September ༡༢, ༢༠༡༤

ཀུ་ཤུ་རྟགས་ཅན་གྱི་ཁ་པར་དྲུག་པ་ཚོང་འགྲེམ།

              ཀུ་ཤུ་དྲུག་པ iPhone 6 དང་དྲུག་པ་སྣོན་མ།iPhone 6plus  ཀུ་ཤུའི་ཆུ་ཚོད་ Watch སོགས་ཕྱི་ཟླ་༩ ཚེས་ ༡༩ ཉིན་དངོས་སུ་ཨ་རི་ནས་ཚོང་འགྲེམ་བྱེད་གཏན་འཁེལ་འདུག    ཀུ་ཤུ་དྲུག་པ་ལྔ་བ་ལས་ཨིན་ཇི་གཅིག་གི་ཆེ་བ་ཡོད་པ་དང་།  ཀུ་ཤུ་དྲག་པར་གྱེན་ལ་ཨིན་ཇི 5.44inches ཐད་ལ་ 2.64 སྲབ་མཐུག་ལ་ཨིན་ཇི་ 0.27 ཡོད་པ་དང་། ཀུ་ཤུ་དྲུག་པར་སྣོན་མར་གྱེན་ལ་ཨིན་ཇི 6.22 inches ཐད་ལ་ 3.06 སྲབ་མཐུག་ལ་ཨིན་ཇི་ 0.28...
དེ་ལས་མང་པ།

ཡིག་ཆ་དཀར་པོས་ལམ་ལུཊ་གཉིས་ཞེས་པ་བཟོ་བཅོས།

འབྲོག་མྱི།      རྒྱ་ནག་གི་དབུ་ཁྲིད་ཟུར་བ་ཀྲའོ་ཙི་ཡང་གི་ཆབ་སྲིད་དྲུང་ཡིག་སྐུ་ཞབས་པའོ་ཐོན་གྱིས་ཆེད་རྩོམ་སྤེལ་ནས་རྒྱ་གཞུང་གིས་བཀྲམས་པའི་ཁ་བྱང་ལ༼ཧོང་ཀོང་དམིགས་བསལ་ས་ཁུལ་དུ་རྒྱལ་ཁབ་གཅིག་ལ་ལམ་ལུགས་གཉིས་ལག་ལེན་དུ་བསྟར་ཚུལ༽ཞེས་པའི་ཡིག་ཆ་དཀར་པོར་དགག་རྒྱག་བྱས་ཡོད་པ་དང་། དེ་ཡང་ཁོང་གིས་རྩོམ་ཡིག་ནང་། རྒྱ་ནག་དེང་གཞུང་གིས་ཉེ་ཆར་ཡིག་ཆ་དཀར་པོ་ཟེར་བ་ཞིག་སྤེལ་ནས་རྒྱལ་ཁབ་གཅིག་ལ་ལམ་ལུགས་གཉིས་ཞེས་པ་ཧོང་ཀོང་དུ་ལག་བསྟར་བྱས་ཚུལ་བཀོད་འདུག ཡིག་ཆ་འབྲི་བ་བོས་ཡིག་ཆ་དེ་བརྒྱུད་མཚན་ཉིད་གསར་བ་ཞིག་གསར་གཏོད་བྱས་ཡོད་ལ། ཧོང་ཀོང་ལ་དབང་ཆ་ག་ཚོད་ཅིག་ཡོད་མེད་དེ་རྒྱ་ནག་དབུས་གཞུང་གིས་དབང་ཆ་ག་ཚོད་ཅིག་གནང་མིན་ལ་རག་ལས་པ་དང་། བཤད་ཚུལ་ལ་གཞིགས་ན་དེ་ལ་ཆེས་མཐོའི་རང་སྐྱོང་དང་། ཧོང་ཀོང་བས་ཧོང་ཀོང་སྐྱོང་བ། རྒྱལ་ཁབ་གཅིག་ལ་ལམ་ལུགས་གཉིས་ཞེས་པའི་ལམ་ལུགས་དེ་ཧོང་ཀོང་དུ་ལག་བསྟར་བྱས་ཚུལ་བཅས་ལ་ཟེར།       གཅིག་བྱས་ན་ཡིག་ཆ་དཀར་པོ་འབྲི་མཁན་ཚོས་ཕྱི་ལོ་༡༩༨༤ལོར་རྒྱ་ནག་དང་དབྱིན་ཇི་གཉིས་ཀྱིས་༼རྒྱ་ནག་དང་དབྱིན་ཇིའི་ཧོང་ཀོང་སྐོར་གྱི་མཉམ་འབྲེལ་གསལ་བསྒྲགས༽ཞེས་པའི་གཏན་ལ་ཕབ་པའི་ལོ་རྒྱུས་ཡིག་ཆ་ཞིག་ཡོད་པ་ཤེས་མེད་ཀྱང་སྲིད། ལོ་རྒྱུས་ཀྱི་ཡིག་ཆ་དེའི་ནང་། ཕྱི་ལོ་༡༩༩༧ལོའི་ཟླ་༧ཚེས་༡ཉིན། ཧོང་ཀོང་དེ་ཕྱིར་རྒྱ་ནག་ལ་རྩིས་སྤྲོད་བྱ་རྒྱུ་དང་། རྒྱ་ནག་གཞུང་གིས་འཛམ་གླིང་ཡོངས་དང་སྒོས་སུ་ཧོང་ཀོང་བ་ཚོར་ཕྱི་འབྲེལ་དང་རྒྱལ་སྲུང་ལས་དོན་གཉིས་རྒྱ་ནག་དབུས་གཞུང་གི་དོ་དམ་བྱ་རྒྱུ་ལས་གཞན། ཧོང་ཀོང་དམིགས་བསལ་འཛིན་སྐྱོང་ས་ཁུལ་ལ་ཆེས་མཐོའི་རང་སྐྱོང་གི་དབང་ཆ་ཡོད་ཞེས་གསལ་བསྒྲགས་དང་ཁས་ལེན་བྱས་ཡོད། ༼ཕྱི་འབྲེལ་དང་རྒྱལ་སྲུང་ལས་དོན་གཉིས་རྒྱ་ནག་དབུས་གཞུང་གི་དོ་དམ་བྱ་རྒྱུ་ལས་གཞན། ཧོང་ཀོང་དམིགས་བསལ་འཛིན་སྐྱོང་ས་ཁུལ་ལ་ཆེས་མཐོའི་རང་སྐྱོང་གི་དབང་ཆ་ཡོད༽ཅེས་པ་འདི་ནི་རྒྱལ་ཁབ་གཅིག་ལ་ལམ་ལུགས་གཉིས་ཞེས་པ་དེའི་དང་ཐོག་གི་ནང་དོན་ཡིན་ལ་བདེན་དོན་ཡང་ཡིན། དེ་ཡིས་རྒྱལ་ཁབ་གཅིག་ལ་ལམ་ལུགས་གཉིས་ཞེས་པའི་ངོ་བོ་འཁྱོག་བརྗོད་དང་གང་འདོད་བཅོས་བསྒྱུར་མི་རུང་བ་གཏན་ཁེལ་ཡང་བྱས་ཡོད།        འདམ་བསྐོ་ལ་མཚོན་ན་ཡང་། ཕྱི་འབྲེལ་དང་རྒྱལ་སྲུང་དཔོན་རིགས་མིན་པའི་འདམ་བསྐོ་དང་། བསྐོ་བཞག གནས་དབྱུང་སོགས་ཚང་མ་ཧོང་ཀོང་བས་ཧོང་ཀོང་སྐྱོང་ཞེས་པའི་ཁོངས་གཏོགས་ཡིན་པས། དོན་དག་དེའི་རིགས་ཧོང་ཀོང་མི་དམངས་ཀྱིས་ཐག་གཅོད་བྱེད་དགོས་པ་ལས་རྒྱ་ནག་དབུས་གཞུང་ལ་གཞན་དབང་འཕྲོག་སྒྲུབ་ཀྱི་ཐོབ་ཐང་མེད། དྲང་མོ་དྲང་བཞག་གིས་རྩ་དོན་དེ་སྲུང་བརྩི་བྱས་ན་ད་གཟོད་རྒྱལ་ཁབ་གཅིག་ལ་ལམ་ལུགས་གཉིས་ཞེས་པ་ཧོང་ཀོང་དུ་ལག་བསྟར་བྱས་པར་གོ་ཆོག དེ་ལས་ལྡོག་པའི་ཁ་ཡག་ཚིག་འཇམ་དག་ནི་རྒྱལ་ཁབ་གཅིག་ལ་ལམ་ལུགས་གཉིས་ཞེས་པར་རྡོག་རོལ་དང་ཡང་ན་ཐབས་འགྱུར་རྡོག་རོལ་ཡིན་ཞེས་དང་། ཡང་ཁོང་གི་རྩོམ་ཡིག་ནང་། ཡིག་ཆ་དཀར་པོའི་གསར་གཏོད་གཞན་ཞིག་ནི།...
དེ་ལས་མང་པ།

སྐབས་བཅོ་ལྔ་པའི་སྤྱི་འཐུས་ཚོགས་དུས་བརྒྱད་པ།

       ༄༅། །བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་བརྒྱད་པ་ཕྱི་ལོ་ ༢༠༡༤ ཟླ་ ༩ ཚེས་ ༡༢ ནས ༢༤ བར་ཉིན་གྲངས་བཅུ་གཅིག་རིང་བོད་མིའི་སྒྲིག་འཛུགས་ཀྱི་བསྟི་གནས་གངས་ཅན་སྐྱིད་གཤོངས་ཀྱི་གྲོས་ཚོགས་ཁང་ནང་དབུ་འཛུགས་གནང་སོང། དེ་ཡང་གོང་ཚེས་ཉིན་གྱི་སྔ་དྲོ་ཆུ་ཚོད་ ༩།༣༠ ཐོག་བོད་མི་མང་སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་དང་། ཚོགས་གཞོན་མཁན་པོ་བསོད་ནམས་བསྟན་འཕེལ་མཆོག བོད་མིའི་སྒྲིག་འཛུགས་ཀྱི་ཆབ་སྲིད་དབུ་ཁྲིད་སྲིད་སྐྱོང་བློ་བཟང་སེང་གེ་མཆོག་གིས་དབུས་བཀའ་བློ ན་རྣམ་པ། ཆོལ་གསུམ་ཆོས་ལུགས་དང་བཅས་པའི་བོད་མི་མང་སྤྱི་འཐུས་རྣམ་པ། ཟུར་ཉན་པ། ལྷན་ཁང་ཁག་གི་དྲུང་ཆེ་རྣམ་པ། གསར་འགོད་པ་དང། ཟུར་ཉན་གཞན་རྣམས་བཅས་ཚང་འཛོམས་ཐོག་གྲོས་ཚོགས་ཚོགས་དུས་བརྒྱད་པ་དབུ་འཛུགས་ཀྱིས་ཐོག་མར་རྟེན་འབྲེལ་གསོལ་ཇ་དང་། འབྲས་སིལ་ཕུལ་གྲུབ་རྗེས་ཚང་མ་སྐུ་བཞེངས་ཀྱིས་བོད་རྒྱལ་ཁབ་ཆེན་པོའི་རྒྱལ་གླུ་བཏང་སྟེ། བོད་མི་མང་སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་གིས་གྲོས་ཚོགས་དབུ་འཛུགས་ཀྱི་གསུང་བཤད་གནང་དོན། ཐོག་མར་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་བརྒྱད་པའི་ཐོག་ཕེབས་པའི་དཔལ་ལྡན་སྲིད་སྐྱོང་མཆོག་གིས་གཙོས་བཀའ་བློན་རྣམ་པ་དང། བོད་མི་མང་སྤྱི་འཐུས་རྣམ་པ་ཚང་མར་འཚམས་འདྲིའི་བཀྲ་ཤིས་བདེ་ལེགས་ཞུ་རྒྱུ་ཡིན། དེ་རིང་གི་གྲོས་ཚོགས་ཚོགས་དུས་འདིའི་དུས་ཚོད་མང་ཆེ་བ་འཛིན་སྐྱོང་བཀའ་ཤག་གིས་འདས་པའི་ལོ་གཅིག་ནང་ལས་དོན་གང་གནང་བའི་ལས་བསྡོམས་ཐོག་བགྲོ་གླེང་བྱ་རྒྱུ་གཙོ་བོ་ཆགས་ཀྱི་ཡོད། དེ་བཞིན་ཕྱི་ལོ་ ༢༠༠༨ ནས་བཟུང་བོད་ནང་ཛ་དྲག་གནས་སྟངས་ཆགས་རྗེས་ད་ལྟ་བར་དུ་གྲོས་ཚོགས་ཚོགས་དུས་རིམ་པའི་ཐོག་བོད་ནང་གི་རྒྱལ་གཅེས་དཔའ་བོ་དཔའ་མོ་རང་སྲོག་ཡན་ཆད་བློས་གཏོང་གནང་མཁན་ཚོའི་ཆེད་གཞུང་འབྲེལ་མྱ་ངན་གུས་འདུད་ཀྱི་གྲོས་འཆར་གྲོས་ཆོད་འཁྱེར་དགོས་ཐུབ་ཀྱི་ཡོད། ཕྱོགས་མཚུངས་བོད་རྒྱའི་དཀའ་རྙོག་ཛ་དྲག་ག་ཚོད་ཆགས་ཡོད་མེད་གྲོས་ཚོགས་ཀྱི་ལས་རིམ་ནང་ནས་མཚོན་ཐུབ་རྒྱུ་གནས་སྟངས་ཤིག་ཆགས་ཡོད། ད་ལྟའི་དུས་ཚོད་འདིར་འཛམ་གླིང་ནང་ཆབ་སྲིད་དང་དཔལ་འབྱོར།...
དེ་ལས་མང་པ།

རང་ཉིད་ལ་བྲིས་པའི་འཕྲིན་ཡིག་ཅིག

ཁ་སྒང་གཡང་འབུམ་ཚེ་རིང་གིས་བསྒྱུར།                སྙིང་ཉེ་བའི་རང་ཉིད་ལ།— འཇིག་རྟེན་འདིར་འཚོ་བ་ལ་དོན་དག་ཚང་མ་མིའི་བསམ་འདུན་དང་མཐུན་པར་ཡོང་མི་སྲིད། དཀའ་ངལ་དང་སུན་སྣང་གི་དོན་དག་དང་འཕྲད་དུས། མི་གཞན་གྱི་ཁ་ཏ་ལ་མཉན་པ་ཡིན་ན་ཡང་ཁེ་ཕན་ཞིག་ཡོད་ངེས། འོན་ཀྱང་། སེམས་ཀྱི་འགལ་ཟླ་སེལ་བར་བྱེད་པ་ལ་གཙོ་བོ་རང་ཉིད་ལ་བརྟེན་དགོས། སེམས་མི་སྐྱིད་པའི་སྐབས་སུ་གཤམ་གྱི་སྐད་ཆ་འདི་དག་བསམ་བློ་བཏང་ཆོག གཅིག་བྱས་ན་རང་ཉིད་ཀྱི་སེམས་ཁམས་གཅུན་པར་རོགས་རམ་བྱེད་ཐུབ། ༡༽ ཨུ་ཚུགས་མ་བྱེད། ཆོས་ཉིད་དང་བསྟུན་ན་ལེགས།    ཉིན་རྒྱུན་འཚོ་བའི་ཁྲོད་དོན་དག་འདྲ་མིན་མང་པོ་ཡོད། ཕལ་ཆེར་ཁྱོད་ཀྱིས་འབད་པ་དེ་ལས་མང་བ་བྱས་ཡོད་ཀྱང་ལེགས་འགྲུབ་འབྱུང་ཐུབ་མེད། རྒྱུ་མཚན་ནི་མི་ཞིག་གི་འཇོན་ནུས་ལ་ཚད་ཐིག་ཡོད།ཆ་རྐྱེན་འདྲ་མིན་གྱི་ཚད་བཀག་མྱོང་དགོས །གང་ལྟར་རང་ཉིད་ཀྱིས་ཧུར་ཐག་དང་རྩོད་ལེན་བྱས་ཡོད་པ་དང་། ངོ་གནོང་མི་དགོས་ཤིང་འགྱོད་པ་སྐྱེ་མི་དགོས་པ་ཞིག་བྱས་ཡོད་ན་འགྲིགས་པ་རེད། དོན་དག་ལ་ལ་ཞིག་དངོས་གནས་དྲང་གནས་སྒྲུབ་མི་ཐུབ་ན།  བསྐྱུར་ཞོག རང་ཉིད་ལ་དཀའ་ངལ་གཏན་ནས་མ་བཟོ། ༢༽  འགྱོད་པ་མ་སྐྱེ། སུས་ཀྱང་ནོར་འཁྲུལ་བྱེད་སྲིད།     འཛམ་གླིང་སྟེང་ནོར་འཁྲུལ་གཏན་ནས་མི་ཤོར་མཁན་ཞིག་མེད། ནོར་བ་ཡིན་ན་འགྱོད་གདུང་གིས་དུས་ཚོད་ཆུད་ཟོས་ལ་མ་གཏོང་།...
དེ་ལས་མང་པ།

ཐ་མག་བཅད་ཟིན། ཆང་རག་སྤངས་ཟིན།

འབའ་སྲས། ཐ་མག་དཀར་དཀར་འཐེན་པས་གློ་བ་ནག ། ཆང་རག་མང་མང་འཐུང་བས་མཆིན་པ་ལྡར།། ཚེ་ཡི་གཤེད་མར་གདེངས་པའི་དགྲ་བོ་གཉིས།། དམ་བཅའ་རལ་གྲིའི་རྩེ་ནས་དར་ལ་བརྫངས།། ཐ་མག་འཐེན་པས་གློ་ལུད་ཇེ་མང་རེད།། ཆང་རག་འཐུང་བས་མཆིན་ནད་ཇེ་སྡུག་རེད།། རང་གི་སྲོག་ལ་རྒོལ་བའི་དགྲ་ཟླ་གཉིས།། ད་རུང་གྲོགས་སུ་གཅེས་ན་སྨྱོན་པ་རེད།། ཐ་མག་འཐེན་པས་འབྱོར་བ་ཇེ་ཞན་རེད།། ཆང་རག་འཐུང་བས་ཆང་སྐྱོན་ཇེ་མང་རེད།། ཁྱིམ་ཚང་གྲོགས་ལ་གནོད་པའི་གཏེ་བོ་གཉིས།། ས་འོག་རིམ་པ་དགུ་ཡི་དར་ལ་བཅུག ། ཐ་མག་རིན་གོང་ཟླ་རེར་ཇེ་མཐོ་རེད།། ཆང་རག་འགྲོ་སོང་ཉིན་རེར་ཇེ་མང་རེད།། འབྱོར་བའི་རྐུན་པོ་ཐེའུ་རང་མ་གཏོང་གཉིས།། བདག་གི་ཁྱིམ་ཚང་འདི་ལ་འཁོར་ས་མེད།། ཐ་མག་རིན་པས་རྒྱབ་ལ་གོས་ཤིག་གྱོན།། ཆང་རག་རིན་གྱིས་ཁ་ལ་ཟས་ཤིག་ཟ།། ཁ་རྒྱབ་གཉིས་ལ་ཕན་པ་འདི་ན་ཡོད།། རང་ལ་ཕན་ཞིང་གཞན་གྱིས་བལྟས་ན་ཡག ། ལོ་ངོ་ཉི་ཤུར་འགྲོགས་པའི་ཆང་ཐ་མག ། དེ་རིང་ནས་བཟུང་གཏན་དུ་བདེ་མོ་བྱོས།། ཁྱོད་གཉིས་དྲན་པའི་གདུང་བ་བདག་ལ་མེད།། ད་བར་འགྲོགས་ནས་ཞེན་ཁ་ལོག་སོང་ངོ་།། ༡༤/༠༩/༡༡ ལམ་བར་ནས། ངེད་དྲ་ཚིགས།...
དེ་ལས་མང་པ།

ལྷ་མོའི་སྦྱིན་བདག ངས་ཀྱང་བསམ་བྱུང་།

དགའ་བྱང་གོ་བོ་རྨར་ཁམས་བློ་བཟང་རྒྱལ་མཚན། རྒན་རྒྱལ་མཚན་ལགས་ནི་གཞུང་ཆེན་མོར་མཁྱེན་རྒྱ་ཆུང་ཡང་རང་རློམ་ཅན་ཞིག་ཡིན། ཉིན་གཅིག་ཁོང་ལྷ་མོ་ཁང་ནས་མར་ཕེབས་སྐབས་གྲྭ་ཆུང་ཚུལ་ཁྲིམས་ཡི་གེ་འབྲི་བཞིན་ཡོད་པ་མཐོང་བས་ཁོང་གིས། ཁོ་རེ་ཁྱོད་ག་རེ་འབྲི་ཡི་ཡོད་དམ། ཞེས་དྲིས་པར་ཚུལ་ཁྲིམས་ཀྱིས་སྦྱིན་བདག་ལ་ཡི་གེ་ཞིག་འབྲི་ཡི་ཡོད་ལབ། རྒན་རྒྱལ་མཚན་ལགས་ནས། ལྟས་ངན་ཁྱོད་དགོས་པའི་སློབ་སྦྱོང་མ་བྱས་མི་དགོས་པའི་སྦྱིན་བདག་ལ་ཡི་གེ་རྐྱང་རྐྱང་འབྲི་ཡིན་སྡོད་ཨ། དཔལ་ལྡན་ལྷ་མོའི་བཀའ་ཆད་ཕོག་ཡོང༌། ཞེས་ཚོགས་གཏམ་བཏང་པར། ཚུལ་ཁྲིམས་ཀྱིས། རྒན་ལགས་སྦྱིན་བདག་ལ་ཡི་གེ་བྲིས་པར་བཀའ་ཆད་ག་རེ་བྱས་ཏེ་ཕོག མ་གཞི་ནས་དཔལ་ལྡན་ལྷ་མོ་ཁོང་རང་ལ་ཡང་སྦྱིན་བདག་ག་ཚོད་དང་ག་ཚོད་མི་འདུག་གམ། ཞེས་ལབ་པར་རྒན་དེ་ཧང་སངས་ཏེ། ལྟས་ངན་ཁྱོད་ཀྱིས་ག་རེ་ཟེར་གྱི་ཡོད། དཔལ་ལྡན་ལྷ་མོར་སྦྱིན་བདག་མང་པོ་ག་པར་འདུག ཅེས་གསུངས་པར་ཚུལ་ཁྲིམས་ཀྱིས། ཡོད་དང་ཡོད། འཇིག་རྟེན་ན་སྐད་གྲགས་ཆེ་ཤོས་རྒྱལ་པོ་ཆེན་པོ་རྣམ་ཐོས་སྲས་དང༌། ལྷ་ཆེན་ཚངས་པ་ཆེན་པོ། ཀླུའི་རྒྱལ་པོ་དགའ་བོ་ལ་སོགས་ཁོང་གི་སྦྱིན་བདག་མིན་ན་གང་རེད་དམ། དེ་ལྟར་མིན་ན་དཔལ་ལྡན་ལྷ་མོའི་སྙན་གཡས་ཀྱི་སེངྒེ་དང༌། རྨ་བྱའི་གཙུག་ཕུད། སྦྲུལ་གྱི་གདེངས་ཀ་སོགས་སུས་ཕུལ་བ་རེད་དམ། ཞེས་དྲིས་པར་རྒན་རྒྱལ་མཚན་ལགས་ལ་ལན་འདེབས་རྒྱུ་མ་རག་པར་ལུས་པ་རེད།། ངས་ཀྱང་དེ་རང་བསམ་བྱུང་། ཉིན་ཞིག་རྒན་ངག་དབང་ལགས་ཀྱིས་རང་གི་དགེ་ཕྲུག་བསམ་གཏན་རྡོ་རྗེ་སྐད་བཏང་སྟེ། བསམ་གཏན་དེ་རིང་བོད་ཚེས་བཅོ་ལྔ་སོང་ཙང་བརྒྱ་མཆོད་ཅིག་ཕུལ་བར་འགྲོ་དགོས་བསམས་བྱུང་འོན་ཀྱང་ད་ནི་འཕྱིས་དྲགས་ཐག་ཆོད་སོང་བས་རྗེས་མའི་ཚེས་བཅོ་ལྔའི་ཉྀན་འབུལ་རྒྱུ་མ་བརྗེད་པ་བྱེད་དགོས་གསུངས་པར། དགེ་ཕྲུག་དེས་ལགས་སོ་རྒན་ལགས་ངས་ཀྱང་དེ་རང་བསམས་བྱུང་ལབ་པ་རེད། དེ་ནས་ཡང་ཉིན་གཅིག་དགེ་རྒན་དེས། བསམ་གཏན་དེ་རིང་དཔེ་འཁྲིད་མེད་ཙང་ཤ་མོག་མོག་ཅིག་བཟོས་ན་བསམས་བྱུང་གསུངས་པར། དགེ་ཕྲུག་ཁོས་ཀྱང་། འོ་རེད་རྒན་ལགས་ང་ཡང་དེ་རང་བསམས་བྱུང་ལབ་པར་དགེ་རྒན་དེས་རང་གི་ག་རེ་བསམས་པ་ཇི་བཞིན་དགེ་ཕྲུག་གིས་ཀྱང་སེམས་བཞིན་འདུག་པས་ཁོ་ནི་དངོས་གནས་བསམས་ཡོད་ཅན་གྱི་དགེ་ཕྲུག་ཅིག་རེད་འདུག་སེམས་བཞིན་སྤོབས་སེམས་ཆེན་པོ་སྐྱེས། དེ་ནས་ཉིན་ཤས་སོང་རྗེས་ཡང་དགེ་རྒན་དེས། བསམས་གཏན་དེ་རིང་ང་ཁྲོམ་ལ་འགྲོ་དགོས་བསམས་ཀྱང་བྱུང་མ་སོང་གསུངས་པར།...
དེ་ལས་མང་པ།