འོད་དཀར་དྲ་ཚིགས།

   —འདས་པོ་དྲིན་ཅན་སྙན་ངག་པ་ཡི་དམ་ཚེ་རིང་སྐུ་གཤེགས་ནས་བགྲང་བྱ་བཅུ་ལ་འབོད་པ།

ཙོང་ཁ་ཚེ་བརྟན་རྒྱལ།

ཕ་རོལ་དང་ཚུར་རོལ་གྱི་སེར་ཀ་བསམ་ན

གངས་རི་དེ་རི་མོ་རུ་འཁྲུལ

ངའི་རྒོད་པོ།  ངའི་རྒོད་པོ།

མིག་ཆུ་མིད་པའི་ལས་སྐལ་ཁུར་ནས

བྲག་ཆ་ཞིག་ལ་ཉུལ

མིག་ཟུང་ལ་འགོས་པའི་ནམ་མཁའ

འདར་སིག་བྱེད་བཞིན

ངག་སྒྲུང་ཞིག་ཏུ

སྤྱང་ཚོགས་ཤར་འོང

སོ་སྒྲ།  ངུ་ཟུག སྡེར་འབྲད།  རེ་རེ་བགྲང་ན

མིག་ཆུ་དང་མིག་ཆུ་བར་ལ་འབྱར་འོང

ཨོ  སྤྱན་རིས་གཟིགས།

ཨོ།  རྫེ་བཙུན་སྒྲོལ་མ

ད་ནི་སྙིང་རྗེ་ཁྱེར་ཤོག་དང

ངུ་སྐད་ཀྱིས་བཏུམ་པའི་རྣམ་ཤེས་ཚོགས

དོན་མེད་དུ་བར་དོ་ལ་མ་སྤྱུགས

ང་ལ་ཉི་མ་དགོས

རྒོད་པོ་ཕྱིར་རུ་འཕུར་འོང་ན

ང་ལ་ཟླ་བ་དགོས

རྣམ་ཤེས་ཚོགས་མི་ལུས་སུ་ཞུགས་ན

ཚེར་མ་ལྟར་སེམས་ལ་ཟུག་པའི་སྙན་ངག

སུ་ལའང་མི་སློང

2014,10,23—24

ངེད་དྲ་ཚིགས།