ཉིན་ཤས་རྗེས་ཀུ་ཤུ་རྟགས་ཅན་གྱི་ཁ་པར་ཐོན་རིམ་དྲུག་པ་ཕྱིར་འགྲེམ་སྤེལ་བྱ་རྒྱུ་ཡིན་པ་དང་། ཀུ་ཤུ་ལ་དགའ་མོས་ཅན་ཁ་ཤས་ཀྱིས་ད་ལྟ་ནས་ཀུ་ཤུ་ཚོང་ཁང་གི་སྒོ་ཁར་བང་སྒྲིག་ནས་སྒུག་བཞིན་འདུག ཀུ་ཤུ་བཟོ་ཚང་ཁང་གི་དྲ་རྒྱའི་ཐོག་གསལ་བསྒྲགས་སྤེལ་བ་ལྟར་ན། ཕྱི་ཟླ་༩ པའི་ཚེས་༩ ཉིན་ཀུ་ཤུ་བཟོ་ཚོང་ཁང་གི་ཐོན་གསར་སྒོ་འབྱེད་མཛད་སྒོ་དེ་ཨ་རིའི་ཀེ་ལི་ཧྥོ་ནི་ཡ་མངའ་སྡེའི་ཁུ་ཕར་ཊི་ནོ་(Cupertino) གྲོང་ཁྱེར་གྱི་ཧྥི་ལན་ཊི་(Flint) ཞེས་པའི་ལྟེ་གནས་སུ་འཚོག་རྒྱུ་ཡིན་པ་དང་། མཛད་སྒོའི་སྟེང་ཆེས་གསར་ཤོས་ཀྱི་ཀུ་ཤུ་རྟགས་ཅན་ཁ་པར་ཐོན་རིམ་དྲུག་པ་(Iphone6) དང་(IWatch) ཀུ་ཤུ་རྟགས་ཅན་གྱི་ཆུ་ཚོད། ཀུ་ཤུ་རྟགས་ཅན་གྱི་(Ipad Air) ཐོན་རིམ་གཉིས་པ་སོགས་འགྲེམ་སྤེལ་བྱ་རྒྱུ་ཡིན་ཞིང་། ཁ་ཤས་ཀྱིས་ཨ་རིའི་གྲོང་ཁྱེར་ནེའུ་ཡོག་ཏུ་ཡོད་པའི་Flagship ཞེས་པའི་ཀུ་ཤུ་ཚོང་ཁང་གི་ཕྱི་ལོགས་སུ་སྒར་རྒྱག་ཏེ་ཞག་སྡོད་བྱེད་བཞིན་ཀུ་ཤུ་ཐོན་གསར་ཉོ་རྒྱུར་སྒུག་འདུག བརྒྱུད་ལམ་ཁག་ཏུ་སྤེལ་བའི་གནས་ཚུལ་ལ་གཞིགས་ན། ཀུ་ཤུ་རྟགས་ཅན་གྱི་ཁ་པར་ཐོན་རིམ་༦ པའི་བཟོ་དབྱིབས་ད་ཡོད་ཀྱི་ཀུ་ཤུ་དང་བསྡུར་ན་འགྱུར་བ་ཆེན་པོ་བཏང་ཡོད་ཅིང་། རྩ་ཆེའི་ལྕགས་རིགས་ཀྱི་རྒྱུ་སྤུས་ལས་བཟོས་པའི་ཕྱི་ཤུན་དང་། ཨེན་ཆི་(Inch)༤་༧ རྒྱ་ཁྱོན་ཅན་གྱི་འཆར་ངོས། ད་ལྟའི་ཀུ་ཤུ་ལས་མྱུར་ཚད་མཐོ་བའི་A8Processor མ་ལག་སོགས་ལྡན་ཡོད་པ་རེད། ཉེ་སྔོན་ཧོ་ལེ་ཝུ་ཌིའི་(Hollywood) གློག་བརྙན་འཁྲབ་སྟོན་པ་བུད་མེད་མང་པོ་ཞིག་གི་ཀུ་ཤུ་རྟགས་ཅན་གྱི་ཁ་པར་གསང་མྱུལ་བས་གཏོར་རྒོལ་ཐེབས་ཏེ། འཁྲབ་སྟོན་པ་བུད་མེད་དེ་དག་གི་དམར་རྗེན་མའི་པར་རིས་མང་པོ་ཞིག་རྐུ་ཁྱེར་འོག་ཡོངས་གྲགས་ཐོག་ཕྱིར་ཁྱབ་སྤེལ་བྱས་པའི་རྐྱེན་གྱིས། ཀུ་ཤུའི་མ་རྐང་བརྒྱ་ཆ་4% ལ་མར་ཆགས་ཏེ། ཟླ་གཅིག་གི་དུས་ཚོད་ནང་ཉམས་རྒུད་ཆེ་ཤོས་སུ་གྱུར་ཡང་། ཐེངས་འདིར་ཐོན་ལ་ཉེ་བའི་ཀུ་ཤུ་རྟགས་ཅན་གྱི་ཁ་པར་འདོན་ཐེངས་༦...

རྩོམ་པ་པོ། (叶延滨) ཡཱི་ཡན་པིན།                              ཁ་སྒང་གཡང་འབུམ་ཚེ་རིང་གིས་བསྒྱུར།     ཆུ་ཐིགས་ཤིག་གིས་སྙན་ངག་མཁན་དང་དཔྱད་བརྗོད་མཁན། མཚན་ཉིད་པ་བཅས་ལ་བརྟེན་ནས་རང་ཉིད་འཚོལ་འདོད་པ་རེད། རྒྱུ་མཚན་ནི་ཁོས་ནམ་རྒྱུན་ཆུ་ཐིགས་གཞན་དག་གིས་སྙན་ངག་མཁན་དང༌། དཔྱད་བརྗོད་མཁན། མཚན་ཉིད་པ་བཅས་ཁོ་ནས་ད་གཟོད་ཆུ་ཐིགས་གཅིག་ལ་རྒྱུས་ལོན་ཐུབ་པའི་སྐོར་གྱི་སྐད་ཆ་གོ་བས་རེད།         “ཀྱེ་ཀྱེ།” ཞེས་པའི་ཐ་སྙད་འདི་མཐོང་མ་ཐག་ཆུ་ཐིགས་དེས་རང་ཉིད་ཀྱིས་སྙན་ངག་མཁན་རྙེད་བྱུང་བ་ཚོར། “ཀྱེ། ཆུ་ཐིགས་དེའི་ནང་དུའང་ཉི་མའི་གཟི་འོད་འཚེར་བཞིན་འདུག ཅི་འདྲའི་རྣར་སྙན་པའི་སྐད་ཆ་ཞིག་རེད་ཨང༌། ཆུ་ཐིགས་གཅིག་ལའང་དེ་འདྲའི་སྙིང་སྟོབས་ཆེན་པོ་ཞིག ཉི་མའི་གཟི་འོད་ལྟར་ཅི་འདྲའི་རླབས་ཆེ་བའི་ཆུ་ཐིགས་ཀྱེ།” ཆུ་ཐིགས་དེས་རང་ཉིད་ལ་བརྩེ་འདང་སྟོན་སྐབས་ཀྱང་“ཀྱེ་“ཞེས་པའི་ཐ་སྙད་དེ་བེད་སྤྱོད་བཏང་ཡོད།...

– དགེ་རྒན་དུས་ཆེན་ལ་ཕུལ་བ། འབའ་སྲས། སྒོ་སམ་ས་སྙུག་བར་གྱི་གཡོག་པོ་དང་།། དཔེ་དེབ་འབྲི་དེབ་ཁྲོད་ཀྱི་གླ་བ་སྟེ།། སློབ་མ་སློབ་གཙོ་བར་གྱི་བཙོན་མ་ཁྱོད།། མི་ཚེ་གང་བོ་གཞན་གྱི་དབང་ལ་ཤོར།། དབང་དང་གོ་སའི་ཆེད་དུ་མ་ཤི་ཞིང་།། རྒྱུ་དང་འབྱོར་བའི་དོན་ལ་མ་མྱོས་པར།། རང་གི་ཁོག་ན་ཡོད་པའི་རིན་ཆེན་ནོར།། ཕངས་མེད་གཞན་ལ་སྦྱིན་པའི་མི་གསོན་པོ།། རྨོངས་པའི་བུད་ཤིང་བསྲེག་པའི་མེ་དམར་བོ།། མུན་པའི་སྨག་རུམ་གཞོམ་པའི་གློག་གསལ་བོ།། སྐོམ་པའི་གྲེ་བ་བརླན་པའི་ཆུ་དྭངས་མོ།། དགེ་རྒན་ཁྱོད་ནི་རླབས་ཆེན་མི་བཟང་བོ།། དྲང་བའི་མདུན་ལམ་སྟོན་པའི་ཐིག་དྲང་བོ།། ཡ་རབས་ཕྱོགས་ལ་སྐུལ་བའི་སེམས་བཟང་བོ།། སློབ་མ་གྲོགས་སུ་འཛིན་ལ་ཐབས་མཁས་པོ།། དགེ་རྒན་ཁྱོད་ནི་འཇིག་རྟེན་བླ་མའི་བླ།། ཉི་མ་མ་ཤར་ཉིན་མོ་ཅི་འདྲ་རེད།། ཟླ་བ་མ་ཚེས་མཚན་མོ་ག་འདྲ་འདུག ། དགེ་རྒན་མེད་ན་མི་ཡང་དེ་འདྲ་རེད།། དེ་བས་དགེ་རྒན་མི་ཚེའི་ཉི་འོད་ཡིན།། ༡༤/༠༩/༠༤ ཉལ་ཁར། ངེད་དྲ་ཚིགས།...

མཛོད་དགེ  དོན་འགྲུབ། ལང་ལོང་འཁྲིགས་པའི་རླབས་ཀྱི་མེ་ཏོག་གནམ་སའི་ཧྲག་ཏུ་རེ་ཞིག་འཇགས། ། ཚང་ཚིང་ནགས་ཀྱི་ཁུ་བྱུག་སྔོན་མོ་གྲགས་མཚམས་བཞག་སྟེ་ལྟ་ཉན་བྱེད། ། རྒྱ་མཚོའི་མཐིལ་གྱི་ཁུག་རྟའི་གཤོག་འགྱུར་བྲག་ཐོག་ཁེན་ཏེ་ངལ་གསོ་བརྟེན། ། རང་བྱུང་མཛེས་བ་སྒྲ་ཡིས་ལུད་པའི་གཙང་འགྲམ་འདི་དང་གྱེས་སྙིང་དཀའ། ། འབྱམས་སུ་ཀླས་པའི་མཚོ་འཇིངས་འདི་ནས་དབྱངས་ཅན་ལྷ་མོས་དབྱངས་ཤིག་བརྩམས། ། བརྩམས་པས་མི་ཚད་འདོད་འཇོ་ངག་རྟ་བརྩེ་བ་ཆེན་པོས་ཆུ་ལ་བསྐྱིལ། ། བསྐྱིལ་བས་མི་ཚད་འཇིག་རྟེན་ཡོངས་རྫོགས་དབྱངས་ཀྱི་ངོ་བོས་བཟི་བར་བྱེད། ། པི་ཝང་རྒྱུད་མངས་དབྱངས་རྟ་ཕྲ་མོས་ཕྱོགས་མཚམས་ཀུན་ལ་རླུང་ཞིག་སྤུར། ། རྒྱ་མཚོ་སྐྱོམ་པའི་མཁའ་དབྱིངས་འདི་ན་ཁྲུང་ཁྲུང་ཁྱུ་གཅིག་གནམ་འཕང་བསྟད། ། ལྷོ་མོན་རོང་གི་རི་ཚོགས་ལྟེབ་ཀྱིན་ཆུ་ལྷའི་ཕང་བར་གར་སྟབས་བསྒྱུར། ། ཀེ་ཀོ་སྒྲོག་པའི་མགྲིན་དབྱངས་སྙན་མོས་གནམ་གྱི་ཕྲ་ཁུང་ཧངས་སེ་ཕྱེས། ། ཁྲུང་ཁྱུ་དཀར་མོའི་གཤོག་རླབས་ཁུད་ནས་ཁོ་བོ་ཨ་མདོ་སྨད་དུ་དེངས། ། ལྟ་བས་མི་མངོན་གཙང་བོའི་གཞུང་ན་གྲུ་ཤན་རྟ་མགོ་མདུན་ཕྱོགས་ནུར། ། གྲུ་ནང་འགུལ་བའི་གྲིབ་གཟུགས་ཆེ་ཆུང་རླབས་དང་བསྡོངས་ནས་གཅིག་བུར་འཕྱོ། ། མཚོ་གཏིང་ལྷུང་བའི་མཚམས་སྤྲིན་རྡོག་རེ་དལ་གྱིས་དལ་གྱིས་གྲུ་ཞབས་མནན། ། གྲུ་ཤན་རྟ་མགོའི་སྐྱ་བ་ཐོགས་ཏེ་ཁོ་བོ་བྱང་ཕྱོགས་རི་ལ་འགོས། །...

                                          ཟླ་ཚེས་ཤིག་དྲན་གསོས་པ།  སྨྱུག་མདའ། ལས་དབང་བཙན་པོའི་རྦབ་ཆུ་བབས།། རྨི་ལམ་བརྒྱ་ཕྲག་ཕར་ལ་སྐྱེལ།། ལྕགས་རི་སྲ་མོའི་ནང་རོལ་ཏུ།། ནམ་མཁར་ཅེར་ཏེ་སྙན་ངག་བྲིས།།   དུངས་ཀ་ཅི་ཙམ་དེད་གྱུར་ན།། ཁེར་རྐྱང་གྲིབ་གཟུགས་མདུན་དུ་དཔྱངས།། སྐད་ཆའི་ཉིན་སྲིབ་འདྲེས་ཚུལ་ལ།། དྲོད་ཁོལ་བསྲིངས་པའི་སྣང་བ་འཛུམ།།   ཞོགས་པའི་འོད་ལ་མགོ་བོ་སྙེ།། ཅི་ཞིག་བརླན་པའི་མཆི་མ་གླེང་།།...