རྒྱལ་སྤྱིའི་བྱིས་པའི་གཟེངས་རྟགས།

དེ་རིང་ད་ལོའི་རྒྱལ་སྤྱིའི་བྱིས་པའི་གཟེངས་རྟགས་དེ་ནོ་བྷེལ་ཞི་བདེའི་གཟེངས་རྟགས་ཐོབ་མཁན་མཱ་ལཱ་ལཱ་དང་མི་གཞན་གཉིས་ལ་སྤྲད་ཡོད་འདུག

དེ་རིང་ཡུ་རོབ་སུད་ཝེ་ཌན་(Sweden)གྱི་རྒྱལ་སར། ༢༠༡༤ ལོའི་རྒྱལ་སྤྱིའི་བྱིས་པའི་གཟེངས་རྟགས་དེ་བུད་མེད་ཀྱི་ཤེས་ཡོན་ཐོབ་ཐང་རྩོད་ལེན་པ་དང་འདི་ལོའི་ནོ་བྷེལ་ཞི་བདེ་གཟེངས་རྟགས་ཐོབ་མཁན་ལོ་ན་ཆུང་ཤོས་པཱ་ཀི་སི་ཐན་གྱི་བུ་མོ་མཱ་ལཱ་ལཱ་ (MalalaYousafzai) ལགས་དང་། ཨ་རིའི་མེ་ཀོར་སོབ་ཌི་(Microsoft) ཁེ་ལས་ཀྱི་འཛིན་སྐྱོང་འགན་འཛིན་ཟུར་པ་ཇོན་ཝུ་ཌི་ (John Wood)ལགས། བལ་ཡུལ་གྱི་བཙོན་པའི་བུ་ཕྲུག་དག་ལ་བདག་སྐྱོང་སློབ་སྦྱོང་སྤྲོད་མཁན་བུད་མེད་ཨིན་དྷ་ར་ (Indira Ranamagar) ལགས་བཅས་སུ་སྤྲད་ཡོད་པ་མ་ཟད།  གཟེངས་རྟགས་དེ་དང་མཉམ་དུ་ཨ་སྒོར་འབུམ་གཅིག་གི་ལེགས་སྐྱེས་ཀྱང་གནང་ཡོད་འདུག

འདིའི་ཐད་གཟེངས་རྟགས་ཚོགས་ཆུང་གིས། འཛམ་གླིང་རྒྱལ་ཁབ་ ༡༡༠ ཡི་སློབ་གྲྭ་ ༥༩༧༤༨ ཀྱིས་དེབ་སྐྱེལ་བྱས་ཡོད་པའི་རྒྱལ་སྤྱིའི་བྱིས་པའི་ཚོགས་པ་ཡིས་བྱིས་པ་ས་ཡ་ ༣༦ ཁྲོད་ནས་བྱིས་པ་ས་ཡ་ ༧།༡ གིས། འདི་ལོའི་རྒྱལ་སྤྱིའི་བྱིས་པའི་གཟེངས་རྟགས་ཀྱི་འོས་མི་ཁག་ལ་དྲ་ཐོག་འོས་བསྡུ་བྱས་པ་བརྒྱུད་བུ་མོ་མཱ་ལཱ་ལཱ་དང་ཇོན་ཝུ་ཌི། ཨིན་དྷ་ར་བཅས་ལ་འོས་གྲངས་མཐོ་ཤོས་ཐོབ་སྟེ་གཟེངས་རྟགས་འདི་འབུལ་གཏན་འཁེལ་བ་ཞིག་ཡིན་པ་དང་། དེ་ནི་ཁོ་ཚོས་བྱིས་པའི་སློབ་གསོ་ཡར་རྒྱས་གཏོང་ཐབས་ལ་ནུས་པ་འདོན་སྤེལ་བྱས་ཡོད་སྟབས། ཁོ་ཚོའི་བྱས་རྗེས་ལ་ངོས་འཛིན་དང་ཡི་རངས་ཞུ་ཆེད་གཟེངས་རྟགས་དེ་སྤྲད་པ་ཞིག་ཆགས་ཡོད། ཅེས་བརྗོད་འདུག

རྒྱལ་སྤྱིའི་བྱིས་པའི་གཟེངས་རྟགས་དེ་ ༢༠༠༠ ལོར་མགོ་འཛུགས་བྱས་ཡོད་ཅིང་། དེའི་དམིགས་ཡུལ་ནི་རྒྱལ་སྤྱིའི་ཐོག་བྱིས་པའི་སློབ་གསོ་འཕེལ་རྒྱས་གཏོང་ཐབས་ལ་བྱས་རྗེས་འཇོག་མཁན་གྱི་གང་ཟག་དག་ལ་ཆེ་བསྟོད་ཞུ་ཆེད་ཡིན་པ་དང་། ད་བར་རྒྱལ་སྤྱིའི་བྱིས་པའི་ཚོགས་པ་དེས་འཛམ་གླིང་ཐོག་བྱིས་པའི་སློབ་གསོའི་བྱ་གཞག་དང་ཐོབ་ཐང་ཐད་འབུར་ཐོན་ཕྱག་ལས་གནང་མཁན་གྱི་ལྷོ་ཨ་ཧྥི་རི་ཀའི་སྲིད་འཛིན་ཟུར་པ་དང་ཞི་བདེའི་གཟེངས་རྟགས་བཞེས་མཁན་མཱན་ཌེལ་ལཱ་(Nelson Mandela) དང་། མཱན་ཌེལ་ལཱའི་སྐུ་ཟླ་མཱ་ཅལ་ (Graça Machel)། མཉམ་འབྲེལ་རྒྱལ་ཚོགས་ཀྱི་སྤྱི་ཁྱབ་དྲུང་ཆེ་ཟུར་པ་ཀོ་ཧྥི་ཨཱ་ནཱན་ (Kofi Annan)། དེ་བཞིན་ཨཱ་ནི་ཧྥན་ཀཱ་(Anne Frank) སོགས་ལ་ཕུལ་ཡོད་འདུག

གསར་འགོད་པ། དོན་གྲུབ།

ཡོང་ཁུངས་བོད་ཀྱི་དུས་བབ།

མཆན་ཞོག

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s