December ༣, ༢༠༡༤

ནང་ཆོས། -0 Minutes

ལེགས་པར་བཤད་པ་ཆུའི་བསྟན་བཅོས།

༄༅། །མཁྱེན་པའི་གཏིང་མཐའ་མི་མངོན་ཞིང༌། ཐུགས་རྗེའི་ཡིད་བཞིན་ནོར་གྱིས་གཏམས། ། མཛད་པའི་རླབས་ཕྲེང་གཡོ་བ་ཅན། །ཐུབ་དབང་ཆོས་ཀྱི་རྒྱ་མཚོ་རྒྱལ། ། རྙོག་བྲལ་དྭངས་བའི་ཆུ་རྒྱུན་གྱིས། །ལུས་ཅན་གདུང་བ་ཞི་བྱེད་ལྟར། ། ལེགས་བཤད་གསར་པའི་བདུད་རྩི་ཡིས། །བློ་ལྡན་སྐྱེ་བོ་དབུགས་དབྱུང་བྱ། ། དྲི་བཟང་བསྒོས་པའི་ཆུ་གཙང་དེ། །མཆོད་ཡོན་ཞབས་བསིལ་བསང་གཏོར་སོགས། ། གང་དུ་བྱས་ཀྱང་ལེགས་པ་ལྟར། ལེགས་བཤད་གཏམ་ནི་ཀུན་ལ་མཛེས། ལུགས་གཉིས་བླང་དོར་ཤེས་པ་ཡིས། །གནས་སྐབས་མཐར་ཐུག་དོན་འགྲུབ་སྟེ། ། བརྟག་པ་ཀུན་ལ་མཁས་པ་ཡི། །དེད་དཔོན་རྒྱ་མཚོར་ཞུཌ་པ་བཞིན། ། ཆུ་ཕྲན་བརྒལ་བར་མི་ནུས་དེས། །རྒྱ་མཚོ་རྐྱལ་གྱིས་ག་ལ་ཆོད། ། ཡ་རབས་ལུགས་ཀྱང་མི་ཤེས་ན། །ཆོས་ཀྱི་དེ་ཉིད་ཇི་ལྟར་རྟོགས། ། གཟུར་གནས་རིག་པ་ལྡན་པ་དེས། །གཞན་གྱི་ཡོན་ཏན་ལེན་པར་བྱེད། ། སྤང་ལྗོངས་གཙང་མའི་དལ་འགྲོ་མ།...
དེ་ལས་མང་པ།
རྒྱུན་ཤེས། རྩོམ་ཡིག -0 Minutes

རཱ་མ་ཎའི་རྟོགས་བརྗོད་བོད་ཡུལ་དུ་དར་ཚུལ།

ཆབ་འགག་རྟ་མགྲིན།      《རཱ་མ་ཎའི་རྟོགས་བརྗོད》འདི་ཐུབ་པའི་སྐྱེས་རབས་དང་བཀའ་བསྟན་ཁྲོད་ཀྱི་རྟོགས་བརྗོད་ལྟར་ནང་བསྟན་རིག་པའི་གཞུང་ལུགས་དང་འགྲེལ་བ་ཆེར་མེད་པ་དང་། གཞུང་ཚད་ཅུང་རིང་བ། བཙན་པོའི་དུས་སུ་བོད་ལ་པར་སྐྲུན་འགྲེམ་སྤེལ་གྱི་སྲོལ་དར་མེད་པ། དམངས་ཁྲོད་དུ་ཡི་གེ་ཤེས་མཁན་ཡང་ཧ་ཅང་ཉུང་བ་ལ་སོགས་པའི་རྐྱེན་གྱིས། རྟོགས་བརྗོད་འདི་བོད་བཙན་པོའི་དུས་སྨད་ཙམ་དུ་བོད་ལ་འགྱུར་ཡང་དེ་དགོན་སྡེ་དང་ཁྱད་པར་དུ་དམངས་ཁྲོད་དུ་ཁྱབ་སྟེ་ཀུན་གྱིས་ཉམས་སུ་མྱོང་བའི་གནས་སུ་འགྱུར་མ་ཐུབ་པ་འདྲ། བོད་སིལ་བུའི་དུས་སུ་ཞུ་ཆེན་གྱི་ལོ་ཙཱ་བ་དགེ་སློང་རིན་ཆེན་བཟང་པོས《ལྷ་ལས་ཕུལ་དུ་བྱུང་བའི་བསྟོད་པའི་འགྲེལ་བ》དང་། 《ཁྱད་པར་འཕགས་བསྟོད་ཀྱི་འགྲེལ་བ》བསྒྱུར་པ་དང་། ས་སྐྱ་པའི་དུས་སུ《སྙན་ངག་མེ་ལོང》དང《མངོན་བརྗོད་འཆི་མེད་མཛོད》སོགས་བོད་དུ་འགྱུར་ནས་འཆད་ཉན་སྤེལ་བ་དང་བསྟུན་ནས། བོད་མཁས་རྣམས་རྒྱལ་པོ་རཱ་མ་ཎའི་རྟོགས་བརྗོད་སོགས་རིག་བྱེད་ཀྱི་གཏམ་རྒྱུད་ལ་རྒྱུས་མངའ་ཆེ་ཞིང་དེ་ལ་དོ་སྣང་མཛད་པ་མ་ཟད། དེའི་དོན་གྱི་བྱུང་རིམ་ཁ་ཤས་སམ་མི་སྣ་ཁག་ཅིག་གི་མཛད་སྤྱོད་རིམ་བཞིན་བོད་མཁས་རྣམས་ཀྱི་སྙན་ངག་གི་བརྩམ་བྱའམ་བརྗོད་དོན་མཚོན་བྱེད་ཀྱི་དཔེ་སོགས་སུ་གྱུར་པ་དང་། ཁྱད་པར་དུ་དུས་རབས་བཅུ་གསུམ་པར་བོད་ཀྱི་སྙན་ངག་པ་ཤོང་སྟོན་རྡོ་རྗེ་རྒྱལ་མཚན་གྱིས་འགྱུར་ཡིག་ལ་གཞིགས་ནས་སྙན་ངག་གི་བསྟན་བཅོས་ཤིག་བརྩམས་པ་དང་། དུས་རབས་བཅོ་ལྔ་པར་ཞང་ཞུང་ཆོས་དབང་གྲགས་པས་ཆོས་ལུགས་གྲུབ་མཐའ་གཞན་གྱིས་དགེ་ལུགས་པར་སྙན་ངག་ལ་མཁས་པ་མེད་པར་སྙམ་པ་འགོག་ཆེད། 《རྒྱལ་པོ་རཱ་མ་ཎའི་གཏམ་གྱི་རྒྱུད་ལས་བརྩམས་པའི་སྙན་དངགས་ཀྱི་བསྟན་བཅོས་དྲི་ཟའི་བུ་མོའི་རྒྱུད་མངས་ཀྱི་སྒྲ་དབྱངས》ཞེས་པ་བརྩམས་པ་དང་། ཁྲོ་ཁོ་པ་ཞལ་ཤུལ་ངག་དབང་བསྟན་པའི་རྒྱ་མཚོ་ཉིད་ཀྱིས་བསྟན་བཅོས་དེའི་འགྲེལ་བ《དྲི་མེད་ཤེལ་གྱི་འབབ་སྟེགས》ཞེས་པ་བརྩམས་པ་དང་བསྟུན་ནས། “རྒྱ་གར་ན་སྙན་ངག་ལ་མཁས་པ་ཆོས་རྒྱལ་དགེ་བའི་དབང་བོ་ལས་ལྷག་པ་མེད། བོད་ཡུལ་ན་སྙན་ངག་ལ་མཁས་པ་ཆོས་དབང་གྲགས་པ་ལས་ལྷག་པ་མེད།”ཅེས་པའི་སྙན་པའི་གྲགས་པ་བོད་ཁམས་ཀུན་ལ་འབྲུག་ལྟར་ཁྱབ་པ་དང་། རཱ་མ་ཎའི་གཏམ་རྒྱུད་ལ་བོད་མཁས་སྔར་ལས་མང་པོ་ཞིག་སྤྲོ་བ་རྒྱས་ཤིང་དེ་ཉམས་སུ་མྱོང་བའི་གནས་སུ་གྱུར་རོ། ། རྩོམ་ཡིག་ཡོང་ཁུངས་མཚོ་སྔོན་པོའི་དྲ་བ།...
དེ་ལས་མང་པ།