རྐུན་མ་མགོ་བསྐོར་གཏོང་རྩིས།

རྐུན་མ་མགོ་བསྐོར་གཏོང་རྩིས།

     མི་ཞིག་སྔ་དྲོ་རྟག་པར་ཆུ་མིག་ནས་ཆུ་འཆུ་རུ་འགྲོ་སྐབས། ཆུ་མིག་ཡོད་ས་ནས་ཁོའི་ཆུ་ལེན་སའི་བུམ་པ་དེ་ཐེངས་གཉིས་ཙམ་བརླག་སྟོར་ཤོར་བ་རེད། ཁོ་ཁོང་ཁྲོ་ཟ་ཐག་ཆོད་དེ་སང་ཉིན་ཡིན་ན་ངས་བུམ་པ་འཁྱེར་མཁན་རྐུན་མ་དེ་ཟིན་ཐུབ་པ་མ་བྱས་ན་ང་ཨ་མའི་བུ་མིན་ཞེས་དམ་བཅའ་བཞག་ནས་ནམ་རྒྱུན་བཞིན་སྔ་དྲོ་ནམ་གསལ་ལ་མ་གསལ་ཞིག་ལ་ཆུ་མིག་ཡོད་ས་དེར་ཕྱིན་ཏེ། ནམ་རྒྱུན་བུམ་པ་བཞག་སའི་རྡོ་ཕ་བོང་དེའི་སྟེང་དུ་རང་ཉིད་བུམ་པའི་དབྱིབས་གཟུགས་བཟོས་ཏེ། ལག་པ་གཡོན་མ་སྐེར་གཟེར་བྱས་ཏེ་བུམ་པའི་ཡུ་བ་ཡིན་ཁུལ་བྱས་པ་དང་། ལག་གཡས་པ་ཀེར་ཙམ་བྱས་ཏེ་བུམ་པའི་མཆུ་ཏོ་ཡིན་ཁུལ་བྱས་ཏེ་རྐུན་མ་དེ་སྒུག་ནས་བསྡད་པ་རེད། གང་མཚམས་ཤིག་ནས་རྐུན་མ་དེ་བསླེབས་ཏེ་རྡོ་ཆུང་ཆུང་ཞིག་ཁོ་ཡོད་སར་འཕངས་པས། ཁོས་རང་ཉིད་བུམ་པ་ཡིན་ཁུལ་བྱས་ཏེ།རྡོང་། རྡོང་།ཞེས་སྐད་ཆུང་ཆུང་ཞིག་བརྒྱབ་པ་རེད། དེ་ནས་རྐུན་མ་དེས་རྡོ་ཆེ་ཙམ་ཞིག་འཁྱེར་ནས་བཞུས་པས་ཁོ་ན་ཐག་ཆོད་ནས་ཨ་ར་ར་ཞེས་སྐད་ཤོར་བས་རྐུན་མས་དེ་མི་ཡིན་པ་ཤེས་ནས་བྲོས་ཕྱིན་པས་ཁོས་ཟིན་མ་ཐུབ་པ་རེད། རྐུན་མ་དེ་ནང་ལ་བསླེབས་ནས་སོ་སོའི་སྐྱེ་དམན་ལ་བཤད་པས་གད་མོ་ཤོར་ཐག་ཆོད་པ་རེད།


ལྷག་བསམ་རྣམ་དག

      རེས་གཟའ་ཉི་མའི་ཉིན་མོ་མི་ཞིག་ལྷ་ཁང་དུ་ཕྱིན། ལྷ་ཁང་དེའི་གནས་འཛིན་གྱིས་དེར་ཡོད་མང་ཚོགས་རྣམས་ལ་གཞན་ལ་གནོད་པ་བྱེད་རྒྱུ་མེད་པ་དང་། ཕན་ཐོགས་གང་ཡོང་ཡོང་བྱེད་དགོས་ཞེས་བཤད་པར། མི་དེའི་བསམ་པར་ཕན་སེམས་བྱེད་དགོས་ཡོད་ས་རེད་སྙམ་པའི་བསམ་བློ་འཁོར་བ་རེད། དེ་ནས་དུས་ཚོད་སྐར་མ་ཁ་ཤས་ལས་མ་སོང་བའི་སྐབས་ཤིག་ལ་ཁོའི་མདུན་དུ་ཡོད་པའི་ཨ་མ་རྒྱགས་པ་ཞིག་ཡར་ལང་གི་ཡོད་པའི་སཱརི་(sari)ཁོང་མོའི་རྐུབ་ནང་ལ་འཚུད་ཡོད་པ་ཁོས་མཐོང་། ཁོས་སེམས་པ་བཟང་པོ་བྱེད་དགོས་བསམས་ནས་སཱ་རི་དེར་ལག་པ་འཆང་ནས་མར་བཏོན་པ་རེད། ཨ་མ་དེ་ཁོང་ཁྲོ་ཟ་ཐག་ཆོད་ནས་ཁོ་ལ་འགྲམ་ལྕག་ཅིག་བཞུས་པས་ཁོ་ཁོང་ཁྲོ་ཆེན་པོ་ལངས་ཏེ། ཁོ་རང་གི་གྲོགས་པོར།དེ་རིང་ངས་སེམས་བཟང་བྱས་ནས་དེ་ལྟར་བྱས་ཀྱང་ང་ཉེས་ཏག་བཟེད་དགོས་བྱུང་།ཞེས་བཤད་པར་གྲོགས་པོ་དེས།དེང་སང་སེམས་པ་བཟང་མདོག་བྱེད་རྒྱུ་ཡོད་མ་རེད།གནས་སྟངས་ག་རེ་ཡིན་ནའང་རང་འཇགས་བཞག་དགོས་རེད། ཅེས་བཤད་པར། ཁོས་བདེན་པར་བསམས་ནས་སང་ཉིན་ལྷ་ཁང་དུ་འགྲོ་སྐབས་མདུན་དུ་ཁ་སང་གི་ཨ་མ་རྒྱགས་པ་དེ་ཡོད་པས་ཁོས་ཁ་སང་སཱ་རི་རྐུབ་ནང་འཛུལ་འདུག་པ་དེ་རིང་ཁ་སང་ནང་བཞིན་རང་འཇགས་བཞག་ན་ཡག་ཤོས་རེད་བསམ་ནས་སཱ་རི་ཡི་ཟུར་ནས་འཇུས་ཏེ་ཨ་མ་རྒྱགས་པའི་རྐུབ་ནང་ཡར་བླུགས་པར་ཨ་མ་རྒྱགས་པ་སྐད་་ཤོར་བས་མི་ཚང་མས་ཁོ་ལ་བལྟས་པས་ཁོ་ཧ་ཅང་ངོ་ཚ་པོ་ཆགས་པ་རེད།

ཡོང་ཁུངས་གཞན།  ཡི་གེ་བ་གྲུ་ལྷོ་སྐལ་བཟང་ཕུན་ཚོགས།

1 Comment on རྐུན་མ་མགོ་བསྐོར་གཏོང་རྩིས།

  1. དངོས་གནས་མཚོར་བོ་བསྒྱུར་འདུག མིག་ཆུ་ལྷུང་རག་བར་དུ་བགད་ཡིན།

    Like

མཆན་ཞོག

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s