རྒྱའི་འགོ་དཔོན་ལ་གསོལ་སྐྱག་སྤྲད་པ། ཨ་ཁུ་སྟོན་པ།

ཨ་ཁུ་སྟོན་པ།

ཉིན་གཅིག་ཨ་ཁུ་སྟོན་པ་ལྷ་ས་ནས་ཚལ་བདེ་ཆེན་ཁུལ་དུ་ལོག་འགྲོ་སྐབས། ཆོས་ལགས་ཁ་ཤས་དང་ཐུག ཁོ་པ་ཚོ་ལམ་དུ་འགྲོ་སྐབས། ཨ་ཁུ་སྟོན་པས་ཆེད་མངགས་བརྙས་བརྐོས་ཏེ་ཁོ་ཚོར།ཁྱེད་ཚོ་སྐྱག་པ་ཚ་པོ་བཟོ།ཞེས་བརྗོད་པར། ཆོས་ལགས་དེ་ཚོ་ཚིག་པ་ཟ་ཐག་ཆོད་དེ། ཨ་ཁུ་སྟོན་པ་ཚུར་ལ་བཟུང་ནས་ལམ་སེང་རྫོང་དཔོན་ལ་སྙན་སེང་ཞུ་བར་ཕྱིན་པས། རྫོང་དཔོན་གྱིས་ཨ་ཁུ་སྟོན་པར།ཁྱེད་ཀྱིས་ཁོ་ཚོར་དོན་མེད་སྐྱག་པ་ཚ་པོ་བཟོ་ཞེས་ལབ་དགོས་དོན་གང་ཡིན།ཅེས་དྲིས་པར། ཨ་ཁུས།ངས་རང་ཚོད་མ་ཟིན་པར་ཁོ་ཚོར་སྐྱག་པ་བཟོ་ལབ་པ་ཡིན། བཀའ་ཉེས་གང་གནང་རུང་ཞུ་རྒྱུ་ལས་གཞན་ལྷག་མེད།ཅེས་ངོས་ལེན་བྱས་པར། རྫོང་དཔོན་གྱིས།གནས་ཚུལ་ཆེ་བ་རང་མི་འདུག འོན་ཀྱང་ཁྱོད་ཀྱིས་ཚོད་མ་ཟིན་པར་དོན་མེད་མི་ལ་སྐྱག་པ་བཟོ་ལབ་པའི་ཉེས་པར། ད་ཁྱོད་རང་གསང་སྤྱོད་འོག་ཏུ་ལངས་སྡོད་དགོས། ཆོས་ལགས་ཁྱེད་རང་ཚོ་རེ་རེ་བྱས་ཏེ་ཨ་ཁུ་སྟོན་པའི་མགོའི་ཐོག་ལ་སྐྱག་པ་ཚ་པོ་རེད་གཏང་དགོས།ཞེས་བཀའ་ཉེས་བཏང་ངོ་། དེ་ལྟར་ཨ་ཁུ་སྟོན་པས་ཁས་ལེན་བྱས་ནས་གསང་སྤྱོད་འོག་ཏུ་ལངས་ནས།ད་རྫོང་དཔོན་གྱི་བཀའ་བཞིན་ཁྱེད་ཚོ་རེ་རེ་བྱས་ནས་སྐྱག་པ་ཚ་པོ་གཏོང་བར་ཡོང་རོགས་བྱོས། ཡིན་ནའང་བཀའ་ཉེས་ལ་སྐྱག་པ་ཚ་པོ་གཏོང་རྒྱུ་མ་གཏོགས་གཅིན་པ་གཏང་ཆོག་པའི་བཀའ་མེད་པས། སུས་ཀྱང་གཅིན་པ་ཐིགས་པ་གཅིག་བཏང་བྱུང་ན་ངའི་ལག་པར་མདུང་ཞིག་ཡོད་པ་འདི་རྐུབ་ལ་བཙུག་ཐག་ཆོད་ཡིན།ཞེས་ལབ་པས། ཆོས་ལགས་གཅིག་གིས་ཀྱང་གཅིན་པ་ཤོར་དོགས་ཀྱིས་སྐྱག་པ་གཏང་མ་ནུས་པར་བརྟེན་ཨ་ཁུར་རྒྱལ་ཁ་ཐོབ་པ་རེད།


རྒྱའི་སྡེ་སྲུང་འགོ་དཔོན་ལ་གསོལ་སྐྱག་སྤྲད་པ།

ཐེངས་ཤིག་རྒན་བསམ་གཏན་ལགས་ཁོང་རང་སྒེར་ཚོང་ཞིག་གི་ཆེད་རྒྱ་ནག་ཏུ་ཕེབས་སྐབས། རྒྱ་ནག་གི་སྡེ་སྲུང་དམག་མི་ཚོས་དངོས་ཤུགས་བརྒྱུད་གསུམ་གྱིས་ཁོང་གང་འགྲོའི་སར། དོ་དོ་གཟབ་ནན་གང་མང་བྱེད་བཞིན་ཡོད་པ་དེ་ཁོང་གིས་མཁྱེན་རྟོགས་བྱུང་བ་དང་། ཁོང་གིས་ལམ་སང་ལམ་བཞི་མདོ་ཁ་ཡོད་ས་ཞིག་ཏུ་ཕྱུ་པའི་སྐེ་རག་བཤིག་ནས་བསྡད་ཡོད་པ་མཐོང་བ་ལས་སྐྱག་གཅིན་གཏོང་བཞིན་ཡོད་པ་ནི་རྩ་བ་ཉིད་ནས་མ་ཤེས། ཁོང་གིས་སྐྱག་གཅིན་བཏང་ཚར་བ་དང་ག་ལེར་ཡར་ལངས་ནས་རང་ཉིད་ཀྱི་ཞྭ་མོ་དེ་སྐྱག་པ་དེར་བཀབ་ནས་གལ་ཆེ་མདོག་ཁ་པོ་བྱས་ནས་བཟུང་བསྡད་པས། རྒྱའི་སྡེ་སྲུང་འགོ་དཔོན་དེ་དེར་ཡོང་ནས།ཁྱེད་རང་དེ་གར་ཞྭ་མོ་བཀབ་ནས་ག་རེ་བྱེད་ཀྱི་ཡོད་དམཞེས་དྲིས་པར་ཁོང་གིས།འོ་ཛི་ཁོང་འདིའི་ནང་ཤིན་ཏུ་ཡིད་དབང་འཕྲོག་པའི་བྱེའུ་ཞིག་བཟུང་ཡོད། ཁྱེད་རང་གིས་འདི་ཏོག་ཙམ་གཟུང་རོགས་གནང་དང་། ང་འདི་བླུག་སའི་རླུང་འཛིན་ཞིག་ཉོ་བར་འགྲོ་ཡི་ཡིན་པས་ལམ་སང་ཡོང་ཆོག’’ ཅེས་ལབ་སྟེ་ནང་དུ་ལོག་ནས་ཕྱིན་པ་རེད། རྒྱ་མིའི་སྡེ་སྲུང་འགོ་དཔོན་གྱིས་ཡུན་རིང་ཞྭ་མོ་དེ་བཟུང་ནས་སྒུག་བསྡད་ཀྱང་རྒན་བསམ་གཏན་ལགས་ནི་རྩ་བ་ནས་མ་ཡོང་བར་བརྟེན། སྡེ་སྲུང་འགོ་དཔོན་གྱིས་ཞྭ་མོའི་འོག་གི་བྱེའུ་དེ་བཟུང་ནས་འཁྱེར་འགྲོ་དགོས་བསམས་ཏེ། ཞྭ་མོ་དེའི་འོག་ག་ལེར་ལག་པ་བརྒྱབ་ནས་སྦར་བཙིར་བཏང་བས་སྐྱག་པ་དེར་སྦར་བཙིར་ཐེབས་པར་བརྟེན་ཁོ་རང་སྐྱུག་བྲོ་ཐག་ཆོད་ནས་ལག་པ་དཀྲུག་དཀྲུག་ཤུགས་ཆེན་བྱས་པས་ལག་པའི་ཉེ་འགྲམ་གྱི་རྡོར་ཐུག་སྟེ་ན་ཚ་ཆེན་པོ་བཏང་བ་དང་སྦྲགས་ཨ་ར་ཞེས་ལག་པ་ཁ་ནང་དུ་བཅུག་གོ

ཡོང་ཁུངས་གཞན།  ཡི་གེ་བ་གྲུ་ལྷོ་སྐལ་བཟང་ཕུན་ཚོགས།

མཆན་ཞོག

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s