འོད་དཀར་དྲ་ཚིགས།

༜ སྨྱུག་མདའ།

རི་ཆུ་ཁྲི་ཕྲག་གི་ཕ་རོལ་དང་ཚུར་རོལ

སྐད་ཆ་ཞིག་གིས་མདུད་སོང

བདག་གི་བྲང་ངོས་སུ མིག་ཆུ་ཞིག་གཉོམ

དུང་ངེར་དཔར་བྱུང

རི་བོ་མཐོ་བའི་རྒྱང་རིང་ཞིག་ནས

སྙན་ངག་གི་ཁུག་རྟ་དེ

དུས་ཚོད་དང་ཉི་འོད་བརྟོལ་ནས

བདག་གི་བྲང་གཞུང་དུ་དལ་གྱིས་འཁྱིལ་བྱུང

ཕ་ཡུལ་དྲན་པའི་ལོ་ངོ་འདི་དག

ཧ་ཅང་ཚ་གདུང་གིས་དུབ་པའི་ལོ་ངོ་འདི་དག

དབྱངས་ཅན་མའི་པི་རྩེར་འཐམས་ཏེ

ལྷིང་འཇགས་ཀྱི་ཟླ་འོད་འོག

རྨི་ལམ་ལ་བསྟིམས་འདོད་བྱུང

        ༢༠༡༥/༡/༢༡ མཚན་གུང་དུ།

ངེད་དྲ་ཚིགས།