ཟླ་ཚེས་ཤིག་དྲན་གསོས་པ།
སྨྱུག་མདའ།
ལས་དབང་བཙན་པོའི་རྦབ་ཆུ་བབས།།
རྨི་ལམ་བརྒྱ་ཕྲག་ཕར་ལ་སྐྱེལ།།
ལྕགས་རི་སྲ་མོའི་ནང་རོལ་ཏུ།།
ནམ་མཁར་ཅེར་ཏེ་སྙན་ངག་བྲིས།།
དུངས་ཀ་ཅི་ཙམ་དེད་གྱུར་ན།།
ཁེར་རྐྱང་གྲིབ་གཟུགས་མདུན་དུ་དཔྱངས།།
སྐད་ཆའི་ཉིན་སྲིབ་འདྲེས་ཚུལ་ལ།།
དྲོད་ཁོལ་བསྲིངས་པའི་སྣང་བ་འཛུམ།།
ཞོགས་པའི་འོད་ལ་མགོ་བོ་སྙེ།།
ཅི་ཞིག་བརླན་པའི་མཆི་མ་གླེང་།།
བྲང་གཞོང་ལྕི་བའི་ལོ་ཟླ་ཞིག།
འཚོ་བ་འདི་ཡི་ངོས་ལ་ཆགས།།
བསམ་གཞིགས་སྣེ་རུ་ཡུལ་ཞིག་རྙེད།།
འགྱིག་གི་ངད་པ་འགྲོས་ཀྱིས་ཡལ།།
བརྩེ་བ་འོད་ཀྱི་འཇིག་རྟེན་འདི།།
ཡི་དྭགས་སྔོ་སྐེ་ཟས་སྦྱིན་ཉིད།།
མི་ཆོས་གཉེར་ལ་འཁོར་བའི་བྲན།།
ད་ཚོད་སྤོབས་པའི་དཔལ་དུ་བསྐྱེད།།
མྱི་ཁའི་མེ་འོབས་ལྷུང་གྱུར་ན།།
སྨོད་པའི་གྱི་ལིང་ཕ་མཐར་བརྒལ།།
འཇའ་ཚོན་སྦྲུམ་པའི་གནམ་འོག་འདིར།།
སུ་ཞིག་སྙིང་ཁར་རེག་ཚེ་འཇིགས།།
སང་ཉིན་གློག་བརྡས་དཀྲོགས་པའི་ཚེ།།
སེམས་པ་ཉེ་ཉེ་བཞག་པ་མཐོང་།།
ཚོར་ཤུགས་མཇལ་བས་ཅི་ཞིག་བསྡམས།།
བདག་གི་གློ་བའི་ཉམས་སྣང་བཙིར།།
མཚོ་སྔོན་གོམ་གྱིས་གཞལ་གྱུར་ན།།
འཚོ་བའི་དུར་ས་དེ་གའི་འགྲིག །
༢༠༡༤ ༨ ༢༨ ཉིན།
ངེད་དྲ་ཚིགས།
རྒྱ་བོད་གནད་དོན་གསལ་འདེབས་མདོར་བསྡུས་ཡག་ཐག་ཆོད་བྱས་འདུག བཀའ་དྲིན་ཤིན་ཏུ་ཆེ།
I want to buy this book. Can anyone Help?
ཐུགས་རྗེ་ཆེ། འཕྲུལ་དེབ་ཧ་ཅང་ཡག་པོ་བཟོས་གནང་འདུག
མཁྱེན་ལྡན་པ་ལགས་སུ་ཞུ་རྒྱུར། གུས་ནས་འཕྲུལ་དེབ་གཅིག་ཀྱང་ཕབ་ལེན་ཐུབ་ཀྱི་མི་འདུག་པས་ ཕབ་ལེན་ཇི་ལྟར་བྱེད་དགོས་མིན་ཐད་ལམ་སྟོན་གནང་རོགས། ཐུགས་རྗེ་ཆེ།
[…] page (no longer online) and then re-posted by Tibetan language diaspora websites Khabdha and Wokar. Tashi Rabten is from…