December ༤, ༢༠༡༤

ནང་ཆོས། -0 Minutes

པུ་ཧྲང་རྒྱལ་པོ་ལྷ་བླ་མའི་ཞལ་གདམས།

པུ་ཧྲངས་ཀྱི་རྒྱལ་པོ་ལྷ་བླ་མའི་ཞལ་མངའ་(སྔ) ནས་། བོད་དབུས་ཀྱི་སྔགས་པ་རྣམས་ལ་བརྫངས་པ་གཉན་པོ་མཛད་ཅིང་ལྟ་བ་བསྲང་བར་ཞུའོ། ༼ གཅིག ༽ འོ་སྐོལ་མི་མཇེད་ལྷོ་ཡི་འཛམ་གླིང་འདིར།། སྟོན་པ་ཤཱཀྱ་ཐུབ་པ་སྐུ་བལྟམས་ཏེ།། བརྒྱད་ཁྲི་བཞི་སྟོང་ཉོན་མོངས་གཉེན་པོ་རུ།། སྡེ་སྣོད་གསུམ་དང་བརྒྱད་ཁྲི་བཞི་སྟོང་གསུང་(གསུངས)།། རྒྱུད་དང་གཉེན་པོ་དོན་དུ་གསུངས་པ་ནི།། མི་དགེ་བཅུ་དང་མཚམས་མེད་རྣམ་པ་ལྔ།། དེ་ལས་བཟློགས་པའི་ཆོས་ཀྱི་རྒྱུ་འབྲས་ནི།། བདེན་བཞིའི་སྒོར་ཞུགས་ཉིས་བརྒྱ་ལྔ་བཅུ་གསུང་(གསུངས)།། མཐོང་དང་གོམས་པས་ཉོན་མོངས་བརྒྱད་ཅུ་གཉིས།། ཉན་ཐོས་ཐེག་པ་ཉི་མའི་གཉེན་གྱིས་གསུང་(གསུངས)།། ཕྱི་ནང་ཆོས་རྣམས་རྟེན་འབྲེལ་བཅུ་གཉིས་སུ།། རྟོགས་ནས་རང་གི་བྱང་ཆུབ་རིམ་གྱི་(གྱིས)སྒྲུབ།། ཡ་མ་ཟུང་གི་རྫུ་འཕྲུལ་མཐུ་ལྡན་པ།། རང་རྒྱལ་ཐེག་པ་(ཡིག་འབྲུ་གཉིས་ཆད)མགོན་པོས་བཙན།། བདེན་པ་གཉིས་ཀྱིས་འགྲོ་བའི་དོན་མཛད་ཅིང་།། ཕྱི་ནང་ཆོས་རྣམས་སྟོང་པའི་ངོ་བོར་མཁྱེན།། ཕ་རོལ་ཕྱིན་རྣམས་རིམ་གྱིས་རྫོགས་མཛད་པ།། བླ་མ་མེད་པའི་ཐེག་པར་སྟོན་པས་གསུང་(གསུངས)།། ༼ གཉིས་པ། ༽ གྲོང་ན་གནས་པའི་མཁན་པོ་སྔགས་པ་རྣམས།། ཐེག་པ་དེ་གསུམ་གང་དང་འབྲེལ་མེད་པར།། ངེད་ཅག་ཐེག་ཆེན་ཡིན་ཞེས་ཟེར་བ་ནི་(དང་)།། ཐེག་པ་ཆེན་པོའི་ཚུལ་སྤྱོད་གཏན་མེད་པར།། ཐེག་པ་ཆེན་པོ་ཡིན་ཞེས་ཟེར་བ་ནི།། སྤྲང་པོ་(པོས)རྒྱལ་པོ་ཡིན་ཞེས་ཟེར་བ་འདྲ།། ཐེག་ཆེན་མིན་པ་ཐེག་ཆེན་མཁས་ཆེ་བ།།...
དེ་ལས་མང་པ།