སྔོན་མ་ཞིག་ལ་གངས་ལྗོངས་ཁུ་བྱུག་སྔོན་མོ་བདུད་བྷེ་ཡིས་བླངས་པའི་༼རི་དྭགས་སྐྱོ་གླུས༽མདོ་ཁམས་ཕྱོགས་ཀྱི་མང་ཚོགས་གང་མང་ཞིག་གི་སེམས་སུ་བརྗེད་མི་སྲིད་པའི་བག་ཆགས་ཟབ་མོ་ཞིག་བཞག་ཡོད། དེའི་རྗེས་སུ་གངས་ལྗོངས་གླུ་བ་རྡོ་རེས་ཀྱིས༼ཡ་རུའི་ཨ་བསོད༽ཐོན་ནས་བོད་ཀྱི་ཞིང་འབྲོག་མང་ཚོགས་གང་མང་ཞིག་གི་སེམས་སུ་ཡང་བསྐྱར་བརྗེད་མི་ཐུབ་པའི་དྲན་ཐོ་ཞིག་བཀོད་ཡོད། དེ་དང་ལྷན་དུ་གླུ་བ་ཚུལ་ཁྲིམས་ཀྱིས་ཀྱང༼ཡི་དྭགས་སྐེ་རིང་༽བླངས་ཏེ་མང་ཚོགས་ལ་དམངས་ཁྲོད་གླུ་གཞས་ཀྱི་ནུས་པ་འདོན་སྤེལ་བྱས་མྱོང་བ་མ་ཟད། བོད་མི་རྒན་དར་གཞོན་གསུམ་མང་པོ་ཞིག་གི་སེམས་ངོར་བག་ཆགས་ཟབ་མོ་བཞག་མྱོང་ཡོད། འོན་ཀྱང་ཡིད་སྐྱོ་བ་ཞིག་ལ་བར་ལམ་ཞིག་ཏུ་བོད་ཀྱི་གླུ་བ་གླུ་མ་མང་པོ་ཞིག་གིས་྄྄དེང་རབས་གླུ་གཞས་ཀྱི་ལམ་ཁ་གཙོ་བོར་བཟུང་ནས་དེའི་ཕྱོགས་སུ་བརྩོན་ལེན་ཤུགས་ཆེན་བྱས་པས་བོད་ཀྱི་སྲོལ་རྒྱུན་མགུར་གླུའི་ཉམས་འགྱུར་དང་དབྱངས་རྟ་སོགས་མང་པོ་ཞིག་ཉམས་དམས་སུ་འགྲོ་བཞིན་ཡོད་པ་དངོས་ཡོད་གནས་ཚུལ་རེད། ཡིན་ཡང་དེང་གི་ཆར་བོད་ཀྱི་གཞོན་སྐྱེས་གླུ་བ་གྲགས་ཅན་གཉན་པོ་གཡུ་རྩེའི་བུ་རྒྱུད་ཤེར་བསྟན་གྱིས་ཡང་བསྐྱར་བོད་ཀྱི་སྲོལ་རྒྱུན་མགུར་མའི་ལུགས་ལྟར་བླངས་པའི༼གཉན་པོ་གཡུ་རྩེའི་སྐད་སྐུར༽དངོས་སུ་བོད་ཀྱི་སྤྱི་ཚོགས་སུ་ཐོན་པར་སྤྲོ་སེམས་འཁོལ་བའི་ངང་ནས་རྟེན་འབྲེལ་དང་བསྔགས་བརྗོད་ཞུ།
ངེད་དྲ་ཚིགས།
