པཎ་ཆེན་སྐུ་ཕྲེང་བཅུ་བའི་སྐུ་ཚེའི་ལོ་རྒྱུས། (པར)

ཁ་སྒང་གཡང་འབུམ་ཚེ་རིང་གིས་བསྒྱུར།

          པཎ་ཆེན་ཨེར་ཏི་ནི་ཆོས་ཀྱི་རྒྱལ་མཚན་མཆོག་ནི།(༡༩༣༨—-༡༩༨༩) མཚོ་སྔོན་ཞིང་ཆེན་ཞུན་ཧྭ་རྫོང་བིས་མདོར་འཁྲུངས། སྔོན་གྱི་མཚན་ལ་བིས་མདོ་མགོན་པོ་ཚེ་བརྟན་ཟེར། ཞིང་པའི་ཁྱིམ་ཚང་ཞིག་ཏུ་འཁྲུངས། ཡབ་ཀྱི་མཚན་ལ་གུར་མགོན་ཚེ་བརྟན་དང་ཡུམ་གྱི་མཚན་ལ་བསོད་ནམས་སྒྲོལ་མ་ཟེར། ཁྱིམ་དུ་ད་དུང་ནུ་བོ་ཞིག་ཡོད། ༡༩༣༧ ལོའི་ཟླ༡༢པའི་ཚེས་༡640 ཉིན་པཎ་ཆེན་སྐུ་ཕྲེང་དགུ་བ་མཚོ་སྔོན་ཡུལ་ཤུལ་དགོན་པར་དགོངས་པ་རྫོགས། པཎ་ཆེན་རིན་པོ་ཆེ་ཡང་སྲིད་འཚོལ་བའི་ཚོགས་ཆུང་གིས་ཡང་སྲིད་འཚོལ་འགོ་བརྩམས། མགོན་པོ་ཚེ་བརྟན་དང་བྱིས་པ་གཞན་པ་འགའི་ཁྲོད་གཟན་རྟགས་བསྒྲིལ་ཏེ། མགོན་པོ་ཚེ་བརྟན་པཎ་ཆེན་སྐུ་ཕྲེང་དགུ་བའི་ཡང་སྲིད་དུ་ངོས་འཛིན་བྱས། སྐུ་འབུམ་བྱམས་པ་གླིང་དུ་ཁྲི་གསོལ་གཟབ་རྒྱས་ཞུས། ༡༩༤༩ ལོའི་ཟླ་༦ པའི་ཚེས་༣ ཉིན་གོ་མིན་ཏང་སྲིད་གཞུང་གི་འཐུས་ཚབ་ལཱི་ཙོང་རིན་གྱིས་ཆོག་མཆན་གནང་། གསེར་བུམ་དཀྲུག་མ་དགོས་པར་པཎ་ཆེན་སྐུ་ཕྲེང་བཅུ་བར་ངོས་འཛིན་བྱས། ལོ་དེའི་ཟླ་༨ པའི་ནང་སྐུ་འབུམ་དགོན་གྱི་འཇམ་དབྱངས་ལྷ་ཁང་གི་ཆོས་རའི་མདུན་དུ་ཁྲི་གསོལ་གཟབ་རྒྱས་མཛད། ཆོས་མཚན་ལ་བློ་བཟང་འཕྲིན་ལས་ལྷུན་གྲུབ་ཆོས་ཀྱི་རྒྱལ་མཚན། བསྡུས་ན་ཆོས་ཀྱི་རྒྱལ་མཚན།

 ༡༩༤༣ ལོའི་སྟོན་ཁར། དཀར་མཛེས་ཏྲེ་ཧོར་ཁང་སར་སྐྱབས་མགོན་གྱི་བུ་ཆེ་བ་ཁང་སར་བཀྲ་སྐྱིད་དང་པཎ་ཆེན་སྐུ་ཕྲེང་དགུ་བའི་ཡང་སྲིད་མགོན་པོ་ཚེ་བརྟན(གཡོན།)། སྐུ་འབུམ་དགོན་པའི་ཚོགས་རའི་ནང་དུ་རྩེད་མོར་རོལ་བཞིན་པ། སྐབས་དེར་པཎ་ཆེན་སྐུ་ཕྲེང་བཅུ་བ་ད་དུང་ཁྲི་སར་བཀོད་མེད ཁང་སར་ཡེ་རྡོ་རང་ཉིད་ཀྱིས་བླངས་པའི་སྐུ་པར་འདི་ནི་པཎ་ཆེན་སྐུ་ཕྲེང་བཅུ་བའི་ད་ཡོད་ཀྱི་སྐུ་པར་ཁྲོད་ཀྱི་ཆེས་སྔ་ཤོས་ཤིག་ཡིན།

pnchin01 pnchin02


པཎ་ཆེན་སྐུ་ཕྲེང་བཅུ་བ། དགུང་ལོ་༡༡ སྟེང་།

640 ()

                ༡༩༤༩ ལོའི་ཟླ་༤ བར། གོ་མིན་ཏང་སྲིད་གཞུང་གིས་པཎ་ཆེན་རིན་པོ་ཆེ་དང་མཁན་པོ་ཐའེ་བཱན་དུ་གདན་ཞུ་བྱས། མཁན་ཆེན་ཏྲེ་ཐུང་ཅི་འཇིགས་མེད་ཀྱིས་ཐག་གཅོད་གནང་དོན། ཐའེ་བཱན་དུ་མི་འགྲོ་བར་ནུབ་བྱང་དུ་བཞུགས་པ་དང་། དུས་བབ་དང་བསྟུན་ནས་བསྐྱོད་རྒྱུ་བྱས། ལོ་དེའི་ཟླ་༡༠ བའི་ཚེས་༡ ཉིན། ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་དབུ་བརྙེས་པར་དྲིལ་བསྒྲགས་བྱས། མཚོ་སྔོན་འབྲོག་པའི་ས་ཁུལ་ཤང་རི་སྡེ་དགོན་དུ་བཞུགས་པའི་པཎ་ཆེན་ལ་རྟེན་བཟང་ཕུལ། དེ་རྗེས། པཎ་ཆེན་དང་མཁན་པོའི་ཚོགས་སྡེ་ཤང་རི་སྡེ་དགོན་ནས་སྐུ་འབུམ་དུ་ཕྱིར་ལོག  པཎ་ཆེན་སྐུ་ཕྲེང་དགུ་བའི་ནང་ཆོས་སློབ་དཔོན་བླ་ཁོ་སྤྲུལ་སྐུ་དང་གསང་སྔགས་ཀྱི་སློབ་དཔོན་འཇམ་དབྱངས་སྤྲུལ་སྐུ་གཉིས་ཀྱིས་པཎ་ཆེན་སྐུ་ཕྲེང་བཅུ་བར་དཔེ་ཁྲིད་གནང་། ཉིན་རེའི་ཞོགས་ཉིན་དགོང་གསུམ་ལ། སློབ་ཐུན་རེའུ་མིག་ལྟར་བོད་ཡིག་སུམ་ཅུ་བ་དང་།  ཡིག་གཟུགས་སྦྱངས་གནང་བ་དང་། ཆོས་འདོན་པ། ཆོས་ཚིག་བློར་འཛིན་བྱེད་དུ་བཅུག


པཎ་ཆེན་སྐུ་ཕྲེང་བཅུ་བ། དགུང་ལོ་ ༡༣ གྱི་སྟེང་།

  ༡༩༥༡ ལོའི་དཔྱིད་ཀར། ཀྲུང་གུང་གིས་༧གོང་ས་ཏཱ་ལའི་བླ་མ་སྐུ་ཕྲེང་བཅུ་བཞི་བ་(བཀའ་ཤག་ས་གནས་སྲིད་གཞུང་།) དང་པཎ་ཆེན་སྐུ་ཕྲེང་བཅུ་བ་པེ་ཅིན་དུ་གདན་ཞུ་བྱས། ཟླ་༤ བའི་ཟླ་དཀྱིལ་ཙམ་དུ། པཎ་ཆེན་པེ་ཅིན་དུ་ཕེབས་སྐབས་ཞི་ཨན་དུ་ཞི་ཚའོ་ཞོན་དང་མཇལ་འཕྲད་བྱས། ཟླ་༤ བའི་ཚེས་༢༥ ཉིན། ༧གོང་ས་ཏཱ་ལའི་བླ་མ་དང་པཎ་ཆེན་རིན་པོ་ཆེ་གཉིས་ལྷན་དུ་པེ་ཅིན་དུ་ཕེབས། དགོང་མོ་དེར། ཀྲིག་ཨིན་ལེ་ཡིས་སྣེ་ལེན་བྱས།

640 ()

ལོ་ན་གཞོན་པའི་པཎ་ཆེན་རིན་པོ་ཆེ་དང་(གཡོན།) ༧གོང་ས་ཏཱ་ལའི་བླ་མ་རྣམ་གཉིས།

640 ()

 ༡༩༥༡ ལོའི་དཔྱིད་ཀར། ཀྲུང་གུང་གིས་ཏཱ་ལའི་བླ་མ་སྐུ་ཕྲེང་བཅུ་བཞི་བ་(བཀའ་ཤག་ས་གནས་སྲིད་གཞུང་།) དང་པཎ་ཆེན་སྐུ་ཕྲེང་བཅུ་བ་པེ་ཅིན་དུ་གདན་འདྲེན་ཞུས། ཟླ་༤ བའི་ཟླ་དཀྱིལ་ཙམ་དུ། པཎ་ཆེན་པེ་ཅིན་དུ་ཕེབས་སྐབས་ཞི་ཨན་དུ་ཞི་ཚའོ་ཞོན་དང་མཇལ་འཕྲད་བྱས། ཟླ་༤ བའི་ཚེས་༢༥ ཉིན། ཏཱ་ལའི་བླ་མ་དང་པཎ་ཆེན་རིན་པོ་ཆེ་གཉིས་ལྷན་དུ་པེ་ཅིན་དུ་ཕེབས། ཀྲིག་ཨིན་ལེ། ཀྲུའུ་ཏི། ཉེ་རོང་ཀྲིན།  ཀོའོ་མའོ་རོ་བཅས་ཀྱིས་པཎ་ཆེན་རིན་པོ་ཆེ་པེ་ཅིན་དུ་ཕེབས་པར་བསུ་མ་བྱས། དགོང་མོ་དེར། ཀྲིག་ཨིན་ལེ་ཡིས་སྣེ་ལེན་བྱས།

640 (4) ༡༩༥༡ ལོའི་ལྔ་གཅིག་དུས་ཆེན་སྐབས། མའོ་ཙེ་ཏུང་གིས་གནམ་བདེ་སྒོ་མོ་ཆེའི་ཐོག་ཁང་དུ་པཎ་ཆེན་རིན་པོ་ཆེ་དང་མཇལ་འཕྲད་བྱས། པཎ་ཆེན་རིན་པོ་ཆེས་མོའོ་ཙེ་ཏུང་ལ་ཁ་བཏགས་འཐེན།

640 (5) པཎ་ཆེན་རིན་པོ་ཆེ་( གཡོན།) དང་༧གོང་ས་ཏཱ་ལའི་བླ་མ་གཉིས་མའོ་ཙེ་ཏུང་དང་ལྷན་དུ་བཞུགས་པ།

640 (6) ༡༩༥༡ ལོའི་ཟླ་༥ བའི་ཚེས་༢༣ ཉིན། པེ་ཅིན་དུ་བོད་ཞི་བའི་བཅིངས་འགྲོལ་གཏོང་ཐབས་སྐོར་གྱི་ཆིངས་ཡིག་ལ་མིང་རྟགས་བཀོད་པའི་མཛད་སྒོ་སྤེལ། (ཆིངས་ཡིག་དོན་ཚན་བཅུ་བདུན།)  དགོང་མོ་དེར་མའོ་ཙེ་ཏུང་གིས་བོད་ས་གནས་སྲིད་གཞུང་གི་མི་རྣམས་ལ་སྣེ་ལེན་བྱས། གཡོན་ན་བཞུགས་པ་དེ་ནི་ང་ཕོད་ངག་དབང་འཇིགས་མེད་ཡིན། ཟླ་༦ པའི་ཚེས་༢ ཉིན། པཎ་ཆེན་རིན་པོ་ཆེ་པེ་ཅིན་དང་ཞལ་གྱེས་ཏེ་ཐེན་ཅིན་དང་ཧྲང་ཧེ། ཧང་ཀྲིག་སོགས་སུ་གཟིགས་བསྐོར་དུ་ཕེབས། ཟླ་༦ པའི་ཚེས་༢༦ ཉིན་ཕྱིར་སྐུ་འབུམ་དུ་ཕེབས། ཟླ་བ་༡༢ བའི་ནང་དུ་ཟི་ལིང་དང་སྐུ་འབུམ་ལ་ཞལ་གྱེས་ཏེ། ཟླ་བ་༤ ལྷག་ལ་ཞལ་ཐང་དུ་ཕེབས་ཏེ་༡༩༥༢ ལོའི་ཟླ་༤ བའི་ཚེས་༢༨ ཉིན་ལྷ་སར་འབྱོར།


པཎ་ཆེན་སྐུ་ཕྲེང་བཅུ་བ། དགུང་ལོ་༡༤ ཡི་སྟེང་།

640 (7) ཉིན་དེའི་ཕྱི་དྲོར། པཎ་ཆེན་རིན་པོ་ཆེས་ཉི་འོད་ལྷ་ཁང་དུ་༧གོང་ས་ཏཱ་ལའི་བླ་མ་དང་མཇལ་འཕྲད་ཞུས། འདི་ནི་ལོ་རྒྱུས་རང་བཞིན་གྱི་མཇལ་འཕྲད་ཐེངས་གཅིག་རེད། དེ་སྔོན་པཎ་ཆེན་རིན་པོ་ཆེ་མཚོ་སྔོན་དུ་བཞུགས་སྐབས། ༧གོང་ས་ཏཱ་ལའི་བླ་མས་པཎ་ཆེན་རིན་པོ་ཆེ་ལ་ཕྱག་འཕྲིན་བསྐུར་གནང་སྟེ། སྐུ་ངོ་མས་པཎ་ཆེན་སྐུ་ཕྲེང་དགུ་བའི་ཡང་སྲིད་འཁྲུལ་བྲལ་ཡིན་པར་ངོས་འཛིན་བྱས། དེ་རྗེས་པཎ་ཆེན་རིན་པོ་ཆེ་ལྷ་སར་ཟླ་བ་གཅིག་ལྷག་ལ་བཞུགས། ཟླ་༦ པའི་ཚེས་༦ ཉིན་ལྷ་ས་དང་ཞལ་གྱེས།

640 (8)  ༡༩༥༢ ལོའི་ཟླ་༦ པའི་ཚེས་༢༣ ཉིན། པཎ་ཆེན་སྐུ་ཕྲེང་བཅུ་བ་གཞིས་ཀ་རྩེ་ཡི་བཀྲ་ཤིས་ལྷུན་པོར་འབྱོར། པཎ་ཆེན་སྐུ་ཕྲེང་དགུ་བ་དང་སྐུ་ཕྲེང་བཅུ་བ་གཉིས་བཀྲ་ཤིས་ལྷུན་པོར་ཞལ་གྱེས་ཏེ་ལོ་ངོ་༢༠ འདས། དེ་ནས་པཎ་ཆེན་སྐུ་ཕྲེང་བཅུ་བས་ཆོས་ཀྱི་ཁྲིར་བཀའ་ཆོས་གནངས། དགུང་ལོ་༡༤ ལ་སོན་པའི་པཎ་ཆེན་སྐུ་ཕྲེང་བཅུ་བ་བཀྲ་ཤིས་ལྷུན་པོར་ཕེབས་རྗེས། གཙོ་བོ་ནན་ཏན་གྱིས་ཆོས་ལ་སློབ་གཉེར་གནང་། ཡོངས་འཛིན་འཇམ་དབྱངས་ཀྱིས་མུ་མཐུད་ནས་པཎ་ཆེན་མཆོག་གི་སློབ་གཉེར་ལ་ལམ་སྟོན་གནང་། རྗེས་ནས་འཇམ་དབྱངས་མཚོ་སྔོན་དུ་ལོག་པ་དང་། བཀྲ་ཤིས་ལྷུན་པོ་དགོན་པ་རུ་སྙན་གྲགས་ཆོད་པའི་སྤྲུལ་སྐུ་བློ་བཟང་ཆོས་འཕེལ་བཟང་ཟླ་བསྟན་པ་རྒྱལ་མཚན་(ཨོ་ཆོས་ཀྱང་ཟེར།) སྔགས་ཀྱི་ཡོངས་འཛིན་གནང་། དུས་སྐབས་དེར་པཎ་ཆེན་རིན་པོ་ཆེས་ཞིབ་ཀློག་གནང་བའི་གཞུང་། ཉིན་རེའི་འདོན་ཆོག ཆོ་ག་ཕྱོགས་བསྒྲིགས། སྤྱོད་འཇུག འཇིགས་བྱེད་ཀྱི་དབང་ཆོག དུས་འཁོར་ཆོ་ག་ཕྱོགས་བསྒྲིགས། ཆོས་སྐྱོང་རྣམས་ཀྱི་བསྟོད་པ། སྨོན་ལམ། བྱང་ཆུབ་ལམ་རིམ་ལ་སོགས་པར་ཞིབ་གཟིགས་གནང་། ༡༩༥༦ ལོའི་རྗེས་ནས་བཀའ་པོད་ལྔ་དང་། བྱམས་ཆོས་སྡེ་ལྔ་། གསང་སྔགས་ཀྱི་གཞུང་རྒྱུད་སྡེ་བཞི་ལ་སོགས་པར་སློབ་གཉེར་མཛད།


པཎ་ཆེན་སྐུ་ཕྲེང་བཅུ་བ། དགུང་ལོ་༡༦ གི་སྟེང་།

640 (9) ༡༩༥༤ ལོའི་ཟླ་༧ པའི་ཚེས་༡༦ ཉིན་པཎ་ཆེན་སྐུ་ཕྲེང་བཅུ་བ་མཆོག་ཀྲུང་དབྱང་སྲིད་གཞུང་གིས་གདན་ཞུ་བྱས་ཏེ། སྐབས་དང་པོའི་རྒྱལ་ཡོངས་མི་དམངས་འཐུས་མི་ཚོགས་ཆེན་དུ་ཞུགས། ཁོང་གཞིས་ཀ་རྩེ་ནས་པེ་ཅིན་བར་དུ་ཕེབས། ཟླ་༩ བའི་ཚེས་༡ ཉིན་སྟེ་སྔོན་མ་ནས་ལྷ་ས་ནས་ཕེབས་པའི་༧གོང་ས་ཏཱ་ལའི་བླ་མ་ལ་ཤཱི་ཨན་དུ་མཇལ་འཕྲད་བྱུང་། ལྷན་དུ་པེ་ཅིན་དུ་ཕེབས། པེ་ཅིན་དུ་འབྱོར་རྗེས་ཀྲུའུ་ཏི་དང་ཀྲུག་ཨིན་ལེ་གཉིས་ཀྱིས་ཕེབས་བསུ་ཞུས།

640 (10) 640 (11)  པཎ་ཆེན་སྐུ་ཕྲེང་བཅུ་བ་དང་༧གོང་ས་ཏཱ་ལའི་བླ་མ་སྐུ་ཕྲེང་བཅུ་བཞི་བ་གཉིས་པེ་ཅིན་དུ་ཐེངས་གཉིས་པར་ཕེབས།  ཟླ་༩ བའི་ཚེས་༡༡ ཉིན། མའོ་ཀྲུའུ་ཞི་ཡིས་ཀྲུང་ནན་ཧེ་སྲིད་གྲོས་ཁང་དུ་༧གོང་ས་ཏཱ་ལའི་བླ་མ་དང་པཎ་ཆེན་རིན་པོ་ཆེ་རྣམ་གཉིས་དང་མཇལ་འཕྲད་ཞུས།

640 (12) ཟླ་༩ བའི་ཚེས་༡༥ ཉིན། རྒྱལ་ཡོངས་མི་དམངས་འཐུས་མི་ཚོགས་ཆེན་ཐེངས་དང་པོ་དེ་པེ་ཅིན་དུ་འཚོགས། པཎ་ཆེན་རིན་པོ་ཆེ་རྒྱལ་ཡོངས་འཐུས་མི་རུ་བསྐོ་བཞག་གནང་། ཟླ་༩བའི་ཚེས་༢༧ཉིན། པཎ་ཆེན་རིན་པོ་ཆེ་རྒྱལ་ཡོངས་ཨུ་ཡོན་དུ་བསྐོ་བཞག་བྱས། ཟླ་༡༢ བའི་ཚེས་༢༥ཉིན། པཎ་ཆེན་རིན་པོ་ཆེ་རྒྱལ་ཡོངས་སྲིད་གྲོས་སྐབས་གཉིས་པའི་གྲོས་ཚོགས་ཐེངས་དང་པོའི་སྟེང་རྒྱལ་ཡོངས་སྲིད་གྲོས་ཀྱི་ཀྲུའུ་ཞི་གཞོན་པར་བསྐོས།

640 (13)  ༧གོང་ས་ཏཱ་ལའི་བླ་མ་སྐུ་ཕྲེང་བཅུ་བཞི་བ་དང་པཎ་ཆེན་སྐུ་ཕྲེང་བཅུ་བ་ཨེར་ཏི་ནི་གཉིས་ལྷན་དུ་སྐབས་དང་པོའི་རྒྱལ་ཡོངས་འཐུས་མི་ཚོགས་ཆེན་ཐེངས་དང་པོའི་སྟེང་མཉམ་ཞུགས་གནང་། སྐུ་པར་འདི་ནི་༧གོང་ས་ཏཱ་ལའི་བླ་མ་དང་པཎ་ཆེན་ཨེར་ཏི་ནི་རྣམ་གཉིས་ཀྱིས་འཐུས་མི་འོས་འདེམ་གྱི་མིང་རྟགས་འགོད་བཞིན་པ།


པཎ་ཆེན་སྐུ་ཕྲེང་བཅུ་བ། དགུང་ལོ་༡༧ སྟེང་།

640 (14)

  ༡༩༥༥ ལོའི་ཟླ་༣ པའི་ཚེས་༩ ཉིན། རྒྱལ་ཡོངས་སྲིད་གྲོས་ཐེངས་བདུན་པའི་གྲོས་ཆོད་དེར་ཀྲུག་ཙོང་ལི་ཡིས་ཚོགས་འདུ་གཙོ་སྐྱོང་གནང་། རྒྱལ་སྲིད་སྤྱི་ཁྱབ་ཁང་གི་བོད་རང་སྐྱོང་ལྗོངས་དབུ་བརྙེས་པའི་སྲིད་གྲོས་ཀྱི་ཐག་གཅོད་ལྟར་ཏཱ་ལའི་བླ་མ་སྲིད་གྲོས་ཀྲུའུ་རིན་དང་། པཎ་ཆེན་རིན་པོ་ཆེ་སྲིད་གྲོས་ཀྱི་ཀྲུའུ་རིན་གཞོན་པར་བསྐོས། ཉིན་དེར་མའོ་ཙེ་ཏུང་སྐུ་དངོས་སུ་ཚོགས་ཐོག་ཏུ་ཕེབས་ཏེ་ (ཆིན་རྒྱལ་རབས་རྒྱལ་བརྒྱུད་ཀྱི་སྤྲོ་སངས་ཕེབས་སའི་ཕོ་བྲང་།) པཎ་ཆེན་རིན་པོ་ཆེར་གཟིགས་ཏེ་བཤད་རྒྱུར། མི་རིགས་གང་ཡིན་ཡང་རང་ཉིད་ཀྱི་དབུ་ཁྲིད་རེ་ཡོད་ལ། བོད་ལ་ཏཱ་ལའི་བླ་མ་དང་པཎ་ཆེན་རིན་པོ་ཆེ་ལྟ་བུའི་དབུ་ཁྲིད་ཡོད་པ་དེ་ཧ་ཅང་ཡག་པོ་རེད་ཟེར།

640 (15) 640 (16) ༡༩༥༥ ལོའི་ཟླ་༣ པའི་ཚེས་༡༠ ཉིན། ཀྲུག་ཨིན་ལེ་ཡིས་སྟོན་མོ་བཤམས་ཏེ་ཏཱ་ལའི་བླ་མ་དང་པཎ་ཆེན་རིན་པོ་ཆེ་གཉིས་ཕེབས་སྐྱེལ་ཞུས། ཚེས་༡༢ ཉིན། པཎ་ཆེན་རིན་པོ་ཆེ་པེ་ཅིན་དང་ཞལ་གྱེས་ཏེ་བོད་དུ་ཕྱིར་ཕེབས། མ་ཟད་རྒྱ་ཡིག་སྦྱོང་འགོ་བཙུགས།


པཎ་ཆེན་སྐུ་ཕྲེང་བཅུ་བ། དགུང་ལོ་༡༨ སྟེང་།

640 (17) 640 (19)  ༡༩༥༦ ལོའི་ཟླ་༤ བའི་ཚེས་༡༧ ཉིན་ཁྲིན་ཡུའུ་ཡིས་སྣེ་འཁྲིད་པའི་ཀྲུང་དབྱང་གི་འཐུས་ཚབ་ཚོགས་པ་བོད་དུ་རྟེན་འབྲེལ་ཞུ་བར་ཕེབས། ཟླ་༤ བའི་ཚེས་༢༢ ཉིན་བོད་རང་སྐྱོང་ལྗོངས་དབུ་བརྙེས་པའི་ཚོགས་ཆེན་ལྷ་ས་རུ་གཟབ་རྒྱས་ངང་འཚོགས། ༧གོང་ས་ཏཱ་ལའི་བླ་མ་དང་པཎ་ཆེན་བླ་མ་གཉིས་ཀྱིས་ཚོགས་ཐོག་ཏུ་གསུང་བཤད་གལ་ཆེན་གནང་། ཁྲིན་ཡུའུ་ཡིས་ཚོགས་ཆེན་སྟེང་དུ་གཏམ་བཤད་གནང་བ་སྟེ། བོད་ཀྱི་ལས་དོན་ཐད་ལ་མཛུབ་སྟོན་གལ་ཆེན་གནང་། མའོ་ཀྲུའུ་ཞི་དང་ལིག་ཧྲོ་ཆི་ཨུ་ཡོན་ཀྲང་། ཀྲུག་ཨིན་ལེ་ཙུང་ལི་དང་ཀྲུང་དབྱང་གི་འབྲེལ་ཡོད་སྡེ་ཁག་གིས་རྟེན་འབྲེལ་ཞུ་འཕྲིན་བཏང་། པཎ་ཆེན་རིན་པོ་ཆེ་དང་ཁྲིན་ཡུའུ་དམག་སྤྱི་གཉིས་གྲོགས་པོར་ཡང་གྱུར། རིན་པོ་ཆེས་ཁྲིན་ཡུའུ་དགེ་རྒན་དུ་རྩིས། ལོ་བཅུའི་རྙོག་ཟིང་མ་བྱུང་བར་དུ་མཛའ་བརྩེ་རྒྱུན་འཁྱོངས་བྱས་གནང་།

640 (20) ༡༩༥༦ ལོའི་ཟླ་༡༡ པའི་ཚེས་༢༥ ཉིན། པཎ་ཆེན་སྐུ་ཕྲེང་བཅུ་བ་དང་༧གོང་ས་ཏཱ་ལའི་བླ་མ་སྐུ་ཕྲེང་བཅུ་བཞི་བ་གཉིས་རྒྱ་གར་རྒྱལ་ས་ལྡི་ལི་གསར་བར་ཕེབས་ཏེ་སངས་རྒྱས་ཤཱཀྱ་ཐུབ་པ་སྐུ་མྱ་ངན་ལས་འདས་ནས་ལོ་༢༥༠༠ འཁོར་བའི་དུས་དྲན་མཛད་སྒོར་མཉམ་ཞུགས་གནང་།


པཎ་ཆེན་སྐུ་ཕྲེང་བཅུ་བ། དགུང་ལོ་༢༡ སྟེང་།

640 (21) 640 (23)   ༡༩༥༩ ལོའི་ཟླ་༣ པའི་ནང་། ལྷ་ས་རུ་ཟིང་འཁྲུག་ལངས། ༧གོང་ས་ཏཱ་ལའི་བླ་མ་རྒྱ་གར་ལ་བྲོས་བྱོལ་དུ་ཕེབས། ཟླ་༣ པའི་ཚེས་༢༨ ཉིན་ཀྲུག་ཨིན་ལེ་ཡིས་ཟིང་འཁྲུག་ཞི་འཇགས་དགོས་པའི་བཀའ་རྒྱ་བསྒྲགས། བོད་ས་གནས་སྲིད་གཞུང་མེད་པར་བཟོས། བོད་རང་སྐྱོང་ལྗོངས་ཨུ་ཡོན་ལྷན་ཁང་གིས་བོད་ས་གནས་སྲིད་གཞུང་གི་དབང་ཆ་བཟུང་། པཎ་ཆེན་རིན་པོ་ཆེ་རང་སྐྱོང་ལྗོངས་གྲ་སྒྲི་ཨུ་ཡོན་ལྷན་ཁང་གི་ཨུ་ཡོན་ཀྲང་དུ་བསྐོ་བཞག་གནང་། ཟླ་༤ བའི་ཚེ་༥ ཉིན་པཎ་ཆེན་རིན་པོ་ཆེ་ལྷ་སར་ཕེབས། རང་སྐྱོང་ལྗོངས་གྲ་སྒྲིག་ཨུ་ཡོན་ལྷན་ཁང་གི་ལས་དོན་ལ་སྣེ་འཁྲིད་གནང་།

640 (24) 640 (25)   ༡༩༥༩ ལོའི་ཟླ་༤ བའི་ཚེས་༡༤ ཉིན། པཎ་ཆེན་རིན་པོ་ཆེ་པེ་ཅིན་དུ་ཕེབས་ཏེ་རྒྱལ་ཡོངས་སྐབས་གཉིས་པའི་ཚོགས་ཆེན་ཐེངས་དང་པོའི་སྟེང་ཞུགས། དགོང་མོ་དེར་ཀྲུག་ཨིན་ལེ་ཡིས་ཕེབས་བསུ་བྱས། ཉིན་དེར་མོའོ་ཙེ་ཏུང་གིས་གཞི་རྒྱ་ཆེ་བའི་རྒྱལ་ཡོངས་ཚོགས་ཆེན་ཐེངས་བཅུ་དྲུག་པ་དེ་གཙོ་སྐྱོང་གནང་། ཐེངས་འདིའི་རྒྱལ་ཡོངས་གྲོས་ཚོགས་སྟེང་པཎ་ཆེན་རིན་པོ་ཆེ་རྒྱལ་ཡོངས་སྲིད་གྲོས་ཀྱི་ཨུ་ཡོན་ཀྲང་གཞོན་པར་བསྐོ་བཞག་གནང་། ཚོགས་འདུ་གྲོལ་རྗེས། པཎ་ཆེན་རིན་པོ་ཆེ་ཕྱིར་ལྷ་སར་ལོག ཀྲུང་གུང་བོད་ཀྱི་ལས་དོན་ཚོགས་པའི་སྣེ་འཁྲིད་འོག་བོད་དུ་མང་གཙོ་བཅོས་སྒྱུར་གྱི་ལས་འགུལ་འགོ་བཙུགས་པ་རེད།


པཎ་ཆེན་སྐུ་ཕྲེང་བཅུ་བ།  དགུང་ལོ་༢༢ སྟེང་།

640 (26) ༡༩༦༠ ལོ་ནས་༡༩༦༡ ལོའི་བར། པཎ་ཆེན་རིན་པོ་ཆེ་ཨུ་ཡོན་ཀྲང་གཞོན་པར་བཞུགས་ཏེ་བོད་ཀྱི་ལས་དོན་ལ་དབུ་འཁྲིད་མཛད་པ་སྟེ། མཚོ་སྔོན་དང་ཀན་སུའུ། སི་ཁྲོན། ཡུན་ནན་ལ་སོགས་པའི་བོད་ཀྱི་ས་ཁུལ་ཁག་ལ་གཟིགས་བསྐོར་གནང་། ༡༩༦༠ ལོའི་ཟླ་༩ བའི་ནང་། པཎ་ཆེན་སྐུ་ཕྲེང་བཅུ་བ་པེ་ཅིན་དུ་ཕེབས་ཏེ་རྒྱལ་ཁབ་དབུ་བརྙེས་ནས་ལོ་འཁོར་༡༡ འཁོར་བའི་མཛད་སྒོར་བཅར། ཀྲུག་ཨིན་ལེ་དང་ཀྲུང་དབྱང་གཅིག་གྱུར་ཁང་གི་ལི་བི་ཧན་གཉིས་ལ་རང་ཉིད་ཀྱི་དགོངས་ཚུལ་བརྗོད་དེ་ཀྲུང་དབྱང་ལ་ལྟ་ཞིབ་བྱེད་དུ་བཅུག ཀྲུང་དབྱང་གིས་ལི་བི་ཧན་དང་ཁྲིན་ཧྲུ་ཐཱུང་གཉིས་ཨུ་ཡོན་ཀྲང་གཞོན་པ་པཎ་ཆེན་རིན་པོ་ཆེ་ལྷན་དུ་ལྷོ་ཕྱོགས་ལའོ་ཡཱང་ལ་གཟིགས་བསྐོར་དུ་ཕེབས་པ་དང་། ཆོས་ཚོགས་ཀྱི་རྣམ་པའི་སྒོ་ནས་བོད་ཀྱི་གནད་དོན་ལ་དབྱེ་ཞིབ་བྱེད་དུ་མངགས། ཟླ་བ་གཉིས་རིང་གི་གནས་བསྐོར་ཁྲོད་ལི་བི་ཧན་དང་པཎ་ཆེན་རིན་པོ་ཆེ་རྣམ་གཉིས་ཀྱིས་ནན་ཏན་གྱིས་ཐེངས་༡༣ ལ་གླེང་མོལ་གནང་། ལི་བི་ཧན་དང་ཨུ་ཡོན་ཀྲང་གཞོན་པ་པཎ་ཆེན་རིན་པོ་ཆེ་གཉིས་ཀྱི་གླེང་མོལ་དེ་གཅིག་ཏུ་བཟོས་ཏེ་ཀྲུང་དབྱང་ལ་སྙན་སེང་ཞུ། ༡༩༦༡ ལོའི་ཟླ་༡ པོའི་ཚེས་ ༢༣ ཉིན། པཎ་ཆེན་རིན་པོ་ཆེ་པེ་ཅིན་དུ་ལོག མོའོ་ཙེ་ཏུང་གིས་ཀྲུང་ནན་ཧའེ་རུ་ཁོང་དང་བཀའ་མོལ་གནང་། སྐབས་དེར་ཚོགས་བཅར་བ་ལིག་ཧྲོ་ཆི་དང་ཀྲུག་ཨིན་ལེ། ཁྲིན་ཡུང་། ཏིན་ཤའོ་ཕིན། ལི་བི་ཧན། ཀྲང་ཅིན་བཱོ་ལ་སོགས་པ་ཡོད། ༡༩༦༡ ལོ་ནས་༡༩༦༢ ལོའི་བར། པཎ་ཆེན་རིན་པོ་ཆེས་མུ་མཐུད་ནས་བོད་ལྗོངས་དང་སི་ཁྲོན། མཚོ་སྔོན། ཡུན་ནན་བཅས་ཀྱི་བོད་པའི་ས་ཁུལ་དང་ད་དུང་ཀན་སུའུ་དང་ཤཱིན་ཅཱང་བཅས་ལ་གཟིགས་ཞིབ་གནང་བ་མ་ཟད། ནན་ཏན་གྱིས་དགོངས་ཚུལ་ཡིག་ཐོག་ཏུ་བཀོད་གནང་། བར་སྐབས་དེར་པཎ་ཆེན་རིན་པོ་ཆེ་ཧི་ལུང་དང་ཁྲིན་ཡུའུ། ཤཱུ་ཀྲུང་ཤཱུན་བཅས་ལ་འབྲེལ་འདྲིས་གནང་བའི་གོ་སྐབས་བྱུང་། ལྷོད་བག་དང་སྤྲོ་སྣང་གི་མཇལ་འཕྲད་ཁྲོད། ཁོང་གིས་དབུ་འཁྲིད་འདི་དག་གིས་ཀྱང་དཀའ་ཚེགས་ཀྱི་འཚོ་བ་རོལ་ཡོད་པ་མཁྱེན། པཎ་ཆེན་རིན་པོ་ཆེས་ཀུ་ཤུ་ཡིས་ཁོང་ཚོར་སྣེ་ལེན་བྱས་ཀྱང་། ཁོང་ཚོས་ཟ་མ་ཕོད། པཎ་ཆེན་རིན་པོ་ཆེས་ཁོང་ཚོ་འཁྲིད་དེ་ཟ་རུ་བཅུག མཇུག་མཐར་ཁྲིན་ཡུའུ་ཡིས་ཀུ་ཤུ་གཅིག་བླངས་ཏེ་བཤད་རྒྱུར། འཁྱེར་སོང་སྟེ་ཀྲང་ཤཱི་ཅི་ལ་སྤྲོད་རྒྱུ་ཟེར། ཐེངས་ཤིག ཧི་ལུང་པཎ་ཆེན་རིན་པོ་ཆེའི་ནང་ལ་མགྲོན་དུ་ཕེབས་སྐབས། ཐ་མག་འཐེན་འདོད་ཀྱང་མེ་ཆ་ཁྱོན་ནས་སྦར་ཐུབ་མེད། མ་གཞི་མེ་རྡོ་རྫོགས་འདུག པཎ་ཆེན་རིན་པོ་ཆེས་གསུང་རྒྱུར། བརྗེ་ཞོག གསུངས།  ཧི་ལུང་གིས་བཤད་རྒྱུར། མེད། འདི་མཐའ་མ་དེ་ཡིན་ཟེར། པཎ་ཆེན་རིན་པོ་ཆེས་སྐུ་མདུན་གྱི་ལས་བྱེད་ཅིག་ལ་ནང་གི་མེ་རྡོ་འཁྱེར་ཡོང་བཅུག་སྟེ་ཁོང་ལ་གནང་། པཎ་ཆེན་རིན་པོ་ཆེས་བཀའ་འདྲི་ཞུ་དོན། ད་དགོས་སམ། ཧི་ལུང་གིས་བཤད་རྒྱུར། ཧི་ལུང་གིས་དམག་མིར་སྤྲོད་རྒྱུ། མང་ཙམ་གནང་རོགས། དམག་ཨུ་བཟང་པོ་མང་པོར་དངོས་པོ་འདི་དེ་སྔ་ནས་མེད། ཟེར།


པཎ་ཆེན་སྐུ་ཕྲེང་བཅུ་བ། དགུང་ལོ་༢༣ སྟེང་།

640 (27)

  ༡༩༦༢ ལོའི་ལོ་འགོར། རྒྱལ་དམངས་དཔལ་འབྱོར་ཁང་གིས་བཅོས་བསྒྱུར་དང་། སྲ་བརྟན། དོན་ལྡན། གོང་འཕེལ་བཅས་ཀྱི་རྩ་དོན་ལྟར་ལག་བསྟར་བྱེད་བཞིན་ཡོད། ལོ་འགོར་ཀྲུང་དབྱང་གིས་མི་༧༠༠༠ ཚོགས་ཆེན་དུ་བསྐོང་། ད་དུང་རྒྱལ་ཡོངས་རྒྱུན་ལས་ཚོགས་ཆེན་དང་རྒྱལ་ཡོངས་སྲིད་གྲོས་ཚོགས་འདུ་བསྐོང་། ཟླ་༤ བའི་ཚེས་༢༡ ཉིན་ནས་ཟླ་༥ བའི་ཚེས་༢༩ ཉིན་བར། ཀྲུང་དབྱང་གིས་རྒྱལ་ཡོངས་མི་རིགས་ལས་དོན་ཚོགས་འདུ་བསྐོང་འཚོགས་བྱས། ཀྲུང་དབྱང་གཅིག་སྒྲིལ་ཚོགས་པས་མོའོ་ཙེ་ཏུང་གི་དགོངས་པ་ལྟར། ཐེངས་འདིའི་ཚོགས་འདུའི་སྟེང་ནན་ཏན་གྱི་སྒོ་ནས་ལོ་དུ་མའི་ནང་གི་མི་རིགས་ལས་དོན་གྱི་ཉམས་མྱོང་སྤྱི་བསྡོམས་བྱས། གཡོན་ཐལ་གྱི་ནོར་འཁྲུལ་དུ་ངོས་འཛིན་དང་། མི་རིགས་དང་ཆོས་ལུགས་ཀྱི་ལས་དོན་ཇེ་ལེགས་སུ་བཏང་། ཚོགས་འདུའི་བར་སྐབས་དེར། པཎ་ཆེན་རིན་པོ་ཆེས་གསུང་བཤད་མང་པོ་གནང་མེད། ཁོང་གིས་གཙོ་བོ་གཞི་རྒྱ་ཆེ་བའི་རྒྱལ་ཡོངས་མི་རིགས་ཚན་ཁག་དང་ཆོས་ལུགས་ཚན་ཁག་གི་མི་སྣ་དང་མཇལ་འཕྲད་གནང་སྟེ་ས་གནས་སོ་སོའི་གནས་ཚུལ་རྒྱུས་ལོན་བྱས། དགོངས་དོན་ཞུ་ཡིག་ཕྱག་བྲིས་གནང་། པཎ་ཆེན་རིན་པོ་ཆེའི་དགོངས་དོན་ཞུ་ཡིག་གི་ཁ་བྱང་ནི་གུས་པར་འོས་པའི་ཀྲུག་ཙོང་ལི་ཡིས་ཀྲུང་དབྱང་གི་དྲིལ་བསྒྲགས་བྱས་ཏེ་བོད་ལྗོངས་དང་བོད་ཀྱི་ས་ཁུལ་གཞན་པའི་མི་དམངས་ཀྱི་དཀའ་ངལ་དང་འབྱུང་འགྱུར་ལས་དོན་ཐད་ཀྱི་བསམ་ཚུལ། ༡༩༦༢ ལོའི་ཟླ་༦ པའི་ཟླ་འགོར། པཎ་ཆེན་རིན་པོ་ཆེ་ཡིས་ཀྲུང་དབྱང་ལ་སྙན་ཞུ་ཕུལ། དེ་དང་ལྷན་དུ་ཀྲུག་ཨིན་ལེ་དང་ཕིན་ཀྲིན། བཱོ་ལཱན་ཧྥུ། ལི་བི་ཧཱན། ཞི་ཚའོ་ཞིན་ལ་སོགས་པར་མཇལ་འཕྲད་བྱས་ཏེ་དགོངས་ཚུལ་བཏོན། རྗེས་ནས་མོའོ་ཙེ་ཏུང་གིས་དོན་དེའི་ཆེད་དུ་རྐང་བཙུགས་ནས་པཎ་ཆེན་རིན་པོ་ཆེ་དང་མཇལ་འཕྲད་བྱས། པཎ་ཆེན་རིན་པོ་ཆེ་ཡི་སྙན་ཞུ་དེར་ཀྲུང་དབྱང་གིས་ལི་བི་ཧཱན་དང་ཤཱུ་ཀྲུང་ཤཱུན་གཉིས་ཀྱིས་གཙོས་འབྲེལ་ཡོད་འགན་ཁུར་མི་སྣ་ཆེད་དུ་ཞིབ་འཇུག་བྱེད་དུ་མངགས། བོད་ཀྱི་ལས་དོན་སྒྱུར་བཅོས་དགོས་པའི་གླེང་གཞི་བཏོན། དེའི་རྗེས་ནས་ཅུང་མ་འགོར་བར་པཎ་ཆེན་རིན་པོ་ཆེ་ལ་ཉེས་ཆད་ཕོག


པཎ་ཆེན་རིན་པོ་ཆེ། དགུང་ལོ་༢༧ སྟེང་།

640 (28)  ༡༩༦༦ ལོའི་རིག་གནས་གསར་བརྗེའི་སྐབས། པཎ་ཆེན་རིན་པོ་ཆེར་དྲང་བདེན་མིན་པའི་འཐབ་རྩོད་བྱས།


པཎ་ཆེན་རིན་པོ་ཆེ། དགུང་ལོ་༢༩ སྟེང་།

640 (29)  ༡༩༦༨ ལོར་བཙོན་འཇུག་བྱས། པཎ་ཆེན་རིན་པོ་ཆེས་བཙོན་ཁང་དུསྐུ་རླུང་བཞེངས་ནས་ཕུར་འགྲོ་ཚུར་འོང་བྱས་པ་དང་དྲག་པོའི་སྒོ་ནས་ལྕགས་སྒོ་བརྡུངས་པ། ཁོང་ཁྲོའི་ངང་ནས་སྐད་འབོད་བྱས་པ་སྟེ། ལྕགས་སྒོ་ཕྱེ། ང་ཕྱི་ལ་འཁྲིད་དེ་མི་དམངས་ལ་འཐབ་རྩོད་བྱེད་དུ་ཆུག ཁྱོད་ཚོས་ང་ལ་ཅིའི་ཕྱིར་ཁྲིམས་བཤེར་དང་འདྲི་བརྩད་མི་བྱེད་དམ། ང་མི་དང་ཐུག་སྟེ་སྐད་ཆ་བཤད་དགོས་ཟེར། པཎ་ཆེན་རིན་པོ་ཆེས་མཚམས་རེར་བསམ་བཞིན་དུ་ཕོར་བ་ལོག་ཏུ་འཇུག་པའམ། ཡང་ན་ཁོང་ཁྲོ་ཕྱིར་འདོན་ཆེད་བསམ་བཞིན་སྒོ་སྲུང་བར་རྡོག་པས་གཞུས། དེ་ལྟར་བྱེད་དོན་ནི་ཁོང་ཚོར་ཁོང་ཁྲོ་ལང་དུ་བཅུག་ནས་འཁོན་རེས་བྱེད་པའི་གོ་སྐབས་རེ་རག་ཐུབ་ན་ན་ད་གཟོད་ཡིད་ཅུང་ཙམ་ཚིམ་ཡོང་གི་ཡོད། རིན་པོ་ཆེས་རྗེས་ནས་གསུང་རྒྱུར། བཅིངས་འགྲོལ་དམག་མི་དེ་ཚོ་ཚང་མ་མི་བཟང་པོ་རེད། ཁོང་ཚོས་སྒྲིག་ཁྲིམས་དམ་པོར་བསྲུངས། ངས་ཁོང་ཚོར་སྡིགས་དམོད་བྱས་པ་དང་རྡོག་པས་གཞུས་ན་ཡང་། ཁོང་ཚོས་ཁ་ལན་མི་སློག་པ་དང་ལག་མི་འཇོག་པས། འཁོན་རེས་དང་འཛིང་རེས་བྱེད་འདོད་པ་ཡིན་ན་ཡང་འཁོན་རེས་མི་བྱེད་ལ། དེ་བས་ཀྱང་འཛིང་རེས་མི་བྱེད། བར་སྐབས་དེར། པཎ་ཆེན་རིན་པོ་ཆེས་རྒྱ་སྐད་ཡག་པོ་ཞིག་བཤད་ཤེས་སོང་ལ། ཤཱིན་ཧྭ་ཚིག་མཛོད་ཅིག་ཀྱང་བཀླགས་བཀླགས་ནས་རལ་བར་བྱས་ཡོད།


པཎ་ཆེན་རིན་པོ་ཆེ། དགུང་ལོ་༣༨ སྟེང་།

640 (30)  ༡༩༧༧ ལོའི་ཟླ་༡༠ བར་བཙོན་གྲོལ་ཐོབ། པཎ་ཆེན་རིན་པོ་ཆེ་པེ་ཅིན་གྲོང་ཁྱེར་གྱི་མི་ཞིག་ཏུ་གྱུར། ཉིན་རེའི་ཞོགས་པར་སྔ་མོ་ནས་ཡར་བཞེངས་ཏེ་སྔ་དྲོའི་སློབ་ཐུན་གྲུབ་རྗེས།ཕྱི་ལ་རྒྱུག་ཤར་བྱེད་དུ་ཕེབས། པེ་ཅིན་ས་ཚིགས་ནས་གནམ་བདེ་སྒོ་མོ་ཆེའི་ཐང་ཆེན་བར་དུ་རྒྱུག་ཕེབས། མའོ་ཙེ་ཏུང་གི་འདྲ་པར་ལ་གཟིགས་ཏེ། དེ་སྔའི་གནམ་བདེ་སྒོ་མོ་ཆེར་ཕེབས་ནས་མཇལ་འཕྲལ་བྱས་པ་སོགས་ཡིད་ལ་དྲན། དེང་སྐབས། མའོ་ཙེ་ཏུང་དང་ལིག་ཧྲོ་ཆི། ཀྲུའུ་ཏི། ཀྲུག་ཨིན་ལེ། ཕིན་ཏི་ཧྭའེ། ཧྭི་ལུང་། ཁྲིན་ཡུའུ་་་་། ཁོང་ཚོ་ཚང་མ་འཇིག་རྟེན་འདི་དང་བྲལ་སོང་།


པཎ་ཆེན་རིན་པོ་ཆེ། དགུང་ལོ་༤༡ སྟེང་།

640 (31)  ༡༩༨༠ ལོར། པཎ་ཆེན་རིན་པོ་ཆེ་བསྐྱར་དུ་རྒྱལ་ཡོངས་མི་མང་ཨུ་ཡོན་ཀྲང་གཞོན་པར་བསྐོས། ཡུན་རིང་མ་འགོར་བར་ཁོང་བོད་ཀྱི་ས་ཁུལ་ཁག་དུ་གཟིགས་བསྐོར་ལ་ཕེབས། མ་ཕེབས་སྔོན་ལ་ཏིན་ཤཱའོ་ཕིན་གྱིས་པཎ་ཆེན་རིན་པོ་ཆེ་ལ་བཤད་རྒྱུར། ཁྱེད་ནི་ང་ཚོ་རྒྱལ་ཁབ་ཀྱི་ཆེས་ལེགས་པའི་རྒྱལ་གཅེས་པ་རེད། གཟིགས་བསྐོར་ཁྲོད་ཁྱེད་རང་ཉིད་ཀྱི་བྱ་འགུལ་ལེགས་པོ་སྤེལ་ཆོག དེ་ལ་འདང་རྒྱག་མི་དགོས།ཁྱེད་ད་ཐེངས་གཟིགས་བསྐོར་དུ་ཕེབས་སྐབས་རིག་གནས་གསར་བརྗེ་ཁྲོད་ཀྱི་དོན་དེ་ཚང་མ་ནོར་སོང་བ་རེད་ཅེས་བཤད་ཆོག  ཁྱེད་རང་སྐྲག་མི་དགོས། ཁྱེད་ཀྱིས་འདི་ནི་ཀྲུང་དབྱང་གི་དབུ་འཁྲིད་བློ་མཐུན་གྱིས་བཤད་བྱུང་ཞེས་ཤོད།

640 (32)   བསྐྱར་དུ་ལས་དོན་ལ་ཞུགས་པའི་རྗེས་ཀྱི་ལོ་༡༠ ཡི་ནང་དུ། པཎ་ཆེན་རིན་པོ་ཆེ་བོད་ལྗོངས་ལ་ཐེངས་བདུན་དང་མཚོ་སྔོན་ལ་ཐེངས་གསུམ། སི་ཁྲོན་ལ་ཐེངས་གཉིས་ལ་གཟིགས་བསྐོར་དུ་ཕེབས། རྗེས་ལ། པཎ་ཆེན་རིན་པོ་ཆེའི་འཐུས་ཚབ་ཚོགས་པ་ཨའོ་ཏ་ལི་ཡཱ་དང་བལ་ཡུལ། ལྷོ་ཨ་མེ་རི་ཁ་སོགས་རྒྱལ་ཁབ་འགའ་ཤས་ལ་སོང་ནས་རྒྱལ་ཁབ་སོ་སོིའི་མི་དམངས་དང་ནང་པའི་མཐུན་ཚོགས་སོགས་ཀྱི་མཛའ་བརྩེ་གཏིང་ཇེ་ཟབ་ཏུ་བཏང་།


པཎ་ཆེན་རིན་པོ་ཆེ། དགུང་ལོ་༥༠ སྟེང་།

640  ༡༩༨༨ ལོའི་ཟླ་༥ བར། རྒྱལ་ཡོངས་རྒྱུན་ལས་ཨུ་ཡོན་ལྷན་ཚོགས་ཀྱི་ཐག་གཅོད་ལྟར་པཎ་ཆེན་རིན་པོ་ཆེ་དག་སེལ་བྱས། པཎ་ཆེན་རིན་པོ་ཆེས་སྐབས་དེར་པེ་ཅིན་དུ་ཀྲུང་གོ་བོད་སྐད་ཡིག་སྡེ་ཚན་ཚད་མཐོའི་ནང་བསྟན་སློབ་གླིང་བཙུགས་ཏེ། རང་ཉིད་ཀྱིས་དངོས་སུ་སློབ་གཙོའི་འགན་བཞེས།


པཎ་ཆེན་རིན་པོ་ཆེ། དགུང་ལོ་༥༡ སྟེང་།

  ༡༩༨༩ ལོའི་ཟླ་༡ པོའི་ཚེས་ ༩ ཉིན་པཎ་ཆེན་རིན་པོ་ཆེ་པེ་ཅིན་དང་གྱེས་ཏེ་གཞིས་ཀ་རྩེ་རུ་ཕེབས་ཏེ། པཎ་ཆེན་སྐུ་ཕྲེང་ལྔ་བ་ནས་དགུ་བའི་བར་གྱི་སྐུ་གདུང་མཆོད་རྟེན་ཏེ། གདུང་མཆོད་བཀྲ་ཤིས་གནམ་རྒྱལ་བཞེངས་གྲུབ་པའི་རབ་གནས་མཛད་སྒོ་ལ་ཞུགས།

 640 (33)པཎ་ཆེན་སྐུ་ཕྲེང་བཅུ་བའི་སྐུ་ལྕམ་དང་སྲས་མོ་གཉིས་རྒྱལ་སའི་གནམ་གྲུ་ཐང་གི་མདུན་དུ་ཕེབས་སྐྱེལ་དུ་བསླེབས་པ།

640 (34)    ཟླ་༡ པོའི་ཚེས་༩ ཉིན་པཎ་ཆེན་རིན་པོ་ཆེ་ལྷ་སའི་ཀུན་དགའ་གནམ་ཐང་དུ་ཡོད་པ།

 640 (35)ཟླ་༡ ཚེས་ ༡༠ ཉིན་པཎ་ཆེན་སྐུ་ཕྲེང་བཅུ་བས་གཙུག་ལག་ཁང་དུ་སངས་རྒྱས་ཤཱཀྱ་མུ་ནེ་ལ་མཆོད་མཇལ་ཞུ་བཞིན་པ།

 640 (36)ཟླ་༡ ཚེས་ ༡༠ ཉིན། པཎ་ཆེན་སྐུ་ཕྲེང་བཅུ་བའི་གཙུག་ལག་ཁང་མདུན་དུ་བསྐྱོན་པའི་དྲན་རྟེན་སྐུ་པར།

640 (37)༣༥) ཟླ་༡ ཚེས་ ༡༡ ཉིན་གྱི་ཉིན་གུང་། ཀྲུང་གུང་ཀྲུང་དབྱང་གི་ཨུ་ཡོན། བོད་རང་སྐྱོང་ལྗོངས་ཀྱི་ཏང་ཨུ་ཧྲུའུ་ཅི་རག་སྡེ།(གཡོན།)  ལོ་རབས་དྲུག་ཅུ་བའི་སྐབས་སུ་པཎ་ཆེན་རིན་པོ་ཆེའི་ཁྱིམ་ནས་བཙན་གྱིས་བླངས་པའི་ཡིག་ཚགས་རྒྱུ་ཆ་སྟེ།དེར་ཡིག་འབྲུ་ཁྲི་བདུན་གྱི་སྙན་ཞུའི་ལག་བྲིས་དང་འདྲ་པར་འདུས་ཡོད། རྨི་ལམ་དྲན་ཐོ་དང་ཐམ་ག་ལ་སོགས་པ་ཕྱིར་པཎ་ཆེན་རིན་པོ་ཆེར་ཕུལ། པཎ་ཆེན་རིན་པོ་ཆེས་ཡིག་འབྲུ་ཁྲི་བདུན་གྱི་སྙན་ཞུ་ལ་གཟིགས་ནས། དེར་བཞུགས་མི་སྣ་དག་ལ་གསུང་རྒྱུར། ཁྱོད་ཚོས་ལྟོས་དང་། སྙན་ཞུ་འདི་ཚང་མ་ངས་ལག་པས་བྲིས་ཏེ་ང་རང་ཉིད་ཀྱིས་ཞུ་དག་བཏང་བ་ཡིན། འདིའི་ཆེད་དུ་ངས་དཀའ་ལས་མི་ཉུང་བ་ཞིག་བརྒྱབ་ཡོད། ཉེས་ཆད་ཕོག་སྐབས། བཤད་རྒྱུར་འདི་མི་འདིས་བྲིས་པ་དང་། མི་གན་གིས་བྲིས་པ་རེད་ཟེར་ནས་མི་མང་པོར་མ་ཉེས་ཁ་གཡོགས་ཐེབས་པ་རེད་ཟེར།

640 (38)        ཟླ་༡ པོའི་ཚེས་ ༡༣ ཉིན་བཀྲ་ཤིས་ལྷུན་པོ་དགོན་པར་འབྱོར་བ།

640 (39)ཟླ་༡ པོའི་ཚེས་ ༢༢ ཉིན། སྐུ་གདུང་མཆོད་རྟེན་དབུ་འབྱེད་བྱས། པཎ་ཆེན་རིན་པོ་ཆེས་མི་སེམས་བསྒུལ་བའི་གསུང་བཤད་རིང་པོ་གནང་།640 (40)

640 (41)640 (42) ཟླ་༡ པོའི་ཚེས་ ༢༦ ཉིན་དད་ལྡན་མང་ཚོགས་ལ་སྨོན་འདུན་ཞུ་བཞིན་པ།

640 (43)ཟླ་༡ པའི་ཚེས་ ༢༧ ཉིན། སྐུ་གདུང་བཞེངས་པའི་གཞུང་ལས་ཁང་གིས་ལས་ཀའི་དྲིལ་བསྒྲགས་ཐོས་ནས་ཞིབ་འཇུག་གིས་མཆོད་རྟེན་བཞེངས་མཁན་ལ་བྱ་དགའ་གནང་།  དགོང་མོ་གཞིས་ཀ་རྩེ་ས་གནས་ཀྱི་ལས་བྱེད་ཡན་ཆད་གདན་ཞུ་བྱས། དེ་ལྟར་ཚེས་ ༢༨ ཉིན་གྱི་ཞོགས་པ་ཆུ་ཚོད་ ༡ པོ་ཡོལ་ཙམ་ལ་ད་གཟོད་གཟིམ་ཁྲིར་སྐུ་ངལ་གསོས། གཟིན་ཁྲིའི་སྟེང་བཞུགས་ཏེ་ད་དུང་ཆུ་ཚོད་ཕྱེད་ཀ་ལྷག་ལ་ཚགས་པར་ལ་གཟིགས།

 640 (44)ཟླ་དང་པོའི་ཚེས་༢༨ ཉིན་གྱི་ཆུ་ཚོད་ ༤ བ་ཙམ་ལ། པཎ་ཆེན་རིན་པོ་ཆེས་སྐུ་གཟུགས་བདེ་བོ་མ་བྱུང་། བྲང་ཁར་ན་ཟུག་བྱུང་། སྨན་པས་སྨན་ཕུལ་བས་ཡུད་ཙམ་ལ་གཟིམ་ཁུག  ཆུ་ཚོད་༨ དང་ཕྱེད་ཀའི་སྟེང་། རིན་པོ་ཆེས་ད་བདེ་བོ་འདུག་གསུངས། རྣམ་རིག་གསལ་དུ་ཕྱིན། སྨན་པས་སྙིང་ལ་གློག་པར་བརྒྱབ། ཆུ་ཚོད་༨ དང་སྐར་མ་ ༣༥ ཡི་སྟེང་རིན་པོ་ཆེས་གསུང་སྐད་ཅིག་བསྐྱོན་ཏེ་དེ་ག་རང་ལ་དྲན་པ་བརྒྱལ། དེ་རྗེས་ལ་ཀྲུང་དབྱང་གིས་མངགས་པའི་ཆེད་མཁས་སྨན་པའི་ཚོགས་ཆུང་དང་ས་གནས་སྨན་པས་མྱུར་སྐྱོབ་བྱས་ཀྱང་ཕན་ཐོགས་མ་བྱུང་བར་པཎ་ཆེན་དགུང་ལོ་ ༥༡ སྟེང་དགོངས་པ་རྫོགས།

640 (45)640 (46)

འབྲེལ་ཐག

http://mp.weixin.qq.com/s?__biz=MjM5NDAyNzkyMQ==&mid=200476556&idx=&sn=38c57d0d805f24911018c394a7eeec68&scene=#rd

ངེད་དྲ་ཚིགས་ལ་ཆོག་མཆན་མ་ཞུས་པར་གང་བྱུང་དུ་རྐུ་ཁྱེར་དང་བརྒྱུད་འགོད་བྱ་མི་ཆོག

མཆན་ཞོག

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s