོད་གཏོང་ཐབས་མང།།

སྐྱེས་ཆེན་དམ་པ་སྔར་ནས་གནོད་ཅིང་འཚེ།།

གནས་བབ་ལས་དབང་སྐྱོ་བ་བཀའ་དྲིན་ཆེ།།

ཐོས་བསམ་འབད་པ་བསྐྱེད་པས་གོ་རྟོགས་རྙེད།།

དེ་ཡིས་རང་བཞིན་གཉིས་ཀར་རྒྱུས་ཡོད་དང༌།།

འཇིག་རྟེན་ཁམས་ཀྱི་འཕོ་འགྱུར་གནས་ལུགས་རྟོགས།།

སྡུག་བསྔལ་ཁྲོད་ནས་བདེ་བ་འཚོལ་གནས་སུ།།

བདེ་བའི་སེམས་ཀྱིས་སྡུག་བསྔལ་གཞོམ་པར་བྱེད།།

དཀའ་ཡང་སྐྱིད་པའི་འབྲས་བུ་ལག་ཏུ་སོན།།

ང་ནི་རང་དབང་ཆེད་དུ་རང་དབང་ཤོར།།

རང་དབང་མེད་ཀྱང་རང་དབང་ཡོད་པ་ཡིན།།

ཞེས་པ་འདི་ལས་འབའ་བ་ཕུན་དབང་གི་ཆིན་ཁྲིང་བཙོན་ཁང་ཆེན་མོའི་རྣམ་པ་དང་བཙོན་འཇུག་གི་དུས་ཡུན། སློབ་སྦྱོང་གི་གོ་རྟོགས། སྡུག་བསྔལ་གྱི་མྱོང་ཚོར་སོགས་གསལ་བོར་མཚོན་ནུས་བར་འདུག

བཙོན་གྲོལ་བཏང་རྗེས་ཕྱི་ལོ ༡༩༨༠ ལོའི་རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་ཀྲུའུ་ཞིའི་སྟེགས་བུའི་ཐོག་བློ་མཐུན་ཏན་ཞའོ་ཕུན་ཁོང་གི་ལག་ལ་དམ་པོར་འཇུས་ཏེ། ཁྱེད་ཀྱིས་དཀའ་སྡུག་ཆེན་པོ་མྱངས་སོང༌། ཁྱེད་ལ་མ་ཉེས་ཁག་གཡོགས་ཀྱི་གྱོད་གཞི་དེ་རྦད་དེ་ནོར་འཁྲུལ་རེད། ཅེས་གསུངས་བ་དང༌། དེ་མུར་སྐབས་དེའི་སྤྱི་ཁྱབ་སྲིད་འཛིན་ཧུའུ་ཡའོ་པང་ནས་ཀྱང༌། དེ་རིང་ཁྱེད་རང་གི་མཚན་སྙན་སླར་གསོ་བྱས་པ་དང༌།ཅེས་དཀར་འདོན་གནང་ཞིང༌། ༡༩༨༠ལོ་ནས་སྐབས་ལྔ་བ་དང་དྲུག་པ། བདུན་པ་བཅས་ཀྱི་རྒྱལ་ཡོངས་དམངས་ཆེན་རྒྱུན་ཨུ་འི་ཨུ་ཡོན་དང༌། རྒྱལ་ཡོངས་དམངས་ཆེན་མི་རིགས་ཨུ་ཡོན་ལྷན་ཁང་གི་ཀྲུའུ་རིན་ཨུ་ཡོན་སོགས་ལ་བདམས། ཀྲུང་གོའི་སྤྱི་ཚོགས་ཚན་རིག་ཁང་ཞིབ་འཇུག་སློབ་མའི་སློབ་གླིང་གི་སློབ་དཔོན་ཆེན་མོ་དང་མཚན་ཉིད་རིག་པའི་རབ་འབྱམས་པའི་སློབ་མའི་སློབ་སྟོན་པ་སོགས་ཀྱི་འགན་བཞེས་མྱོང༌། ཏན་ཞའོ་ཕུན་གྱི་བཅོས་བསྒྱུར་སྒོ་འབྱེད་ཀྱི་སྲིད་ཇུས་གསར་བའི་འོག་རང་མི་རིགས་ཀྱི་ཁེ་དབང་ལ་རྩ་ཁྲིམས་ཀྱི་འགན་སྲུང་ཡོང་ཆེད་གོང་རིམ་ལ་སྙན་ཞུ་དང་བསམ་ཚུལ། གྲོས་འདོན་གནང་སྟེ་མི་རིགས་ལ་ཤ་ཞེན་རུས་ཞེན་གྱི་སྒོ་ནས་ཕན་འབྲས་ལྡན་པའི་བྱ་བ་མང་དུ་སྒྲུབ།

Punཕྱི་ལོ༡༩༩༠ལོར་ཁོང་གི་གསུང་རྩོམ་དང་པོ  <<རྩོད་སྒྲུབ་རིག་པ་གསར་བཤད>> ཅེས་པ་པར་དུ་བསྐྲུན། མིང་དུ་གྲགས་པའི་མཚན་ཉིད་རིག་པའི་གཞུང་ལུགས་པ་མང་པོ་ནས་གཟེངས་བསྟོད་གནང༌། ༡༩༩༤ལོར་ཁོང་གི་གསུང་རྩོམ་གཉིས་པ་སྟེ  <<ཟླ་བའི་སྟེང་གཤེར་གཟུགས་ཡོད>> ཅེས་པ་པར་དུ་བསྐྲུན། ༡༩༩༦ལོར་ཁོང་གི་གསུང་རྩོམ་གསུམ་པ་སྟེ  <<རང་བྱུངརྩོད་སྒྲུབ་རིག་པ་གསར་བཤད>> ཅེས་བ་པར་དུ་བསྐྲུན་ཅིང༌། རྒྱལ་ཁབ་ཕྱི་ནང་གི་གསར་ཤོག་དང་དུས་དེབསོགས་ཀྱི་སྟེང་དུ་ཁོང་གི་གྲུབ་འབྲས་ལ་གདེང་འཇོག་དང་མཚན་སྙན་འཛམགླིང་ཡོངས་ལ་གྲགས། མདོར་ན་འབའ་བ་ཕུན་ཚོགས་དབང་རྒྱལ་གྱི་མི་ཚེ་གང་བོ་ནི་འོད་སྟོང་ལྡན་ཞིང་རང་གི་ཕ་ཡུལ་གངས་རིའི་ལྗོངས་འཕེལ་རྒྱས་དར་སྤེལ་དང༌། འབྱོར་ཕྱུག་ལྡན་པའི་དེང་རབས་ཅན་གྱི་གངས་ལྗོངས་ཞིག་ཏུ་འགྱུར་ཆེད་ཐོག་མཐའ་བར་གསུམ་དུ་ལྷག་བསམ་རྣམ་དག་དང་བློ་སྤོབས་ཆེན་པོས་དཀའ་སྡུག་སྣ་ཚོགས་རྒྱབ་ཏུ་བསྐྱུར་ནས་འབད་བརྩོན་གནང་བ་ལ་མི་རབས་ཕྱི་མ་རྣམས་ཀྱིས་ཤེས་རྟོགས་དང་སློབ་སྦྱོང་གནང་དགོས་པའི་གནད་ཞིག་ཡིན་པ་དང་།

ཡོང་ཁུངས་དྲ་གནས་གཞན།

མཆན་ཞོག

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s