འོད་དཀར་དྲ་ཚིགས།

གཙུག་གཡུ།

སྨུག་པ་དཀྲིས་ཤིང་སྨུག་པའི་གསེབ་ཏུ་འཇབ།།

ལོ་འདི་ས་སྟོང་ཞིག་གི་ཡི་གེར་གྱུར།།

ལྗོན་པའི་རྩེ་རུ་ལན་ཞིག་སྣང་བ་གཡེང་།།

བདག་གི་རྨི་ལམ་རས་ཀྱིས་བཏུམ་སྟེ་རྨིས།།

བྱེའུ་གློ་བུར་འཕུར་བའི་ས་སྲོད་ཅིག།

དོན་དུ་མ་འོངས་ཟེར་བའི་ནམ་མཁར་ཅེར།།

ངག་གི་གཙང་བོ་འཕྱོ་ཞིང་བྱང་དུ་བབས།།

མཚོ་མཐའི་རླབས་ངོགས་མི་སེམས་བློང་བློང་འགྱུར།།

མེ་ཏོག་མཛེས་པ་སུ་ཡིས་མ་མཐོང་སྔོན།།

མིག་མདའ་རྣོ་བའི་སྡེ་ལ་ཨ་མཚར་སྐྱེ།།

ཡི་གེ་དག་ཀྱང་མུན་པ་འཇུས་ཐེངས་རེར།།

ཁ་བརྡ་སྐབས་རེ་ཆད་པའི་སེམས་འདི་བསད།།

ཁྱེད་ཀྱི་རྣ་བ་གཏམ་གྱི་ཕྱི་ལ་ཤུད།།

ཕན་ཚུན་ངོ་ཡང་གཤིས་ཀས་རྒྱང་ལ་དེད།།

ང་ཡི་མིད་པ་ད་ནི་འགག་ཚོད་མེད།།

སྐེ་ལ་སྲུང་མདུད་འདོགས་པར་མ་སྤྲོ་ཐལ།།

ཡིད་ཀྱི་གཏིང་རིམ་ཉུལ་བའི་ལས་འཕྲོ་ཡིས།།

གནའ་བོའི་ཞགས་པ་ཡ་ཡོའི་ཨ་ལོང་བྲེགས།།

ས་ཡི་རལ་བ་ཡར་ལ་འཕྱར་ཚུལ་ལོ།།

2014 11 30 ཉིན།

ངེད་དྲ་ཚིགས།