December ༦, ༢༠༡༤

ཁྲག་གིས་བསུས་པའི་བོད་གསར་པ།

འོད་དཀར།           བོད་དགྱ་ཞི་མོལ་ཐེངས་དགུ་ལ་བྱུང་ཡོད་ཀྱང་ད་བར་ཏུ་གྲུབ་འབྲས་འདི་ཞེས་པ་ཞིག་སྟོན་དཀའ་བའི་དེ་རིང་།  འདས་ཟིན་པའི་མྱི་ལོ་སུམ་ཅུར་ཕྱིར་འདང་ཞིག་ཅིས་ཀྱང་རྒྱག་དགོས་བྱུང་།  ༸གོང་ས་སྐྱབས་མགོན་མཆོག་གི་བྱམས་སེམས་ཀྱིས་ཀུན་ནས་གཟིགས་པའི་ཞི་བདེའི་དབུ་མའི་ལམ་དེ་ཉིད་དགྱ་ནག་ལ་དགོས་པའི་ལམ་ཁ་ཞིག་ཡིན་ནམ་ཞེས་པ་དང་།  ད་བར་ཏུ་དགྱ་དམར་གཞུང་གིས་ཁོང་གི་ལམ་ཁ་འདི་ལ་བརྩི་འཇོག་དང་ཡིད་ཆེས་ག་ཚོད་ཅིག་གནང་ཡོད་ཅེས་པའི་དྲི་བ་འདིར་དེང་གི་ཆར་ང་ཚོས་བསམ་བློ་གཏོང་དགོས་པ་གལ་ཆེན་དུ་མཐོང་། ༸གོང་ས་མཆོག་སྐྱབས་བཅོལ་ནས་སྐུ་ཚེ་རྫོགས་མིན་དེ་བོད་མི་རིགས་ཀྱི་ལག་དུ་ཡོད་པ་ལས་ཁོང་ཉིད་ཁོ་ནར་རག་ལས་མེད་པ་འུ་ཅག་གིས་ཤེས་དགོས་པ་གལ་ཆེན་རེད།  སེམས་པ་ཁོང་ལ་དུངས་པའི་རྒྱང་རིང་གི་འུ་ཅག་གི་སྤུན་ཟླ་རྣམས་ཀྱི་སྙིང་སྟོབས་ལ་མིག་ལྟ་དང་རེ་འདོད་སྐོང་བར་འབད་བརྩོན་ཅིས་ཀྱང་བྱེད་དགོས་པར་འདོད།   རྒྱལ་མཆོག་སྐུ་ཕྲེང་བཅུ་གསུམ་པ་ཆེན་པོ་མཆོག་སྐྱབས་བཅོལ་ལ་ཐེངས་གསུམ་ཕེབས་ནས་སྐབས་དེ་དུས་ཀྱི་གནས་ཚུལ་གང་མང་ཞིག་རྒྱུས་ལོན་དང་མཁྱེན་རྟོགས་བྱུང་སྟེ།  དགྱ་མི་རིགས་བོད་ས་ཡོངས་ནས་མཐར་བསྐྲད་བཏང་པ་མ་ཟད་བོད་འདི་ཉིད་རང་བཙན་གྱི་རྒྱལ་ཁབ་ཅིག་ཡིན་པའི་ཡོངས་ཁྱབ་བཀའ་སློབ་བསྩལ་གནང་ཡོད།  སྐབས་དེར་བོད་ལ་ཕྱི་གླིང་བའི་རྒྱབ་སྐྱོར་མེད་ཀྱང་ཁོང་གི་ཞུམ་མེད་སྙིང་སྟོབས་ཀྱི་གཟི་བྱིན་མ་ཉམས་པར་བོད་ཡོངས་ལ་སྟོབས་ཤུགས་དང་སྙིང་སྟོབས་བསྩལ་གནང་སྟེ།  བོད་མི་ཡོངས་ཀྱིས་རང་གི་རྒྱལ་ཁབ་རང་གིས་སྐྱོང་བར་ནུས་ཤུགས་ཕུལ་བ་སོགས་ནི་ང་ཚོས་ཕྱིར་ལྟོས་ཀྱིས་སེམས་ནས་ནམ་ཡང་བརྗེད་མི་ཉན་པའི་ལོ་རྒྱུས་ཀྱི་བསླབ་བྱ་གལ་ཆེན་དུ་མཐོང་།                  དེང་གི་ཆར་ཡང་ང་ཚོས་དགྱ་དམར་གཞུང་ལ་གུས་ཞབས་དང་ཡིད་ཆེས་ཀྱིས་ ༸གོང་ས་མཆོག་གིས་མྱི་ལོ་སུམ་ཅུ་ལྷག་ལ་དཀའ་ངལ་ཁྱད་གསོད་ཀྱིས་ལམ་དབུ་མ་ལས་རྒྱལ་ཁབ་གཉིས་ཀྱི་གནད་དོན་འདི་འཁོན་འཛིན་དང་དམར་གསོད་མེད་པར་ཞི་བདེ་ངང་སེལ་བར་འབད་བརྩོན་གནང་ཡང་དགྱ་དམར་གཞུང་དེ་ལས་ལྡོག་སྟེ་ ༸གོང་ས་མཆོག་གི་ལྷག་བསམ་དེ་དག་ལ་གུས་བརྩི་དང་བསམ་ཤེས་མེད་པར་ནམ་ཡང་ཁོང་ལ་དམའ་འབེབས་དང་མཚན་སྨད་གཏོང་བཞིན་པ་ནི་བོད་མིའི་སེམས་ཀྱི་རྨ་ཁར་འགྱུར་བཞིན་ཡོད།  དེའི་ཕྱིར་བོད་མི་ཚོ་མུ་མཐུད་ནས་བརྙས་བཅོས་དང་བཙན་གནོན་དེ་དག་ལས་རྒྱལ་བར་མི་འདོད་མཁན་སུ་ཞིག་ཡོད།  རྒྱུ་རྐྱེན་འདིའི་དབང་གིས་བོད་པ་ཚང་དོན་དངོས་ཀྱི་ལོ་རྒྱུས་ཡིག་ཚང་ལ་ཕྱི་བྱོལ་བྱེད་པ་ནི་འུ་ཐུག་ཐབས་ཟད་ཀྱིས་རང་གི་རྒྱལ་ཁབ་དང་། དཔྲལ་བའི་མིག་དང་ཁོག་པའི་སྙིང་ལྟ་བའི་༸གོང་ས་སྐྱབས་མགོན་ཆེན་པོར་གང་མགྱོགས་མཇལ་ཕྱིར་མི་རིགས་འདི་ཉིད་ཀྱིས་རང་གི་ཚེ་སྲོག་དཔང་དུ་བཞག་ནས་རང་བཙན་གྱིས་ལམ་ཁར་བསྐྱོད་དགོས་པ་དེ་ཡང་།   དགྱ་ནག་དམར་པོ་གཞུང་གིས་བསམ་བཞིན་དུ་འདམ་ཀ་མེད་པའི་ལམ་ཞིག་ལ་བཙན་གྱིས་དེད་པའི་དབང་གིས་རེད།  ང་ཚོ་༸གོང་ས་མཆོག་གིས་ནམ་ཡང་བསླུ་མི་སྲིད་ཀྱང་བྱམས་བརྩེ་དང་སྙིང་རྗེའི་བདག་ཉིད་དུ་གྱུར་པ་ཁོང་གིས་རང་ཉིད་ཀྱིས་རྫུན་གཏམ་མི་སྨྲ་བའི་ངང་ཚུལ་དེ་བཞིན་དགྱ་དམར་གཞུང་ལ་ཡིད་ཆེས་བྱས་ཀྱང་། ...
དེ་ལས་མང་པ།

འབྲོམ་སྟོན་པ་རྒྱལ་བོའི་འབྱུང་གནས།

      རབ་བྱུང་དང་པོའི་གོང་གི་ལོ་སྐོར་ཐ་མའི་ཤིང་འབྲུག་ལོ་སྟེ་ཕྱི་ལོ ༡༠༠༤ ལོ་ནས་རབ་བྱུང་དང་པོའི་ཤིང་འབྲུག་ལོ་སྟེ་ཕྱི་ལོ ༡༠༦༤ ལོའི་བར། བྱང་གི་གཉེན་ཆེན་ཐང་ལྷའི་འོག་རྩ་སྒྱེ་མོ་སྟེ་འདམ་གཞུང་རྫོང་ཡངས་པ་ཅན་ཟམ་གསར་ཤང་གི་བྱེ་ལུང་གྲོང་དུ་ཡབ་རྟ་གསུམ་སྐུ་གཤེན་དང་ཡུམ་ཁུ་འོད་བཟའ་ལན་གཅིག་མ་གཉིས་ཀྱི་སྲས་སུ་སྐུ་འཁྲུངས་ཤིང་གདུང་རུས་ནི་ཡང་གཞེར་ཡིན། ཆུང་དུས་ཀྱི་མཚན་ལ་ཆོས་འཕེལ་ཟེར་བ་དང་། མཚན་གཞན་ལ་དགེ་བཤེས་སྟོན་པའང་ཟེར་ལ་བཀའ་གདམས་པའི་གྲུབ་མཐའི་ཤིང་རྟའི་སྲོལ་འབྱེད་མཁན་ཡིན། དགེ་བཤེས་གཡུང་ཆོས་མགོན་ལས་ལོ་བཞིར་ཡི་གེའི་འབྲི་ཀློག་དང་། པནྟི་ཏ་སྨྲི་ཏི་ལས་སྒྲ་རིག་པ་དང་སཾ་སྐྲྀ་ཏའི་སྐད་བསླབས། རྒྱལ་གྱི་ཞང་སྣ་ནམ་རྡོ་རྗེ་དབང་ཕྱུག་ལས་དགེ་བསྙེན་གྱི་སྡོམ་པ་བླངས་ཏེ་མཚན་ལ་རྒྱལ་བའི་འབྱུང་གནས་ཞེས་གསོལ།    ཕྱི་ལོ ༡༠༤༢ལོར་ཁམས་ནས་མངའ་རིས་སུ་ཇོ་བོ་རྗེ་ཨ་ཏི་ཤར་མཇལ་དུ་ཕེབས། སྤུ་རངས་སུ་ཇོ་བོ་ཆེན་པོ་དང་མཇལ་ཏེ་ལོ་ངོ་བཅུ་གཅིག་གི་རིང་བསམ་སྦྱོང་གཉིས་ཀྱིས་ཚུལ་བཞིན་དུ་བསྟེན། ཇོ་བོས་ཡོན་ཏན་ཐམས་ཅད་བུམ་པ་གང་བྱོའི་ཚུལ་དུ་འབྲོམ་ལ་གནང་ཞིང་ཁྱད་པར་སྐྱེས་བུ་གསུམ་གྱི་ལམ་གྱི་རིམ་པ་ལ་རྩལ་ཐོན། ཇོ་བོ་རྗེ་སྐུ་མྱ་ངན་ལས་འདས་རྗེས་འབྲོམ་སྟོན་པ་རྒྱལ་བོའི་འབྱུང་གནས་ཀྱིས་རབ་བྱུང་དང་པོའི་མེ་བྱ་སྟེ་ཕྱི་ལོ ༡༠༥༧ ལོར་རྭ་སྒྲེང་དགོན་པ་ཕྱག་བཏབ་སྟེ་ཚོགས་བཞིན་སྐྱངས་པ་དང་། ཇོ་བོའི་སྐུ་གདུང་དངུལ་གྱི་མཆོང་རྟེན་དུ་བཞེངས། དེ་ནས་ཇོ་བོའི་སློབ་མ་རྣམས་ཆོས་དང་འཚོ་བ་གཉིས་ཀའི་སྒོ་ནས་བསྐྱངས་ཏེ་བཀའ་གདམས་བསྟན་པའི་བདག་པོར་གྱུར། ཕྱི་ལོ ༡༠༦༤ ལོར་རྭ་སྒྲེང་དུ་སྐུ་གཤེགས།   ཁོང་གི་སློབ་དཔོན་ཆེན་མོ་ལྔ་ནི་ཀློག་གི་སློབ་དཔོན་གཡུང་ཆོས་མགོན་དང་། ཞང་སྣ་ནམ་རྡོ་རྗེ་དབང་ཕྱུག ལེ་བཙུན་བྱང་ཆུབ་གཞོན་ནུ། དྲན་པ་ཡེ་ཤེས། ཇོ་བོ་རྗེ་དཔལ་ལྡན་ཨ་ཏི་ཤ་བཅས་ཡིན་པ་དང་། སློབ་མ་གྲགས་ཆེ་བ་ནི་པོ་ཏོ་བ་རིན་ཆེན་གསལ་དང༌། སྤྱན་སྔ་བ་ཚུལ་ཁྲིམས་འབར། ཕུ་ཆུང་བ་གཞོན་ནུ་རྒྱལ་མཚན་གཙོས་མཁས་ཤིང་གྲུབ་པའི་བུ་སློབ་མང་དུ་སྤེལ།   ཁོང་གིས་གསུང་རྩོམ་ལ ༼མི་ཆོས་གནད་ཀྱི་ཕྲེང་བ༽ ལྟ་བུ་བསླབ་བྱའི་སྐོར་དང་། ༼ཇོ་བོ་རྗེའི་བསྟོད་པ་སུམ་ཅུ་བ༽ ལྟ་བུ་བསྟོད་ཚོགས་ཀྱི་སྐོར། དེ་མིན་ས་དཔྱད་དང་། ལོ་རྒྱུས། རྣམ་ཐར། བཅའ་ཡིག འཕྲིན་ཡིག་བཅས་བསྟན་བཅོས་མང་པོ་བཞུགས་པ་མ་ཟད། མདོ་སྔགས་ཀྱི་ཕྱོགས་ལའང་འགྱུར་བཅོས་དང་ཞུས་དག་མང་དུ་མཛད་པ་སོགས་བོད་ཀྱི་ཆོས་དང་རིག་གཞུང་གི་ཐད་ལ་བཀའ་དྲིན་ཤིན་ཏུ་ཆེའོ།། རྣམ་ཐར་ལོ་རྒྱུས་རྒྱས་པ་ལས་ཆེན་ཀུན་དགའ་རྒྱལ་མཚན་གྱིས་མཛད་པའི ༼བཀའ་གདམས་ཆོས་བྱུང་མཁས་པའི་ཡིད་འཕྲོག༽དང་། རི་བོ་ཆེ་དཔོན་ཚང་ཚེ་དབང་རྒྱལ་གྱིས་བརྩམས་པའི༼ལྷོ་རོང་ཆོས་འབྱུང་ཐུབ་བསྟན་གསལ་བྱེད༽། དཔའ་བོ་གཙུག་ལག་ཕྲེང་བས་མཛད་པའི༼ཆོས་འབྱུང་མཁས་པའི་དགའ་སྟོན༽སོགས་སུ་གསལ། ཡོང་ཁུངས་བོད་ནང་གི་དྲ་བ།...
དེ་ལས་མང་པ།