<<སྙན་ཞུ་ཡིག་འབྲུ་ཁྲི་བདུན་མ>> མ་ཕྱི་བོད་ཡིག་ཡིན་ཞིང་། སློབ་དཔོན་ཆེན་མོ་པན་ཆེན་སྐུ་ཕྲེང་བཅུ་བ་མཆོག་གིས་ཕྱི་ལོ༡༩༦༢ལོའི་ཡར་སྔོན་གྱི་བོད་ནང་ལ་རྟོག་ཞིབ་བརྒྱུད་ནས་ཡ་ང་བའི་གནས་སྟངས་ཇི་མ་ཇི་བཞིན་འབྲི་འགོད་ཀྱིས་རྒྱ་ཡིག་ནང་བསྒྱུར་ཏེ་རྒྱ་དམར་གཞུང་ལ་ཕུལ་བའི་སྙན་ཞུ་རེད་ལ།   རྒྱ་དམར་གཞུང་གིས་རྒྱལ་ཁབ་ཀྱི་གསང་ཡིག་ཏུ་བསྒྱུར་ནས་དེང་གི་བར་དེབ་ཏུ་བཟོས་ནས་བཀྲམས་ཆོག་གི་མེད།           སྙན་ཞུ་འདི་བཞིན་རྒྱ་དམར་གཞུང་ལ་ཕུལ་སྐབས།     པན་ཆེན་སྐུ་ཕྲེང་བཅུ་བ་མཆོག་དགུང་གྲངས་ཉེར་བཞི་ཙམ་ལ་སོན་མ་ཐག་ཡིན་ནའང་། བྱང་ཆུབ་སེམས་དཔའ་དང་ངོ་བོ་དབྱེར་མེད་ཀྱི་བརྟུལ་ཞུགས་བཟུང་ནས་མཐའ་འཁོར་གྱི་བཀག་འགོག་ཐམས་ཅད་དང་ལེན་མ་གནང་བར་བོད་མི་རིགས་ལ་འཕྲད་ཀྱིན་པའི་ཕོ་ཟད་མོ་ལ་ཐུག་པའི་རྨེག་མེད་ཀྱི་ཉེན་ཁ་བཟློག་ཆེད་སྙིང་རྗེ་ཆེན་པོའི་གད་རྒྱངས་ཏེ། གངས་ཅན་པ་ཆག་འཇིག་ལས་གྲོལ་ཞིང་། སངས་རྒྱས་ཆོས་ལུགས་མི་བསྣུབས་སླད་དུ་ཞུ་ཡིག་ཕུལ། འདི་ནི་སྟག་མོ་ལུས་སྦྱིན་གྱི་ལེའུའི་ཚུར་མངོན་ངོ་མ་དེ་ཡིན།           སློབ་དཔོན་ཆེན་མོ་པན་ཆེན་སྐུ་ཕྲེང་བཅུ་བར་བཙོན་གྲོལ་ཐོབ་རྗེས། བོད་ཀྱི་རྗེས་ལུས་ཀྱི་རྣམ་པར་འགྱུར་བ་མ་ཐེབས་ན། ང་ཤི་ཡང་མིག་བཙུམས་མི་ཐུབ་ཅེས་གཡར་དམ་བཞག བོད་ཀྱི་ཤེས་རིག་བསྐྱར་དར་དང་བསྟན་པ་ཡང་དར། རང་ཁ་རང་གསོ་གསུམ་དམིགས་སྒོར་བཟུང་ནས་ལོ་ངོ་བཅུའི་ནང་བོད་ཀྱི་ལོ་རྒྱུས་སྟེང་སྔར་བྱུང་མ་མྱོང་ཞིང་། ཕྱིས་ཀྱང་འབྱུང་དཀའ་བའི་འཕོ་འགྱུར་གསར་བ་ཞིག་གི་སྒོ་མོ་འབྱེད།  ཐེངས་འདིར <<སྙན་ཞུ་ཡིག་འབྲུ་ཁྲི་བདུན་མ>> ...

ཀླུ་འཛུམ་ཆུང་། མཁའ་དབྱིངས་ཀྱི་བྱ་ཁྱུ་ལྷོ་རུ་འཕུར་དུས། ངས་རྒྱང་རིང་གི་ཨ་མའི་བརྩེ་བ་དྲོན་མོ་ལྷག་ཏུ་དྲན་བྱུང་། རི་ལུང་ཐང་གསུམ་ནས་ལྗོན་ཤིང་དང་མེ་ཏོག་གི་འདབ་མ་རླུང་གིས་འཁུར་དུས། ངས་བྱམས་སྐྱོང་དང་དཀའ་སྡུག་ཡོད་ཚད་ཨ་མར་བཅོལ་པ་བསྐྱར་དུ་དྲན་བྱུང་། ཨ་མ་ལགས། མྱུར་དུ་མཇལ་བར་སྨོན། ཡིད་ཀྱི་ཁམས་ལ་སྐྱོ་བའི་སྨག་རུམ་འཐིབས་དུས། ངས་སྐྱོ་བའི་སེམས་གཏམ་རེ་རེ་ཨ་མར་བསྙད་ན་འདོད་ཅིང་། ལས་དབང་གི་གོམ་ཁ་རེ་རེ་དཀའ་སྡུག་གི་ངལ་བས་བསྡམས་དུས། ངས་དཀའ་བའི་ལོ་ཟླ་རེ་རེ་ཨ་མའི་སྙན་དུ་སྒྲོན་ན་བསམ།  ཨ་མ་ལགས། ལྷན་འཛོམས་ཀྱི་ཉི་མར་སྒུག་ཡོད། བདེ་སྐྱིད་ཀྱི་གཞིས་ཀར་ལྷགས་རླུང་གི་གྲང་ངར་རྒོད་དུས།ངས་ཨ་མར་སྐད་ངག་མཐོན་པོས་ངུ་འབོད་ཐེངས་གཅིག་བྱས་ཤིང་།མུན་ནག་པའི་མཚན་མོ་རེ་ལ་ང་རང་ཁེར་རྐྱང་དུ་བཞུད་དུས།དངངས་སྐྲག་གི་གཡང་ས་དེ་ནས།བདག་གི་ཚོར་བའི་དྲན་པ་དབང་མེད་དུ་བརྒྱལ་པའང་ཐེངས་གཅིག་ག་ལ་ཡིན།དེ་ལྟ་ནའང་།ངས་མགོ་བོ་མཐོན་པོར་བཏེགས་ཏེ་རང་གཅིག་པུས་གོམ་པ་འཁྱར་འཁྱོར་རེ་སྤོས་ནས་ག་ལེར་འགྲོ་བཞིན་ཡོད། ཡང་གཅིག་བཤད་ན། ཨ་མའི་བྱམས་བརྩེ་དང་ལྷག་བསམ་གྱི་དྲོད་ཁོལ་སྙིང་དུ་འཛུམ་དུས། ཨ་མས་ང་རང་། བུ་ཆུང་ལགས། ཁྱོད་རང་རྟག་ཏུ་བདག་གི་ལག་པས་འཁྲིད་ག་ལ་ཐུབ། ལན་རེར་ང་རང་མེད་སྐབས་ཁྱེད་ཀྱིས་ཀྱང་རང་གི་སྙིང་སྟོབས་དེ་སྤོབས་པར་བཏེགས་ནས། མཐའ་ཡས་པའི་ཤེས་རིག་གི་ཞིང་ཁམས་དེར་རེ་བའི་མིག་ཟུང་གིས་རྒྱང་ལྟ་བྱ་དགོས་ཟེར། ད་དུང་ཨ་མ་ཁྱེད་དང་བྲལ་བའང་རང་དོན་རྐྱང་རྐྱང་དུ་གྱེས་པ་ག་ལ་ཡིན། ཁྱོད་ཀྱིས་ཡ་རབས་དང་ཀུན་སྤྱོད་ཀྱི་ཕྱོགས་ལ་ལེགས་པར་བརྩོན་དང་། ཁྱོད་རང་ཨ་མ་ཁ་འབྲལ་དོན་འདི་རེད་ཅེས་སྔར་མེད་པའི་བདེ་སྐྱིད་ཅིག་ཡིད་ལ་འཁོར་ངེས་གསུངས། ཨ་མ་ལགས། བཀའ་དྲིན་ཆེ། བདག་གིས་ཁྱེད་ཀྱི་ཞལ་གསུང་ཡིད་ལ་བཅགས་ནས། དྲན་པའི་མིག་ཟུང་དུ་བཞུར་བའི་མཆི་མ་རེ་རེ་སྙིང་ལ་བརྣག་ཡོད། ཨ་མ་ལགས། གང་ལྟར་བུ་ཆུང་ངས་ཁྱེད་ཀྱི་ཞབས་རྗེས་དང་ལྷག་བསམ་ལ་བསྔགས་བརྗོད་དང་བསྟོད་ཚིག་གི་མཆོད་ཡོན་བཤམས་ན་འདོད། ངེད་དྲ་ཚིགས།...

གཟའ་འཁོར་རྗེས་མའི་ནང་རྒྱ་ནག་གི་སྲིད་འཛིན་རྒྱ་གར་ནང་གཟིགས་སྐོར་བྱེད་འཆར་ཡོད་སྟབས་རྒྱ་གར་ཕྱི་སྲིད་བློན་ཆེན་གྱིས་རྒྱ་ནག་གིས་རྒྱ་གར་གཅིག་གི་སྲིད་བྱུས་ལ་ངོས་འཛིན་བསྐྱར་ནན་བྱེད་དགོས་ཟེར། ཁ་སང་རྒྱ་གར་ཕྱི་སྲིད་བློན་ཆེན་ལྕམ་སོ་ཞི་མཱ་ (Sushma Swaraj) ལགས་ཀྱིས། ཟླ་འདིའི་ཚེས་ ༡༧ ནས་ ༡༩ བར་གྱི་ཉིན་གསུམ་རིང་རྒྱ་ནག་གི་སྲིད་འཛིན་ཞི་ཅིན་ཕིན་རྒྱ་གར་ནང་ཡོང་སྟེ་རྒྱ་དཀར་ནག་གཉིས་བར་ཞི་བའི་གྲོས་མཐུན་དོན་ཚན་ལྔ་ (Panchsheel Agreement) བཞག་ནས་ལོ་ ༦༠ འཁོར་བའི་དུས་དྲན་སྲུང་གཙི་མཛད་སྒོ་གཙོས་རྒྱལ་ཁབ་གཉིས་བར་ཚོང་ལས་གྲོས་ཆོད་ཁག་ཅིག་འཇོག་འཆར་ཡོད་པའི་སྐབས་དང་བསྟུན་ནས་བརྗོད་དོན་ལྟར་ན། གལ་སྲིད་རྒྱ་ནག་གིས་རྒྱ་གར་ལ་བོད་དང་ཐའེ་ཝན་གནད་དོན་སྐོར་གླེང་སློང་བྱས་ཚེ། རྒྱ་ནག་གིས་རྒྱལ་ཁབ་གཉིས་ཀྱི་སྲིད་དོན་ཐོག་ཚོར་ཤུགས་རྣོ་བའི་ཨ་རུ་ནཱ་ཅལ་མངའ་སྡེའི་གནད་དོན་ལ་བསམ་ཤེས་ཀྱིས་གླེང་དགོས་པ་དང་། ལྷག་པར་དུ་རྒྱ་གར་ངོས་ནས་རྒྱ་ནག་གཅིག་གི་སྲིད་བྱུས་ལ་མོས་མཐུན་བྱས་ཚེ། རྒྱ་ནག་གིས་ཀྱང་བསྐྱར་དུ་རྒྱ་གར་གཅིག་གི་སྲིད་བྱུས་ལ་ངོས་འཛིན་བྱེད་དགོས་སྐོར་སོགས་བརྗོད་ཡོད་འདུག ༢༠༡༠ ལོར་རྒྱ་ནག་གི་སྲིད་བློན་ཝུན་ཇ་པའོ་རྒྱ་གར་ནང་གཟིགས་སྐོར་སྐབས། རྒྱ་དཀར་ནག་གཉིས་བར་མཐའ་མཚམས་སྐོར་ལ་གྲོས་ཆོད་ཁག་ཅིག་འཇོག་སྐབས། རྒྱལ་ཁབ་གཉིས་ཀྱི་ཐུན་མོང་བསྒྲགས་གཏམ་ནང་རྒྱ་གར་གཞུང་གིས་རྒྱ་ནག་གཅིག་གི་སྲིད་བྱུས་ངོས་ལེན་བྱས་མེད་པར་ཚིག་དེ་བསྒྲགས་གཏམ་ལས་ཕྱིར་འཐེན་བྱས་ཡོད། ཟླ་འདིའི་ཚེས་ ༡༧ ཉིན་རྒྱ་གར་གྱི་སྲིད་བློན་མུ་དྷི་དགུང་ལོ་ ༦༤ ཡི་སྐྱེས་སྐར་ལ་འཁེལ་ཡོད་སྟབས། ཐེངས་འདིར་སྲིད་འཛིན་ཞི་ཅིན་ཕིན་ཐད་ཀར་གྷོ་ཇི་ར་ཐའེ་མངའ་སྡེའི་རྒྱལ་སར་འཕུར་ཏེ། སྲིད་བློན་མུ་དྷི་ཡི་སྐྱེས་སྐར་ལ་རྟེན་འབྲེལ་ཞུས་རྗེས། རྒྱལ་ཁབ་གཉིས་ཀྱི་སྲིད་འཛིན་གྱིས་གྷོ་ཇི་ར་ཐའེ་ཨཱ་མེ་ཌ་བྷ་ཌི་ (Ahmedabad) གྲོང་ཁྱེར་ལས་ཁུངས་དང་རྒྱ་ནག་ཀྲོན་ཀྲིག་གྲོང་ཁྱེར་སྤྱི་ཁྱབ་འགན་འཛིན་གཉིས་ཀྱིས་རྒྱ་གར་གྱི་བཟོ་གྲྭ་དང་ཚོང་ལས་ཡར་རྒྱས། གློག་ཤུགས་དང་ཆུ།...

གཞས་ཚིག འབའ་དུང་སྲས། གངས་དང་ཁ་བའི་ཁྲོད་ན།། བྱམས་པ་གླེང་ཡ་སྒུག་རོགས།། གཡང་གི་འབྲི་མོ་དཀར་ཆུང་།། རང་ཡུལ་ཕ་མ་འདྲ་རེད།། ཕ་ཡུལ་རྒྱང་ཐག་རིང་ཡང་།། ཕུ་ནུའི་བརྩེ་བ་དྲན་ཡོང་།། ལྷ་ཤིང་བཞོ་ཟེའུ་ཁ་ལ།། འཛུམ་ཀྱི་འཇའ་རིས་འཁྲིགས་སོང་།།     སྤང་དང་ན་ལུང་ཁུག་ན།། བུ་མོའི་རྩེ་ཡ་དགོད་གྲོགས།། གཡང་གི་འབྲི་མོ་དཀར་ཆུང་།། སྤང་རིའི་མེ་ཏོག་འདྲ་རེད།། མེ་ཏོག་རྒྱང་ན་ཡོད་ཀྱང་།། དྲི་ཞིམ་སེམས་ལ་འཐུལ་ཡོང་།། ལྷ་ཤིང་བཞོ་ཟེའུ་སྟེང་ལ།། ཞིམ་མངར་འོ་སྤྲི་ཆད་སོང་།།     སྐར་ཆེན་སྐར་ཆུང་མཐའ་ན།། སྨིན་དྲུག་འགྲོ་ཡ་འདུག་རོགས།། གཡང་གི་འབྲི་མོ་དཀར་ཆུང་།། གནམ་མཐའི་སྤྲིན་པ་འདྲ་རེད།། སྤྲིན་དཀར་རྒྱང་དུ་བསྐྱོད་ཀྱང་།། ཆར་བས་ཡིད་སེམས་བརླན་ཡོང་།། ལྷ་ཤིང་བཞོ་ཟེའུ་ནང་ལ།། གཡང་གི་མཚོ་མོ་འཁྱིལ་སོང་།། གསར་རྩོམ་གཞས་ཚིག་དག་གི་འགན་དབང་ངེད་དྲ་ཚིགས་ལ་ཡོད་པས་ཆོག་མཆན་མ་ཞུས་པར་གང་བྱུང་དུ་རྐུ་ཁྱེར་དང་བརྒྱུད་འགོད་བྱ་མི་ཆོག...