ཁོ་མོའི་དམ་བཅའ། ཁོ་མོའི་གསུང་གླེང་། ཁོ་མོའི་བཞིན་རས།
རྩོམ་མཁན། བྷན.ཕ་ཡན་ཐེར། སྒྱུར་མཁན། རྡོ་རྗེ་རིན་ཆེན།
ཁོ་མོས་བརྗོད་ན། མོ་གཉིད་དུ་མ་ཡུར་བའི་ཡར་སྔོན།
ཆེས་མཇུག་མཐར་མཐོང་བ་ནི། བདག་གི་ངོ་གདོང་ལགས་ཤིང་།
དེ་མེད་པར། ཁོ་མོ་གཉིད་ལ་ཞུགས་དཀའ་ཟེར།
འོན་ཀྱང་། ངོ་གདོང་གཞན་དག་ཀྱང་།
ཁོ་མོའི་མིག་ནང་དུ་འཕྱོ་ཞིང་ལྡིང་བ།
བདག་གིས་རྟོགས་པར་གྱུར་ཡོད།
དོ་ནུབ། སྐར་ཚོགས་ཕྲ་ལམ་མེར།
བདག་གིས། དེ་ཉིད་ཞབས་བྲོ་བརྒྱབ་ན་སྨོན།
“ངས་བཤད་པ་ཐལ་དྲག་སོང་ངམ”ཞེས
ཁོ་མོས་བརྩེ་དུང་གི་དོགས་སྣང་དང་སྤྲོ་སེམས་དབེན་པའི་ངང་།
བདག་ལ་དེ་ལྟར་དྲིས་བྱུང་།
མ་ཡིན། དེ་ལྟ་མ་ཡིན་ཡང་།
ཁྱོད་ཀྱིས། རང་གི་དམ་བཅའ་མ་བསྲུངས་བ་བཞིན།
ངའང་། ཁྱོད་ཀྱིས་དམ་བཅས་བསྲུངས་པར་མི་འདུག་ལགས།
དུས་དེ་ཉིད་ན། རྩིག་གྱང་ངོས་སུ།
དུས་ཚོད་ཀྱི་མདའ་རྩེ་འཁོར་ཞིང་མཆིས།
ཕྱིར་རོལ་དུ། སྒོ་ཁྱི་ཞིག་ཟླ་བར་ཟུག་ཅིང་།
ཁོ་མོའི་ངོ་གདོང་། བདག་གི་བརྩེ་བའི་པང་དུ་བསྙེས།
བདག་གིས། “བདག་འགྲོ་དགོས།”
“བདག་ངལ་ཞིང་དུབ”ཅེས་བརྗོད་པ་དང་།
ཁོ་མོའི་དམ་བཅའ།
ཁོ་མོའི་གསུང་གླེང་།
ཁོ་མོའི་བཞིན་རས།
འདི་དག་གིས། བདག་ལ་ངལ་གསོ་ཞིག
ཇི་ལྟར་ཐོབ་ཏུ་གཞུག་ཨང་།
༢༠༡༤།༩།༢༩།ཉིན།
ངེད་དྲ་ཚིགས།
