January ༢༡, ༢༠༡༥

བྱིས་པའི་ཤེས་བྱ། -0 Minutes

ཕག་ཤ་འཚོང་བ།

སྒྲུང་བཤད་མཁན་བསོད་ནམས་ལྷ་མོ།        ཉིན་ཞིག་ཉི་ཆོས་བཟང་པོས་སྣེ་གདོང་རྒྱལ་པོའི་ཕག་པ་ཆེན་པོ་ཞིག་ཡོད་པ་དེ་ལྐོག་ཏུ་བསད་རྗེས་རྒྱལ་པོའི་དྲུང་དུ་ཕྱིན་ནས་“ རྒྱལ་པོ་རིན་པོ་ཆེ། ང་རང་ཚོའི་ཕག་པ་ཆེན་པོ་དེར་ནད་ཕོག་སྟེ་ཤི་འདུག་པས་ཇི་ལྟར་བྱེད་དགོས་སམ་” ཞེས་དྲིས་པར།   རྒྱལ་པོས་ “སྤུ་ཤུད་གཙང་མ་ཞིག་བཏང་ནས་ཁྲོམ་ལ་འཚོང་བར་རྒྱུགས། རིན་པ་ཇི་བྱུང་རྩིས་ལེགས་པར་རྒྱགས་དགོས་” ཞེས་བཤད། དེས་ན་ཉི་ཆོས་བཟང་པོས་ཕག་ཤ་འཚོང་བར་སོང་། ཁྲོམ་གཞུང་དུ་འབྱོར་སྐབས་ཉི་ཆོས་བཟང་པོས་ “ཕག་ནད་ཐེབས་པའི་ཕག་ཤ་གཟིགས། ཕག་པ་ཤི་བའི་ཤ་གཟིགས། ཕག་ནད་ཅན་གྱི་ཕག་ཤ་གཟིགས་” ཞེས་སྐད་བརྒྱབ་པས་ཕག་ཤ་ཉོ་མཁན་རྩ་བ་ནས་མ་བྱུང་།    ཉི་ཆོས་བཟང་པོས་ཕག་ཤ་ཁྱེར་ནས་ཕྱིར་ལོག་ཡོང་། རྒྱལ་པོས་གནས་ཚུལ་དེ་མཐོང་རྗེས་ཁོ་ལ་ “ཕག་ཤ་དེ་མ་བྲིན་ན་བཙོས་ནས་ང་ཚོས་བཟས་ན་འགྲིག་” ཅེས་བཤད་པར། ཉི་ཆོས་བཟང་པོས་“ རྒྱལ་པོ་རིན་པོ་ཆེ།ཁྱེད་ཀྱིས་ཕག་ཤ་མཆོད་དམ་ཡང་ན་ཤ་ཁུ་མཆོད་” ཞེས་ཞུས་པར། རྒྱལ་པོས་“ ང་ནི་སྣེ་གདོང་རྒྱལ་པོ་ཡིན་པས་ཤ་ལོས་ཟ་དགོས་བྱུང་། ཁྱོད་ཚོ་ངའི་གཡོག་པོ་ཡིན་པས་ཤ་ཁུ་འཐུང་དགོས། དེ་སྐོར་སྐད་ཆ་འདྲི་དགོས་དོན་གང་ཡོད་” ཅེས་བཤད།     ཐེངས་དེར་ཉི་ཆོས་བཟང་པོས་ཕག་ཤ་ཚང་མ་ཞིབ་ཞིབ་གཏུབས་ཏེ་ཕག་ཀོ་དང་མཉམ་དུ་བཙོས། བཙོས་བཙོས་པའི་མཐར་ཤ་རྣམས་ལྡུར་ནས་ཤ་ཁུར་གྱུར་ཏེ་ཕག་ཀོ་ལས་ལྷག་མེད།    ཉི་ཆོས་བཟང་པོ་དང་གཡོག་པོ་ཚོས་དྲི་ཞིམ་འཐུལ་བའི་ཤ་ཁུ་དེ་རྣམས་བཏུངས་པ་དང་ཉི་ཆོས་བཟང་པོས་རྒྱལ་པོར་ཕག་ཀོ་བཙོས་མ་དེ་ཕུལ་ནས་“ རྒྱལ་པོ་རིན་པོ་ཆེ། ཤ་ཚང་མ་ཤ་ཁུའི་ནང་དུ་ལྡུར་ཚར་འདུག ཕག་ཀོ་བཙོས་མ་འདི་བཞེས་རོགས་གནང་”ཞེས་ཞུས་པར་རྒྱལ་པོ་ཅི་བྱ་གཏོལ་མེད་ངང་ཕག་ཀོ་བཙོས་མ་དེ་མ་བཟས་ཀ་མེད་གྱུར།     ཐེངས་རྗེས་མར་ཕག་ཤ་ཟ་སྐབས་རྒྱལ་པོས་ཐོག་མ་ནས་ཉི་ཆོས་བཟང་པོར་ “ད་རེས་ངས་ཤ་ཁུ་འཐུང་ཆོག ཁྱོད་ཚོ་ཤ་ཟོ་ཞིག་” ཅེས་བཤད། དེས་ན་ཉི་ཆོས་བཟང་པོས་ཤ་འཚོད་མ་ཐག་བཏོན་ནས་ཚང་མ་མཉམ་དུ་བགོས་ཏེ་བཟས་པ་དང་རྒྱལ་པོར་ཤའི་བྲོ་བ་ཙམ་ཡང་མེད་པའི་ཆུ་ལྟ་བུའི་ཤ་ཁུ་དེ་ཕུལ་བ་རེད། ངེད་དྲ་ཚིགས།...
དེ་ལས་མང་པ།
བསྒྱུར་རྩོམ། རྒྱ་བསྒྱུར། -0 Minutes

མགོ་གཡོག་མགོ་སྐོར།

 རྩོམ་པ་པོ།  ཧྲུའུ་ཕོ་ཕོ། ལོ་ཙཱ་བ།  ནགས་ཤོད་སད་མི།         དུས་ནམ་ཡིན་མ་ཤེས་མོད། ( བོད་རིགས་མི ) ཟེར་རྒྱུའི་མིང་བྱང་འདི་གློ་བུར་ངང་ཚོང་འགུག་བྱེད་ཀྱི་རྟགས་མ་ཞིག་ཏུ་གྱུར་ཡོད། དེས་ན་རྒྱ་མི་ལ་ལས་བོད་མིར་བརྫུས་ནས་མགོ་གཡོག་མགོ་སྐོར་གཏོང་བཞིན་ཡོད།   ལོ་མང་སྔོན་དུ། ངས་སི་ཁྲོན་རྒྱ་རིགས་སྣེ་ཤན་པ་ཞིག་ངོ་ཤེས་ཡོད། མོ་རང་ནི་ལྷ་སར་ཟླ་བ་མང་པོ་བསྡད་པ་རེད། ངས་མོ་རང་ལ་བོད་དུ་ག་འདྲ་འདུག་ཅེས་སྐད་ཆ་འདྲི་དུས།  མོས་ཚིག་ཐག་ཆོད་པོས་ལན་འདེབས་བྱས་དོན།  ( ང་བོད་ལ་གཏན་ནས་མི་དགའ ) ཟེར་ནས་བོད་དམའ་འབེབས་ཀྱི་སྐད་ཆ་ལུང་པ་གང་བཤད་བྱུང་།  ངའི་བསམ་པར།  ཁྱོད་བོད་ལ་མི་དགའ་བ་དང་།  གནས་འདིར་ཁྱོད་ཀྱི་ཕ་ཡུལ་ཡང་མིན་ན་ཅིའི་ཕྱིར་སྡུག་སྒོམ་བྱེད་ཀྱི་ཡོད་དམ་སྙམ།   བསམ་ཡུལ་ལས་འདས་པ་ཞིག་ལ།  ཉིན་ཞིག་བུད་མེད་དེ་བོད་ཆས་གྱོན་ནས་བསླེབས་བྱུང་།  ད་དུང་བཤད་དོན། ( ངསརྒྱ་ནང་གི་ཡུལ་སྐོར་ཚོགས་པ་ཞིག་སྣེ་ལེན་བྱས་པ་ཡིན།  ཁོང་ཚོས་བོད་རིགས་སྣེ་ཤན་བ་དགོས་ཟེར་བས་ངས་བོད་ཆས་གྱོན་ནས་ཁོང་ཚོ་མགོ་སྐོར་བཏང་ཡོད་ཟེར ) གལ་ཏེ་ཡུལ་སྐོར་བས་ངས་བོད་སྐད་ཤེས་ཀྱི་མེད་པ་ཧ་གོ་སོང་ན།  ང་ཡང་ཐབས་ཤེས་ཡོད...
དེ་ལས་མང་པ།
འཕྲོད་བསྟེན། -0 Minutes

ཐ་མག་གི་གནོད་འཚེ།

     འཛམ་གླིང་རྒྱལ་ཁབ་ཁག་གིས་ཚོད་རྩིས་བྱས་པ་ལྟར་ན། གལ་སྲིད་ད་ལྟའི་ཐ་མག་བཟོ་ལས་དང་། ཉོ་འཚོང་། འཛད་སྤྱོད་བཅས་འདི་མུས་སུ་སྡོད་པ་ཡིན་ན། ལོ་རེར་ཐ་མག་གིས་གསོད་པའི་མི་གྲངས་ད་ལྟའི་ས་ཡ་དྲུག་ནས་ས་ཡ་བརྒྱད་བར་འཕར་རྒྱུ་རེད་ཟེར། ཁོང་ཚོས་ད་དུང་དུས་རབས་ཉི་ཤུ་པའི་དུས་མཇུག་བར་དུ་ཐ་མག་གིས་འཛམ་གླིང་ཁྱོན་ནས་མི་གྲངས་1,000,000,000 ལྷག་གི་ཚེ་སྲོག་འཕྲོག་ཟིན་པ་ཚོད་རྩིས་བྱས་ཡོད།       ཐ་མག་གི་གནོད་འཚེ་ཐེབས་པའི་མི་རྣམས་ནི་རང་གིས་ཐ་མག་འཐེན་པ་ལ་བརྟེན་ནས་འཆི་ལམ་དུ་གྱུར་མཁན་ཚོ་གཅིག་བུ་མ་རེད། ཤུལ་ཏུ་ལྷག་པའི་ཁྱིམ་མི་ཚོ་བཟོད་དཀའ་བའི་འཆི་བྲལ་གྱི་སྡུག་བསྔལ་སེམས་ཀྱིས་མྱངས་དང་མྱོང་བཞིན་པ་མ་ཟད། ཁོང་ཚོར་དཔལ་འབྱོར་གྱི་གྱོང་གུད་ཀྱང་རྩིས་ཀྱིས་མི་ལོངས་པ་ཞིག་ཕོག་ཡོད། དེ་བས་ཀྱང་ཡིད་སྐྱོ་དགོས་པ་ཞིག་ནི་ཐ་མག་འཐེན་མཁན་ཚོས་སྐྱུགས་པའི་དུག་རླངས་དེས་ལོ་རེའི་ནང་ཐ་མག་མི་འཐེན་མཁན་གྱི་མི་གྲངས་600,000 རེ་ལྷན་དུ་གསོད་ཀྱིན་པ་དེ་རེད། རྒྱལ་ཁབ་ཅིག་གི་ངོས་ནས་བཤད་ན། ཐ་མག་གིས་བསྐྱེད་པའི་ནད་རིགས་དེ་དག་གསོ་བཅོས་བྱེད་པའི་ཆེད་དུ་སྒོར་མོ་ས་ཡ་མང་པོ་གཏོང་བཞིན་ཡོད་ལ། དངུལ་སྒོར་དེ་དག་ཐམས་ཅད་ཀྱང་རྒྱལ་ཁབ་སོ་སོའི་མི་མང་གི་ཁྲལ་བསྡུ་བའི་དངུལ་སྒོར་ཡིན། ཐ་མག་འཐེན་པ་ནི་སྒེར་དོན་ཙམ་གཏན་ནས་མིན་པ་མ་ཟད། དེ་ནི་རང་གཞན་གཉིས་ཕུང་གི་སྡིག་པའི་ལས་ཁོ་ནར་ཟད།     ནད་ཡམས་ཐུ་མོ་ཞིག་བྱུང་དུས་སྨན་པ་མང་པོ་དུས་ཐོག་གཅིག་ཏུ་ནད་རིགས་ལ་ཞིབ་འཇུག་དང་། བཅོས་ཐབས་འཚོལ་བ། སྨན་སྣ་སྡེབ་སྦྱོར་དང་། ས་གནས་སོ་སོར་སྐྱེལ་འདྲེན་བྱེད་པ་སོགས་ཕྱོགས་ཡོངས་ནས་དཀའ་ལས་དང་། འགྲོ་གྲོན་མང་པོ་ཞིག་གཏོང་དགོས། ཡིན་ན་ཡང་། ཐ་མག་གིས་མི་གསོད་པའི་གྲངས་འབོར་འདི་འདྲ་ཆེན་པོ་ཞིག་ནད་ཡམས་གང་གིས་ཀྱང་བསད་མེད། ནད་ཡམས་ཤིག་ལ་གདོང་ལེན་བྱེད་པའི་དཀའ་ཚེགས་དང་བསྡུར་ན་ཐ་མག་གིས་བསྐྲུན་པའི་གནོད་འཚེ་འདིར་གདོང་ལེན་བྱེད་རྒྱུ་ནི་ཆེས་ཧ་ཅང་ལས་སླ་བ་ཞིག་རེད།      ...
དེ་ལས་མང་པ།