ཁ་སྒང་གཡང་འབུམ་ཚེ་རིང་།
ཉི་མ་བཞུད་སོང་།།
མུན་པ་རུབ་སོང་།།
ཟླ་བ་བོར་སོང་།།
ན་ཟུག་འཕར་སོང་།།
སྒོ་ཁྱི་ཟུག་སོང་།།
ཅེ་སྤྱང་ངུ་སོང་།།
ལྷིང་འཇགས་དཀྲོགས་སོང་།།
དངངས་སྐྲག་བསླངས་སོང་།།
སྐར་ཚོགས་བཀྲ་སོང་།།
བསིལ་རླུང་ལྡང་སོང་།།
ཕ་ཡུལ་དྲན་སོང་།།
མིག་ཆུ་བཞུར་སོང་།།
ལུས་པོ་འདར་སོང་།།
སེམས་པ་འཁྱགས་སོང་།།
འཁུན་སྒྲ་ཐོན་སོང་།།
སྨྲེ་ངག་ཐལ་སོང་།།
ལོ་ཟླ་འདས་སོང་།།
ལང་ཚོ་རྒས་སོང་།།
མི་ཚེ་ཟད་སོང་།།
ཡོད་ཚད་རྫོགས་སོང་།།
ས་ཆེན་འཇིག་སོང་།།
མྱི་ཆེན་འགྱེལ་སོང་།།
ལྷ་ཆེན་དངངས་སོང་།།
ཡོད་ཚད་ཚར་སོང་།།
བསམ་ཚད་སྟོངས་སོང་།།
བཤད་ཚད་ཚར་སོང་།།
རྨི་ལམ་ཡལ་སོང་།།
ཐོབ་ཚད་ཤོར་སོང་།།
ངེད་དྲ་ཚིགས།
