ཧོང་ཀོང་གཞུང་དང་སློབ་མའི་བར་གྲོས་མོལ་བྱ་རྒྱུ།

ཧོང་ཀོང་གཞུང་ནས་སློབ་མའི་མཐུན་ཚོགས་ཀྱིས་བཏོན་པའི་རྩ་དོན་གསུམ་ལ་མོས་མཐུན་བྱས་ཏེ་སང་ཉིན་གཞུང་མང་གཉིས་ཀྱི་སྐུ་ཚབ་ཀྱིས་གྲོས་མོལ་བྱ་རྒྱུ་ཡིན་འདུག

ཧོང་ཀོང་ནང་མི་མང་གིས་ཞི་རྒོལ་བྱས་ཏེ་ཉིན་གྲངས་ ༡༢ འགྲོ་བཞིན་ཡོད་པ་དང་། ཐེངས་འདིའི་ལས་འགུལ་གྱི་སྣེ་ཁྲིད་པ་ཧོང་ཀོང་སློབ་མའི་མཐུན་ཚོགས་ཀྱིས་བཏོན་པའི་རྩ་དོན་གསུམ་ལ་ཧོང་ཀོང་གཞུང་གིས་མོས་མཐུན་བྱས་ཡོད་པ་ལྟར། སང་ཉིན་ཕྱི་ཚེས་ ༡༠ ཉིན་ཧོང་ཀོང་སློབ་མའི་མཐུན་ཚོགས་དང་སྲིད་གཞུང་གི་སྐུ་ཚབ་ཀྱིས་གྲོས་མོལ་བྱ་རྒྱུ་ཡིན་འདུག

གྲོས་མོལ་བྱ་རྒྱུར་མོས་མཐུན་བྱུང་རྗེས། ཞི་རྒོལ་ནང་ཞུགས་པའི་སློབ་ཆེན་ ༥ ཡི་གཙོས་སློབ་གྲྭ་ཁག་གི་སློབ་ཁྲིད་བསྐྱར་གསོ་དང་། ལས་ཁུངས་ཁག་གི་ལས་བྱེད་རྣམས་དུས་ལྟར་ལས་ཚོགས་སུ་འགྲོ་བཞིན་ཡོད་ཀྱང་། ཧོང་ཀོང་ཀྲུང་ཝིན་སློབ་ཆེན་གྱི་སློབ་མ་གཙོ་བོར་གྱུར་བའི་ངོ་རྒོལ་བ་མང་པོས་མུ་མཐུད་ལས་འགུལ་སྤེལ་ཏེ། ངོ་<རྒོལ་བའི་བཏོན་པའི་དགོས་འདུན་རྣམས་ལག་བསྟར་མ་བྱས་པར་དུ་ལས་འགུལ་མཚམས་འཇོག་བྱ་རྒྱུ་མིན་པའི་འབོད་ཚིག་བསྒྲགས་ཏེ་ངག་བཅད་ངོ་རྒོལ་བྱེད་བཞིན་ཡོད་འདུག

ཧོང་ཀོང་གི་དམངས་གཙོའི་ལས་འགུལ་དང་བསྟུན་ཏེ། ཟླ་འདིའི་ཕྱི་ཚེས་ ༥ ཉིན་རྒྱ་ནག་ནང་ལོགས་ཀྱི་ཆབ་སྲིད་པ་དང་དམངས་གཙོ་དོན་གཉེར་བ་མང་པོ་མཉམ་འབྲེལ་གྱིས། ཧོང་ཀོང་མི་མང་གི་ལས་འགུལ་ལ་རྒྱབ་སྐྱོར་བྱེད་ཀྱི་ཡོད་པའི་བསྒྲགས་གཏམ་སྤེལ་ཡོད་པ་མ་ཟད། རྒྱ་ནག་རྒྱལ་ཡོངས་མང་ཆེན་རྒྱུན་ལས་ཨུ་ཡོན་ལྷན་ཁང་གིས་རྒྱ་ནག་ནང་གིས། རྒྱ་ནག་རྒྱལ་ཡོངས་ཀྱི་རྫོང་དང་གྲོང་ཚོ་ཁག་གི་མགོ་ཁྲིད། དེ་བཞིན་གྲོང་ཁྱེར་དང་ས་ཁུལ་རིམ་པ་ཡན་གྱི་འཐུས་མི་རྣམས་ཐད་ཀར་མི་མང་གིས་འོས་འདེམས་བྱེད་པའི་ཐོབ་ཐང་སྤྲོད་དགོས་པའི་རེ་འདུན་ཡང་བཏོན་ཡོད་འདུག

ཡང་ཁ་སང་ཕྱི་ཚེས་ ༨ ཉིན་རྒྱ་ནག་པེ་ཅིན་དུ་མི་ ༣༠ དང་ཀོང་ཀྲུའུ་རུ་མི་ ༤། ཁྲུང་ཆིན་དུ་མི་ ༢ བཅས་ཉུང་མཐར་དམངས་གཙོ་དོན་གཉེར་བ་ ༣༦ ཙམ་གྱིས། ཧོང་ཀོང་གི་ཞི་རྒོལ་ལ་མངོན་གསལ་གྱིས་རྒྱབ་སྐྱོར་བྱས་རྐྱེན་ཉེན་རྟོག་པས་འཛིན་བཟུང་བྱས་ཡོད་པ་དང་། ཁོང་ཚོའི་ཁྱིམ་མི་གཉེན་འབྲེལ་རྣམས་བཀག་ཉར་ཁང་དུ་སྒོར་མོ་དང་གྱོན་གོས་སྐྱེལ་དུ་ཕྱིན་སྐབས་ཉེན་རྟོག་པས་འཇིགས་སྐུལ་བྱས་ཡོད་སྟབས། ཁ་སང་ཧོང་ཀོང་གི་ངོ་རྒོལ་བ་ཚོས་ཧོང་ཀོང་ནང་ཡོད་པའི་རྒྱ་ནག་མཉམ་འབྲེལ་ལས་ཁུངས་བར་གོམ་བགྲོད་བྱས་ཏེ། འཛིན་བཟུང་བྱས་པའི་ལས་འགུལ་རྒྱབ་སྐྱོར་བ་རྣམས་འཕྲལ་དུ་ཀློད་གྲོལ་གཏོང་དགོས་པའི་འབོད་སྐུལ་བྱས་ཡོད་འདུག

གསར་འགོད་པ། པདྨ་མཚོ།

ཡོང་ཁུངས་བོད་ཀྱི་དུས་བབ།

མཆན་ཞོག

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s