September ༦, ༢༠༡༤

མི་རིགས་ཕན་ཚུན་གཉེན་སྒྲིག་དང་འགལ་ཟླ།

འབྲོག་མྱི། རྒྱ་ནག་གཞུང་གིས་ཤར་ཏིར་གུ་སི་ཐན་ནམ་ཞིན་ཅིང་དུ་དཔལ་འབྱོར་གྱི་སླུ་བྲིད་ལ་བརྟེན་ནས། ཡུ་གུར་མི་རིགས་དང་རྒྱ་རིགས་ཕན་ཚུན་གཉེན་སྒྲིག་བྱེད་རྒྱུར་སྐུལ་སློང་བྱེད་ཀྱིན་པ་དང་། སྲིད་ཇུས་དེ་ནི་ཉིན་ལྟར་ཛ་ཇེ་དྲག་ཏུ་འགྲོ་བཞིན་པའི་མི་རིགས་ཀྱི་དྲག་པོའི་ལས་འགུལ་ཞི་ལྷོད་ཡོད་སླད་དམིགས་པ་གསལ་བོ་རེད། རིགས་ཚོགས་སྡེབ་གསོད་དང་མི་རིགས་ཕན་ཚུན་གཉེན་སྒྲིག་སོགས་གདུག་རྩུབ་ཆེ་བའི་གཏུམ་དྲག་བྱ་སྤྱོད་དང་སྲིད་ཇུས་ལ་བརྟེན་ནས་རྒྱ་རིགས་ལས་གཞན་པའི་མི་རིགས་རིགས་ཚོགས་རྩ་མེད་དང་མཚུངས་སྒྱུར། མ་མཐའ་ཡང་ས་ཁུལ་ཞི་འཇགས་ཡོད་ཐབས་བྱེད་སྲོལ་འདི་ནི། རྒྱ་ནག་དེང་གཞུང་གི་དེ་རིང་གི་གསར་གཏོད་ཅིག་མ་ཡིན་པར་། དེ་ནི་ལོ་ངོ་ ༡༨༠༠ འི་ཡར་སྔོན་གྱི་རྒྱལ་ཁབ་གསུམ་ཞེས་པའི་དུས་རབས་སུ་ཚཱོ་ཚཱོ་ཡི་གསར་གཏོད་དང་ལག་ལེན་དུ་བསྟར་མྱོང་བའི་གཞན་རིགས་རྩ་མེད་དུ་གཏོང་བའི་སྲིད་ངན་གཡོ་ཇུས་ཤིག་རེད། ཉེ་བའི་དུས་སུ་སིན་ཁྲོན་ཀྱི་ཇག་དཔོན་ཀྲའོ་ཨེར་ཧྥིན་གྱིས་བོད་ཤར་ཕྱོགས་མཐའ་མཚམས་སུ་མི་རིགས་ཕན་ཚུན་གཉེན་སྒྲིག་ལ་སླུ་བྲིད་དང་སྐུལ་སློང་གི་སྲིད་ཇུས་སྤེལ་ཡོད་པ་ཇི་བཞིན། ཡི་གུར་བས “ཝང་འདྲེ་བུ” ཞེས་འབོད་པའི་དམག་དཔོན་ཝང་ཀྲིན་གྱིས་ཤར་ཏིར་གུ་སི་ཐན་དུ་ཡི་གུར་བ་སྡེབ་གསོད་བྱས་ཡོད་པ་རེད། འཛམ་གླིང་གང་སར་རིགས་ཚོགས་མཚུངས་སྒྱུར་གྱི་དོན་དག་བྱུང་མྱོང་ཡོད། ཡིན་ན་ཡང་། དེ་དག་མང་ཆེ་བ་རང་བྱུང་མཚུངས་སྒྱུར་ལས་བྱུང་བ་ཤར་སྟག་རེད། དམིགས་ཡུལ་ཡོད་པ། རྩ་འཛུགས་ཡོད་པ། འཆར་གཞི་ཡོད་པའི་སྒོ་ནས། རྒྱལ་ཁབ་ཀྱི་སྟོབས་ཤུགས་བཀོལ་ནས་མི་རིགས་རིགས་ཚོགས་གཞན་རྣམས་བཙན་དབང་གིས་མཚུངས་སྒྱུར་བྱེད་མཁན་རྒྱ་ནག་དམར་ཤོག་གཞུང་ཁོ་ན་མ་གཏོགས་ཉི་མའི་འོད་ཀྱིས་ཁྱབ་ས་ན་གཉིས་པ་ཞིག་མེད། བཙན་སྐུལ་གྱི་བྱེད་སྟངས་དེ་ནི་བོད་དང་ཤར་ཏིར་གུ་སི་ཐན་གྱི་ཆེ་མུའུ་རྫོང་སུ་གཏན་འབེབས་དང་ལག་བསྟར་བྱས་དང་བྱེད་ཀྱིན་པའི་སྲིད་ཇུས་གསར་བ་དེ་རེད། ཉེ་བའི་ལོ་ཤས་སུ། བོད་ཁུལ་ཡོངས་སུ་རྒྱ་ནག་གི་དབང་བསྒྱུར་ལ་ངོ་རྒོལ་གྱི་ལས་འགུལ་རིགས་རབ་དང་རིམ་པ་བྱུང་ཡོད་པ་དང་། ཤར་ཏིར་གུ་སི་ཐན་དུའང་ཡི་གུར་བ་དང་རྒྱ་རིགས་བར་དྲག་པོའི་འགལ་ཟླ་བསྟུད་མར་བྱུང་ཡོད། དེའི་སྟབས་ཀྱིས་མི་རིགས་ཀྱི་འགལ་ཟླ་དང་། ས་ཁུལ་བདེ་འཇགས་ཡོང་ཐབས་སུ་མི་རིགས་ཕན་ཚུན་གཉེན་སྒྲིག་གིས་མཚོན་སྲིད་ཇུས་མང་པོ་ཞིག་མངོན་གསལ་དོད་པོས་བོད་དང་ཤར་ཏིར་གུ་སི་ཐན་ས་ཁུལ་དུ་སྤེལ་གྱིན་ཡོད། ད་ལོའི་ཕྱི་ཟླ་དྲུག་པའི་ཚེས་༡༨ཉིན། བོད་རང་སྐྱོང་ལྗོངས་ཟེར་བའི་དམར་ཤོག་དྲུང་ཆེ་ཁྲིན་ཆོན་ཀོའུ་ཡིས་མི་རིགས་ཕན་ཚུན་གཉེན་སྒྲིག་ལས་གྲུབ་པའི་ཁྱིམ་ཚང་༡༩འི་བཞུགས་མོལ་ཚོགས་འདུ་ཟེར་བ་ཞིག་གི་སྟེང་དུ། མི་རིགས་ཕན་ཚུན་གཉེན་སྒྲིག་ནི་བོད་དུ་ཁ་བྲལ་འཐབ་རྩོད་སྤེལ་རྒྱུའི་འགྱུར་མེད་སྲ་བརྟན་གྱི་འགན་སྲུང་དེ་ཡིན་ལ། ད་ལྟ་ཕྱོགས་སོ་སོས་བློ་རིགས་གསར་བ་དང་རྣམ་པ་གསར་བ་འཚོལ་ཞིབ་བྱས་ནས། མི་རིགས་ཕན་ཚུན་གཉེན་སྒྲིག་བྱེད་རྒྱུར་ཧུར་ཐག་འབད་ཐག་གིས་སྐུལ་འདེད་བྱེད་དགོས་ཞེས་ནན་གྱིས་བརྗོད་ཡོད་པ་དང་ཆབས་ཅིག སྤྱི་ཚོགས་ཡོངས་སུ་མི་རིགས་ཕན་ཚུན་གཉེན་སྒྲིག་ལ་སྐུལ་འདེད་དང་རྒྱབ་སྐྱོར་གྱི་ཁོར་ཡུག་བསྐྲུན་ཏེ། མི་རིགས་ཕན་ཚུན་གཉེན་སྒྲིག་ལས་གྲུབ་པའི་ཁྱིན་ཚང་དེ་དག་ལ།...
དེ་ལས་མང་པ།

ཆུང་འདྲིས་བྱམས་པ།

ཨ་མགར་བཟའ། དབྱར་གྱི་ཆུ་རྒྱུན་རིང་མོས།། ང་ལ་ཚིག་གསུམ་བཤད་བྱུང་།། ལྷ་བྱ་ཁུ་བྱུག་སྔོན་མོ།། མོན་ནས་ལོག་ཡོང་ཟེར་གི། ཨ་་་།   ཆུང་འདྲིས་བྱམས་པ། ཁྱེད་དང་ང་ཡི་ལས་འཕྲོ། སྔོན་མོ་ནས་ལ་བཏབ་ཡོད།། ཚེ་རིང་ཆུ་ལ་བཅོལ་ཡོད།། ཆུ་དང་ལྗང་ཆུང་བར་ལ།། ལས་འབྲས་མདུད་པ་ཐེབས་ཡོད།། ཨ་་་།     ཆུང་འདྲིས་བྱམས་པ། ཆུ་དང་ལྗང་ཆུང་བར་ལ། ལས་འབྲས་མདུད་པ་ཐེབས་ཡོད། ༢༠༡༤   ༨   ༩ གསར་རྩོམ་གཞས་ཚིག་དག་གི་འགན་དབང་ངེད་དྲ་ཚིགས་ལ་ཡོད་པས་ཆོག་མཆན་མ་ཞུས་པར་གང་བྱུང་དུ་རྐུ་ཁྱེར་དང་བརྒྱུད་འགོད་བྱ་མི་ཆོག...
དེ་ལས་མང་པ།

ཨ་མའི་ཨོ་ལོ་ཚོ།

ལྡོང་གངས་སྦལ། མ་གཉིད་ཡར་ལ་ལོངས་དང་ཨ་མའི་ཨོ་ལོ་ཚོ།། མེས་པོའི་ཕ་གཞིས་གངས་ཅན་ཁ་བ་ཡིན།།  ང་ཚོ་ཚང་མ་ཐུ་བྷོད་གདོང་རྒྱུད་རེད།། ཡར་ཀླུང་རྩེད་ཐང་མེས་པོའི་ཕ་ས་ཡིན།། མ་གཉིད་ཡར་ལ་ལོངས་དང་ཨ་མའི་ཨོ་ལོ་ཚོ།། ང་ཚོའི་མེས་པོ་ཐུ་བྷོད་བཙན་པོ་ཡིན།།  བཙན་པོའི་ལོ་རྒྱུས་གཙུག་གི་ནོར་བུ་རེད།།  གངས་ཅན་བླ་མཚོ་ཁྲི་ཤོར་རྒྱལ་མོ་ཡིན།། མ་གཉིད་ཡར་ལ་ལོངས་དང་ཨ་མའི་ཨོ་ལོ་ཚོ།། མེས་པོའི་ཁྱིམ་གཞིས་མཐིང་སྨུག་སྦྲ་ནག་རེད། །  གངས་ཅན་བླ་རི་རྨ་ཆེན་སྦོམ་ར་ཡིན། ། མེས་པོའི་སྒོ་ཟོག་རྟ་ནོར་ལུག་གསུམ་ཡིན།། མ་གཉིད་ཡར་ལ་ལོངས་དང་ཨ་མའི་ཨོ་ལོ་ཚོ།། རྨ་འབྲི་རྫ་གསུམ་ལྷ་ཆབ་བསིལ་མ་ཡིན།། ཡུམ་བུ་བླ་མཁར་མེས་པོའི་ཕོ་བྲང་རེད།། གངས་ལྗོངས་ཕྱུག་མོ་ང་ཡི་ཕ་ས་ཡིན།། གསར་རྩོམ་གཞས་ཚིག་དག་གི་འགན་དབང་ངེད་དྲ་ཚིགས་ལ་ཡོད་པས་ཆོག་མཆན་མ་ཞུས་པར་གང་བྱུང་དུ་རྐུ་ཁྱེར་དང་བརྒྱུད་འགོད་བྱ་མི་ཆོག...
དེ་ལས་མང་པ།

བྱོན་པ་ལེགས།

བྱོན་པ་ལེགས། གླུ་ཚིག    ཇོ་རུ། རྩེ་ལ་གངས་རི་དཀར་པོ། གཞུང་ལ་སེང་གེ་གཙང་བོ། འགྲོ་ཞོར་སེམས་ཀྱིས་མཇལ་ནས། སེམས་སྐྱོ་ལས་འཕྲོ་བཏབ་ཡོད།། མར་ཡུལ་ལ་དྭགས། ཡུལ་ཡང་བཙན་པོའི་མངའ་རིས།། དཔོན་ཡང་བཙན་པོའི་བུ་རྒྱུད། ཤེལ་གྱི་མཁར་ཡོད། དགེ་བཅུའི་ཁྲིམས་ཡོད། བྱོན་པ་ལེགས།  བྱོན་པ་ལེགས། ང་ཡི་བཙན་པོ།  སྐུ་ཉིད་བྱོན་པ་ལེགས།། སྒང་ལ་རི་དགོན་དམར་པོ། གཤོངས་ལ་མཆོད་རྟེན་དཀར་པོ། འགྲོ་ཞོར་སེམས་ཀྱིས་མཇལ་བས།། སེམས་སྐྱོ་ལས་འཕྲོ་བཏབ་ཡོད།། མར་ཡུལ་ལ་དྭགས། ས་ཡང་བླ་མའི་སྒྲུབ་གནས། ཆོས་ཀྱང་མདོ་སྔགས་བསྟན་པ། དད་པའི་ཕྱག་ཡོད། མཆོད་པའི་རྟེན་ཡོད། བྱོན་པ་ལེགས། བྱོན་པ་ལེགས། ང་ཡི་བླ་མ།སྐུ་ཉིད་བྱོན་པ་ལེགས། ཡུལ་ལ་ཡར་ལུང་དམར་པོ། མི་ལ་མཁུར་ཚོས་དམར་པོ། འགྲོ་ཞོར་སེམས་ཀྱིས་མཇལ་བས། སེམས་སྐྱོ་ལས་འཕྲོ་བཏབ་ཡོད། མར་ཡུལ་ལ་དྭགས། སྐད་ཀྱང་གནའ་བོའི་སྐད་ཡིན།...
དེ་ལས་མང་པ།

དུང་དཀར་བློ་བཟང་འཕྲིན་ལས།

    དེ་ཡང་བོད་ཀྱི་མཁས་དབང་གྲགས་ཅན་དུང་དཀར་སྐུ་ཕྲེང་བརྒྱད་པ་བློ་བཟང་འཕྲིན་ལས་མཆོག་ནི་རབ་བྱུང་བཅུ་དྲུག་པའི་མེ་ཡོས (༡༩༢༧) ལོར་དགེ་མཚན་གྱི་ལྟས་དུ་མ་དང་བཅས་བོད་ལྗོངས་ཀོང་པོ་ཉིང་ཁྲི་ས་ཁུལ་ཉིང་ཁྲི་རྫོང་ཁོངས་ཇོ་མོ་ཤང་དུ་ཡབ་ཚེ་དབང་དང་ཡུམ་བཀྲ་ཤིས་མཚོ་གཉིས་ཀྱི་སྲས་སུ་སྐུ་བལྟམས།  མཚན་ཟླ་བ་ཞེས་གསོལ།  དེ་ནས་རིང་པོར་མ་ཐོགས་པར་ཁྱབ་བདག་རྡོ་རྗེ་འཆང་ཕ་བོང་ཁ་པ་བདེ་ཆེན་སྙིང་པོས་ཆོས་མིང་བློ་བཟང་སྐལ་ལྡན་འཕྲིན་ལས་རྒྱ་མཚོ་ཞེས་གནང་། ཤིང་ཁྱི(༡༩༣༤)ལོར་དགུང་གྲངས་ལྔ་ལ་ཕེབས་སྐབས་ཏཱ་ལའི་བླ་མ་སྐུ་ཕྲེང་བཅུ་གསུམ་པ་ཐུབ་བསྟན་རྒྱ་མཚོས་དུང་དཀར་སྐུ་ཕྲེང་བདུན་པའི་ཡང་སྲིད་དུ་ངོས་འཛིན་མཛད་ཐོག་ལོ་ཤས་རིང་ཡབ་ཡུམ་གྱི་གཟིགས་སྐྱོང་འོག་སྦྱོར་ཀློག་དང་ཆོས་ལུགས་དཔེ་ཆ་ཉུང་ཤས་སློབ་གཉེར་མཛད།  ཤིང་ཕག (༡༩༣༥) ལོར་འཁྲུངས་ཡུལ་གཞིས་དགོན་དུ་ཁྲི་སྟོན་མཛད་དེ་སེར་སྨད་ཀོང་པོ་ཁང་ཚན་གྱི་འདུལ་བ་འཛིན་པ་ངག་དབང་ཡོན་ཏན་ཀློག་གི་སློབ་དཔོན་ལ་བསྟེན་ནས་གཞུང་ཆེན་པོ་ལྔའི་རྩ་བ་དང་འགྲེལ་པ་ཤོག་གྲངས་ཉིས་བརྒྱ་ལྷག་ཙམ་དང་།  དགོན་པའི་ཚོགས་འདོན་ཡོངས་རྫོགས་ཐུགས་འཛིན་མཛད།  མེ་བྱི (༡༩༣༦) ལོར་ཀོང་པོ་ནས་ལྷ་སར་ཐོག་མར་ཕེབས་ཏེ་སེར་སྨད་གྲྭ་ཚང་དུ་སྒྲིགས་ལ་ཞུགས་ནས་ཡོངས་འཛིན་གོང་གསལ་དང་སེར་བྱེས་གཙང་པ་ཁང་ཚན་གྱི་དགེ་བའི་བཤེས་གཉེན་ཆེན་པོ་ངག་དབང་དགེ་འདུན་བསྟེན་ནས་ལོ་བཅུ་ལྷག་རིང་གཞུང་ཆེན་བཀའ་པོད་ལྔ་ལ་སློབ་གཉེར་དཔྱིས་ཕྱིན་པ་མཛད་དེ་མེ་ཁྱི (༡༩༤༦) ལོར་ལྷ་ས་སྨོན་ལམ་ཆེན་མོར་དགེ་བཤེས་ལྷ་རམས་པའི་དམ་བཅའ་བཞེས།  དེ་མུར་རྒྱུད་ལ་ཞུགས་ཏེ་ལྕགས་སྟག (༡༩༥༠) ལོར་སྔགས་རམས་ཨང་གཉིས་པའི་མཚན་གནས་ཐོབ།  ཤིང་རྟ (༡༩༥༤)ལོར་ལྷ་ལྡན་རྒྱུད་སྟོད་གྲྭ་ཚང་གི་དགེ་སྐོས་གནང་།    དེ་ནས་ཤིང་ལུག(༡༩༥༥)ལོ་བར་བོད་ཀྱི་རིག་གནས་སློབ་གཉེར་མཛད་པ་དང་ཆབས་ཅིག་གོ་སྐབས་ནམ་བྱུང་ལ་གླིང་རིན་པོ་ཆེ་དང་། ཁྲི་བྱང་རིན་པོ་ཆེ། དགའ་ལྡན་ཁྲི་རིན་པོ་ཆེ་ལྷུན་འགྲུབ་བརྩོན་འགྲུས་སོགས་བླ་མ་བཅུ་ལྷག་ཙམ་བསྟེན་ནས་ཆོས་འབྲེལ་ཞུ་གནང་མཛད་པ་དང་། མཁས་དབང་ཚ་སྤྲུལ་རིན་པོ་ཆེའི་སྐུ་མདུན་ནས་སུམ་རྟགས་དང་།  སྙན་ངག་ཆ་ཚང་གི་སློབ་ཁྲིད་དང་།  མཁས་དབང་སྙེ་མོ་ཡེ་ཤེས་ཆོས་འཕེལ་གྱི་སྐུ་མདུན་ནས་སྐར་རྩིས་སྐོར་ལེའུ་ཁ་ཤས་བཅས་གསན་བཞེས་མཛད།  བོད་ཞི་བས་བཅིངས་འགྲོལ་ཐོབ་རྗེས་ཀྱི་མེ་སྤྲེལ(༡༩༥༦)ལོར་གསར་བརྗེའི་ནང་ཞུགས་ཏེ་ཀོང་པོ་ཉིང་ཁྲི་ཀྲོན་ཆུས་དྭགས་ཀོང་ཡན་ལག་ཆོས་ཚོགས་ཀྱི་ཀྲུའུ་རེན་གཞོན་པའི་ཐུགས་འགན་བཞེས།  ས་ཕག་(༡༩༥༩)ལོར་ཀྲུང་གོ་ནང་བསྟན་མཐུན་ཚོགས་བོད་ལྗོངས་ཡན་ལག་མཐུན་ཚོགས་ཀྱི་ལས་འཛིན་དུ་བསྐོ་བཞག་བྱས།  ལྕགས་བྱི(༡༩༦༠)ལོར་པེ་ཅིན་དུ་ཐོག་མ་ཕེབས་འབྱོར་ཐོག་ཀྲུང་དབྱང་མི་རིགས་སློབ་གྲྭ་ཆེན་མོའི་མི་རིགས་སྐད་ཡིག་ཚན་ཁག་ནང་ལོ་དྲུག་རིང་སྔ་ཕྱིར་བོད་ཡིག་ཞིབ་འཇུག་འཛིན་གྲྭ་ཁག་གཉིས་ལ་སུམ་རྟགས་དང་།  སྙན་ངག་ལོ་རྒྱུས།སངས་རྒྱས་ཆོས་ལུགས་སྐོར་བཅས་སློབ་ཁྲིད་གནང་བ་མ་ཟད།  དེའི་རིང་སྙན་ངག་སློབ་དེབ  <<སྙན་ངག་ལ་འཇུག་ཚུལ་ཚིག་རྒྱན་རིག་པའི་སྒོ་འབྱེད>> ...
དེ་ལས་མང་པ།

རང་ཉིད་ལ་བལྟ་བ།

རྒྱ་གྲོལ།                                             ཡར་རྒྱས་ནི་མིའི་མཛེས་པ་ཞིག་སྟེ་མཛེས་པ་ཡལ་བའི་ཡར་རྒྱས་ནི་ཡར་རྒྱས་མིན་པར་ཕམ་ཁ་ཡིན་ནོ། །  མིའི་ཡར་རྒྱས་ནི་མི་ཆོས་རིང་ལུགས་ཀྱི་ཡར་རྒྱས་ཏེ་འགྲོ་བ་མིའི་རིགས་ཀྱི་བརྩེ་སེམས་ཡིན་ནོ། །  མིས་རང་ཉིད་ལ་ཕྱིའི་དཔལ་ཡོན་གྱིས་བྱི་དོར་བྱེད་བཞིན་ནང་བསམ་པའི་དཔལ་ཡོན་གྱི་ཐད་ནས་བྱི་དོར་བྱ་རྒྱུ་བརྗེད་དེ་དེའི་ཚབ་ཏུ་གསེར་དངུལ་གྱི་རྒྱན་ཆ་དང་ལོངས་སྤྱོད་ཀྱི་དགོད་སྒྲ་ཁོ་ནས་བསྐྱངས། དེ་བས་མི་མང་བོ་ཞིག་ནི་ཕྱིའི་ལུས་པོ་ཡིད་དུ་འོང་ན་ཡང་ནང་བསམ་པ་ནི་ཆེས་སྐྱུག་བྲོ་བ་ཞིག་ཡིན་ནོ།། བོང་བུས་གཟིག་ལྤགས་གྱོན་ནའང་དེའི་ཕུགས་ན་མི་ཡོད་ཅིང་གཟིག་ལྤགས་གྱོན་པའི་བོང་བུ་གཞན་གྱིས་བསད་ནའང་མི་དེ་རིགས་ཀྱིས་བདེན་དྲང་གི་བོང་བུ་མང་བོར་ད་དུང་གཟིག་ལྤགས་གཡོགས་བཞིན་འདུག   སེང་གེ་འཇིགས་རྒྱུ་མེད་པའི་བླུན་པོ་ཞིག་ཡིན་ལ་སེང་གེའི་ཡ་ཐོད་གྱོན་པའི་མི་ནི་ངོ་ཚ་མེད་པའི་མཁས་པ་ཞིག་སྟེ།  ཁྱིས་ཞེ་སྡང་གི་ཆོ་ངེ་འདོན་ཞིང་རྔ་མ་མེད་ནའང་བདག་པོ་བཙོང་བའི་འདྲེ་མིན་ལ་མིས་སྤྲེལ་ལད་བྱེད་ཅིང་འཛུམ་དཀར་སྟོན་ཤེས་ནའང་ངོ་ཚ་ཡོད་པའི་ཁྱི་མིན་ནོ།།  ཁོར་ཡུག་སྐྱེ་དངོས་ལ་གཏོར་བརླག་ཐེབས་པ་ནི་དུས་རབས་འདིའི་མིའི་བསམ་བློར་ཐན་པ་ཆེན་པོ་ཞིག་ཐེབས་པས་ཡིན་ལ། ...
དེ་ལས་མང་པ།