November ༡༣, ༢༠༡༤

གསར་འགྱུར། -0 Minutes

སྐར་མ་དུ་བ་མཇུག་རིང་གི་ཐོག་ངོས་སུ་བབས།

བར་སྣང་ཉུལ་ཞིབ་འཕྲུལ་ཆས་རོ་སེ་ཊ་རྟགས་ཅན་གྱི་ཐོག་ཏུ་བཀལ་བའི་ཡན་ལག་ཡོ་ཆས་ཧྥི་ལཱ་ཞེས་པ་སྐར་མ་དུ་བ་མཇུག་རིང་གི་ཕྱི་ངོས་སུ་ལམ་ལྷོང་ངང་བབས་པའི་རྗེས། གཏན་འཇགས་ཀྱི་གནབ་བབ་འོག་སྡོད་ཐུབ་པ་བྱུང་ཡོད་འདུག རོ་སེ་ཊ་(Rosetta) རྟགས་ཅན་གྱི་ཆེ་ཆུང་ལ་གོས་འཁྲུད་འཕྲུལ་ཆས་ཙམ་ཡོད་ཅིང་། འཕྲུལ་ཆས་དེས་འདས་པའི་ལོ་༡༠ ཡི་རིང་བར་སྣང་དུ་ལེ་དབར་ཐེར་འབུམ་༦༤ འཕུར་བསྐྱོད་བྱས་པ་དང་། ཕྱི་ཟླ་༡༡ པའི་ཚེས་༡༢ ཉིན་ཡན་ལག་ཡོ་ཆས་ཧྥི་ལེ་(Philae) ཞེས་པ་རོ་སེ་ཊ་དང་ཁ་བྲལ་ཏེ་ཆུ་ཚོད་༧ འཕུར་པའི་རྗེས། མཇུག་མཐཪ་(67P/Churyumov-Gerasimenko)ཞེས་འབོད་པའི་སྐར་མ་དུ་བ་མཇུག་རིང་གི་སྟེང་དུ་འབབ་ཐུབ་པ་བྱུང་སྟེ། ཚན་རིག་པ་རྣམས་ཀྱིས་དེའི་རྗེས་སུ་ཅི་ཞིག་བྱ་དགོས་མིན་སྐོར་གྲོས་བསྡུར་བྱེད་བཞིན་པའི་སྐབས། ཉུལ་ཞིབ་ཡོ་ཆས་ཧྤི་ལེ་ཡིས་ཕྱིར་བཏང་བའི་པར་རིས་འབྱོར་ཡོད། ཉུལ་ཞིབ་འཕྲུལ་ཆས་དེ་གཏོང་མཁན་གྱི་ཡུ་རོབ་བར་སྣང་ལྟེ་གནས་ཁང་(European Space Agency)གི་ཚན་རིག་པས་བརྗོད་པ་ལྟར་ན། སར་འབབ་འཕྲུལ་ཆས་ཐེངས་དང་པོར་སྐར་མ་དུ་བ་མཇུག་རིང་གི་ཕྱི་ངོས་སུ་བབས་པའི་རྗེས། ཡང་བསྐྱར་བར་སྣང་དུ་མི་ཊར་བརྒྱ་གྲངས་ཤིག་འཕར་ཡོད་སྲིད་པ་ཞིག་ཡིན་འདུག ཚན་རིག་པའི་ཐོག་མའི་འཆར་གཞི་ལྟར་སར་འབབ་འཕྲུལ་ཆས་ཀྱི་རྐང་པ་བརྐྱངས་ཏེ་སྐར་མ་དུ་བ་མཇུག་རིང་གི་ཕྱི་ངོས་སུ་བརྟན་པོ་འཛུགས་མ་ཐུབ་པར་གར་སོང་བརྩད་མ་ཆོད་པ་གྱུར་ཏེ། ཚན་རིག་པ་རྣམས་ཀྱིས་དངངས་སྐྲག་ངང་སྒུག་དགོས་བྱུང་ཡོད་ཀྱང་། མི་རིང་བར་སར་འབབ་འཕྲུལ་ཆས་ཀྱིས་ཕྱིར་བཏང་བའི་པར་རིས་འབྱོར་ཡོད་འདུག འཕྲུལ་ཆས་ཀྱིས་ཕྱིར་བསྐུར་བའི་གྲངས་ཐོ་ལས་མངོན་པ་ལྟར་ན། སར་འབབ་འཕྲུལ་ཆས་ཀྱིས་ཉུང་མཐར་ཡང་སྐར་མ་དུ་བ་མཇུག་རིང་ཐོག་ཐེངས་གསུམ་བབས་ཡོད་འདུག་ལ། སྐར་མ་དུ་བ་མཇུག་རིང་གི་ཉེ་སར་བཅར་བའི་བརྒྱུད་རིམ་ཁྲོད། ཧྥི་ལེ་ཡིས་སྐར་མ་དུ་བ་མཇུག་རིང་གི་པར་རིས་ཁ་ཤས་ཕྱིར་བཏང་ཡོད་པ་རེད། ཚན་རིག་པ་རྣམས་ཀྱིས་ཪོ་སེ་ཊར་རྟགས་ཅན་གྱི་ཉུལ་ཞིབ་འཕྲུལ་ཆས་བརྒྱུད་དེ་སྐར་མ་དུ་བ་མཇུག་རིང་གི་ཕྱི་ངོས་ལ་ཞིབ་འཇུག་གཏིང་ཟབ་བྱས་མཐར། མི་ལོ་ཐེར་འབུམ་༤༥ སྔོན་དུ་ཉི་མའི་ཁྱིམ་རྒྱུད་ཅི་ལྟར་ཆགས་པའི་རྒྱུ་རྐྱེན་ཤེས་རྟོགས་ཐུབ་པའི་རེ་བ་བྱེད་བཞིན་ཡོད་ཅིང་། ཐེངས་འདིར་ལམ་ལྷོང་ངང་སྐར་མ་དུ་བ་མཇུག་རིང་གི་ཐོག་ཏུ་མི་བཟོས་ཉུལ་ཞིབ་འཕྲུལ་ཆས་འབབ་ཐུབ་པ་དེ་ནི། འགྲོ་བ་མིའི་རིགས་ཀྱི་ལོ་རྒྱུས་ནང་གི་གསར་གཏོད་ཆེན་པོ་ཞིག་ཡིན་པའི་ངོས་འཛིན་བྱེད་བཞིན་ཡོད་པ་རེད།། གསར་འགོད་པ་ཏྲེ་ཧོར་ཐུབ་བསྟན། ཡོང་ཁུངས་བོད་ཀྱི་བང་ཆེན།...
དེ་ལས་མང་པ།
ལོ་རྒྱུས། -0 Minutes

བོད་ཡུལ་དུ་བྱུང་བའི་རྒྱལ་ཕྲན་འགའི་ལོ་རྒྱུས།

 ༄༅། །བོད་ཡུལ་དུ་བྱུང་བའི་རྒྱལ་ཕྲན་འགའི་ལོ་རྒྱུས་མདོར་བསྡུས། རྩོམ་པ་པོ་མི་གསལ། ༡༽ སུམ་པ།       རྒྱལ་ཕྲན་འདི་ནི་བོད་ལྗོངས་ཀྱི་བྱང་ཕྱོགས་སུ་ཡོད། གནས་ཡུལ་རྒྱ་ཆེ་ཞིང་ཤིན་ཏུ་ཡངས། རོང་འབྲོག་གཉིས་ཀའི་ལས་མཉེར། མངའ་འོག་ཏུ་འབངས་ཁྱིམ་སུམ་ཁྲི་མཆིས་པར་བཤད། བར་སྐབས་ཤིག་ཏུ་སྟོབས་ཤུགས་ཧ་ཅང་རྒྱས་ཤིང་བོད་བཙན་པོ་དང་མནའ་འབྲེལ་ཡང་འཇོག་མྱོང་ལ་མཐར་བོད་བཙན་པོའི་མངའ་འོག་ཏུ་གྱུར།      བོན་གྱི་ཡིག་རྙིང་ <<གཏོ་ཕུག་>> ཏུ་”སུམ་བྷ་འབྲི་ཡི་རྒྱལ་པོ་ཡང་།། རྒྱལ་ཕྲན་བཅུ་གཉིས་རྒྱུད་དུ་གྲོལ།། “ཞེས་དང་། ཡང་ <<མགོ་ལོག་རུས་མཛོད་>>  དུ་”ཡུལ་སུམ་པ་ནས་འབྲུ་རིགས་དང་” ཞེས་རིགས་རུས་འབྲིར་གཏོགས་པར་བཤད་ལ།  <<དེབ་དཀར་>> དུ་”སུམ་བྷ་དེ་སྔར་བོད་ཁོངས་ཀྱི་རྒྱལ་ཕྲན་ཞིག་གི་ས་ཡིན་པ་ལ། ཁོང་ཚོའི་རིགས་དེང་སང་ཨ་མདོའི་ཁྲོད་དུ་འདྲེས་ནས་ཡོད་”ཅེས་བཀོད་འདུག  རྒྱའི་གནའ་བོའི་ཡིག་ཚང་ཀུན་ན་སུམ་པ་ལ་ཏུན་ཉུས་གོ་༼ 东女国༽སྟེ་ཤར་ཕྱོགས་བུད་མེད་ཀྱི་རྒྱལ་ཁབ་ཅེས་བཀོད་ཅིང་ཡུལ་གྱི་ལྟེ་བ་ནི་ཆབ་མདོ་དང་རྫ་ཆུའི་རྒྱུད་དུ་ཡོད་པར་བཤད། དུས་ཕྱིས་རྒྱ་ཡིག་ཏུ་སུམ་པའི་མིང་བོད་སྐད་དང་བསྟུན་ཏེ་སུའོ་པེ་༼苏毗༽ཞེས་སྒྲ་བསྒྱུར་ཙམ་བྲིས་འདུག་གོ ༢༽འ་ཞ།      འ་ཞ་ནི་བོད་ཀྱི་རུས་རྒྱུད་སྒའི་ཚོ་བ་ཆེན་པོ་ཞིག་ཡིན་ལ། དེང་གི་མདོ་སྨད་རྨ་ཀླུ་ཙོང་གསུམ་འབབ་ཡུལ་དུ་གནས་པ་མང་ཆེ་བ་འ་ཞ་སྒའི་རིགས་སུ་གཏོགས་ཏེ། <<བོད་ཀྱི་རུས་མཛོད་>> དུ་”ཡུལ་འ་ཞ་ནས་རྒ་བྱུང་སྟེ་”ཞེས་པ་ལྟར་དང་། དུས་རབས་བཞི་པའི་མགོ་ཙམ་ན་བྱང་གི་ལིའོ་ཉིན་ཕྱོགས་ནས་ཞན་ཕེའུ་ ༼...
དེ་ལས་མང་པ།
རྩོམ་ཡིག སྙན་ངག -0 Minutes

ཡིད་ཀྱི་ཡོལ་བ།

གཙུག་གཡུ། ངག་འཇམ་བསླུ་བྲིད་ཀྱི་འཛུམ་བག་ཡིད་གཏད་ཅི།། སྐུད་པའི་གདོང་རིས་ཀྱི་ངོས་སུ་སང་ཉིན་ལྷག། གནམ་སྐར་ཨ་ལོང་ལ་སྦྲེལ་པའི་དྲན་ཤེས་དེས། ལས་དབང་རྒྱལ་ཁམས་སུ་ཡུག་གཅིག་སྲེ་བསྲེས་བྱས།།   ལན་རེར་མཚན་མོ་འདི་ཤ་ཁྲག་གཞིབ་མཁན་ཞིག། གྲང་ངར་ལྷགས་རླུང་གི་གཤོག་པ་དམའ་རུ་བབས།། གཡས་གཡོན་རི་ཚོགས་ཀྱང་སེམས་ཀྱི་ནང་ལ་ལྡང་།། འཕྱོ་གསིག་རོལ་དབྱངས་ཀྱིས་ཤོག་བུའི་བརྩེ་དུང་ཉེར།།   ཆུད་པའི་སྟ་གོན་ཡང་མིག་ཆུའི་གཞུང་དུ་བྲིས།། སེམས་ཀྱི་ཕ་བོང་ཡང་ས་ལ་བཞག་པ་ཚོར། དུར་ཁྲོད་ཀེང་རུས་ལ་དུང་བའི་འདབ་ཆགས་ཤིག། རྟེན་འབྲེལ་ལུགས་འབྱུང་གི་འཁོར་ལོར་བྲེལ་ཤ་ལང་།།   གྱེས་ཁའི་འཛུམ་བག་དེ་ཡིད་ཀྱི་གཏིང་གི་གཏིང་།། རྨི་ལམ་བྱང་ཐང་གི་བསྡུས་གཟུགས་ངོས་ལ་ཕབ།། རང་སྣང་སྨུག་ལོང་ལ་ཐིམ་པའི་གཉུག་སེམས་འདི།། མི་མཐོང་ལྐོག་གྱུར་གྱི་ཀློང་ན་དྲག་ཏུ་འཕྱོ།།   ཕྲེང་ཐག་ཟད་པོ་དེས་རྒྱང་རིང་སྒོ་ལ་སྲིང་།། ངུར་སྨིག་མི་རྐྱང་ཚོའི་གཟན་སྣེ་དཀོར་ལ་འབྱར།། སྟོང་བསམ་རྣམ་ཤེས་ཤིག་གླེགས་བམ་གསེབ་ན་བཟི།། སྡོད་མེད་མིག་ཟུང་ཚོགས་མཛེས་མའི་བཞིན་ལ་འཐབ།།   བྱིས་པ་ཁེར་ཧྲེང་ཞིག་སེམས་ཀྱི་གཞིས་ཀར་བཏབ། འཚོ་བའི་ཐ་སྙད་དེ་ཇི་ལྟར་བཀྲལ་ཅིང་མྱངས།། འགུལ་སའི་མལ་ཁྲི་ལ་འདོད་ཡོན་སྲེག་པ་བདེན།། བདག་གི་འཇིག་རྟེན་ནས་ངལ་གསོ་ཕྲན་ཙམ་རྒྱོབས།།   གནམ་སའི་འདྲེས་མཚམས་ལ་འཐེན་པའི་ཁེར་ལམ་འདི།། ཚེ་རབས་ལས་འཕྲོ་ཡི་ས་བོན་འབྲི་དགོས་བྱུང་།། དངུལ་གྱི་འཛུབ་དཀྲིས་ལ་མནའ་ཚིག་རི་མོར་བཀོད།།...
དེ་ལས་མང་པ།