November ༢༢, ༢༠༡༤

གསར་འགྱུར། -0 Minutes

ཡིག་ཆ་མེད་མཁན་ཚོར་མི་སེར་ཐོབ་ཐང་སྤྲོད་རྒྱུ།

ཁ་སང་ཨ་རིའི་སྲིད་འཛིན་ཨོ་བྷ་མས་འཛིན་སྐྱོང་དབང་ཚད་བེད་སྤྱོད་བཏང་སྟེ་ཨ་རིའི་ནང་ཁྲིམས་མཐུན་ཡིག་ཆ་མེད་པའི་གནས་སྤོ་བ་ས་ཡ་ ༡༡ ཙམ་ཡོད་པར་མི་སེར་ཐོབ་ཐང་སྤྲོད་རྒྱུ་ཡིན་ཚུལ་བསྒྲགས་འདུག ཁ་སང་ཕྱི་ཚེས་ ༢༠ ཉིན་གྱི་དགོང་མོའི་ཆུ་ཚོད་༨།༠༠ སྟེང་། ཨ་རིའི་ཕོ་བྲང་དཀར་པོའི་ཤར་ཕྱོགས་ཚོམས་ཁང་དུ། སྲིད་འཛིན་ཨོ་བྷ་མས་ཐད་གཏོང་བརྙན་འཕྲིན་བརྒྱུད་ཨ་རིའི་རྒྱལ་ཡོངས་མི་མང་ལ་གཏམ་བཤད་ཅིག་གནང་སྟེ།ཁོས་སྲིད་འཛིན་གྱི་འཛིན་སྐྱོང་དབང་ཆ་བེད་སྤྱོད་བཏང་བའི་འོག ཨ་རིའི་ནང་མི་སེར་གནས་སྤོར་གྱི་རྩ་ཁྲིམས་ལ་བཅོས་བསྒྱུར་བཏང་སྟེ། ཨ་རིའི་ནང་གཏན་སྡོད་ཀྱི་ཁྲིམས་མཐུན་ཡིག་ཆ་མེད་པའི་གནས་སྤོར་བའི་མི་གྲངས་ས་ཡ་ ༡༡ ཙམ་ཡོད་པ་དག་ལ་མི་སེར་ཐོབ་ཐང་སྤྲོད་རྒྱུ་ཡིན་ཚུལ་བསྒྲགས་ཡོད་འདུག ཨོ་བྷ་མའི་གཏམ་བཤད་སྤེལ་དོན། ལོ་ངོ་ཉིས་བརྒྱ་ལྷག་རིང་འཛམ་གླིང་རྒྱལ་ཁབ་ཁག་ནས་མི་མང་པོ་ཨ་རིར་གནས་སྤོར་བྱེད་པར་ཨ་རིས་དགའ་བསུ་བྱེད་པའི་ལུགས་སྲོལ་ཞིག་ཡོད་པ་དེས། རྒྱལ་ཁབ་གཞན་དང་བསྡུར་ན་ཨ་རིར་ཁེ་ཕན་ཆེན་པོ་ཞིག་ཐོབ་ཀྱིན་ཡོད་ཀྱང་། བར་ལམ་ཞིག་ནས་ཨ་རིར་མི་སེར་གནས་སྤོར་རྩ་ཁྲིམས་ལ་ཆག་གྲུམ་ཤོར་ཡོད་སྟབས། ངས་ཨ་རིའི་སྲིད་འཛིན་ལས་འཁུར་ཞུས་པ་ནས་བཟུང་ཆག་གྲུམ་ཤོར་བའི་གནས་ཚུལ་དེ་བསྐྱར་བཅོས་བྱ་རྒྱུ་ཁས་ལེན་བྱས་པ་ལྟར། དེ་རིང་ཨ་རིའི་སྲིད་འཛིན་གྱི་འཛིན་སྐྱོང་དབང་ཚད་བེད་སྤྱད་དེ་ཁས་ལེན་དམ་བཅའ་དེ་ལག་བསྟར་བྱ་རྒྱུ་ཡིན། ཞེས་བརྗོད་ཡོད་འདུག ཨོ་བྷ་མས་སྤྱི་མཐུན་ཚོགས་པའི་གྲོས་ཚོགས་འཐུས་མི་ཚོས་བྱེད་སྟངས་འདིར་སྐྱོན་བརྗོད་བྱ་སྲིད་པའི་ལན་དུ། ཁོང་གིས།འཛིན་སྐྱོང་དབང་ཚད་ལག་བསྟར་བྱེད་མཁན་ང་རང་གཅིག་པུ་མིན་པར་དེ་སྔོན་སྤྱི་མཐུན་ཚོགས་པ་དང་དམངས་གཙོ་ཚོགས་པའི་སྲིད་འཛིན་རིམ་བྱོན་ཚོས་གཅིག་མཚུངས་ལྟར། སྲིད་འཛིན་གྱི་དམིགས་བསལ་དབང་ཚད་བེད་སྤྱོད་བཏང་སྟེ་གལ་ཆེའི་གནད་དོན་མང་པོ་ཞིག་ལག་བསྟར་བྱས་ཡོད་ཅིང་། ཨ་རིའི་སྲིད་འཛིན་གོང་མ་བྷུ་ཤི་མཆོག་གིས་ཀྱང་ཨ་རིའི་ནང་ཁྲིམས་མཐུན་ཡིག་ཆ་མེད་པའི་གནས་སྤོར་བ་ཚོ་ནི་ཨ་རིའི་མི་མང་གི་འཚོ་བའི་ཆ་ཤས་ཤིག་ཡིན་པ་བརྗོད་ཡོད་ཅེས་སོགས་བརྗོད་འདུག ཐེངས་འདིའི་ཨ་རིའི་མི་སེར་གནས་སྤོར་གྱི་རྩ་ཁྲིམས་བསྐྱར་བཅོས་ཀྱི་ཐག་གཅོད་ཐོག་ཁོང་གིས་འབྱུང་འགྱུར་ཨ་རིའི་ནང་ཁྲིམས་འགལ་ཐོག་གནས་སྤོར་མཁན་ཚོའི་ཐོག་དོན་ཚན་གསུམ་བསྒྲགས་ཡོད་པ་ནི། དང་པོ། ཨ་རིའི་ལྷོ་ཁུལ་གྱི་རྒྱལ་མཚམས་ཁག་ཏུ་མཐའ་སྲུང་དམག་མི་ཁ་སྣོན་བྱས་ཏེ་ཨ་རིའི་ནང་ཁྲིམས་འགལ་ཐོག་ཡོང་རྒྱུར་བཀག་སྡོམ་ཆེ་རུ་གཏོང་རྒྱུ་དང་། གཉིས་པ། ཨ་རིའི་ནང་ཚད་མཐོའི་ཆེད་ལས་མི་སྣ་ཡོང་རྒྱུར་སྟབས་བདེ་གང་ལེགས་བཟོས་ཏེ། ཁོ་ཚོས་ཨ་རིའི་རྒྱལ་ཁབ་ཀྱི་དཔལ་འབྱོར་འཕེལ་རྒྱས་ལ་ནུས་ཤུགས་འདོན་འཇུག་རྒྱུ། གསུམ་པ། ཨ་རིའི་ནང་ཁྲིམས་མཐུན་ཡིག་ཆ་མེད་པའི་གནས་སྤོར་བ་ས་ཡ་མང་པོར་ཁྲིམས་མཐུན་ཡིག་ཆ་བཟོ་བར་འགན་ལེན་ལག་བསྟར་བྱ་རྒྱུ་བཅས་ཡིན་འདུག ཨ་རིའི་གྲོས་ཚོགས་ཀྱི་ཚོགས་གཙོ་སྤྱི་མཐུན་ཚོགས་པའི་འཐུས་མི་ཇོན་བྷོ་ནེར་ (John...
དེ་ལས་མང་པ།
གསར་འགྱུར། -0 Minutes

བོད་ཀྱི་ཕྲུ་གུ་ལོང་བའི་སློབ་གྲྭ

ལྷ་ས་གྲོང་ཁྱེར་ཅང་སུའུ་ལམ་དུ་ཡོད་པའི་སྒོ་ར་ཆུང་ཆུང་ཞིག་གི་ནང་ཕྱི་རྒྱལ་བུ་མོ་ཞིག་ཐོག་ཁ་ནས་མར་བབ་སྟེ་ཁང་པ་ཚང་མར་སྐོར་ཞིབ་ཅིག་བྱས་རྗེས་ཕྲུ་གུ་རྣམས་ཀྱི་དཔེ་དེབ་ཀློག་པའི་སྐད་སྒྲ་ཐོས་པ་དང་ཁོ་མོའི་གདོང་ལ་འཛུམ་མདངས་རྒྱས་བཞིན་འདུག ཁོ་མོ་ནི་བོད་ཀྱི་ལོང་བའི་སློབ་གྲྭ་ཐོག་མར་འཛུགས་མཁན་དང་བོད་ཡིག་ལོང་ཡིག་ཐོག་མར་གསར་གཏོད་བྱེད་མཁན་འཇར་མན་བུ་མོ་སཱ་པུ་རུས་ཡ་རེད། ཁོ་མོ་ལོ ༡༢ ལ་སླེབས་སྐབས་མིག་གཉིས་མཐོང་རྒྱུ་མེད་པའི་ལོང་བ་ཞིག་ཏུ་གྱུར། འོན་ཀྱང་ཁོ་མོ་འཚོ་བར་ཡིད་ཐང་མ་ཆད་པར་མུ་མཐུད་བློ་སྟོབས་ཆེན་པོས་འབད་བརྩོན་བྱས་ཏེ་པོ་ཨན་སློབ་ཆེན་ལ་རྒྱུགས་འཕྲོད་པ་དང་སློབ་གྲྭར་སྡོད་རིང་མང་ཆེ་བ་བོད་ཡིག་དང་སོག་ཡིག་ལ་ཞིབ་འཇུག་བྱས་པ་དང་ཁོ་མོས་ད་དུང་ཆེད་མངགས་བོད་ཡིག་སློབ་སྦྱོང་བྱས། ཐོག་མར་གློག་ཀླད་སྒྲ་ཉན་དབྱེ་ཞིབ་འཕྲུལ་འཁོར་ལ་བརྟེན་ནས་བོད་ཡིག་སློབ་སྦྱོང་བྱས། སཱ་པུ་རུས་ཡ་ཡིས་བོད་ཡིག་དེ་འཛམ་གླིང་ཡོངས་ལས་ལོང་ཡིག་མེད་པའི་ཡིག་རིགས་ཤིག་ཡིན་པ་ཤེས་སྐབས། ཁོ་མོའི་སེམས་ནང་བོད་ཀྱི་བྱིས་པ་ལོང་བ་རྣམས་ལྟ་ཀློག་མེད་པའི་འཚོ་ཞིག་སྐྱེལ་དགོས་དུས་དངོས་གནས་སྐྱོ་པོ་ཡིན་པའི་ཚོར་བ་བྱུང་། དེར་བརྟེན་ཁོ་མོས་པུ་ལའེ་ཡེ་ལོང་ཡིག་ལ་གཞིར་བཟུང་ནས་བོད་ཡིག་ལོང་ཡིག་བྱ་རིམ་ཆ་ཚང་ཞིག་རྩོམ་སྒྲིག་བྱས་པ་རེད།  ༡༩༩༧ ལོར་སློབ་ཆེན་མཐར་ཕྱིན་གྲབས་ཡོད་པའི་སཱ་པུ་རུས་ཡ་ལྷ་སར་ཡུལ་སྐོར་ལ་ཕྱིན་པ་དང་། ཡུལ་སྐོར་བྱེད་པའི་བརྒྱུད་རིམ་ནང་ཁོ་མོས་བོད་ཀྱི་བྱིས་པ་ལོང་བའི་འཚོ་བའི་གནས་བབ་ལ་དོ་སྣང་ཆེན་པོ་བྱས་རྗེས་ཤེས་རྟོགས་བྱུང་བར། བོད་དུ་ཡང་རང་ཉིད་ཆུང་དུས་དང་འདྲ་བར་བྱིས་པ་ལོང་བ་སློབ་གྲྭ་འགྲོ་བའི་གོ་སྐབས་ཉུང་ཉུང་ཡིན་པ་རེད། སཱ་པུ་རུས་ཡས་བཤད་པར།  ཁོ་མོ་དང་ཐོག་དེར་སླེབས་སྐབས་མི་མང་པོས་ལོང་བར་མཐོང་ཆུང་བྱེད་པ་མ་ཟད་ཁ་ནས”ཞར་ཁོག”ཞེས་དམའ་འབེབས་བྱེད་པ་དང་ཁོ་ཚོ་ལོང་བར་འགྱུར་པ་དེ་ཚེ་སྔོན་བསོད་ནམས་མ་བསགས་པའི་དབང་གིས་ལས་རྒྱུ་འབྲས་འཁོར་བར་ངོས་འཛིན་བྱེད་ཀྱི་འདུག འོན་ཀྱང་རིག་གནས་མེད་པ་དང་འཚོ་གནས་བྱེད་པའི་ལག་རྩལ་མེད་པ། དེ་བཞིན་མི་གཞན་གྱི་བརྩི་བཀུར་མི་ཐོབ་པ་བཅས་ཀྱི་ས་ཆ་དེའི་ལོང་བ་རྣམས་ལ་རྒྱུན་ལྡན་གྱི་འཇིག་རྟེན་ཞིག་མཐོང་མི་ཐུབ་ལ་སེམས་ནང་གི་འོད་སྣང་ནི་དེ་བས་ཀྱང་མྱོང་མི་ཐུབ་ཅེས་བཤད། དེ་ནས་བོད་དུ་བསྡད་ནས་མཐོ་སྒང་གི་བྱིས་པ་ལོང་བ་རྣམས་ལ་སློབ་གསོ་མྱོང་བའི་གོ་སྐབས་ཞིག་གཏོད་དགོས་སྙམ་པའི་བསམ་ཚུལ་ཞིག་སཱ་པུ་རུས་ཡ་ཡི་སེམས་ནང་འཆར། ཁོ་མོས་བསམ་ཚུལ་དེ་བོད་ནས་ངོ་ཤེས་པའི་ཕྱི་རྒྱལ་གྱི་གྲོགས་པོ་དེ་དག་ལ་བཤད་སྐབས་ཚང་མས་དེ་ནི་འགྲུབ་ཐབས་མེད་པའི་བསམ་ཚུལ་ཞིག་ཡིན་ཞིང་ཁོ་མོ་ལོང་བ་ཡིན་པས་རང་ཉིད་ཡང་ལྟ་རྟོག་ཐུབ་མི་སྲིད་པའི་ངོས་འཛིན་བྱེད་ཀྱི་ཡོད། ཁོ་མོར་རྒྱབ་སྐྱོར་བྱེད་མཁན་གཅིག་པུ་དེ་ནི་ལྷ་ས་ནས་ཐུག་པའི་ཧོ་ལན་གྱི་ཡུལ་སྐོར་པ་པའོ་ལོ་རེད། ༡༩༩༨ ལོར་སཱ་པུ་རུས་ཡ་ཡིས་བོད་ཀྱི་ལོང་བའི་རོགས་སྐྱོར་རྣམས་གྲངས་བཙུགས་ཤིང་འཇར་མན་སྲིད་གཞུང་ལ་རེ་ཞུ་ཕུལ་བར་འཇར་མན་སྲིད་གཞུང་གིས་རོགས་སྐྱོར་བྱས་པ་རེད། སཱ་པུ་རུས་ཡ་ཡི་ཁ་པར་བརྒྱབ་ནས་རང་ཉིད་གཅིག་པུ་བོད་ལ་འགྲོ་རྒྱུའི་བསམ་ཚུལ་དེ་པའོ་ལོ་ལ་བཤད་སྐབས་བསམ་ཡུལ་ལས་འདས་པར་པའོ་ལོ་ཡི་ལས་ཀ་ནས་ཐོན་ཏེ་ཁོ་མོ་དང་མཉམ་དུ་འགྲོ་རྒྱུ་བྱས། དེས་ཁོ་མོར་སེམས་འགུལ་ཐེབས་ཤིང་ཐུན་མོང་གི་ཕུགས་བསམ་དང་དད་སེམས་ནི་ཁོ་གཉིས་མི་ཚེ་གཅིག་མཉམ་དུ་འགྲོ་བའི་རྒྱུ་རྐྱེན་གཙོ་བོར་གྱུར། འདས་པའི་ལོ་བདུན་ནང་ཁོ་མོས་བོད་ཀྱི་ས་ཆ་ཁག་ནས་བྱིས་པ་ལོང་བ་འཚོལ་བ་དང་དུས་མཚུངས་ལོང་ཡིག་དགེ་རྒན་སྦྱོང་བརྡར་བྱེད་པ་སོགས་བྱས། ༢༠༠༠ ལོའི་ཟླ་བ ༡༡ པར་སཱ་པུ་རུས་ཡ་དང་བོད་ལྗོངས་དབང་པོ་སྐྱོན་ཅན་ལྷན་ཚོགས་མཉམ་འབྲེལ་བྱས་ནས་བཙུགས་པའི་ལོང་བའི་ལུས་གསོ་དང་ལས་རིགས་སྦྱོང་བརྡར་ལྟེ་གནས་དངོས་སུ་གཉེར་བ་དང་། ད་བར་བྱིས་པ་ལོང་བ ༩༦ ཡི་སྦྱོང་བརྡར་ལྟེ་གནས་དེ་ནས་རྒྱུན་གཏན་འཚོ་བའི་ལག་རྩལ་སྦྱོང་བརྡར་དང་བོད་རྒྱ་དབྱིན་གསུམ་གྱི་ལོང་ཡིག  དེ་བཞིན་འཕུར་མཉེད་དང་།...
དེ་ལས་མང་པ།