བྱོན་པ་ལེགས།
གླུ་ཚིག ཇོ་རུ།
རྩེ་ལ་གངས་རི་དཀར་པོ།
གཞུང་ལ་སེང་གེ་གཙང་བོ།
འགྲོ་ཞོར་སེམས་ཀྱིས་མཇལ་ནས།
སེམས་སྐྱོ་ལས་འཕྲོ་བཏབ་ཡོད།།
མར་ཡུལ་ལ་དྭགས།
ཡུལ་ཡང་བཙན་པོའི་མངའ་རིས།།
དཔོན་ཡང་བཙན་པོའི་བུ་རྒྱུད།
ཤེལ་གྱི་མཁར་ཡོད། དགེ་བཅུའི་ཁྲིམས་ཡོད།
བྱོན་པ་ལེགས། བྱོན་པ་ལེགས།
ང་ཡི་བཙན་པོ། སྐུ་ཉིད་བྱོན་པ་ལེགས།།
སྒང་ལ་རི་དགོན་དམར་པོ།
གཤོངས་ལ་མཆོད་རྟེན་དཀར་པོ།
འགྲོ་ཞོར་སེམས་ཀྱིས་མཇལ་བས།།
སེམས་སྐྱོ་ལས་འཕྲོ་བཏབ་ཡོད།།
མར་ཡུལ་ལ་དྭགས།
ས་ཡང་བླ་མའི་སྒྲུབ་གནས།
ཆོས་ཀྱང་མདོ་སྔགས་བསྟན་པ།
དད་པའི་ཕྱག་ཡོད། མཆོད་པའི་རྟེན་ཡོད།
བྱོན་པ་ལེགས། བྱོན་པ་ལེགས།
ང་ཡི་བླ་མ།སྐུ་ཉིད་བྱོན་པ་ལེགས།
ཡུལ་ལ་ཡར་ལུང་དམར་པོ།
མི་ལ་མཁུར་ཚོས་དམར་པོ།
འགྲོ་ཞོར་སེམས་ཀྱིས་མཇལ་བས།
སེམས་སྐྱོ་ལས་འཕྲོ་བཏབ་ཡོད།
མར་ཡུལ་ལ་དྭགས།
སྐད་ཀྱང་གནའ་བོའི་སྐད་ཡིན།
སྲོལ་ཡང་གནའ་མྱིའི་ཆ་ལུགས།
གདོང་ལ་འཛུམ་ཡོད། སེམས་ལ་ཁྲེལ་ཡོད།
བྱོན་པ་ལེགས། བྱོན་པ་ལེགས།
ང་ཡི་སྤུན་ཟླ། སྐུ་ཉིད་བྱོན་པ་ལེགས།
དེང་སྐབས་རྒྱ་གར་གྱི་ཇཱ་མོ་ཀ་སི་མཱིར་ཁོངས་སུ་ཡོད་པའི་ལ་དྭགས་རང་སྐྱོང་རི་ལྗོངས་ཏེ། གནའ་སྔ་མོ་སྟོད་མངའ་རིས་སྐོར་གསུམ་གྱི་ཡ་གྱལ་དུ་གཏོགས་པའི་མར་ཡུལ་ལ་དྭགས་ནས་བྲིས།
གསར་རྩོམ་གཞས་ཚིག་དག་གི་འགན་དབང་ངེད་དྲ་ཚིགས་ལ་ཡོད་པས་ཆོག་མཆན་མ་ཞུས་པར་གང་བྱུང་དུ་རྐུ་ཁྱེར་དང་བརྒྱུད་འགོད་བྱ་མི་ཆོག
རྒྱ་བོད་གནད་དོན་གསལ་འདེབས་མདོར་བསྡུས་ཡག་ཐག་ཆོད་བྱས་འདུག བཀའ་དྲིན་ཤིན་ཏུ་ཆེ།
I want to buy this book. Can anyone Help?
ཐུགས་རྗེ་ཆེ། འཕྲུལ་དེབ་ཧ་ཅང་ཡག་པོ་བཟོས་གནང་འདུག
མཁྱེན་ལྡན་པ་ལགས་སུ་ཞུ་རྒྱུར། གུས་ནས་འཕྲུལ་དེབ་གཅིག་ཀྱང་ཕབ་ལེན་ཐུབ་ཀྱི་མི་འདུག་པས་ ཕབ་ལེན་ཇི་ལྟར་བྱེད་དགོས་མིན་ཐད་ལམ་སྟོན་གནང་རོགས། ཐུགས་རྗེ་ཆེ།
[…] page (no longer online) and then re-posted by Tibetan language diaspora websites Khabdha and Wokar. Tashi Rabten is from…