༄༅། །ཕྱི་ལོ་ ༢༠༡༤ ཟླ་ ༡༢ ཚེས་ ༢༢ རེས་གཟའ་ཟླ་བའི་སྔ་དྲོ་ཆུ་ཚོད་ ༡༡ ཡོལ་ཙམ་ལ་༸གོང་ས་༸སྐྱབས་མགོན་ཆེན་པོ་མཆོག་མོན་གྷོ་འདོད་རྒུ་གླིང་དུ་༸ཞབས་སོར་བདེ་བར་འཁོད་ཡོད་པ་དང་། སྐབས་དེར་དགའ་ལྡན་ཁྲི་པ་མཆོག་གིས་དབུས་ཤར་བྱང་ཆོས་རྗེ་རྣམ་གཉིས་དང་། བྱང་ཆུབ་ལམ་རིམ་གསུང་ཆོས་གོ་སྒྲིག་གནང་མཁན་སྐྱབས་རྗེ་གླིང་མཆོག་སྤྲུལ་རིན་པོ། སེར་འབྲས་དགའ་གསུམ་གྱི་མཁན་བླ་སྤྲུལ་དང་གདན་ས་གསུམ་གྱི་དགེ་བཤེས་རྣམ་པ་དང་། བོད་མི་གཙོ་བོར་གྱུར་བའི་ཕྱི་རྒྱལ་ཡུལ་གྲུ་འདྲ་མིན་གྱི་དད་ལྡན་ཆོས་ཞུ་བ་རྣམས་ཀྱིས་ཕེབས་བསུའི་སྣེ་ལེན་གཟབ་རྒྱས་ཞུས་ཡོད་པ་རེད།      དེ་ཡང་ཐོག་མར་དགའ་ལྡན་བྱང་རྩེ་གྲྭ་ཚང་གི་འདུ་ཁང་ནང་ཆིབས་སྒྱུར་བསྐྱངས་ཏེ་དགའ་ལྡན་ཁྲི་རིན་པོ་ཆེ་མཆོག་གིས་མཎྜལ་རྟེན་གསུམ་འདེགས་འབུལ་ཞུས་རྗེས་༧གོང་ས་མཆོག་གིས་དེར་འདུས་ཀུན་ལ་འཚམས་འདྲི་དང་། ཉིན་ཤས་སྔོན་ཨི་ཊ་ལིའི་རྒྱལ་ས་རོམ་ནང་སྔ་དྲོ་ནས་ཕྱེད་ཡོལ་ཆུ་ཚོད་ ༦ ཙམ་བར་བགྲོ་གླེང་ལྷན་ཚོགས་གནང་པའི་སྐོར་དང་། ལྡི་ལིར་འབྱོར་མ་ཐག་རུ་སུའི་ནང་ཆོས་དོན་གཉེར་ཅན་ཚོར་སྤྱོད་འཇུག་ཆེན་མོའི་གསུང་ཆོས་སྩལ་སྐོར་བཀའ་གནང་རྗེས། ཐེངས་འདིའི་ཆོས་འབྲེལ་སྐབས་སེར་སྐྱ་མང་ཚོགས་ཁྱོན་མི་གྲངས་ག་ཚོད་འདུག ཅེས་བཀའ་རྩད་ཕེབས་སྐབས་ལམ་རིམ་གོ་སྒྲིག་ཚོགས་ཆུང་གི་ལས་རིམ་ལྟ་ཞིབ་པས་རྒྱལ་ཁབ་ ༣༠ ཙམ་ནས་སེར་སྐྱ་མང་ཚོགས་ཁྱོན་མི་གྲངས་ ༣༠༠༠༠ ཡས་མས་བཅར་ཡོད་པ་དང་གསུང་ཆོས་སྐད་ཡིག་མི་འདྲ་བ་ ༡༡ ནང་གསུང་བསྒྱུར་ཞུ་རྒྱུ་ཡིན་སྐོར་སྙན་སྒྲོན་ཞུས།       ཚེས་ ༢༣ ཉིན་སྔ་དྲོ་ཆུ་ཚོད་ ༨།༣༠...

ཇོ་རུ། མི་སེམས་ལ་གཤོག་པ་ཐོགས་པའི་མཚན་མོ་འདིར། ང་རང་སྲོང་བཙན་གྱི་མཆན་འོག་ནས་འགྲེང་སྟེ། མཆུ་སྒྲོས་དམར་པོའི་ཀོང་ཇོའི་འཛུམ་བག་ལ་མཆིལ་ཞགས་ཕངས། བཙན་པོའི་མི་རྒྱུད་དུ་རྒྱ་སོག་ཧོར་གསུམ་གྱི་ཐམ་གས་ལས་བཞེངས་པའི་ལྷ་སྲས་དག གཅུན་སྐྱག་གོས་ཆེན་གྱི་གཟན་ལ་འདོར་བཞིན་ཕྱོགས་སོར་བྱེར།   དོ་ནུབ།   གློག་གཞི་དམར་པོའི་པོ་ཏ་ལའི་སྦུག་ཁང་གི་ཆགས་སྲེད་ཁྲོད། སྐར་མ་ལྔའི་འོག་གི་མགྲོན་པོ་ཚོར་པཱ་སེ་བཙོང་བར་བྲེལ་བའི་ཇོ་བོ་ཡང་། ནང་མ་ལྟ་བུའི་མཆོད་ཁང་དེའི་ཆང་མ་རུ་འདར་སིག་སིག་གིས་བཞེངས་ཏེ། ནག་ཉེས་ཅི་ཞིག་གི་ལྗིད་ཁོག་མ་ཐེག་པར། གསེར་འོད་ལམ་ལམ་གྱི་རྫི་ཉམས་དོར་ནས་ས་རྡོ་རག་གསུམ་གྱི་རང་གཟུགས་རྗེན་པར་བསྟན།   མ་གཞི་ང་ཚོ་སྐྱེས་མ་ཐག་ཡོད་ཚད་བོར་ཟིན་མོད། ངས་རྡོ་རིང་ངོས་ཀྱི་ཁ་ཏན་དག་རྡུལ་མཚོན་དུ་སྒྲིག་སྟེ་ས་ཆེན་འདི་ཚལ་བ་དགུ་རུ་གཏོར་ནས། བཙན་པོའི་བླ་སྲོག་གི་དར་ཤིང་ས་སྒང་རིལ་མོ་འདིའི་སྤྱི་གཙུག་ཏུ་ང་རྒྱལ་གྱིས་བསྒྲེངས།   ཅི་ཡང་མེད་ལ། ཅི་ཡང་སྒོམ་ཆོག་པའི་མཚན་མོ་འདིར། ང་དང་ཆང་ཕོར་གཉིས། རུ་བའི་མདའ་གཞི་ཡིན། བཙན་པོའི་བང་སོ་ཡིན། ༢༠༡༤ལོའི་ཕྱི་ཟླ་ ༡༢ ཚེས་ ༢༢ ཀྱི་མཚན་ལ། ངེད་དྲ་ཚིགས།...