དཀའ་ཐུབ་ཚེ་རིང་། ངའི་གཅེན་པོ    ངའི་གཅེན་མོ་ ངའི་གཅུང་མོ།    ངའི་ སྤུན་ཆུང ངའི་ཕ་ཡུལ་གྱི་མི་རྣམས འདི་ལྟར་ཕྱིན་སོང མེ་ལྕེའི་ཁྲོད་དུ ་ཁོ་ཚོའི་ཆོ་ངེ་གོ་ཐེངས་རེར   མེ་ལྕེའི་ཁྲོད་དུ་འབར་བཞིན་བའི་ལུས་པོར་ལྟ་ཐེངས་རེར   ཁུ་སིམ་པོའི་རྩ་ཐང་གི་རྟ་ཡི་རྨིག་སྒྲ་ནི ཇི་འདྲའི་ལྗིད་ཏིག་ཏིག་ཅིག    ཇི་འདྲའི་སྐྱོ་ལྷང་ལྷང་ཞིག  སྐབས་འདིར་མ་ཎི་ཡིག་དྲུག་དབྱངས་རྟར་འགྲོགས་ནས ངས་སྐྱོ་གླུ་འདི་ལེན་དགོས་བྱུང  བརྗེད་མི་ཉན   བརྗེད་ག་ལ་སྲིད མེ་ལྕེའི་ཁྲོད་ཀྱི་གངས་རིའི་ ཚེ་སྲོག་གི་རྐང་རྗེས།   ཕྱིན་སོང་ ཁོ་ཚོ་ཚང་མ་ཕྱིན་སོང ཚེ་སྲོག་རེ་རེ    མེ་ལྕེ་དང་འགྲོགས་ནས་ཕྱིན་སོང ཁོ་ཚོའི་ཚེ་སྲོག་གི་མེ་ལྕེ་ལས་ གྲང་ངར་གྱི་གངས་ལྗོངས་ལ་དྲོད་གཤེར་སྐྱེས་བྱུང...

སྨིན་སྣང་མཛེས། མཐོན་པོ་ཞིག་གི་ངོ་སོ་བསྲུང་ནས་བྲན་གཡོག་བྱེད་འདོད་མེད།། དམའ་མོ་ཞིག་གི་མགོ་རུ་ལངས་ནས་དཔོན་པོ་བྱེད་འདོད་མེད།། འདྲ་བོ་ཞིག་ལ་ཕྲག་དོག་བྱས་ཏེ་རང་གཞན་དཀྲུགས་འདོད་མེད།། རང་ལ་དབང་བའི་བསམ་བློ་རང་གིས་གཅུན་ན་སྐྱིད་ཅིག་རེད།།   ཕྱུག་པོ་ཞིག་གི་མིང་བྱང་འོག་ནས་བསོག་སྲུང་བྱེད་འདོད་མེད།། དབུལ་བོ་ཞིག་གི་མེད་མུག་འོག་ནས་ལག་པ་གཟེད་འདོད་མེད།། གཞན་པ་ཞིག་ལ་མགོ་བོ་བསྙེས་ཏེ་སྐྱིད་ཉལ་བྱེད་འདོད་མེད།། རང་གིས་བསག་པའི་ལོངས་སྤྱོད་རང་གི་སྤྱོད་ན་སྐྱིད་ཅིག་རེད།།   སྔ་མོ་ཞིག་ལ་འགྲོགས་འདྲིས་མྱོང་བའི་མི་དེ་བརྗེད་འདོད་མེད།། ད་ལྟ་གསར་དུ་འཕྲད་པའི་མི་དེར་ཨ་གསར་བྱེད་འདོད་མེད།། མ་འདྲེས་ཁ་ཁར་ཕྱིན་པའི་མི་དེར་སྡང་སེམས་སྐྱེ་འདོད་མེད།། རང་སེམས་རང་ལ་དབང་བའི་དུས་འདི་བདེ་བའི་སྐྱིད་ཅིག་ཡིན།།   ཐུང་ཐུང་བྱས་ན་མི་ཚེ་འདི་ཡང་དུས་ཡུན་སྐད་ཅིག་ཙམ།། རིང་རིང་བྱས་ན་མི་ཚེ་འདི་ཡང་རྫོགས་མེད་གཏམ་རྒྱུད་ཅིག།  མདོར་ན་མི་ཚེའི་བགྲོད་ལམ་ཡུན་གྱིས་བརྒལ་བའི་དུས་སྐབས་སུ།། རང་ལུས་རང་ལ་དབང་འདི་བདེ་བའི་རྩ་བར་རློམ་བཞིན་ཡོད།།   ཆེན་པོ་ཞིག་གི་ལས་དོན་འགྲུབ་པའི་དམ་བཅའ་འཇོག་འདོད་མེད།། ཆུང་ཆུང་ཞིག་གི་གསེང་ནས་ཤེས་མེད་ཚོར་མེད་འཆི་འདོད་མེད།། རང་གཞན་ཀུན་ལ་ཕན་པའི་བྱ་བ་ཅུང་ཟད་བསྒྲུབ་ཐུབ་ན།། རང་ཉིད་མི་རུ་སྐྱེས་པའི་དོན་གོ་ཡིན་པར་སེམས་བཞིན་ཡོད།།   གནས་ཡུལ་གང་དུ་ཕྱིན་ནས་སུ་དང་འགྲོགས་པའི་སྐལ་ཡོད་ཀྱང་།། དུས་དང་གནས་སྟངས་གང་འདྲ་ལུས་སེམས་གཉིས་ཀྱིས་མྱོང་དགོས་ཀྱང་།། རང་གིས་རང་ལ་ཡིད་རྟོན་ཐུབ་པའི་སེམས་དཔང་རྣལ་མ་ཞིག། ཡོད་ན་བསམ་དོན་འགྲུབ་པའི་རྒྱུ་ཉིད་ཡིན་ལ་དེ་བཞིན་གཅེས།།   དལ་འབྱོར་རྟེན་བཟང་སྦྱིན་མཁན་ཕ་མ་ཚེ་ཐག་རིང་བར་ཤོག།  འདུ་ཕྱིའི་ལམ་སྟོན་མཛད་མཁན་བླ་མ་སྐུ་ཚེ་བརྟན་པར་ཤོག། ལྷག་པར་ཉམ་ཆུང་བུ་མོའི་ཕུགས་འདུན་རིང་མོ་སྙེག་དུས་སུ།།...

༧གོང་ས་ཏྭ་ལའི་བླ་མ་སྐུ་འཕྲེང་བཅུ་བཞི་པ་མཆོག་གི་ཐུགས་དཀྱེལ་ཆེ་ལ་གཟིགས་རྒྱང་རིང་བའི་རླབས་ཆེན་གྱི་ཐག་གཅོད། ཀུན་བཟང་།          ཁ་སྔོན་སྤྱི་ཟླ་གསུམ་པའི་ཚེས་བཅུ་བཞིའི་ཉིན་། བཞུགས་སྒར་རྡ་རམ་ས་ལར་འཚོགས་པའི་སྐབས་བཅུ་བཞི་པའི་བོད་མི་དམངས་སྤྱི་འཐུས་ལྷན་ཚོགས་ཀྱི་ཚོགས་དུས་བཅུ་གཅིག་པའི་ཐོག  གོང་ས་ཏྭ་ལའི་བླ་མ་མཆོག་ནས་ད་ཆ་སྐུ་ཉིད་ཀྱི་བཙན་བྱོལ་བོད་གཞུང་གི་ཆབ་སྲིད་ཀྱི་ཐུགས་འགན་ཐམས་ཅད་།  མི་དམངས་ཀྱི་འོས་འདེམས་བྱས་པའི་འགོ་ཁྲིད་སོ་སོར་གནང་རྒྱུ་དང་།  ཐེངས་དེའི་གྲོས་ཚོགས་ཀྱི་ཚོགས་དུས་དེའི་ཐོག་བཅའ་ཁྲིམས་གཙོ་བོར་གྱུར་བའི་ཁྲིམས་སྒྲིག་ཁག་ལ་བསྐྱར་བཅོས་དགོས་ངེས་རྣམས་བསྐྱར་བཅོས་ཀྱིས་། གོང་ས་མཆོག་གི་མཚན་གནས་རྗེས་འབྲེལ་གྱི་ཆབ་སྲིད་དང་འཛིན་སྐྱོང་གི་བྱེད་སྒོ་གང་ཡང་མི་དགོས་པ་ཞིག་ངེས་པར་བྱེད་དགོས་པའི་གསུང་འཕྲིན་ཞིག་བསྩལ་གནང་མཛད་ཡོད་།  དེ་འདྲའི་གོང་ས་མཆོག་གི་སྐུ་ཉིད་ཀྱི་ཆབ་སྲིད་ཀྱི་ཐུགས་འགན་ཆ་ཆང་།  མི་དམངས་ཀྱི་འོས་འདེམས་བྱས་པའི་འགོ་ཁྲིད་སོ་སོར་གནང་རྒྱུའི་ཐག་གཅོད་དེ་ནི།  གོང་ས་མཆོག་གི་ཐུགས་དཀྱེལ་ཆེ་ལ་གཟིགས་རྒྱང་རིང་བའི་རླབས་ཆེན་གྱི་ཐག་གཅོད་ཞིག་ཡིན་མ་ཟད་། ད་དུང་གོང་ས་མཆོག་ནས་བོད་མི་རིགས་ཀྱི་དམངས་གཙོའི་བྱ་གཞག་ཐོག་ལ་འཇོག་གནང་མཛད་པའི་མཛད་རྗེས་དུ་མའི་ཁྲོད་ཀྱི་ཆེས་རླབས་ཆེན་གྱི་མཛེས་རྗེས་ཤིག་དང་།  ང་ཚོ་གཞིས་བྱེས་བོད་མི་ཡོངས་དང་། མ་འོངས་པའི་བོད་ཀྱི་མི་རབས་རྗེས་མ་ཚོས་ཡང་ཡང་བཀའ་འདྲིན་རྗེས་དྲན་ཞུ་བའི་བོད་མི་རིགས་ཀྱི་ལོ་རྒྱུས་ཐོག་གི་སྤོབས་པ་བྱེད་འོས་པའི་གཏམ་སྙན་ཞིག་ཏུའང་འགྱུར་ངེས་ཡིན། གོང་ས་མཆོག་གི་ཐག་གཅོད་དེ་ནི་བོད་རིགས་ཀྱི་དམངས་གཙོའི་བྱ་གཞག་ཐོག་ལ་ཡུན་རིང་དགོངས་པ་ཟབ་པོ་བཞེས་པའི་ཐག་གཅོད་ཤིག་ཡིན་།            དེའང་གོང་ས་མཆོག་ལ་སྐུ་ན་ཆུང་དུས་ནས་བོད་ལ་དམངས་གཙོའི་ལམ་ལུགས་ཀྱི་བསྒྱུར་བཅོས་གནང་རྒྱུའི་དགོངས་པ་ཡོད་ཅིང་།  དེའི་ཐོག་འབད་བརྩོན་ཡང་གང་ཐུབ་ཞིག་གནང་ཡོད་པ་དང་།  འོན་ཀྱང་སྐབས་དེའི་གནས་སྟངས་ཀྱི་རྐྱེན་པས་དམིགས་བསལ་གྱི་གྲུབ་འབྲས་ཆེན་པོ་ཞིག་ཐོན་མེད་།  ཡིན་ནའང་རྗེས་སུ་གོང་ས་མཆོག་བཙན་བྱོལ་དུ་ཕེབས་འབྱོར་བྱུང་བ་ནས་བཟུང་།  གོང་ས་མཆོག་ནས་བོད་ཀྱི་དམངས་གཙོའི་བྱ་གཞག་ཐོག་འབད་བརྩོན་གང་ཡོང་གནང་ཏེ།  ད་ཆ་བཙན་བྱོལ་བོད་མིའི་སྤྱི་ཚོགས་ནང་སྤྱི་འཐུས་དང་བཀའ་བློན་ཁྲི་པ་མང་ཚོགས་ནས་ཐད་ཀར་འོས་འདེམས་བྱ་རྒྱུའི་དེང་རབས་ཀྱི་དམངས་གཙོའི་ལམ་སྲོལ་ཞིག་ལག་ལེན་བྱེད་ཐུབ་པ་བྱུང་ཡོད་ཅིང་།  ད་བར་འདས་ཟིན་པའི་ལོ་ངོ་ལྔ་བཅུ་ལྷག་གི་རིང་།  བཙན་བྱོལ་བོད་མིའི་དམངས་གཙོའི་བྱ་གཞག་ལ་གྲུབ་འབྲས་མངོན་གསལ་དོད་པོ་ཞིག་ཐོབ་ཐུབ་ཡོད།  དེ་ནི་བཙན་བྱོལ་བོད་མི་ཡོངས་དང་བོད་ནང་གི་གཞིས་ལུས་མི་མང་ཚོས་དགའ་སྤོབས་བྱེད་འོས་པའི་གནས་ཚུལ་བཟང་པོ་ཞིག་ཡིན་པ་ཙམ་དུ་མ་ཟད་།  ད་དུང་ང་ཚོས་རྒྱུན་ཆད་མེད་པར་ང་ཚོའི་དམངས་གཙོའི་ལམ་ལུགས་མུ་མཐུད་འཐུས་སྒོ་ཚང་རུ་བཏང་བ་ཡིན་ན།  མཐའ་མཇུག་དེ་རྒྱ་ནག་གུང་ཁྲན་ཏང་གི་དབང་བསྒྱུར་ལ་འགྲན་བརྩོད་དང་།  དེ་ལས་རྣམ་པར་རྒྱལ་ཐུབ་པའི་སྟོབས་ཤུགས་ཤིག་ལ་འགྱུར་ངེས་ཡིན་པས་།  གནས་ཚུལ་དེ་རྒྱ་ནག་གཞུང་ནས་གསལ་པོ་ཤེས་ཀྱི་ཡོད་ཅིང་།  དེར་བརྟེན་རྒྱ་ནག་གཞུང་ནས་ད་ཆའི་གོང་ས་མཆོག་གི་ཐག་ཆོད་དེའི་ཐོག་དེ་སྔ་ལས་ལྷག་པའི་དངངས་སྐྲག་དང་ཕྲག་དོག་ཆེན་པོ་ཞིག་བྱེད་ངེས་ཡིན་ཞིང་།  དེ་བས་ང་ཚོ་བོད་མི་ཚོའི་ངོས་ནས་གོང་ས་མཆོག་གི་ཐག་གཅོད་གནང་བ་བཞིན་ཚང་མས་བློ་སེམས་གཅིག་སྒྲིལ་གྱི་སྒོ་ནས་བོད་མིའི་དམངས་གཙོའི་ལམ་ལུགས་མུ་མཐུད་འཐུས་སྒོ་ཚང་རུ་བཏང་དགོས་པ་ཞིག་ཡིན། བཤད་ཆོག་པ་ཞིག་ལ་། ད་བར་བཙན་བྱོལ་བོད་མིའི་དམངས་གཙོའི་བྱ་གཞག་ལ་གྲུབ་འབྲས་མངོན་གསལ་དོད་པོ་ཞིག་ཐོབ་ཡོད་རུང་། ...

     ༄༅། །ཕྱི་ལོ་ ༢༠༡༤ ཟླ་ ༩ ཚེས་ ༢ ཉིན་མང་གཙོའི་དུས་ཆེན་ཉིན་མོ་སྲུང་བརྩིའི་མཛད་སྒོ་དང་སྟབས་བསྟུན། འབུམ་རམས་པ་བསྟན་འཛིན་ཐུབ་བསྟན་ལགས་དང་འབུམ་རམས་པ་དགེ་བཤེས་ངག་དབང་བསྟན་འཕེལ་ལགས་གཉིས་ལ་སྲིད་སྐྱོང་གཟེངས་རྟགས་ཀྱི་ཕྱག་འཁྱེར་དང་མི་རེར་བྱ་དགའ་ཧིན་སྒོར་ ༢༠༠༠༠ དེ་ཁྲིམས་ཞིབ་པ་ཆེ་བ་ངག་དབང་འཕེལ་རྒྱལ་མཆོག་གིས་གནང་ཡོད།   རིགས་གཅིག་རྐང་འཛིན་སློབ་ཐོན་པ་གཉིས་ཀྱི་ངོ་སྤྲོད་སྙིང་བསྡུས་ནི། ༡༽ འབུམ་རམས་པ་བསྟན་འཛིན་ཐུབ་བསྟན་ལགས་ནི།  སྤོན་ཊ་གཏན་སློབ་ནས་འཛིན་རིམ་དགུ་པ་ཐོན་རྗེས། ཝར་ཎཱ་དབུས་བོད་ཀྱི་ཆེས་མཐོའི་གཙུག་ལག་སློབ་གཉེར་ཁང་དུ་ལོ་དགུའི་རིང་སློབ་སྦྱོང་གནང་སྟེ་ཨ་ཅརྱཱ་ཐོན། དེ་རྗེས་ལེགས་སྦྱར་གཙུག་ལག་སློབ་ཁང་Sampurnand Sanskrit University, Varanasiདུ་དབུ་མ་ཐལ་འགྱུར་བའི་ལྟ་བའི་སྐོར་ལ་སློབ་དཔོན་ཟླ་གྲགས་ཀྱིས་བརྩམས་པའི་གཞུང་རྣམས་ལ་དཔྱད་པའི་ལམ་གྱི་འཇུག་པ། ཞེས་པའི་བརྗོད་གཞིའི་ཐོག་ཉམས་ཞིབ་གནང་འདུག ད་ལྟ་ཝར་ཎཱ་དབུས་བོད་ཀྱི་ཆེས་མཐོའི་གཙུག་ལག་སློབ་གཉེར་ཁང་གི་རྒྱུགས་སྤྲོད་དོ་དམ་པའི་ལས་རོགས་ཀྱི་ཕྱག་ལས་གནང་མུས་རེད། ༢༽ འབུམ་རམས་པ་དགེ་བཤེས་ངག་དབང་བསྟན་འཕེལ་ལགས་ནི། ཝར་ཎཱ་དབུས་བོད་ཀྱི་ཆེས་མཐོའི་གཙུག་ལག་སློབ་གཉེར་ཁང་ནས་ཨ་ཅཱརྱ་ཐོན་རྗེས། བདག་དང་བདག་མེད་ཀྱི་དཀའ་གནད་གསལ་བར་བྱེད་པའི་ལེགས་བཤད་སྣང་བའི་རྒྱན། ཞེས་པའི་བརྗོད་གཞིའི་ཐོག་རིགས་གཅིག་རྐང་འཛིན་ཐོན། དེ་བཞིན་སེར་སྨད་གྲྭ་ཚང་ནས་དགེ་བཤེས་ཀྱི་ཕྱག་འཁྱེར་བཞེས། ད་ལྟ་ཝར་ཎཱ་དབུས་བོད་ཀྱི་ཆེས་མཐོའི་གཙུག་ལག་སློབ་གཉེར་ཁང་གི་དགེ་ལུགས་རང་གཞུང་གི་སློབ་དཔོན་ཕྱག་ལས་གནང་བཞིན་ཡོད། གཞི་རྩའི་ཕྱི་ལོ་ ༢༠༡༣ ལོ་ནས་བཟུང་༸གོང་ས་༸སྐྱབས་མགོན་ཆེན་པོ་མཆོག་གི་དགོངས་བཞེད་དང་སྐབས་བཅུ་བཞི་པའི་བཀའ་ཤག་ནས་ཁྱད་ལས་མི་སྣ་གསོ་སྐྱོང་གནང་རྒྱུའི་ལས་འཆར་ཁོངས་སློབ་གྲྭ་ཁག་གི་སློབ་མ་རྣམས་ཀྱི་བློ་སྤོབས་སྤར་རྒྱུ་དང་མིག་དཔེ་བཟང་པོ་སྲོལ་གཏོད་སླད།...