ཡོང་ཁུངས་ཨ་རིའི་རླུང་འཕྲིན་ཁང་།...

༄༅། །སུམ་ཅུ་པའི་སྙིང་པོ་ལེགས་བཤད་ལྗོན་པའི་དབང་པོ་ཞེས་བྱ་བ་བཞུགས་སོ། ། དབྱངས་ཅན་གྲུབ་པའི་རྡོ་རྗེས་མཛད།               ༄༅། །ན་མོ་གུ་རུ་མཉྫུ་གྷོ་ཥཱ་ཡ། །བླ་མ་མཆོག་དང་དབྱེར་མེད་པའི། །འཇམ་པའི་དབྱངས་ལ་གུས་བཏུད་ནས། །ཐོན་མིའི་ལེགས་བཤད་སུམ་ཅུ་པའི། །སྙིང་པོ་མདོར་བསྡུས་བཤད་པར་བྱ། །དབྱངས་ཀྱི་བྱ་བ་གསལ་པོ་རུ། །བྱེད་པ་ཨི་ཨུ་ཨེ་ཨོ་བཞི། །གསལ་བྱེད་ཀ་སོགས་སུམ་ཅུ་ཡིན། །ག་ང་ད་ན་བ་མ་འ། །ར་ལ་ས་རྣམས་རྗེས་འཇུག་བཅུ། །ད་དང་ས་གཉིས་ཡང་འཇུག་སྟེ། །ད་ནི་ན་ར་ལ་གསུམ་དང་། །ས་ནི་ག་ང་བ་མར་འཐོབ། །ག་ད་བ་མ་འ་སྔོན་འཇུག །གོ་ངོ་དོ་ནོ་བོ་མོ་འོ། །རོ་ལོ་སོ་ཏོ་སླར་བསྡུ་སྟེ། །རྫོགས་ཚིག་ཟླ་སྡུད་ཅེས་ཀྱང་བྱ། །དྲག་ཡོད་ཏོ་དང་མཐའ་མེད་འོ། །གཞན་རྣམས་མིང་མཐའི་རྗེས་མཐུན་སྦྱར། །སུ་ར་རུ་དུ་ན་ལ་ཏུ། །ལ་དོན་རྣམ་པ་བདུན་ཡིན་ཏེ། །རྣམ་དབྱེ་གཉིས་བཞི་བདུན་པ་དང་།...

འཇུ་སྐལ་བཟང་། ཁོ་ཚོས་ཡིག་ནོར་བྲིས་བཞག ཡིག་ནོར་འདི་ཚོ ང་ཚོའི་མུན་པ་རེད འུག་པ་རེད ཁྭ་ཏ་བཞིན་ཨག་སྐད་འཛེར་འཛེར་འབྱིན་གྱིན་འདུག སྡིག་སྲིན་བཞིན་ཡན་ལག་ཤིགས་ཤིགས་འགུལ་གྱིན་འདུག གོས་སྲུབས་སུ་འཚང་བའི་སོ་མ་བཞིན་བསལ་དུ་མེད་པར་འདུག དེ་ཚོས་ང་ཚོར་སྐྱི་གཡའ་རུ་འཇུག་བཞིན ཞེ་མེར་དུ་འཇུག་བཞིན ཟུག་རྔུ་བསྐྱེད་བཞིན དངངས་སྐྲག་སློང་བཞིན་འདུག   ཡིག་ནོར་ཚོས་གཞུང་ལུགས་ན་གཡེང་རྐྱལ་བྱེད་ཀྱིན་འདུག བསླབ་བྱ་ན་གཡོ་སྟོན་བྱེད་བཞིན་འདུག རྩོམ་རིག་ན་བཅོས་འཛུམ་སྟོན་བཞིན་འདུག ལོ་རྒྱུས་ཀྱི་འགག་མདོ་ན་རྩོད་གཞི་སློང་གིན་འདུག་ཅིང མཚམས་ཁང་གི་སྒོ་དྲུང་ནས་ལོག་སྟོན་བྱེད་ཀྱིན་འདུག ཐ་ན་སྨན་རྐྱལ་དུ་འཛུལ་ནས ཤི་གསོན་གྱི་གྱེས་སོ་ན་བརྡ་ལོག་རྒྱག་གིན་འདུག མདོར་ན་ཡིག་ནོར་དེ་ཚོས་ཆོས་ལོག་འཆད་ཀྱིན་འདུག སྲིད་ནོར་དུའང་འཁྲིད་ཀྱིན་ འདུག་སྟེ་ཁོ་ཚོས་ག་སར་ཡིག་ནོར་བྲིས་བཞག གཞུང་ཡིག་ན་ཡིག་ནོར་བྲིས་བཞག   ཐམ་ག་ན་ཡིག་ནོར་བྲིས་བཞག སྒོ་བྱང་ན་ཡིག་ནོར་བྲིས་བཞག ཡིག་ནོར་གྱི་སྙན་ཞུ་ལ ཡིག་ནོར་གྱི་ཆོག་མཆན་འགོད་ཅིང་། ཡིག་ནོར་གྱིས་ལག་བསྟར་བྱེད་ཀྱིན་འདུག   ད་ལྟ་དེ་ཚོ་ཡམས་ནད་བཞིན་ག་སར་ཁྱབ་ཟིན ནམ་མཁའ་ནས་འབབ་ཀྱིན་འདུག གྲོང་མཐའ་ན་ཉུལ་གྱིན་འདུག...