October ༡༣, ༢༠༡༤

དོན་ངོ་མར་ཁ་བྲལ་དུ་གཏོང་མཁན་དེ་སུ་ཡིན།

གངས་ཉི།          བྱ་ལས་གང་ཞིག་བརྩོན་ན་ཡང་དྲིལ་བསྒྲག་ནི་བྱ་ལས་དེའི་ནུས་པ་རྒྱ་ཆེར་གཏོང་བྱེད་ཀྱི་ལག་ཆ་གལ་ཆེན་ཞིག་རེད་མོད།   དྲིལ་བསྒྲག་བྱེད་སྟངས་དེ་ནམ་ཡང་བདེན་དོན་གྱི་ར་བ་ལས་བརྒལ་ཕྱིན་ནམ་ཞིག་ཁྱོད་ཀྱི་དྲིལ་བསྒྲག་དེ་ནི་ར་བཟི་བའི་ལབ་རྡོལ་བཞིན་ནུས་མེད་ཅིག་ཏུ་ཆགས་འགྲོ་བའང་ཆོས་ཉིད་ཅིག་རེད།             ད་ལོའི་ཞི་རྒོལ་འོས་ལངས་ཀི་སྐབས་སུ་རྩ་འཛུགས་ཡོད་པའི་ཁོངས་མི་སུ་ཞིག་ནང་འཛུལ་བྱས་ཏེ་མི་དམངས་ལོག་ལམ་དུ་ཁྲིད་ཅིང་ཀྲུང་དབྱང་བརྙན་འཕྲིན་ཁང་དང་།   ལྷ་ས་བརྙན་འཕྲིན་ཁང་སོགས་ཀྱིས་གནས་ལུགས་རྒྱབ་གཏོད་དང་དྲང་བདེན་རྡོག་རྫིས་ཀྱིས “ཁ་བྲལ་བོད་པ”  ཞེས་བོད་མི་སྤྱི་ལ་སྡུག་དམོད་བྱས་པ་ཐལ་དྲགས་པ་འདིས།   ནམ་ཡང་སོས་དཀའ་བའི་རྨ་ཁ་ཟབ་མོ་ཞིག་ཕྱོགས་གཉིས(བོད་རིགས་དང་རྒྱ་རིགས་གཉིས།།) ཀར་བཟོས་ཡོད་པས་ན་ད་ནི་རྒྱ་རིགས་སྤུན་ཟླ་བོད་ལ་མི་དགའ་བ་ཞིག་དང་། བོད་རིགས་སྤུན་ཟླ་རྒྱ་ལ་སྡང་བའི་བསམ་ཕྱོགས་ཤིག་ཀྱང་རང་ཤུགས་ཀྱིས་ཐོན་པར་བྱས་སོང་།   ཁོ་བོས་ནི་ནམ་ཡང་དེ་ནི་མི་རིགས་ཁ་བྲལ་དུ་འགྲོ་བའི་བྱེད་ལས་ཤིག་ཏུ་ངོས་མི་འཛིན་ཐབ་མེད་དུ་འདོད་ཀྱིན་ཡོད།           ཕྱོགས་གཅིག་གིས (བོད་རིགས་སྤུན་ཟླ།) ད་ནི་དངོས་གནས་འདུག་ག་མ་བཅུག་ནི་རེད།   ང་ཚོས་མ་བྱས་པ་ཞིག་བྱས་སོང་ཞེས་གླེང་འདི་འདྲ་འགེལ་བ་དང་།   ང་ཚོས་ཆུང་ངུ་དེ་ཆེན་པོར་བསྒྱུར་ནས་འཛམ་བུ་གླིང་ལ་ཁྱབ་བསྒྲགས་འདི་ལྟར་བྱས་སོང་། མཐའ་ན་ཏང་གི་བྱ་བ་ལས་ནས་མི་ལོ་ཉི་ཤུ་དང་སུམ་ཅུ་སོང་ཟིན་པའི་བོད་རིགས་དཔོན་པོ་དག་ལའང་སྐབས་དེར་རྒྱ་ཡུལ་ནས་མགྲོན་ཁང་གྲལ་དག་ཅིག་ཀྱང་ཕྱིན་མེད་ལ།   ཞིང་ཆེན་དང་ཁུལ་སོགས་བོད་རིགས་སློབ་བུ་རེ་གཉིས་ལས་མེད་པའི་སློབ་གྲྭ་དག་རྫུན་ལས་ལ་གོམ་པའི་བརྙན་འཕྲིན་ཁང་དང་།   ཚགས་པར་དེ་དག་གི་རྗེས་འབྲང་སྟེ་བོད་མིར་ལྟ་ཕྱོགས་མི་ལེགས་པ་བཟུང་ནས་སྐྱོན་བརྗོད་དང་མཚངས་འབྲུ་སོགས་བྱས་པ་ཐལ་དྲགས་པས།   སྔོན་ཆད་ཁ་ཞེ་གཏིང་གསུམ་ནས་རྒྱ་རིགས་སྤུན་ཟླ་དང་།   ཏང་དང་སྲིད་གཞུང་ལ་དགའ་བའི་བོད་རིགས་སློབ་བུ་དང་ལས་བྱེད་པ་དག་ལ་ད་ལོར་བརྡབ་གསིག་ཆེན་པོ་ཞིག་ཐེབས་ཤིང་།   ད་དུང་ཤ་མཁོན་ཞེས་པ་ཞིག་ཀྱང་རང་ཤུགས་ཀྱིས་སེམས་ལ་བཞག་པ་ལྟ་བུ་ཞིག་བཟོས་སོང་།  འདི་ཡང་ཁྱོད་ཚོས  (འདི་ནི་ནོར་འཁྲུལ་གྱིས་བྱ་ལས་དེ་འདྲ་བརྩོན་མཁན་དག་ལ་བཤད་པ་ཡིན།)  བྱ་ལས་གང་ཞིག་གནད་ལ་མ་ཁེལ་བའི་ནག་ཉེས་ལས་ཅི་ཞིག་ཡིན་ཨང་།              སྐབས་དེ་དག་དུ།   ང་ཚོ་ཡར་མར་ལ་འགྲོ་བའི་ལམ་བུ་དེ་ཡང་ཆེས་གུ་དོག་པོ་ཞིག་ཏུ་བསྒྱུར་ཏེ་ང་ཚོའི་འགྲོ་འདུག་སྤྱོད་གསུམ་ལ་བཀག་སྡོམ་རབ་དང་རིམ་པ་བྱས་ཤིང་།  དམག་མིའི་མེ་མདའི་མཆུ་ཁར་སྐྲག་སྔངས་འཇིག་གསུམ་གྱིས་དེད་པ།   ད་དུང་ང་ཚོའི་སེམས་ཀྱི་དྲོད་དང་།  རེ་བའི་རྒྱབ་རི་ལྟ་བའི་ཡིད་བཞིན་ནོར་བུའི་པར་རིས་ཙམ་རིག་ན་ཡང་དེ་མ་ཐག་མཐོང་ས་རིག་ས་ནས་རྡོག་རྫིས་གཏོང་བ་དང་།   གཡས་གཤེག་གཡོན་གཤེག་བྱེད་པ།   ཆད་པ་ནན་མོ་གཅོད་པ།   དུས་བཀག་བྱས་པ།  མཐོང་ཆུང་དང་བརྙེས་བཅོས་སོགས་ཀྱི་དམོད་ཚིག་ཅི་དགར་འདོན་པ་སོགས་ནི་མི་རིགས་ཁ་བྲལ་དུ་གཏོང་བའི་བྱེད་ལས་ཉག་གཅིག་རེད་ཅེས་བརྗོད་རྒྱུ་ཡིན་ལ།  ང་ཚོའི་སེམས་ཀྱི་དུང་བ་གཅོད་མ་ཐུབ་ཀྱི་བར་ཏུ་ཁྱོད་ཚོས་འབྲས་བུ་མེད་པའི་བྱ་ལས་གང་འདྲ་བརྩོན་ན་ཡང་།   དེས་ནི་ང་ཚོ་ཆིག་སྒྲིལ་དང་བརྩེ་ཞེན་གྱི་ནུས་པ་ཆེ་ནས་ཆེ་རུ་འགྲོ་བ་ལས་གཞན་གང་ལ་ཤུགས་རྐྱེན་ཐེབ་ནུས་མ་ཡིན།             སྤྱིར་དམག་མི་སུ་དང་གང་ཡིན་ན་ཡང་རྒྱལ་ཁབ་བདེ་འཇག་དང་།   མི་དམངས་མཐུན་སྒྲིལ།   སྤྱི་ཚོགས་ཡར་རྒྱས་སོགས་ལ་ལེགས་རྗེས་འབུལ་མཁན་གྱི་དཔའ་བོའི་སྡེ་ཁག་ཅིག་ཡིན་པར་ཁོ་བོས་སྔ་མོ་ནས་ཡིད་ཆེས་བཅང་ཡོད་ན་ཡང་།   ད་ལོ་ནི་དེ་ལས་ལྡོག་སྟེ་མི་རིགས་ཀྱི་ཞེན་ཕྱོགས་ཆེ་བ།   ཚེ་སྲོག་སྣང་མེད་དུ་གཏོང་བ།   རྐུ་འཕྲོག་བཅོམ་གསུམ་ལ་མཁས་པ།   བཙན་དབང་རང་ལུགས་ལ་བྱང་བ།   ཁྲེལ་མེད་ལུགས་མེད་ལ་མོས་པའི་དཔུང་སྡེ་རྔམས་མཐུག་པ་ཞིག  (འདི་ནི་ད་ལོར་རྔ་བ་ས་ཁུལ་དང་།   ཀན་ལྷོ་ས་ཁུལ་སོགས་གཙོར་བྱས་ནས་བཤད་པ་ཡིན།)  གི་རང་གཟུགས་ཕྱིར་བསྟན་པ་འདིས།   རང་སེམས་ཀྱི་ཡིད་ཆེས་གཙང་མ་དེ་ཡང་གཙང་བཤག་བྱས་སོང་།   དེ་ཡང་དམག་མི་ཁ་ཅིག་དང་།  ས་གནས་སྲིད་གཞུང་འགའ་ཞིག་གིས་བྱས་པའི་ནག་ཉེས་ཡིན་ན་ཁྱོད་ཚོ་ནི་མི་རིགས་ཁ་བྲལ་དུ་གཏོང་མཁན་གྱི་གཏེ་བོ་ཉག་གཅིག་རེད་ཅེས་བརྗོད་རྒྱུ་ཡིན།             ད་དུང་སྤྱི་བདེ་ལས་ཁུངས་དང་།   དམག་མིའི་ལས་ཁུངས།   ཏང་གི་ལས་ཁུངས་སོགས་ནས་མི་བདེན་བདེན་རྫུན་གྱི་ཡར་ཞུའི་ཡིག་ཚོགས་མང་བོ་ཀྲུང་དབྱང་གི་མདུན་དུ་སྤུངས་ནས་དམངས་སྒོར་ཁྲི་འབུམ་མང་བོའི་ཁེ་བཟང་དང་རྒྱལ་ཁ་ལེན་ཞོར་ཁྲེལ་མེད་ལུགས་མེད་དང་།   ཕྱི་བཞོག་གཉའ་གནོན་གྱི་ལས་རིགས་སྣ་ཚོགས་ཚོམ་མེད་དུ་ལས་ཀྱིན་ཡོད་པ་འདི་ཚོ་ཡང་།   མི་རིགས་ཁ་བྲལ་གཏོང་མཁན་གྱི་གཏེ་བོ་ཉག་གཅིག་ཅི་ལ་མིན་སོང་།   ད་དུང་ས་གནས་སྲིད་གཞུང་ག་གེ་མོས་གོང་རིམ་སྲིད་གཞུང་ལ་ངོ་དགའ་བྱ་ཆེད་དང་།   རང་གི་གོ་གནས་གོང་འཕེལ་གྱི་ཕྱིར་ཏུ་ཚབ་ཆེ་བས་ལས་ཀ་སྣ་ཚོགས་སྤེལ་བས་རང་ཉིད་སྐྱོན་ལ་འཐོག་པའི་ལོ་རྒྱུས་ཀྱང་བྱུང་ཡོད་པ་རེད།              རྒྱལ་ཁབ་བདེ་འཇགས་དང་བརྟན་བརླིང་ལ་གནོད་པའི་ལས་རིགས་ཚབ་ཆེ་བ་འདི་འདྲ་ཚོམས་མེད་དུ་ལས་ཀྱིན་ཡོད་ན།  ཀྲུང་དབྱང་གིས་ཀྱང་མིག་གཡས་ཞར་བའི་ལོང་བ་དང་རྣ་གཡས་འོན་པའི་ལྐུག་པ་ལྟ་བུ་བྱས་ཏེ་སྡོད་དོན་ཅི་ལ་ཡོད།  བླ་མ་ནོར་ན་ཡང་ཆོག  དཔོན་པོ་ནོར་ན་ཡང་རུང་།   སྲིད་གཞུང་ནོར་ན་ཡང་ཆོག་སྟེ་ནོར་འཁྲུལ་ཡོད་པའི་མི་དེ་རིགས་མི་དམངས་ཀྱི་མདུན་དུ་ཡར་ལངས་ཏེ་དག་སེལ་ཞུ་རན་ལ་བསླེབ་ཟིན།   དེ་ལྟར་བྱས་ན་མི་རིགས་མཐུན་སྒྲིལ་ཡར་རྒྱས་དང་།  འཆམ་མཐུན་སྤྱི་ཚོགས་འཛུག་བསྐྲུན་ལ་ནུས་པ་བླ་ལྷག་གིས་འདོན་པར་ང་ཚོས་ཡིད་ཆེས་བཅང་ཆོག་ཆོག་ཡིན།        ཕྱོགས་གཅིག་གིས (རྒྱ་རིགས་སྤུན་ཟླ་དང་བོད་རིགས་སྤུན་ཟླ་གཉིས་ལ་གོ་ཆོག།)  ཨ་ཙི།   མི་རིགས་འདི་ནི་ཅི་འདྲའི་འཇིགས་སུང་རུང་བ་ཞིག  མི་རིགས་འདི་ང་ཚོར་འདི་འདྲའི་སྡང་དོན་གང་གིས་ལན་ནམ།   ཁོ་ཚོས་དམིགས་བཀར་གྱིས་ང་ཚོའི་སྤུན་ཟླ་དག་ལ་ཤ་མཁོན་དང་རྡུང་རྡེག་འདི་འདྲ་གཏོང་དོན་གང་ཡིན་ནམ།   རྫུན་ལས་གཡོ་ལས་སོགས་བྱེད་ལས་སྣ་ཚོགས་ཀྱིས་བསྐྱེད་པའི་བསམ་བྱ་སྣ་ཚོགས་པ་ཞིག་གིས།   ཐ་ན་གླ་བྱེད་རླངས་འཁོར་བསྐོར་མཁན་དག་ལའང་བོད་རིགས་ཟེར་དུས་སེམས་ལ་གཟེར་ཤད་རྒྱག་པ་ཞིག་དང་།   བོད་མི་ཟེར་དུས་མིག་ལ་འཛེར་འོངས་པའི་གདོན་རྫས་ལྟ་བུ་ཞིག་གི་བག་ཆགས་བཞག་ཡོད་པ་རེད།          སྤྱིར་བཤད་ན་རྒྱ་རིགས་དང་བོད་རིགས་གཉིས་ནི་དུས་ཡུན་རིང་བོའི་ལོ་རྒྱུས་ཁྲོད་གཅིག་གིས་གཅིག་ལ་རོགས་རམ་བྱེད་མྱོང་བ་དང་།  ཕན་ཚུན་ལ་མཛའ་བརྩེ་དང་བརྩི་བཀུར་བྱས་མྱོང་བའི་སྤུན་ཟླ་ལེགས་པོ་ཞིག་ཡིན་ངེས་ན་ཡང་ད་ལོ་ནི་དེ་ལས་ལྡོག་སྟེ་སུ་ཞིག་གི་སེམས་པར་དགྲ་བོ་ལྟ་བུའི་འདུ་ཤེས་རྫོབ་པོ་ཞིག་བཞག་སོང་ལ།   འདུ་ཤེས་དེ་ནི་མི་རིགས་མཐུན་སྒྲིལ་ཇེ་དམ་དུ་གཏོང་བྱེད་ཅིག་ཏུ་འགྱུར་ཡོད་དམ།   མི་རིགས་མཐུན་སྒྲིལ་ལ་གཏོར་བརླག་ཡོང་བྱེད་ཅིག་ཏུ་གྱུར་ཡོད།   དེ་ནི་སྲིད་གཞུང་དང་དཔོན་པོ་ཚོས་འདང་རྒྱག་དགོས་ས་ཞིག་དང་།  འདང་རྒྱག་རིན་ཡོད་པ།   འདང་བརྒྱབ་ནས་དོན་མཐུན་གྱི་ལས་ཀ་ཡང་དག་ཅིག་ལས་རྒྱུ་ནི་རྒྱལ་ཁབ་སྲ་བརྟན་དུ་གཏོང་བའི་རྨང་རྡོའི་ལས་གཞི་ལྟ་བུ་ལགས་ན་ཕྱི་བཤོལ་དུ་ཤོར་རུང་བ་ཞིག་གཏན་ནས་མ་ཡིན། ངེད་དྲ་ཚིགས།...
དེ་ལས་མང་པ།

ཨེ་ཙིའི་ནད་རིགས་སྔོན་འགོག་གི་འབོད་སྐུལ།

བྲག་མགོ་བ་ཆོས་དཔལ་བཟང་པོ།     དེང་དུས་ནི་ནད་རིགས་བཞི་བརྒྱ་རྩ་བཞིའི་ཁ་ལུད། བགེགས་རིགས་སྟོང་ཕྲག་བརྒྱད་ཅུའི་ཞབས་བརྡོལ་བའི་དུས་ཡིན་པས་ག་ས་གང་དུ་རིམས་ནད་ཀྱི་ཁ་རླངས་འཐུལ་ལ། སུ་དང་གང་ལའང་འགོས་བརྒྱུད་ཀྱི་ཉེན་ཁ་ཆེ་བས།ངས་ཨེ་ཙིའི་ནད་ངན་གྱིས་མཚོན་པའི་རིམས་ནད་ལ་སྔོན་འགོག་བྱེད་པའི་འབོད་སྐུལ་གཏོང་འདོད། ཨེ་ཙིའི་ནད་ལ་མཚོན་ན། འཛམ་གླིང་གི་སྟེང་སྐར་ཆ་བརྒྱད་རེའི་ནང་ཨེ་ཙིའི་ནད་པ་གཅིག་རེ་བྱུང་གིན་ཡོད་ལ། ཀྲུང་གོ་ནི་ད་ལྟ་འཛམ་གླིང་སྟེང་ཨེ་ཙིའི་ནད་པ་ཆེས་མང་བའི་རྒྱལ་ཁབ་ཀྱི་གྲས་་ཤིག་ཡིན་ཞིང༌།  ཉིན་རེར་མི་༡༩༠ཙམ་ལ་ནད་ངན་དེ་གསར་གྱིས་འགོས་བརྒྱུད་བྱེད་ཀྱིན་ཡོད། ནད་པ་བརྒྱ་ཆ་༤༩དང་གྲངས་ཆུང་དྲུག་ནི་འཁྲིག་སྦྱོར་བྱས་པས་འགོས་བརྒྱུད་བྱས་པ་ཡིན་ཞིང༌། ནད་པ་བརྒྱ་ཆ་༤༨དང་གྲངས་ཆུང་གསུམ་ནི་ཐུན་མོང་གི་དུག་རྒྱག་ཁབ་མིག་སྤྱོད་པ་དང་གཞན་པའི་ནད་པ་དག་ནི་སྨན་ཁང་ལས་ཁྲག་རིགས་འཐེན་འཇུག་གི་བྱ་བ་བྱས་པ་སོགས་ལས་འགོས་པ་་རེད་ཟེར། སྤྱིར་ནད་ངན་དེ་གཙོ་བོ་གོང་གི་བརྒྱུད་ལམ་དག་ལས་ཁྱབ་བརྒྱུད་བྱས་པ་ཡིན་ལ། དུས་རྒྱུན་ཨེ་ཙི་ནད་པ་དང་མཉམ་དུ་ཟ་མ་ཟོས་པ་དང་ལག་འཇུ་བྱས་པ་སོགས་ཀྱིས་ཁྱབ་བརྒྱུད་བྱེད་ མི་ཐུབ་རུང༌། སྨན་པ་ལ་ལས་ཟེར་ན་རྣ་བ་ཕིགས་མ་ཐག་པའི་མི་གཉིས་ལས་གཅིག་ལ་ཨེ་ཙིའི་ནད་ངན་ཡོད་ན་ཁོང་གཉིས་ཀྱི་རྣ་ལོང་བརྗེ་རེས་བྱས་ཚེ་འགོས་བརྒྱུད་བྱེད་ཐུབ་པར་བཤད། གལ་ཏེ་མི་ཞིག་ལ་ནད་ངན་དེ་འགོས་བརྒྱུད་བྱས་པ་ཡིན་ན་ལོ་ངོ་བརྒྱད་ནས་བཅུ་སོང་བའི་རྗེས་སུ་ནད་རྟགས་མངོན་པ་ཡིན་ཞིང་ནད་རྟགས་མངོན་རྗེས་ནི་སྨན་བཅོས་ཀྱི་དུས་ལས་བརྒལ་ཟིན་པས་ལོ་ངོ་གཉིས་ནས་བཅུ་ཡི་ནང་དུ་ཅི་འདྲའི་སྨན་དཔྱད་ལེགས་པོ་ཞིག་བྱས་ཀྱང་ཚེ་སྲོག་འཆོར་ངེས་ཅན་རེད་ཟེར།སྤྱིར་ཨེ་ཙིའི་ནད་འདི་རིམས་ནད་ཀུན་འདུས་ཀྱི་ནད་ཞིག་ཡིན་པས་མི་སོ་སོའི་ནད་རྟགས་མི་འདྲ་ལ།ལ་ལ་ཞིག་དང་པོ་གློ་གཅུང་ལྟ་བུ་ཡིན་ལ།ལ་ལ་ཞིག་ཆམས་པ་ལྟ་བུའང་ཡིན་པར་བཤད།གང་ལྟར་ཆེས་མཐར་ཐུག་གི་ནད་རྟགས་ནི་མིག་གི་དབང་པོ་ཉམས་པ་དང༌། ལུས་རིད་པོར་གྱུར།པགས་སྐྱི་མ་ལུས་ཆུ་ཐོར་གྱིས་བཟུང༌། ལྕེ་དང་མཚན་མ་སོགས་རིམ་གྱིས་རྣགས་ཀྱིས་ཟོས་ནས་ཤི་འགྲོ་བ་ཞིག་ཡིན་བར་བཤད།དེང་སང་ཀྲུང་གོའི་ཧྲན་ཞི་དང་ཨན་ཧེ།ཧི་ནན་སོགས་སུ་ཨེ་ཙིའི་སྡེ་བ་ཡོད་ལ། ང་ཚོ་བོད་ཀྱི་ས་ཆ་སྟེ་ཁམས་ཀྱི་འདབ་པ་རྫོང་སོགས་ས་ཆ་མང་པོ་ཞིག་ཏུ་ཨེ་ཙིའི་ནད་པ་ཡོད།དེ་དག་ནི་མངལ་འགོག་དང་རྒྱུ་ལྷག་བཤའ་བཅོས་བྱེད་སྐབས། གཞན་པའི་བཤའ་བཅོས་ཀྱི་གྲ་སྒྲིག་བྱེད་སྐབས་སོགས་སུ་སྟེས་དབང་གིས་ཤེས་རྟོགས་བྱུང་བ་ཡིན་གྱི།ཆེད་དུ་བརྟག་དཔྱད་བྱེད་དུ་སོང་བ་མ་ཡིན་ཟེར། སྨན་པས་བཤད་ན་བོད་མི་ནི་ཆོས་ལ་དད་པས་དུག་རྒྱག་ཁབ་ མིག་སྤྱོད་མཁན་ཧ་ཅང་ཉུང༌།ཁྱབ་བརྒྱུད་བྱེད་ལམ་གཙོ་བོ་ནི་ཕོ་མོའི་བར་གྱི་འབྲེལ་བ་ཡིན་ཞིང༌།ལྷག་པར་ཏུ་རྒྱ་ཡུལ་དུ་སོང་ནས་ཚོང་རྒྱག་མཁན་དང་བོད་ཡུལ་དུ་ཡུལ་སྐོར་བྱེད་མཁན་ལུས་སྨད་ཉོ་འཚོང་བྱེད་མཁན་དང་ཞོར་ལས་སྒྲུབ་མཁན་སོགས་རེད་ཟེར། གཞན་དེང་སང་ཨེ་ཙིའི་ནད་པ་ཡོད་ས་ལ་ཁམས་ཕྱོགས་ཙམ་མ་ཡིན་པར་ཨ་མདོ་མཚོ་སྔོ་ན་དང༌། རྔ་བ་ཁུལ་སོགས་སུའང་ཡོད་པ་མ་ཚད་ཉེ་ཆར་དྲ་ངོས་ནས་ཤེས་གསལ་ལྟར་ན་ད་ལྟ་བོད་ལྗོངས་རྐྱང་བ་ན་ཨེ་ཙིའི་ནད་པ་བཞི་བཅུ་ཙམ་ཡོད་ཅེས་ཐོས་བྱུང༌། མི་འགའ་ཤས་ཀྱིས་བཤད་ན།དོན་དངོས་སུ་དེ་ལས་ལྡབ་འགྱུར་གྱིས་མང་བ་རེད་ཅེས་བརྗོད་ཀྱིན་འདུག གང་ལྟར་སྔོན་ཆད་ཞིག་ལ་གཅིག་ཡོད་ཀྱང་ཆོག བཅུ་ཡོད་ཀྱང་རུང༌།ཨེ་ཙི་ནི་འདི་ལྟར་ཁེར་བརྩི་ཐུབ་པ་ཞིག་གཏན་ནས་མིན་ཏེ། དཔེར་ན་ཁམས་འདབ་པ་རྫོང་གི་བུད་མེད་ཞིག་ལ་ནད་ངན་དེ་འགོས་ཡོད་ཅིང༌།མོས་བཤད་ན་མོར་ནད་ངན་དེ་ཡོད་པ་གོ་རྗེས་ལུས་འབྲེལ་བྱུང་བའི་སྐྱེས་པ་ལྔ་བཅུ་ང་བཞི་ཡོད་ཟེར། དེ་ནས་སྲིད་གཞུང་གིས་ཆེད་དུ་རྩད་ཆོད་བྱས་ཚེ་མི་བཞི་རྙེད་ཀྱང་། གཞན་པ་གཅིག་ཀྱང་མ་རྙེད་པ་རེད།ད་གྲོགས་པོ་ཚོས་ཞིབ་རྩིས་ཤིག་རྒྱོབ་དང༌། གཞན་པའི་མི་ལྔ་བཅུ་བོར་རང་རང་གི་ཆུང་མ་ཡོད་སྲིད་ལ། འདི་ལྟར་འཕྱོན་མ་འཚོལ་མཁན་གྱི་སྐྱེས་པ་ཞིག་ཡིན་ན་ད་དུང་གཞན་པའི་བུད་མེད་ཡང་མེད་པའི་ངེས་པ་མེད། འདི་ལྟ་བུའི་སྐྱེས་པ་གློ་མེད་ཅིག་ཡོད་ན་ཁོས་ཆུང་མས་ཀྱང་མི་གཞན་པ་ཞིག་མི་འཚོལ་བའི་ངེས་པ་ག་ལ་ཡོད།དེ་ལྟར་བརྩིས་ཡོང་ན་ང་ཚོས་གྲངས་ཀ་དེ་ལྡབ་ལྔ་འམ་བཅུ་ཡིས་བསྒྱུར་དགོས་ཀྱི་ཁེར་བརྩི་ཐུབ་པ་ཞིག་...
དེ་ལས་མང་པ།

གནམ་ས་ངུ་བ།

ཁ་བརྡ་ཆད་པའི་ཞག་མ་ལྔ་བཅུ་ལ་བསྔོས་པ།  གཅེར་བུ་པ། ཉི་མའི་ཁ་ངོ་གྲང་བས་འཇམ་ཤ་གཏོད་སོང་།། ཕྱོགས་འདིར་གྲིབ་ནག་རིག་ན་འཁྱག་སྣང་ཤར་ཡོང་།། དུས་ཚུད་མགྱོགས་འགྲོས་དྲན་པའི་གཏིང་ནས་བཞུར་དུས།། སོང་སོང་བསྡད་བསྡད་དག་ལ་བརྩི་རིན་མི་འདུག། ཕན་ཚུན་ཁ་བརྡ་ཆད་པའི་ཕྱི་མིག་ངོས་སུ།། སོ་སོའི་སེམས་པ་གཟེར་བའི་ལོ་ཟླ་དེ་ཚོ།། ཟླ་བ་མཚོ་ལ་ཡོམ་པའི་སྲོད་ཀ་ཞིག་ལ།། སྐྱོ་གཞས་རིང་མོ་ཞིག་གི་དབྱངས་རྟར་བརྒྱུས་ཡོད།། ཉི་ཟླའི་འཆར་ནུབ་སེམས་པས་རེས་ཀྱིས་མྱོང་ཞིང་།། དུངས་བའི་གཏམ་ལ་སྐྱོ་བའི་མཆི་མ་བཀུ་བའི།། ཕན་ཚུན་ཞེ་ལ་བརྣག་པའི་རེ་བའི་ནམ་མཁའ།། འདི་ན་དྭངས་ཐབས་མི་འདུག་ཅི་ཞིག་བྱ་དགོས།། ང་ནི་ལས་འབྲས་བརྩིས་ནས་ཚེ་ཕྱེད་ཡོལ་མཁན།། ཁྱོད་ནི་དཀོན་ཅོག་བོས་ནས་གྲེ་བ་འཛེར་མཁན།། ཚེ་འདིར་སུབ་ཏུ་མེད་པའི་ནག་ཉེས་ལྕི་མོ།། ང་གཉིས་པང་དུ་ལྷུང་འདི་ཅི་ཡིས་ལན་ནམ།། གཤོག་ཟུང་ཀྲབ་ནས་འཕུར་བའི་ཕྱེ་ལེབ་འདི་ཚོ།། སྦྲང་ཚང་རྩིབ་ཏུ་རུབ་པའི་སྦྲང་མ་འདི་ཚོ།། ད་ནི་དགུན་ཁ་ཐོན་པའི་མྱ་ངན་འཁྱེར་ནས།། བདག་གི་འགྲམ་ནས་ལྡིང་ཞིང་གང་དུ་རྒྱུ་འགྲོ།། རྩི་ཤིང་དག་གི་མགོ་བོ་རིམ་གྱིས་དུད་སོང་ །། མེ་ཏོག་དག་ཀྱང་རིམ་གྱིས་རྙིད་པར་གྱུར་སོང་།། དུས་ཚིགས་འདི་ལ་མཐོང་བའི་བདག་གི་གནམ་ས།། འུ་གཉིས་ལས་སྐལ་མཚོན་པའི་བརྡ་རུ་གོ་འགྲོ།། ཞག་ནག་ལྔ་བཅུ་རོ་བཞིན་ཧྲིངས་བའི་ཁ་སང་།། སེམས་ལ་གདུང་བས་བཏབ་པའི་མདུད་ནག་དགུ་སྦྲེལ།། ནམ་དུས་ཁ་དོག་ཇི་ཙམ་བརྗེས་ཀྱང་མི་ཞིག།། ལས་སྐལ་ལས་སྐལ་ཟེར་བའི་སྨྲེ་སྔགས་མི་འཆད།། ཤག་ཆུང་ཁུད་ཀྱི་འདོད་ཡོན་ལྷག་མ་འདི་ཚོ།། ཁ་རོག་མི་འདུག་དེང་འདིར་ཚོས་ཁ་ལོག་འགྲོ།། བདག་གི་རྣམ་ཤེས་འཁྱེར་བའི་མུན་པ་དེ་ཚོ།།...
དེ་ལས་མང་པ།