མནའ་མ་དང་བུ་མོ།     ཚོང་པ་ཞིག་གིས་ཉིན་གང་གོམ་པ་སྤོས་ནས་ཅ་ལག་འཚོང་གིན་བསྐྱོད་པར་གང་ཙམ་སོང་རྗེས་དགོང་དྲོ་ཆགས་སྐབས་གྲོང་གསེབ་ཆུང་ཆུང་ཞིག་གི་ནང་དུ་སླེབས་པ་རེད། ཡུལ་དེར་མགྲོན་ཁང་རྩ་བ་ནས་མེད་སྟབས་ཁོ་པས་ཁྱིམ་ཚང་ཞིག་གི་སྒོ་བརྡུངས་པས་ཁྱིམ་ཚང་དེ་ནས་ཕ་རྒན་ཞིག་ཐོན་ཏེ་ག་རེ་ཡིན་དྲིས་པར་ཚོང་པ་དེས། “དེ་རིང་ང་ལ་གནས་ཚང་ཞིག་གཡར་རོགས།” ལབ་པར་ཕ་རྒན་དེས། “ཡོང་གི་མ་རེད། ངའི་ནང་ལ་མནའ་མ་དང་བུ་མོ་གཉིས་ལས་གཞན་སུ་ཡང་བསྡད་མེད།” ཅེས་ལབ་སྟེ་སྒོ་བརྒྱབ་པ་རེད། དེ་ནས་ཚོང་པ་དེས་ཏོག་ཙམ་རིང་བསམ་བློ་བཏང་རྗེས་ཡང་མི་ཚང་གཞན་ཞིོག་གོ་སྒོ་བརྡུངས་པས་ཡང་བསྐྱར་ཕ་རྒན་གཅིག་ཐོན་ཡོང་སྟེ་ག་རེ་དགོས་འདྲི་སྐབས་ཚོང་པ་དེས། ཁྱེད་རང་གི་ནང་ལ་མནའ་མ་དང་བུ་མོ་གཉིས་ལས་གཞན་སུ་ཡང་བསྡད་མེད་པས། ཅེས་དྲིས་པར་ཕ་རྒན་ཁོང་ཁྲོ་ལངས་ནས་ཚོང་པ་དེར་ཁ་ཡ་བྱ་རྒྱུ་ཕར་བཞག་ད་དུང་གཤེ་གཤེ་རྒྱགས་ཚད་བཏང་པ་རེད། ཤོག་གི་མིན།    རྒྱ་གར་དུ་སྐྱེས་པའི་ཨ་ཅག་འཛོམས་པ་ལགས་ཀྱི་ཁྱོ་ག་ནི་རྒྱ་གར་བ་ཡིན། ཨ་ཅག་མོ་རང་ནི་བོད་པའི་སྐད་དང་རིག་གཞུང་སོགས་ལ་དགའ་ཞེན་གྱི་གདུང་བ་མི་དམན་པ་ཞིག་ཡོད་མོད། ཁོང་ཁྱོ་ཤུག་གཉིས་ལ་བྱིས་པ་ལོ་གསུམ་ཧྲིལ་པོ་ཟིན་མ་ཟིན་གྱི་བུ་མོ་ཞིག་ཡོད་པ་དེས་ནང་གི་ཁོར་ཡུག་དང་རྟག་ཏུ་ཧིན་སྐད་ཐོག་ཀཱར་ཊུན་གློག་བརྙན་༼རབ་བཏགས་རི་མོའི་གློག་བརྙན།༽རྐྱང་ལྟ་ཡི་ཡོད་པའི་རྐྱེན་གྱིས་བོད་སྐད་མི་རྒྱག་པ་དེར་ཨ་ཅག་འཛོམས་པ་ལགས་སེམས་སྡུག་གཏན་དུ་ཡོང་གི་ཡོད། ཉིན་ཞིག་བོད་པའི་དུས་ཆེན་གྱི་འདུས་འཛོམས་ཤིག་གི་སྐབས་སུ་མ་བུ་གཉིས་ཀྱང་འབྱོར་ཡོད། སྐབས་དེར་བུ་མོ་རྩེད་མོ་ཞིག་ལ་མགོ་འཁོར་ནས་རྗེས་ལུས་ཐེབས་ཤིང་ཡ་བྲལ་པ་འཛོམས་པས་ཤེས་འཕྲལ། སེམས་ཁྲལ་ཆེན་པོས་མི་མང་གི་ཁྲོད་ནས་ “བུ་མོ་མགྱོགས་པོ་ཤོག་”ཅེས་སྐད་འབོད་ཐེངས་རེ་ཟུང་བྱེད་སྐབས། བུ་མོས་དེའི་ཨ་ལན་དུ་ “ཤོག་གི་མིན་”ཞེས་ཁྲོ་ཉམས་དང་བཅས་ལན་བཏབ་པས་དུས་ཆེན་ལ་ཕེབས་མི་རྣམས་ཀྱིས་ཐོས་མ་ཐག་ཚང་མ་གད་མོ་མི་ཤོར་ཀ་མེད་བྱུང་ནའང་། ཨ་ཅག་འཛོམས་པ་ལགས་ནས་ “ཤོག་གི་མིན་མ་རེད་ཡོང་གི་མིན་ཞེས་ལབ་དགོས་ཀྱི་རེད་” ཅེས་བུ་མོའི་ཆག་ཀྲུམ་གྱི་སྐད་ཆར་ཡོ་སྲང་བྱེད་ཀྱིན་ངོ་གནོང་གི་མདངས་ཤར། ཡོང་ཁུངས་གཞན།  ཡི་གེ་བ་གྲུ་ལྷོ་སྐལ་བཟང་ཕུན་ཚོགས།...

གཡུ་རྔོག་ལུང་རྟོགས།  སྨད་ཆ།  ལོ་ཟླའི་འཁོར་འགྲོས་ཀྱི་འགུལ་བསྐྱོད་ཆེན་མོའི་ཁྲོད་ན་མི་དང་བཅས་པའི་བྱ་དངོས་མཐའ་དག་ནི་ཧ་ཅང་ཉམ་ཆུང་བ་ཞིག་སྟེ། སྐད་ཅིག་མའི་གློག་འགྱུ་འཁྱུགས་ཐེངས་རེ་ལ་འཕོ་འགྱུར་གྱི་བྱེ་མའི་རྡུལ་འཚུབ་དུ་དཀྲིས་ཤིང་ཤི་གསོན་གྱི་བར་དོ་གཞན་ཞིག་ཏུ་སྐྱེལ་བཞིན་པས་སོ།། ལོ་ངོ་དུ་མའི་རྗེས་ཀྱི་དཔྱིད་རླུང་གཞོན་ནུས་རང་བྱུང་ཁམས་ཀྱི་མཛེས་མའི་མཆུ་སྒྲོས་ལས་སྦྲང་རྩི་གཞིབས་པར་བྲེལ་བའི་སོས་འབུད་སྔ་བའི་དཔྱིད་ཀ་ཞིག་ལ། ནག་པོ་ལྷ་སའི་གནས་ཆེན་གྲགས་ཅན་ཞིག་ཏུ་ངོ་མཚར་བའི་ལྟས་དང་བཅས་སྐུ་གཤེགས་སོ།། དེ་དུས་ཁོའི་མཚམས་ཁང་དུ <<ཡོན་ཏན་མཛོད་རྩ་འགྲེལ>> ཞིག་དང <<དཔལ་སྤྲུལ་སྔོན་འགྲོ>> ཞིག ད་དུང་རྒྱུད་སྐུད་ཆད་པའི་མན་ཐའོ་ལིན་ཞིག རྩམ་པ་ཉུང་ཙམ་དང་ཉེར་མཁོའི་ཅ་ལག་ཁ་ཤས་ལས་ཅི་ཡང་མེད་པ་ནི་གནས་ཆེན་དེར་སྒྲུབ་པ་ཚེ་དང་མཉམ་པར་བྱས་ཏེ་ཐར་བ་དོན་གཉེར་གྱི་བློས་འཇིག་རྟེན་གྱི་ལྟོ་གོས་གཏམ་གསུམ་གྱོང་ལ་བསྐུར་བའི་མཚམས་པ་ཉམ་ཆུང་གཡོ་དང་རྫུན་མི་ཤེས་པ་དག་གིས་གླེང་ལ། དེ་དུས་ཏག་ཏག་ནག་པོ་ཕོ་ལོ་བཞི་བཅུ་རེད་ཟེར། “ཁོ་མོ་ནི་ནག་པོ་ལ་མཚོན་ཏེ་བརྗོད་ན་ཐར་བ་བྱང་ཆུབ་བསྒྲུབ་པའི་གྲོགས་བཟང་པོ་ཞིག་ཡིན་པར་སེམས་ཏེ། གལ་ཏེ། ཁོ་མོ་གློ་བུར་ནག་པོའི་འཚོ་བའི་ནང་འཇའ་ལྟར་ཡལ་མེད་ཚེ་ནག་པོས་ཀྱང་རྐྱེན་དེ་ལ་བརྟེན་པའི་འཁོར་བ་ལས་ངེས་པར་འབྱུང་བའི་བློ་བཅོས་མིན་ཞིག་སྐྱེ་བ་ཁེགས་ཤིང་། བརྒྱ་ལ་དེ་མེད་ཚེ་ནག་པོའི་ཚེ་མཇུག་ལ་དབེན་རིར་སྒྲུབ་པ་ཚེ་དང་སྙོམས་ཐུབ་པའི་ངེས་པ་མེད་ལ། དེ་མེད་པས་ནག་པོ་ངོ་མཚར་བའི་ལྟས་དང་བཅས་གཟུགས་སྐུའི་བཀོད་པ་ཆོས་དབྱིངས་སུ་བསྡུ་ཚུལ་མེད་པས་སོ།།” སྐད་ཆ་འདི་ནི་ནག་པོ་འཇིག་རྟེན་མི་ཡུལ་དང་གྱེས་ནས་ཟླ་འགའི་རྗེས་སུ་ཕ་ཡུལ་ཕྱོགས་ཀྱི་ནག་པོའི་དེ་སྔའི་ཆོས་གྲོགས་འཇིགས་བྲལ་ཟེར་བའི་སྔགས་པ་ཞིག་གིས་དགོང་ཁའི་མཚམས་སྤྲིན་གྱི་ཀློང་ལ་ཅེར་ཏེ། གྲོགས་པོ་དྲན་ཏེ་རང་བྱུང་ཁམས་ལ་ཁེར་ལབ་བྱས་པའོ།། “ནག་པོ་ནི་བལྟས་ཚོད་ལ་སྔགས་ཕྲུག་སྤྱོད་ལོག་ཅིག་ཡིན་ནའང་། ཁོས་དེ་དུས་ཉིན་བཅོ་ལྔའི་ནང་<<ཡོན་ཏན་མཛོད་ཀྱི་རྩ་བ་>>ཧྲིལ་པོར་བློར་འཛིན་ཚུལ་དང་།  ཧེ་རུ་ཀ་ཚང་གིས་དེ་ལྟར་བསྟོད་ཚུལ་དང་ཐུགས་བརྩེ་ཚུལ་ལ་བལྟས་ན་རང་ག་བ་ཞིག་མིན་པ་ཁོ་བོས་དེ་དུས་ནས་ཚོད་དཔག་བྱས་ཡོད་ལ། ད་ཆ་ངའི་ཚོད་དཔག་དེ་ལ་རྗེས་འབྲས་དོན་མཐུན་ཞིག་ཡོད་སོང་།“སྐད་ཆ་འདི་ནག་པོའི་མ་ཡུམ་སློབ་གླིང་སྟེ། རྗེས་ཆགས་མཁའ་འགྲོའི་འདུ་གནས་གསང་སྔགས་དར་རྒྱས་གླིང་གི་སྔགས་པ་རྒན་པ་རལ་བ་ལ་སེ་ཐིག་ལྷུང་ཡོད་པ་ཞིག་གིས་འདུ་ཁང་གི་མདུན་དུ་ཉི་མ་ལ་ལྡེ་ནས་བསྡད་ཡོད་པའི་སྔགས་རྒན་དག་ལ་བཤད་པའི་སྐད་ཆ་ཞིག་གོ། “ནག་པོ ཆང་དང་མན་ཐའོ་ལིན་གྱི་སྨུག་པ་འཐིབས་པའི་ནགས་ཚལ་ཞིག་ན སྐྲ་ལོ་དང་སྨྲ་ར་ནགས་ཚལ་ལ་བསྲེས་ཏེ་ནགས་ཀྱི་གཅན་གཟན་རྔོན་པའི་མདའ་པ་ཞིག ནག་པོ སྤྱོད་ལོག་ཅིག་གི་ཚུགས་ཀ་བསྟན་ནས་ཀུན་གྱི་མིག་ཞབས་སུ་འཛུལ་བ་ནས ཉི་འོད་ཀྱི་གཟི་བྱིན་འབར་བའི་ཉིན་གོང་དག་ཏུའང་མཆོད་མེ་བཏེགས་ཏེ་རི་ལུང་ཉུལ་བའི་གླེན་པ་ཞིག འཁོར་བའི་རྟེན་ཕུར་བོར་བའི་ཉིན་དེ་ནས་བཟུང  རྒྱང་རིང་གི་ཨ་མ་ཞིག་ལ་སྟེས་དབང་གིས་བརྩེ་བ་རྒྱས་པས...

     ཚོང་དཔོན་ནོར་བུ་བཟང་བོ་ནི་མེན་རྒྱལ་རབས་སྐབས་ཀྱི་མིང་དུ་གྲགས་པའི་ཚོང་བ་ཡིན་ལ།ད་ལྟའི་མཚོ་སྔོན་ཞིང་ཆེན་གཞོང་ཐང་རྫོང་གི་མི་ཡིན། ཁོང་སྐུ་བལྟམས་དུས་ཡ་མཚར་བའི་རྟགས་མང་བོ་བྱུང་ཞིང་། དེ་ལས་ཀྱང་ཁྱད་མཚར་བ་ནི་ཁོང་གིས་ལག་གཡས་པར་ནས་ལྡོག་གཅིག་བཟུང་ཡོད། ཆེ་ཆུང་ཧ་ལམ་སྲེག་སྒོང་དང་འདྲ་ལ་འོད་གསེར་སྟོང་ལྡན་འཕྲོས་འདུག ནོར་བུ་བཟང་བོ་དགུང་ལོ་༢༦སྟེང་མཚོ་སྔོན་དང་ཉིན་ཞ། ཞི་ཨན་སོགས་ནས་ཚོང་ལས་གཉེར་འགོ་བརྩམས་ཤིང་མ་འགྱངས་བར་མ་རྩ་མང་བོ་བསགས་ནས་ཚོང་བའི་ཁྲོད་ཀྱི་སྐད་གྲགས་ཀྱང་ཆེ་ཆེར་རྒྱས།དུས་མཚུངས་སུ་ཁོང་གིས་བོད་སྐད་དང་རྒྱ་སྐད།ཧོར་སྐད་སོགས་བྱང་ཆུབ།དགུང་ལོ༣༨སྟེང་ཁོང་གི་ཚོང་ལས་ནང་སོག་དང་ཕྱི་སོག ཞིན་ཅང་སོགས་སུ་རྒྱ་བསྐྱེད། སྐབས་དེར། འཚོང་རྒྱག་དུས་རྔ་མོང་དང་དྲེལ་ལ་བརྟེན་ནས་ཚོང་ཟོག་སྐྱེལ་འདྲེན་བྱེད་དགོས། ལམ་ཐག་རིང་བའི་རྐྱེན་གྱིས་ས་རུབ་དུས་གང་ལ་ཐོན་ན་དེར་སྒར་བཏབ་ནས་ངལ་གསོ་དགོས། རྔ་མོང་དང་དྲེལ། གཡག་དང་འཁོར་གཡོག་སོགས་ཁྲི་ཁྲག་དུ་མས་གྲུབ་པའི་རྣམ་པ་དེ་ནི་ཇི་འདྲའི་བརྗིད་ཉམས་ཆེ་བ་ལ།ཚོང་བ་མང་བོ་རང་འགུལ་སྒོས་ཁོང་དང་མཉམ་འབྲེལ་བྱས་ཏེ་ཚོང་ལས་གཉེར་བའི་རེ་བ་ཞུས། དུས་དེ་ནས་བཟུང་ནོར་བུ་བཟང་བོ་རྒྱུ་ནོར་མང་པོ་ཐོབ། ཁོང་གིས་རྔ་མོང་སྟོང་ཕྲག་ལྷག་ལ་གསེར་དངུལ་རིན་ཆེན་མང་པོ་བཀལ་ནས་སྡོད་གནས་བསྐྱར་སྐྲུན་བྱས་ཏེ་མིང་ལ་ཕོ་བྲང་ནོར་བཟང་གླིང་ཀ་བཏགས།བསྐྱར་སྐྲུན་རྗེས་ཀྱི་ཕོ་བྲང་ནོར་བཟང་གླིང་ཀའི་ཕྱི་མཁར་ནི་ཞི་ཨན་མཁར་དང་འདྲ་ལ། ཞེང་ཚད་མཛོ་མོ་མཁར་ལས་ཀྱང་མཐུག་པས་བརྗིད་ཉམས་ཧ་ཅང་ཆེ། དེར་བརྟེན་ནས་ནོར་བུ་བཟང་བོའི་མཚན་སྙན་འབྲུག་སྒྲ་ཇི་བཞིན་ཕྱོགས་ཡོངས་ལ་ཁྱབ། ནོར་བུ་བཟང་བོས་བལ་བོ་ནས་ཚོང་རྒྱག་དུས། བོད་ལྗོངས་དང་བལ་བོའི་ས་མཚམས་སུ་ཧ་ཅང་རྒོད་པོའི་ཇག་རྐུན་སྐོར་ཞིག་གིས་འཚོང་བ་ཚོའི་སྲོག་ལ་རྒྱུན་དུ་གཙེ། ཁོ་ཚོ་རྒོད་དྲགས་པས་བལ་བོའི་རྒྱལ་བོ་ཡང་བྱ་ཐབས་ཅི་ཡང་མེད་པར་གྱུར། ནོར་བུ་བཟང་བོ་ས་དེར་བརྒྱུད་དུས་ཇག་རྐུན་དེ་དག་དང་འཕྲད། ཁོང་གིས་དེ་མ་ཐག་གཞུ་སྟེང་ལ་མདའ་མོ་གསུམ་བཞག་ཏེ་འཕངས་བས་མཉམ་གཅིག་ལ་ཇག་རྐུན་གྱི་འགོ་བ་གསུམ་བསད། དེ་བས་གཞན་དག་གིས་པུས་མོ་སར་བཙུགས་ནས་སྲོག་ཐར་གཏོང་བའི་ཞུ་བ་བྱེད་པ་ལས་བྱ་ཐབས་གཞན་མ་རྙེད། ནོར་བུ་བཟང་བོས་ཇག་རྐུན་བཟུང་ནས་བལ་བོའི་རྒྱལ་བོར་སྤྲད་པས་བལ་བོ་མི་དམངས་ཀྱིས་ཁོང་ལ་བསྟོད་བསྔགས་ཚད་མེད་བྱས། བལ་བོའི་རྒྱལ་བོ་དགའ་ནས་ཁོང་ལ་གསོལ་སྟོན་རྒྱ་ཆེན་བཤམས། གསོལ་སྟོན་སྐབས་སུ་བལ་བོའི་རྒྱལ་བོས་ཁོང་གིས་དཔའ་ངར་ལ་བསྟོད་བསྔགས་ཚད་མེད་བྱས། ད་དུང་བལ་བོ་ནས་ཚོང་ལས་གཉེར་བའི་རེ་བ་ཡང་ཞུས། བལ་བོའི་རྒྱལ་བོས་རོགས་སྐྱོར་འོག་ནོར་བུ་བཟང་བོ་འབྱོར་ཕྱུག་ཀླུ་ཡུལ་ལ་འགྲན་པའི་འཚོང་བ་སྟོབས་ཆེན་ཞིག་ཏུ་གྱུར། དུས་དེར་ཁོང་གིས་སྙན་གྲགས་བོད་ཡུལ་ཡོངས་སུ་ཁྱབ་ནས་ཚོང་དཔོན་ནོར་བུ་བཟང་བོར་གྱུར། ནོར་བུ་བཟང་བོ་ལྷ་སར་ཐེངས་གསུམ་ལ་སོང་བ་དེ་ནི་ཆེད་དུ་རྗེ་ཙོང་ཁ་བར་མཇལ་དུ་སོང་བ་རེད། རྒྱུ་ནོར་དང་མཆོད་རྫས་གྱ་ནོམ་པ་ཁྱེར་བས་ཁོང་རང་རྗེ་ཙོང་ཁ་བའི་ཡོན་བདག་གཙོ་བོའི་གྲས་ཤིག་རེད། ནོར་བུ་བཟང་བོ་ཐེངས་བཞི་བར་ལྷ་སར་མ་སོང་གོང་རྗེ་ཙོང་ཁ་བའི་ཡུམ་ལ་མཇལ་དུ་སོང་། ཡུམ་གྱིས་རང་གི་བུ་ཆུང་དྲན་དྲགས་པས་སྐྲ་དཀར་ཉག་ཅིག་སྐུར་ཞོར་སྐད་ཅིག་བཏང་།...

   ཁ་སང་སུད་སིའི་གྲོང་ཁྱེར་ཇི་ནི་ཝར་གསར་འགོད་ལྷན་ཚོགས་ཤིག་གི་སྟེང་། འཛམ་གླིང་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ཀྱི་འགན་འཛིན་སྐུ་ཞབས་ཛེ་ཌི་ར་ཧུ་སེན་ (Zeid Ra’ad al-Hussein) མཆོག་གིས། རྒྱ་ནག་གཞུང་གིས་མཉམ་འབྲེལ་རྒྱལ་ཚོགས་འགྲོ་བ་མིའི་ཐོབ་ཐང་ལྷན་ཚོགས་ཀྱི་འགན་འཛིན་བོད་དུ་བསྐྱོད་རྒྱུར་མོས་མཐུན་བྱས་ཏེ། ད་ལྟ་དེའི་སྐོར་ལ་རྒྱ་ནག་གཞུང་དང་གོ་བསྡུར་བྱེད་མུས་ཡིན། ད་རེབ་གོ་སྐབས་བྱུང་ན་རྒྱ་ནག་ནང་ཁུལ་གྱི་ས་གནས་གཞན་དུའང་འགྲོ་འདོད་ཡོད་ཅེས་སོགས་བརྗོད་ཡོད་འདུག སྐུ་ཞབས་ཧུ་སེན་མཆོག་ནི་དེ་སྔོན་ཇོར་ཌན་(Jordan)གཞུང་གི་མཉམ་འབྲེལ་རྒྱལ་ཚོགས་ཀྱི་སྐུ་ཚབ་ཡིན་ཞིང་། ཇོར་ཌན་རྒྱལ་བོའི་རྒྱལ་སྲས་ཀྱང་ཡིན་འདུག ཁོང་བདུན་ཕྲག་སྔོན་མའི་ནང་འཛམ་གླིང་མཉམ་འབྲེལ་རྒྱལ་ཚོགས་འགྲོ་བ་མིའི་ཐོབ་ཐང་ལྷན་ཚོགས་ཀྱི་སྤྱི་ཁྱབ་འགན་འཛིན་གྱི་ལས་འགན་བཞེས་ཡོད་འདུག ཁོང་གིས་དེ་སྔོན་ནས་བོད་དང་རྒྱ་ནག་ནང་འགྲོ་བ་མའི་ཐོབ་ཐང་གནས་སྟངས་ལ་རྟོག་ཞིབ་ཆེད་ཕེབས་རྒྱུར་འབད་བརྩོན་མང་པོ་གནང་མྱོང་ཡོད་འདུག ཡོང་ཁུངས་བོད་ཀྱི་དུས་བབ།...

བསྒྱུར་མཁན་མི་གསལ། ༼ཨ། ༽ ཡིན་ཚའེ་ཞའུ་ཤི་སོང་། ཁོ་མོ་མ་ཤི་གོང་སྨད་འཚོང་མ་ཞིག་ཡིན། ཡང་དག་པར་བཤད་ན། ཁོ་མོ་དགེ་རྒན་ཞིག་ཡིན། དེང་གི་ཀྲུང་གོའི་ངོ་གནོང་མི་དགོས་པའི་དགེ་རྒན་ཞིག་ཡིན། ཁོ་མོས་རང་གི་ལུས་པོ་མི་གཙང་བར་སྦགས་ཀྱང་། བྱིས་པ་ཚོའི་བླ་སྲོག་དྭངས་གཙང་དུ་བཀྲུས་ཟིན། ༼ཨི། ༽ སྨད་འཚོང་མ་ཞིག་ཤི་སོང་། བྱིས་པ་ཡོད་ཚད་ངུ་ཞོར་ཁོ་མོའི་མྱ་ངན་ཚོགས་འདུར་ཞུགས་ཤིང་། སློབ་གྲྭའི་རྒྱལ་དར་ཀྱང་ཁོ་མོའི་ཆེད་དུ་ཕྱེད་ཙམ་ཕབ་ཟིན། ད་སོ་མར་མོ་ལོ ༢༡ ལ་སོན་མ་ཐག་པའི་དགེ་རྒན་ཡག་མ་འདིའི་མྱ་ངན་ཚོགས་འདུའི་སྟེང་དུ།  སློབ་གཙོས་ཡིན་ཚའེ་ཞའུ་ཡི་ཉིན་ཐོའི་ཁ་ཕྱེས་ཤིང་། བྱིས་པ་མང་པོའི་མདུན་དུ་ངོ་གདོང་མཆི་མས་བརླན་ཞོར་ཀློག་འདོན་བྱས་བྱུང་། ཁོ་མོའི་ཉིན་ཐོ་རུ་འདི་ལྟར་འཁོད་འདུག་སྟེ།  སྨད་འཚོང་ཐེངས་གཅིག་བྱས་པས་སློབ་ཤོར་བྱིས་པ་གཅིག་ལ་རོགས་རམ་བྱེད་ཐུབ་ཅིང་། ཟུར་མོ་ལན་གཅིག་བྱས་པས་རེ་བའི་སློབ་གྲྭ་གཅིག་ཙམ་སྐྱོབ་ཐུབ……… ༼ཨུ། ༽ ཡིན་ཚའེ་ཞའུ་ནི་ཀན་སུའུ་ཞིང་ཆེན་གྱི་རྫོང་ག་གེ་མོའི་ཞིང་སྡེ་ཞིག་ཏུ་སྐྱེས་ཤིང་། དབུལ་ཕོངས་ཀྱི་ས་ཆ་དེ་རུ་སྡེ་བའི་ནང་གི་བུ་མོ་ཡག་བཙོག་ཅི་རིགས་ཚང་མ་ལྷོ་ཕྱོགས་ཀྱི་མཚོ་ཁའི་གྲོང་ཁྱེར་དུ་ཞོར་ལས་སུ་སོང་ནས་སྒོར་མོ་བཙལ་བ་དང་། ལོ་སར་གྱི་སྐབས་སུ། ད་གཟོད་ཁྲ་ཁྲ་རིག་རིག་གི་གྱོན་གོས་དང་ཆེ་མ་ཆུང་གསུམ་གྱི་ཁུག་མ་དྲུད་ནས་ཕྱིར་ཡུལ་ལ་ཡོང་བར་བྱེད། ཡིན་ནའང་། ཡིན་ཚའེ་ཞའུ་མཐོ་འབྲིང་མཐར་ཕྱིན་རྗེས་ལམ་དེར་ཞུགས་མ་སོང་། ཁོ་མོ་ནི་སྡེ་བའི་ནང་གི་ཡག་མ་རྩེ་བུད་ཀྱི་གྲས་སུ་གཏོགས་པས། མི་ཚང་མས་ཁོ་མོའི་བྱ་བྱེད་དེ་ཧ་གོ་གི་མི་འདུག་པར་མ་ཟད། ཁོ་མོའི་ཨ་ཕས་ཀྱང་རང་གི་བུ་མོར་ནུས་པ་མི་འདུག་ཅེས་སྡིགས་དམོད་བྱེད་ཀྱིན་ཡོད།...

གཟུངས་ཕྱུག་སྐྱིད། མཐོ་བ་ནམ་མཁའི་དབྱིངས་ལ་སྐས་ཤིག་བཙུགས།། སྐས་རྐང་རེ་རེ་དུངས་པའི་དབྱངས་ལ་བསྲིངས།། དབྱངས་ཀྱི་བླ་སྲོག་སླར་ཡང་རང་ལ་བསྲེས།། རང་གི་ལུས་ཟུངས་མུན་པའི་ཁྱོན་ལ་བཏབ།། འདི་ལྟར་རྨི་ལམ་བྱུང་བའི་སྣང་བ་བཙལ།། འདི་ལྟར་འཚོ་བ་སྦྲུམ་པའི་ཁ་དོག་བཙལ།། འདི་ལྟར་ཚེ་སྲོག་གསོ་བའི་མཛེས་པ་བཙལ།། འདི་ལྟར་མཛའ་བརྩེ་རྟོགས་པའི་ཕུགས་བསམ་བཙལ།། ཉི་ཤར་འཛུམ་པའི་ཀློང་ནས་དྲོད་སྣང་བཙལ།། ས་སྲོད་གྲིབ་ཆེན་ངོགས་སུ་རྐང་རྗེས་བཙལ།། ཆུ་བོའི་ཀློང་ནས་ཉམས་མེད་རོལ་དབྱངས་བཙལ།། རི་བོའི་རྩེ་ནས་གནམ་སའི་བར་ཐག་བཙལ།། རྟ་མཆོག་བང་གིས་རྒྱུག་པའི་ཤུལ་ལམ་ནས།། དཔའ་བོའི་གད་རྒྱངས་སྙིང་གི་ལྟེབ་ལ་བླངས།། འགག་འཕྲང་འཇིགས་རུང་ལམ་གྱི་བཞི་མདོ་ནས།། ཐང་དཀར་མཁའ་ལ་ལྡིང་བའི་གཤོག་འགྱུར་བཙལ།། མུན་པས་ས་ཆེན་གཡོགས་པའི་མཚན་གཞུང་ནས།། གཤིས་པ་དབྱངས་ལ་འཐིམ་པའི་མིག་ཟུང་བཙལ།། དེང་གི་གློག་རླབས་འོད་ཀྱི་གཞལ་ཡས་ནས།། ཚ་དྲོད་འཇགས་མེད་སྙིང་གི་འཕར་རྩ་བཙལ།། གང་དུ་བཙལ་ཀྱང་ཅི་ཡང་མ་རྙེད་པས།། སྣང་བ་རླུང་ལ་བཅོལ་བའི་གླུ་ཞིག་བླངས།། གླུ་ཡི་དབྱངས་འགྲོས་འཁོར་བའི་ཐང་ལ་སྟོར།། དེ་ཡི་ཚིག་འགྲོས་སྟོང་བའི་དབྱིངས་ལ་བསྐུར།། ཚིག་གི་ཞགས་སྣེ་སྣ་ཚོགས་ལས་ལ་གཏད།། སེམས་ཀྱི་ཉམས་སྣང་འདོད་པའི་ཁམས་ལས་བཞེངས།། ངེས་པ་ཚིག་གི་འགྲོས་ལས་དོན་ཞིག་བཙལ།། མ་ངེས་ལྐོག་གྱུར་བར་ནས་ཚད་ཅིག་བླངས།། འདི་ལྟར་རྒྱུག་ཅིང་འདུར་བའི་འཇིག་རྟེན་ནས།། བདག་ལ་ངེས་ཤེས་གསལ་བོའི་བརྡ་ཞིག་འབྱོར།། སྟོང་བ་བེམ་གཟུགས་ཤིག་གི་མཛེས་པ་མཐོང་།། སྣང་བ་བྲག་ཆ་ལྡིར་བའི་རྔམ་སྒྲ་ཐོས།། གཅིག་པུ་ཀུན་ཏུ་རྒྱུ་བའི་གདེང་ཞིག་ཐོབ།།...