November ༡༧, ༢༠༡༤

གསར་འགྱུར། -0 Minutes

ཨ་རིའི་གྲོས་ཚོགས་དང་ཧོང་ཀོང་ལས་འགུལ།

འབྲོག་མྱི། ཨ་རིའི་གྲོས་ཚོགས་འཐུས་མི་ཞིག་གིས་མི་འགྱངས་པར་གྲོས་ཚོགས་ལ་གྲོས་གཞི་བཏོན་ནས། ཧོང་ཀོང་གི་སྲིད་ཇུས་ཁྲིམས་གཞི་ལ་ལེགས་བཅོས་བྱས་པ་བརྒྱུད་ཧོང་ཀོང་གི་འགྲོ་བ་མིའི་ཐོབ་ཐང་དང་ཆབ་སྲིད་ལམ་ལུགས་འཕེལ་རྒྱས་ལ་ལྟ་སྐུལ་ཞིབ་བཤེར་གནང་འཆར་ཡོད་ལུགས་བརྗོད་འདུག ཨ་རིའི་གྲོས་ཚོགས་ཀྱི་རྒྱ་ནག་གི་གནད་དོན་ཚོགས་ཆུང་གིས་གཟའ་ཕུར་བུ་ཉིན་སྤེལ་བའི་ཧོང་ཀོང་གི་འགྲོ་བ་མིའི་ཐོབ་ཐང་ཁྲིམས་གཞི་ཞེས་པའི་གྲོས་གཞིར། ཧོང་ཀོང་གི་སྲིད་ཇུས་ཁྲིམས་སྲོལ་ལེགས་བཅོས་བྱ་རྒྱུ་དེ་གྲོས་རིམ་ནང་བཞག་ནས། ཧོང་ཀོང་གི་འགྲོ་བ་མིའི་ཐོབ་ཐང་དང་ཆབ་སྲིད་ལམ་ལུགས་འཕེལ་རྒྱས་ལ་ལྟ་སྐུལ་ཞིབ་བཤེར་བྱ་རྒྱུ་དང་། ཚོགས་ཆུང་དེས་ཧོང་ཀོང་གི་འགྲོ་བ་མིའི་ཐོབ་ཐང་འཇིག་ཉེན་ལ་འཕྲད་ཡོད་པ་དང་། ཨ་རི་གཞུང་གིས ༢༠༡༧ ལོར་མི་རེའི་འོས་ཤོག་རེའི་ལམ་ནས་ཧོང་ཀོང་གི་དམིགས་བསལ་སྤྱི་ཁྱབ་གདམ་རྒྱུའི་ལས་དོན་ལ་རྒྱབ་སྐྱོར་བྱེད་དགོས་ཞེས་སྐུལ་འདེད་ཞུས་འདུག ཨ་རིའི་གྲོས་ཚོགས་ཀྱི་རྒྱ་ནག་གི་གནད་དོན་ཚོགས་ཆུང་གི་འགན་འཛིན་དམངས་གཙོ་ཚོགས་པའི་སྐུ་ཞབས་ཞཱེ་རོ་ཌི བྷི་རོན་ལགས་ཀྱིས། གལ་འགངས་ཅན་གྱི་དུས་སྐབས་འདིར། ང་ཚོས་ངེས་པར་དུ་ཧོང་ཀོང་མི་དམངས་ཀྱི་དམངས་གཙོའི་འདེམས་བསྐོའི་ཐོབ་ཐང་ལ་རྒྱབ་སྐྱོར་བྱེད་དགོས་ལ། ༢༠༡༧ ལོའི་རྗེས་སུ། རང་དབང་དང་དྲང་བདེན་ངང་འདེམས་བསྐོ་བྱེད་ཐུབ་རྒྱུར་ཁག་ཐེག་བྱེད་དགོས་ཞེས་བརྗོད་འདུག གོང་ཞུས་ཚོགས་ཆུང་དེས་ཟླ་སྔོན་མར་བཏོན་པའི་ལོ་འཁོར་སྙན་ཐོ་རུ་ཧོང་ཀོང་གི་ངོ་རྒོལ་ལས་འགུལ་ས་ཀོར་གླེང་ཡོད་པ་དང་། རྒྱ་ནག་གཞུང་གིས“ཨ་རི་ལ་རྒྱ་ནག་གི་ནང་སྲིད་ལ་ཐེ་གཏོགས་བྱེད་རྒྱུའི་ཐོབ་ཐང་མེད”ཅེས་བརྡ་ལན་ཚ་བོ་སྤྲད་ཡོད་པ་རེད། ཨ་རིའི་གྲོས་ཚོགས་ཀྱི་རྒྱ་ནག་གི་གནད་དོན་ཚོགས་ཆུང་གིས་ཕྱི་ལོ ༡༩༩༢ ལོར་གཏན་འབེབས་བྱས་པའི་ཧོང་ཀོང་སྲིད་ཇུས་ཁྲིམས་སྲོལ་ཞེས་པ་དེ་ལེགས་བཅོས་དགོས་པའི་དགོས་འདུན་བཏོན་ཡོད་པ་དང་། ཟླ་བ་འདིའི་ཚེས ༢༠ ཉིན་གྲོས་ཚོགས་སུ་ཉན་ཞིབ་ཚོགས་ནས་ཁྲིམས་གཞི་དེ་གཏན་འབེབ་བྱ་འཆར་ཡོད་ལ། ཁྲིམས་གཞི་གསར་བ་ལྟར་ན་འབྱུང་འགྱུར་ཧོང་ཀོང་ལ་དམིགས་བསལ་སྲིད་ཇུས་ཅི་ཞིག་གཏན་འབེབ་བྱས་ཀྱང་། སྔོན་འགྲོའི་ཆ་རྐྱེན་ནི་ཧོང་ཀོང་ལ་རང་སྐྱོང་གཙང་མ་ཞིག་ཡོད་དགོས་པ་དེ་རེད། ཡིན་ན་ཡང་སྟབས་མ་བདེ་བ་ཞིག་ནི། ཉིན་ཤས་སྔོན་དུ་སྲིད་འཛིན་ཨོ་བྷ་མས་ཨ་རིས་ཧོང་ཀོང་གི་ངོ་རྒོལ་ལས་འགུལ་ལ་ཐེ་གཏོགས་མི་བྱེད་ཅེས་ཨ་རི་དང་རྒྱ་ནག་གི་ཟུང་འབྲེལ་གསར་འགོད་གསལ་བསྒྲགས་སྐབས་པེ་ཅིང་དུ་བརྗོད་ཡོད་པ་རེད། ངེད་དྲ་ཚིགས།...
དེ་ལས་མང་པ།
དབྱིན་བསྒྱུར། བསྒྱུར་རྩོམ། རྩོམ་ཡིག སྒྲུང་རྩོམ། -0 Minutes

བདག་ཉིད་ཆེན་མོ་ཐེ་ཀོར་གྱི་སྒྲུང་ཐུང་གཅིག

རྩོམ་པ་པོ་མཚམས་སྦྱོར་མདོར་བསྡུས།      ར་བྷན་དྷ་ར་ན་ཐཱ་ཐེ་ཀོར་ནི་ (Rabindranath Tagore 1861-1941) རྒྱ་གར་ཉེ་རབས་ཀྱི་སྙན་ངག་པ་དང་སྒྲུང་རྩོམ་མཁན་རླབས་ཆེན་ཞིག་ཡིན། ཁོང་དུས་རབས་བཅུ་དགུ་བའི་བྷན་གྷལ་ (Bengal) གྱི་གྲུབ་མཐའ་གསར་བ་བྷ་ར་ཧ་མོ་ས་མ་ཇེ་ (Brahmo Samaj) ཞེས་པའི་ཆོས་ལུགས་དབུ་ཁྲིད་ཅིག་གི་ཁྱིམ་དུ་འཁྲུངས། སྐུ་ན་ཕྲ་དུས་རང་ཁྱིམ་དུ་སློབ་གཉེར་གནང་ཞིང་དགུང་ལོ་བརྒྱད་ཀྱི་སྟེང་ནས་བཟུང་སྙན་ངག་འབྲི་འགོ་བརྩམས་པ་དང་དགོང་ལོ་བཅུ་བདུན་སྟེང་དབྱིན་ཡུལ་དུ་ཕེབས་ནས་ཕྱི་སྐད་ལ་སྦྱོང་བ་མཛད། ཁོང་གི་ཆེས་ཕུལ་དུ་བྱུང་བའི་ལྗགས་རྩོམ་གཙོ་བོ་ <<གླུའི་མཆོད་པ་ >><<Song Offerings>> དང་། སྒྲུང་རྩོམ་ལ་ <<གྷོ་ར་ >> <<Gora>><<འཛམ་གླིང་དང་ཕ་ཡུལ་ >> <<The Home and The World>> སོགས་ཡོད་ལ། སྐྱེས་ཆེན་འདི་ཉིད་སྙན་ངག་མཁན་དང་སྒྲུང་རྩོམ་མཁན་པོ་ཞིག་ཡིན་པར་མ་ཟད། ད་དུང་ཟློས་གར་འཁྲབ་གཞུང་དང་། མཚན་ཉིད་རིག་པ། ཆབ་སྲིད་གསུང་རྩོམ།...
དེ་ལས་མང་པ།
བྱིས་པའི་ཤེས་བྱ། -0 Minutes

སྒྲུང་བཤད་པ་ནི་བྱིས་པ་སྐྱོང་ཐབས་ལེགས་ཤོས་ཡིན།

    པིང་ཤིན་གྱིས།   བྱིས་པ་དག་གིས་ཆེས་ཉན་པར་སྤྲོ་ཞིང་དང་དུ་ལེན་སླ་བའི་སློབ་གསོ་གཏོང་ཐབས་རིགས་ཤིག་ནི་སྒྲུང་བཤད་པ་ཡིན་ཞེས་དང་།   ཨེན་སི་ཐན་གྱིས།   བྱིས་པ་རིག་ཡག་ཅིག་ཏུ་འགྱུར་བ་ལ་སྒྲུང་བཤད་དགོས་པ་དང་བྱིས་པ་ཤེས་རབ་དང་ལྡན་པ་ཞིག་ཏུ་འགྱུར་བ་ལ་དེ་བས་ཀྱང་སྒྲུང་མང་དུ་བཤད་དགོས་ཞེས་གསུངས་ཡོད་པ་ཇི་བཞིན།   དེ་ནི་བྱིས་པ་དག་གིས་འཛམ་གླིང་ལྟ་བའི་སྒེའུ་ཁུང་དང་ཤེས་རབ་ཀྱི་ནོར་བུ་ལེན་པའི་གྲུ་གཟིངས་སུ་ངེས་པས་དེང་གི་བྱིས་པ་སྐྱོང་ཐབས་ཀྱི་ཁྲོད་དུ་གདན་གྲལ་གལ་ཆེ་ཤོས་དེ་ཟིན་ཡོད་པ་རེད། ཉེ་ཆར་ལོ་ངོ་ཉི་ཤུ་ལྷག་གི་རིང་དུ་བྱིས་པ་དག་ལ་སྒྲུང་བཤད་པའི་ཉམས་མྱོང་ཅན་གཅེན་མོ་ཞོ་ཡེ་ལགས་ཐེན་ཤོན་དྲ་བ་ལ་ཕེབས་ནས་སྒྲུང་བཤད་མཁན་ཡག་པོ་ཞིག་ཏུ་འགྱུར་ཐབས་སྐོར་གསུངས་ཡོད་པ་རེད། སྒྲུང་གིས་བྱིས་པ་དག་གི་ལུས་ཀྱི་ཞན་ཆ་གསབ་ཐུབ། སྒྲུང་བཤད་པའི་རྣམ་པ་བརྒྱུད་ནས་བྱིས་པ་དག་གིས་མི་གཞན་དང་ཁ་བརྡ་བྱེད་པ་དང་རང་ལུས་ཀྱི་ཞན་ཆ་ཇེ་ལེགས་སུ་བསྒྱུར་ཐུབ་ཀྱི་ཡོད་པས་དེ་ལ་དོན་སྙིང་ཆེན་པོ་ཡོད་པ་ཡིན།   དཔེར་ན་ལོ་བཞི་ལྔ་ལ་སླེབས་པའི་བྱིས་པ་དག་གིས་རྫུན་སྨྲ་མགོ་རྩོམ་པ་ཡིན་ཏེ་བྱིས་པ་ལ་ལས་ཁྱིམ་གྱི་དངུལ་དང་ལ་ལས་ཨ་མའི་དངུལ་ཁུག་ནང་གི་དངུལ་བརྐུས་ཏེ་དངོས་པོ་དེ་རང་དགར་ཁྱེར་ཉན་མི་ཉན་ཧ་ལམ་མི་ཤེས་པ་དང་།   བྱིས་པ་ལ་ལས་ཚོང་རྭ་ཆེན་མོ་དག་ཏུ་རང་དགར་དངོས་པོ་ཞིག་བླངས་ནས་ཁྱེར་ཏེ་དངོས་པོ་དེ་གཞན་གྱི་ཡིན་པའི་ཚུལ་ལ་འདང་མི་རྒྱག་པས།   སྐབས་འདིར་ཁྱིམ་བདག་ཚོས་བྱིས་པ་དག་ལ་ཁྱེད་ཀྱིས་གཞན་གྱི་དངོས་པོ་བརྐུས་པའི་རྒྱུ་མཚན་ཅི་ཡིན་སོགས་ཁ་རི་ཁ་ཐུག་གིས་དྲག་པོ་བྱས་ན་བྱིས་པའི་སེམས་ལ་གནོད་ནས་རང་ལ་ཡིད་ཆེས་མེད་པ་སོགས་ཕན་པ་མེད་པའི་འབྲས་བུ་འབྱུང་བའི་ཕྱིར།    སྣང་ཚུལ་འདི་འདྲ་མ་བྱུང་བའི་སྔོན་ལ་ཁྱིམ་བདག་ཚོས་བྱིས་པ་རྣམས་ལ་འདི་དང་འབྲེལ་བ་ཡོད་པའི་གཏམ་རྒྱུད།   དཔེར་ན་བྱིས་པའི་གནད་དོན་དེ་དོམ་ཆུང་ལ་སོགས་པའི་སྟེང་དུ་སྦྱར་ནས་སྨྲས་ན་བྱིས་པ་དག་གིས་ཀྱང་དོན་གོ་སླ་བའི་སྟེང་ནར་སོན་པའི་དུས་ཀྱི་ལུས་ཀྱི་ཞན་ཆ་དང་བྱ་སྤྱོད་སོགས་ཀྱི་ཆ་ལ་ལེགས་ལམ་དུ་འགྲོ་བའི་དགེ་མཚན་ཆེན་པོ་ཡོད་པ་ཡིན། སྒྲུང་གིས་བྱིས་པ་དག་གི་དྲན་པ་ཇེ་གསལ་དུ་གཏོང་ཐུབ་པ་དཔེར་ན་བྱིས་པ་ལ་ལས་ཁྱིམ་བདག་ལ་ཡང་ནས་ཡང་དུ་གཏམ་རྒྱུད་གཅིག་ཁོ་ན་ཤོད་དུ་འཇུག་ལ་དེ་ནི་ཁོའི་སེམས་ཀྱི་དགོས་པ་ཡིན་པ་རེད།   བྱིས་པ་དེ་དག་གིས་གཏམ་རྒྱུད་ཀྱི་མཇུག་ཇི་ལྟ་བུ་ཞིག་ཡིན་པ་ཤེས་པས་གལ་སྲིད་ཁྱིམ་བདག་གིས་གཏམ་རྒྱུད་ཤོད་སྐབས་བྱུང་རིམ་ཞིག་དང་ཚིག་གང་རུང་ཞིག་བཤད་ནོར་བྱུང་བ་ཡིན་ན།   བྱིས་པ་དག་གིས་ལམ་སེང་ནོར་བ་དེ་དག་ཡོ་བསྲང་བྱས་འགྲོ་བས།   ཁྱིམ་བདག་དག་གིས་སྒྲུང་གཅིག་ཡང་ནས་ཡང་དུ་བཤད་པ་དེས་ཁོ་ཚོའི་དྲན་པ་སྔར་བས་ཇེ་གསལ་དུ་གཏོང་ཐུབ་པ་དང་།   ཁྱད་པར་དུ་བུ་མོ་ཆུང་ཆུང་ཚོས་སྒྲུང་གང་རུང་ཞིག་སེམས་ལ་དྲོད་ཁོལ་སྩོལ་བའི་བསྟི་གནས་ཤིག་ཏུ་ངོས་བཟུང་ནས་ཁྱིམ་བདག་དག་ལ་སྒྲུང་ཞིག་ཡང་ནས་ཡང་དུ་ཤོད་དུ་འཇུག་པ་ཡིན། སྒྲུང་ཡག་པོ་བཤད་བདེ་ལ་བརྗེད་དཀའ་བ་ཡིན། སྒྲུང་ལ་ཁྱད་ཆོས་ཤིན་ཏུ་མང་ནའང་སྒྲུང་ཡག་པོ་ཞིག་ཡིན་ན་ངེས་པར་དུ་བཤད་བདེ་ལ་བརྗེད་དཀའ་བ་ཞིག་ཡིན་ན་འོས་པ་ལས།    དེང་སང་གི་གཏམ་རྒྱུད་དེབ་ཏུ་བསྐྲུན་འདུག་པ་མང་པོ་ཡི་གེ་ལམ་ནས་བྲིས་པ་ཡིན་པས་བྱིས་པ་ཆུང་ཆུང་དག་ལ་ཡིག་ངོས་ཇི་ལྟ་བ་བཞིན་བཀླགས་པའི་ཚེ་ན།    ཡིག་སྐད་ཀྱི་ཆ་ཤིན་ཏུ་ཆེ་དྲགས་ནས་བྱིས་པ་དག་གིས་གོ་མི་བདེ་བ་དང་ད་དུང་རྒྱས་མེད་པའི་ཀླད་པ་ལ་རྙོག་དྲ་བཟོ་སྲིད་པ་རེད།   དཔེར་ན་ཡིག་སྐད་ཀྱི་ལམ་ནས་དཔེ་ཆ་ཀློག་དུས་བྱིས་པ་དག་གིས་ཡིག་སྐད་ཀྱི་ཚིག་འབྲུ་དེ་དག་གི་སྟེང་ལ་བློ་འཁོར་ཏེ་སྒྲུང་རང་ལ་བློ་སེམས་རྩེ་གཅིག་གིས་ཉན་ཐུབ་ཀྱི་མེད་པ་རེད། དེ་ཡང་དཔེ་ཞིག་བཞག་ན་རྒྱ་ཡིག་ཏུ་བསྒྱུར་པའི <<འབར་ཞུན་འཚོང་བའི་བུ་མོ་ཆུང་ཆུང>> ཞེས་པའི་དེབ་ཀྱི་ཚན་པ་ཞིག་ཏུ“འདི་ནི་ལོ་འདིའི་མཚན་མོ་རྗེས་མ་དེ་ཡིན་ཞིང་།  ནམ་ཟླ་ཤིན་ཏུ་འཁྱག་ལ།     ས་སྲོད་དུ་ད་དུང་ཁ་བའི་འདབ་མ་ལྷབ་ལྷུབ་འཐོར་སོང”ཞེས་བསྒྱུར་པ་ལ་མཚོན་ན།   དེབ་ཏུ “ས་སྲོད” ཅེས་བསྒྱུར་ཡོད་པ་དེ་ལ་བྱིས་པ་ཆུང་ཆུང་དག་གིས་གོ་བ་ལེན་དཀའ་བས་ཁྱིམ་བདག་གིས་བྱིས་པ་དག་ལ་དེབ་འདི་ཀློག་དུས་ཚིག་དེ “ས་རུབ་ཁ” ལྟ་བུ་ཁ་སྐད་ཀྱི་ཉམས་ཐོན་པ་གོ་བདེ་བ་རུ་བསྒྱུར་ན་ལེགས་པོ་ཡོད་པ་རེད།    བྱིས་པ་ཚོའི་འདང་རྒྱག་ཕྱོགས་དར་མ་དག་དང་མི་འདྲ་བར་ཁོ་ཚོས་སྒྲུང་ཞིག་ལ་ཉན་ནས་མཚམས་ཤིག་གོ་བ་ལེན་མི་ཐུབ་པ་ཞིག་ལ་འཕྲད་ཚེ་རིག་པའང་དེ་གར་ལུས་ནས་མུ་མཐུད་དུ་ཉན་ཐབས་མེད་པས་ན།    དེ་ལྟར་སྒྲུང་བཤད་པ་དེས་བྱིས་པ་དག་ལ་ཕན་ཐོགས་ཀྱང་ཡོང་གི་མ་རེད།    དེས་ན་སྒྲུང་ཞིག་ཡིན་ན་བཤད་བདེ་ལ་བྱིས་པ་དག་གིས་བརྗེད་དཀའ་བ་ཞིག་ཡིན་ན་རབ་ཡིན་པ་རེད།...
དེ་ལས་མང་པ།