____(དགེ་ཆོས་ཀྱི་གཞན་རྩོམ་བརྐུས་པ་)ཅེས་པར་བལྟས་རྗེས།                                                              ...

 ཡུ་གར་དཔའ་རྒོད་ཨེལ་ཧམ ཐོ་ཧྭི་ཏས་ལ་ཕུལ་བ། གཟུངས་ཕྱུག་སྐྱིད། ངའི་ཉེ་འཁོར་གྱི་ཁོར་ཡུག་ན། མི་ཚོགས་སྔར་བཞིན་འུར་ཟིང་གིས་བཟི་འདུག འདི་ལྟར་ཆེས་རྒྱུན་ལྡན་ཡིན་པའི་དེ་རིང་། ཆེས་རྒྱུན་ལྡན་མིན་པའི་བོ་ལི་མོ་ཆི་གྲོང་ཁྱེར་ནས། བླ་སྲོག་འོད་སྣང་ལ་ཕྱོགས་པའི་ཁྱེད་ཀྱིས། བདག་གི་ཕྱི་ནང་གཉིས་ཀ་ཡོམ་ཡོམ་དུ་སྒུལ་བྱུང་།   ཨེལ་ཧམ ཐོ་ཧྭི་ཏས ཁྱེད་ཁོ་ན་བསམ་གཞིགས་ལ་ཡང་ཡང་འཁོར་དུས། སུ་ཞིག་གི་ཡངས་པོར་བསྲིངས་པའི་འབོད་སྒྲ་རེ་རེ བདེན་ཚུགས་ཀྱི་ལུས་ཟུངས་ཀྱིས་བླ་རུ་བསྟད་པ། ཁྱེད་རང་ཉིད་ཀྱིས་ཐེག་པ་བདེན་ཡང་། ངས་དངོས་ནས་ཐེག་གྱིན་མི་འདུག   ཨེལ་ཧམ ཐོ་ཧྭི་ཏས།  ཁྱེད་ཀྱི་ཁ་གཏད་ན། གཏོས་ཆེ་བའི་མུན་ནག་དང་ལྕགས་རི་ཡོད། ཁྱེད་ཀྱི་མཐའ་འཁོར་ན། འཇིགས་རྔམ་གྱི་མེ་མདའ་དང་ལྕགས་སྒྲོག་གི་མདུད་པ་ཡོད། ཡིན་ནའང་།ཁྱེད་རང་འདི་དག་ཡོད་ཚད་ལ་མི་ཤོང་དོན་ཅི།   ཨེལ་ཧམ ཐོ་ཧྭི་ཏས། ཁྱེད་ཀྱི་གསལ་ལྷང་ལྷང་གི་འབོད་སྒྲ་དེས། ས་ཆེན་གྱི་ཕྱི་ནང་ཡང་ཡང་བསྐྱོམས་ཤིང་། གནམ་སའི་ཧྲག་བར་ལ་འོད་ཀྱི་སྐྱ་ཐིག་ཅིག་ཕབ།   ཨེལ་ཧམ ཐོ་ཧྭི་ཏས།...

               ཞོགས་འོད།  མཚོ་ལྷོ།    ཞེན་པའི་རིབ་མ་བཤིག་པའི་རྗེས།། གཉུག་མའི་མེ་ཏོག་འཛུམ་གྱིས་གད།། སྙིང་ཁར་དོད་པའི་ཨ་ཡིག་གིས།། འཁོར་བར་འགྲེལ་བཤད་མང་པོ་བྱས།། གཙང་བོ་འཐུང་བའི་ཟླ་འོད་ཀྱིས།། རྒྱུ་སྐར་གྲོགས་སུ་སྦྲན་པ་ན།། ང་ཡི་ལུས་ངག་ཡིད་ཀྱི་མཐའ།། རྟོག་པ་འགྱུ་བའི་ཟོལ་གྱིས་ནི།། སྲིད་པའི་སྒང་གཤོང་ཀུན་ཏུ་ཉུལ།། གཤོག་པ་སྲབ་པའི་སྦྲང་བུ་དེས།། མཆུ་ཏོས་ལན་མང་གཙགས་པའི་ཚེ།། ཤིན་ཏུ་ཐ་བ་འབྱུང་བའི་ཁམས།། སྐད་ཅིག་ཙམ་ལ་ཕུག་པར་བྱས།། ལོ་མང་ཉར་བའི་ཤོག་བུ་དེར།། ཚིག་གི་ཝུ་བ་བརྡོལ་བའི་ཚེ།། ས་སྲོས་གྲིབ་མར་བློ་ཁེན་ཏེ།། ཙབ་ཙུབ་ཚུལ་གྱིས་མགུར་ཞིག་ཐལ།། ཞེ་ལ་བརྣགས་པའི་མགུར་དེ་ཉིད།། རི་ལུང་ཀུན་ཏུ་ལན་མང་བརྒལ།། ལྗོན་པའི་ཚོགས་ཀྱང་རྗེས་སུ་འགྲོ།། རླུང་བུའི་འགྲོས་ཀྱང་གཞུག་ཏུ་འདེད།། དྲན་པའི་སྲབ་སྐྱོགས་འཇུ་ཐེངས་རེར།། ངེས་ཤེས་བ་སྤུ་གཟེངས་ན་ཡང་།། སྐར་མདའ་ལྷུང་ལྟའི་རྨི་ལམ་གྱི།།...

———— ཡེ་ལི་ཧཱ་མུ་ཚེ་བཙོན་ཁྱབ་བསྒྲགས་བྱས་རྗེས་སྤེལ་བའི་གཏམ། ནགས་ཤོད་སད་མིས་བསྒྱུར། ཡེ་ལི་ཧཱ་མུས་བཤད། ཡི་གེ་བ། ཁྲིམས་རྩོད་པ་ལི་ཧྥང་ཕིང་། ལི་ཧྥང་ཕིང་སྐད་འཕྲིན་དུ 9.24 ཉིན་བཀོད། ངས་ནི་འུ་ཚོའི་མི་རིགས་དང་ཀྲུང་གོའི་འབྱུང་འགྱུར་སླད་སྐད་རྒྱག་གི་ཡོད། ཁག་དང་པོ། ངས་ནི་འུ་ཚོའི་མི་རིགས་སླད་དུ་ང་རོ་སྒྲོག་གི་ཡོད། དེ་བས་ཀྱང་ཀྲུང་གོའི་ཆེད་དུ་ཀི་ཤར་འདེབས་གི་ཡོད། ཁག་གཉིས་པ། ཉེ་བའི་ནང་ངས་རྟག་ཏུ་ཐེག་དཀའ་བའི་མནར་གཅོད་གདོང་མ་ལོན་པར། ང་རང་གི་ངོ་ཚ་བཀའ་ཁྲེལ་དང་། ལས་དོན། གྲོགས་པོ། ཁྱིམ་མི་བཅས་ཀོ་ཐག་གློད་པའི་སེམས་ངལ་ལྕི། ད་ཆ། ངས་དེ་དག་ཐེག་སོང་བས། ངས་ནི་ཡེ་ལི་ཧཱ་མུ་ཁྱོད་ངན་པ་རེད་ཅེས་བཤད་འདོད་བྱུང་། ཁག་གསུམ་པ། འབྱུང་འགྱུར་བཙོན་ཁང་འཚོ་བ་ཅི་འདྲ་ཡོང་མིན་ངས་བརྒྱུད་མྱོང་མེད་ནའང་། འདི་ནི་ངེད་ཚོའི་འཚོ་བ་རེད། ངའི་བརྒྱུད་རིམ་རེད། ངའི་མི་ཚེ་ཅི་ཙམ་འཁྱོངས་མིན་མི་ཤེས་མོད། ང་ལ་དཔའ་སྤོབས་ཡོད། ང་དེ་འདྲའི་བླ་འདར་ཞིག་མིན། གལ་ཏེ་རང་རྨས་རང་ཤིའི་སྐད་ཆ་འདྲ་བྱུང་ན། དེ་ནི་ཏན་ཏན་རྫུན་མ་རེད། ཁག་བཞི་པ། བཅད་ཁྲའི་ནང་དོན་མཐོང་དུས། ངས་ནི་ལྡོག་སྟེ་རང་རང་གི་འགན་འཁུར་ཅི་བས་ཆེ་ཙམ་ལེན་དགོས་པའི་སེམས་ཚོར་ཤར།...

__ བུད་མེད་ཀྱི་དཀའ་ངལ་ལ་ཅིས་ཀྱང་འཕྱ་སྨོད་མ་གནང་རོགས། མང་བཟའ་པད་དཀར་གྱིས་བརྩམས། ལྷ་སྡེ་གནམ་ལོ་ཡག་གི་བསྒྱུར།        གཤམ་དུ་ཟླ་ཚེས་ལྟར་སྨྱུག་ཐོགས་པའི་ཉིན་ཐོ་སྐོར་ཞིག་ཞོར་འགོད་བྱེད་རྒྱུ་ཡིན་ཞིང༌། འདི་ནི་ཕྲན་བུད་མེད་ཅིག་ཡིན་པའི་མྱོང་ཚོར་ཡིན་པས། བུད་མེད་སྤུན་ཟླ་ཚོར་དཔྱད་གཞིར་ཕུལ་བ་ལགས། ཀི་སྒྲ་སྒྲོགས་ཤིག ཉམས་ང་བའི་མི དེང་སང་ཁྱོད་ལ་ཚོར་བ་ཞིག་འདུག་གམ ཁྱོད་རང་གི་གདོང་མིག་ལ་ཤུལ་ཙམ་ལས་མ་ལྷག ཁྱོད་རང་ཤ་རུས་ཉོག་འདྲེས་ཀྱིས་འཁྲུག་ཀྱིན ད་ཁྱོས་ཅི་ཞིག་ལ་བརྟེན་ནས་ལ་རྒྱ་སྲུང་ངམ ལུས་ཕུང་མཚར་དཔེར་གྱུར་བ་ཁྱོས་མ་ཤེས ང་ཁྱོད་ལ་སྙིང་བརྗེ་སྐྱེས སྔར་བཤད་མྱོང་བའི་ཐེངས་བརྒྱར་འགྱེལ་ཡང ཐེངས་བརྒྱ་དང་གཅིག་ལ་ལངས་ཐུབ་པ་ཨེ་བདེན འོན་ཀྱང དེང་འདིར་བརྒྱ་དང་གཉིས་འགྱེལ་སོང ངས་ཤི་ཟིན་པའི་ཁྱོད་ཀྱི་སླད་དུ་མིག་ཆུ་གཏོར ཁྱོད་ཀྱི་ཕུང་བོའི་སྒང་གཞན་བརྟེན་འབུ་ཕྲས་ཁེངས་ཤིང ཁྱོད་རིན་གོང་ཆུང་དྲགས་སམ། མི་རྣམས་ཀྱིས་གང་འདོད་དུ་རིན་ཚད་འཇལ ཚེ་འདིར་ངར་ཉམས་པའམ། ཡང་ན། སྐྱེ་བ་རྗེས་མའི་སླད་བཟོད་བསྲན་བྱེད འཇིག་རྟེན་འདིར་འཕག་འཚག་གིས་འབོད་སྐད་སྒྲོག་ཚད ཉེས་པ་དང་འཕྲོ་བརླག་གི་ངོ་བོར་གྲུབ་བམ་ཅི རབ་རིབ་སྐྱེ་འཆིའི་ཀློང བཙོན་འཇུག་མེད་སའི་བས་མཐའ་དེར་ཇི་ལྟར་བགྲོད ཕྱི་ལོ་ ༡༩༩༨ལོའི་ཟླ་ ༡༡ཚེས་ ༡༧ཉིན་ངྷ་རམ་སཱ་ལ།          དངོས་གནས་ལོ་ཟླས་ངའི་བློ་རྩར་གཙུབ་བརྡར་བཏང་ཟིན་པས། ང་སྔར་གྱི་པད་དཀར་མ་རེད། སྒེག་ཉམས་ཡོད་མདོག་པའི་བུད་མེད་ཅིག་གིས་རང་ཉིད་ཞོར་གཏོགས་ཀྱི་རང་བཞིན་ནམ། ཨང་གཉིས་པའི་ངོ་བོ་ལས་བརྒལ་ཐུབ་ཀྱི་མི་འདུག ལམ་ལྷོང་བྱུང་ཟིན་པའི་བུད་མེད་ཅིག་གིས་བུད་མེད་ལ་སྔར་ནས་ཡོད་པའི་མཉེན་ཞིང་སྲ་བ་དང་ལྷིང་འཇགས། འཆོར་སྒེག་གི་རང་གཤིས་བརྒྱུད་འཛིན་གྱིས་སྐྱེས་པ་དང་དོ་མཉམ་པའི་གསར་བཏོད་དང་ཕར་རྒོལ། གཟི་བརྗིད་སོགས་གོང་མཐོར་གཏོང་འོས་པར་གོར་མ་ཆག ཕྱི་ལོ་ ༡༩༩༨ལོའི་ཟླ་༡༡ཚེས་ ༡༧ཉིན། མ་རིག་པའི་ལྕག་སྒྲོག་གཏོར་ཅིག ་ ངའི་འཆར་ཡན་སྙན་ངག་གི་ཁྲོད་དུ། གཟུགས་བྱད་ཀྱིས་སྟོང་པའི་མཚན་མོས གནོན་བསྒྱུར་གྱིས་ངའི་གཟུགས་གཞིར་འགྱུར་བ་ཐེབས...