འབའ་དུང་སྲས།  དབུ་རྒྱན་རྣ་ཆ་འགྲིག་ཞིང་།། གོམ་ཁ་ཡངས་ཞིང་ལྷོད་པ།། མཛའ་བུ་ལམ་འགྲོ་ཞིག་གིས།། ལག་བརྡ་བྱས་པ་ཨེ་མཐོང་།། དབུ་དཀྲིས་གློ་ཁ་བརྒྱབ་ཞིང་།། ཤེལ་དཀར་གདུ་བུ་མཛེས་པ།། བུ་མོ་རྩེད་ལ་དགོད་ཁས།། ཁ་འདྲི་མཚར་པོ་ཨེ་བྱུང་།། གནས་དེར་མི་འདུག་མ་གསུང་།། རི་བོ་མཐོན་པོས་བཀག་ཡོད།། སྨན་ཆུང་སེམས་དཀར་སྒྲོལ་མའི།། འཛུམ་ཆུང་ཞིམ་པ་ཨེ་ཚོར།། མིག་ཤེལ་གདོང་ལ་རན་ཞིང་།། ཁ་ཚིག་རྣ་ལ་སྙན་པ།། བུ་མོ་སེམས་ཡག་གཤིས་ཡག། ལྕང་སྡོང་འོག་ནས་གྱེས་སོང་།། ཁྱེད་རང་རྒྱང་དུ་ཡོད་སྐལ།། ང་རང་ལམ་ཆས་བརྒྱབ་དུས།། རྨི་ལམ་གཅིག་ལ་ཐུག་པའི།། བུ་མོ་ཞེ་འདང་ཨེ་ཡོད།། ངེད་དྲ་ཚིགས།...

རྡོ་རྗེ་རིན་ཆེན། གཅིག མི་རིགས་ཤིག་ཉམས་རྒུད་དུ་འགྲོ་བའི་དུས་སྐབས་སུ། སྐུ་དྲག་ཚོས་རྒྱལ་ཁབ་བཙོང་ཞིང་། ཆབ་སྲིད་པ་ཚོས་མི་རིགས་བཙོང་། ཤེས་ཡོན་པ་ཚོས་རིག་གནས་བཙོང་བ་རེད། ཐ་ན། མི་མང་དཀྱུས་མ་ཚོས་ཀྱང་རང་གི་ཡབ་མེས་ཀྱི་ཤུལ་བཞག་རྣམས་གང་ཐུབ་ཅི་ཐུབ་ཀྱིས་བཙོང་ངེས། འདི་ལྟ་བུའི་རྣམ་པ་ལ། དུས་རྒྱུན”རྒྱལ་ཁབ་ཞི་འགྲིག་དང་། མི་རིགས་མཉམ་གནས། རིག་གནས་སྒྲོག་སྤེལ”ཞེས་འབོད་དོ།། གཉིས། འཛམ་གླིང་གི་མི་རིགས་དང་རིག་གནས་གང་དང་གང་ཡིན་ཡང་། ཡོད་ཚད་པོ་འདི་ལྟར་རང་སྟེང་ནས་ཉམས་རྒུད་དུ་འགྲོ་བ་ལས། ཕྱིའི་དགྲ་བོའི་མཚོན་གྲི་རྣོན་པོ་དང་ཡ་ང་བའི་བཙན་འཛུལ་གྱིས། ཞར་ཡང་། མི་རིགས་དང་རིག་གནས་ཤིག་ཉམས་རྒུད་དང་རྨེག་མེད་དུ་གཏོང་མི་ནུས་ཏེ། རྗེའུ་ཤུ་མི་རིགས་ནི་འདིའི་བདེན་དཔང་གསོན་པོ་ཞིག་ཡིན་ནོ།། གསུམ། རྗེའུ་ཤུ་མི་རིགས་ནི་ལོ་ངོ་སྟོང་ཕྲག་ལྷག་གི་རིང་ལ་གཞན་གྱི་སྡིག་གྱོང་མནར་གཅོད་དང་བཙན་འོག་ཏུ། དཀའ་སྡུག་གི་ཆག་འཇིག་རབས་དང་རིམ་པ་ཞིག་བརྒྱུད་ནའང་། གང་དེའི་མི་རིགས་དང་རིག་གནས་གོམས་སྲོལ་སོགས། ཉམས་པ་མེད་པར་ཆུ་བོའི་རྒྱུན་བཞིན་ད་ལ་ཐུག་གི་དབར་དུ་བསླེབས་ཟིན་པ་མ་ཟད། དེ་ལས་ཀྱང་རླབས་ཆེ་བ་ཞིག་ནི། འཛམ་གླིང་ན་སྙན་པ་འབྲུག་ལྟར་ལྡིར་བའི་ནོར་བྷེལ་འར་བྱ་དགའ་ཐོབ་མཁན་གྱི་མི་གྲངས་ལས་མང་ཆེས་པ། འཛམ་གླིང་གི་གྲངས་ཉུང་མི་རིགས་འདིའི་ཁུངས་ནས་བྱོན་པ་རྐྱང་ལགས་སོ།། བཞི། གོང་དུ་མི་རིགས་ཤིག་ཉམས་རྒུད་དུ་འགྲོ་སྐབས། ངེས་པར་འབྱུང་སྲིད་པའི་སྤྱིར་བཏང་གི་མངོན་རྟགས་ཙམ་བསྟན་པ་ཡིན་ལ། ད་ནི་རང་ཅག་བོད་འདིར་ད་སྔ་དབར་མངོན་རྟགས་གང་དང་གང་ཞིག་བྱུང་ཟིན་པ་དང་འབྱུང་བཞིན་འདུག་ཟེར་ན། མངོན་རྟགས་དང་བོ་སྟེ། རྒྱལ་ཁབ་ནི་དྲིན་ཆེན་པོ་ཚོས་(ཧེ་ཧེ) བདེ་མོ་སྐྱིད་པོ་བྱས་ནས་ཙོངས་བཞག་འདུག...

གཡོག་གླེན་པ།       སྔོན་གཡོག་པོ་བསམ་བློ་དེ་ཙམ་གཏོང་མི་ཤེས་མཁན་ཞིག་ཡོད་པ་དེ་སྦྱིན་བདག་གི་ནང་དུ་སྐད་བཏང་ནས་དུག་ལོག་ལ་དབུར་ཏི་རྒྱག་སྟངས་བསླབས་རྗེས། “དེ་རིང་ཁྱེད་ཀྱིས་འདིར་གཉེར་འཁུམ་ཡོད་པ་ཚང་མར་དབུར་ཏི་རྒྱོབ་ཨ།” ཞེས་ལབ་ནས་སྦྱིན་བདག་ཁོང་རང་ཁྲོམ་ལ་ཕྱིན་པ་རེད། དེ་ནས་གང་འཚམས་སོང་རྗེས་སྦྱིན་བདག་ནང་དུ་ལོག་སླེབས་པ་དང་སྦྲགས་གཡོག་པོ་དེས་སྦྱིན་བདག་སར་བཅར་ཏེ། “སྦྱིན་བདག་ལགས། ངས་གཉེར་འཁུམ་ཅན་གྱི་དུག་ལོག་ཚང་མར་དབུར་ཏི་བརྒྱབ་ཚར་བ་མ་ཟད་རྨོ་ལགས་ཀྱི་བཞིན་རས་དང་སྐུ་གཟུགས་ལའང་གཉེར་མ་མང་པོ་འདུག་པས་སྦྱིན་བདག་གིས་ད་གིན་གཉེར་འཁུམ་ཅན་ཚང་མར་དབུར་ཏི་རྒྱོབ་གསུངས་པ་ལྟར་ཁོ་བོས་བརྒྱབ་པ་ཡིན།” ཞེས་ལབ་པས་སྦྱིན་བདག་དེ་སྐད་ངན་ཤོར་དགོས་བཟོས་པ་རེད། ང་རང་གི་གདོང་པ།      རྡོར་གླིང་སྟོབས་རྒྱལ་ཟེར་བའི་མི་རྒྱའུ་ཞིག་ཡོད་པ་རེད། ཁོས་ཟླ་བ་རེ་ལ་ཨ་ར་ཐེངས་རེ་གཞར་གྱི་ཡོད། ཉིན་ཞིག་ཁོ་པ་ཕྱི་ལོག་ལ་སྐྱོད་སྐབས་གཡོག་པོ་ཨ་ནུ་ཟེར་བ་དེ་སྐད་བཏང་ནས། “ཨ་ནུ། ཨ་ནུ། ངའི་ཨ་ར་གཞར་རྒྱུའི་ཡབ་ཆས་འདི་ཚོ་ཁྱེད་ཀྱིས་འཁྱེར་ཤོག་ཨ།” ལབ་པར་ཨ་ནུས། ལགས་སོ་ཞེས་ལབ་ནས་འཁྱེར་ཡོང་སྐབས་ལམ་བར་ཞིག་ཏུ་ཨ་ནུ་རྐང་པ་ཐོགས་ནས་ས་ལ་འགྱེལ་བ་དང་གདོང་པ་ལྟ་ཡག་གི་ཤེལ་སྒོ་དེ་ཆག་པ་རེད། དེ་སྟོབས་རྒྱལ་གྱིས་མཐོང་སྐབས་ཁོ་རང་ཁོང་ཁྲོ་དང་བཅས་ཏེ། ད་ཁྱེད་ཀྱིས་ང་རང་རང་གི་གདོང་པ་མཐོང་རྒྱུ་ཡོད་པའི་ཤེལ་སྒོ་འདི་བཅགས་པ་རེད། ད་ཁྱེད་ཕྱིན་ཏེ་ཁྲོམ་ནས་ཤེལ་སྒོ་འདི་འདྲ་བ་ཞིག་ཉོས་ཤོག ཅེས་བཤད་ནས་ཚབ་གཅིག་ཉོ་བར་བཏང་། ཆུ་ཚོད་གཉིས་ཙམ་གྱི་རྗེས་ལ་ཨ་ནུ་དབུགས་ཧལ་བཞིན་དུ་ལག་པ་སྟོང་པར་ལོག་ཡོང་བས་སྟོབས་རྒྱལས་གྱིས། “ཤོལ་སྒོ་ག་རེ་བྱས་ནས་མ་ཉོས་པ་ཡིན་ནམ།” ཞེས་ཁོང་ཁྲོ་ཆེན་པོའི་ངང་ནས་དྲིས་པར་ཨ་ནུས། “ངས་ཚོང་ཁང་ཚང་མའི་ནང་ལ་ཕྱིན་ནས་ཤོལ་སྒོ་ཚང་མར་བལྟས་པ་ཡིན། འོན་ཀྱང་ཤེལ་སྒོ་དེ་ཚོ་ཚང་མའི་ནང་ང་རང་རང་གི་གདོང་པ་ལས་སྦྱིན་བདག ཁྱེད་རང་གི་བཞིན་རས་མཐོང་མཁན་ནི་གཅིག་ཀྱང་རག་ཡག་མི་འདུག” ཞེས་ཞུས་པར་བརྟེན། སྟོབས་རྒྱལ་ཁོ་པར་ལན་རྒྱག་ཡག་མ་རག་པར་ལུས་པ་རེད།...