January ༢༥, ༢༠༡༥

རྟོག་པའི་དྲན་ཤེས།

འོད་དཀར།  ཤར་གྱི་ནགས་ཀླུང་འཁྱིལ་བའི་སྐྱེད་ཚལ་ལ།། དམར་སེར་ཚོན་གྱིས་བྱུགས་འདྲའི་རང་བྱུང་ཁམས།། དྭངས་གཙང་ཆུ་བོ་མཛེས་པའི་ཉམས་འགྱུར་ལས།། སེམས་ཀྱི་ལྷ་ཡུལ་འདི་ལ་ཐེངས་གཅིག་རོལ།། མཐོང་ན་མིག་གི་དབང་པོར་འཁྲུལ་སྣང་སྟེར།། བསྐྱོད་ན་ལུས་ཀྱི་ཁམས་ལ་རླུང་བུ་རྒྱུ།། རང་བྱུང་ཁམས་ཀྱིས་བརླན་པའི་སྣང་བ་འདི།། ཚང་ཚིང་ནག་ཀླུང་འདི་ཡི་བཅུད་ན་འདུག། མ་བཅོས་རང་བྱུང་ཁམས་ཀྱི་མངོན་འགྱུར་འདིས།། སྣང་བ་འཁྲུལ་བའི་ངོས་ལ་ངལ་གསོ་སྦྱིན།། རྟོག་པའི་དྲན་ཤེས་རྟ་ལ་སྲབ་ཅིག་བསྐོན།། ཐ་སྙད་ཚད་གྲུབ་འཇོག་ལ་ཞེ་རེ་སྨོན།། ༢༠༡༤། ༡༠། ༢༧ ཉིན་བྲིས། ངེད་དྲ་ཚིགས།...
དེ་ལས་མང་པ།

ཚན་རིག་གིས་རྣམ་ཤེས་ཡོད་པར་བདེན་དཔང་།

ནག་ཀྱཱ་བ་ཤ་བོ་ཚེ་རིང་།        ང་ཚོའི་ནང་བསྟན་ཤེས་རིག་གི་གཞུང་ཤིང་རྣམས་སུ་དགེ་སྡིག་གི་ལས་ལ་བརྟེན་ནས་འགྲོ་བ་རིགས་དྲུག་གི་གནས་སུ་ཟམ་མི་ཆད་པར་སྐྱེས་པ་དང༌། ཚེ་སྲོག་གི་ལྟ་བའི་ཐད་ནས་ལུས་དང་རྣམ་ཤེས་སོ་སོར་འདོད་དེ། མི་དགེ་བའི་ལས་བྱེད་པ་ནི་རྣམ་ཤེས་ཀྱིས་རོ་སྟོད་ནས་ལུས་འདོར་བར་བྱེད་དེ། ཞེས་དང༌། དགེ་བ་བྱེད་པ་ནི་སྨད་ནས་འདོར་ཞིང་གྲང་བར་འགྱུར་ཏེ། གཉིས་ཀ་ཡང་སྙིང་ཁ་ནས་རྣམ་ཤེས་འཕོའོ།། ཞེས་པ་ལས་དགེ་སྡིག་ལ་བརྟེན་ནས་རྣམ་ཤེས་འཕོ་ཚུལ་བརྗོད་ཡོད་ལ། བར་དོ་འགྲུབ་ལུགས་ལའང༌། སྔར་བཤད་པ་ལྟར་རྣམ་ཤེས་གང་ནས་འཕོས་པའི་ཕྱོགས་དེ་ནས་བར་མ་ཆད་པར་སྲང་མདའི་མཐོ་དམན་བཞིན་དུ་ཤི་བ་དང་བར་དོ་འགྲུབ་སྟེ། ཞེས་ཁ་གསལ་དུ་གསུངས་ཡོད། འོན་ཀྱང་རྣམ་ཤེས་ཡོད་མེད་ཀྱི་ཐད་ནས་དངོས་གཙོ་དང་སེམས་གཙོ་དང་ཚན་རིག་དང་ནང་ཆོས་གཉིས་ཆར་ལྟ་ཚུལ་མི་མཐུན་པར་ད་ལྟའི་བར་ཤེས་རིག་གི་གཤིན་ས་འདི་ཀོ་ནས་བཞེད་པ་མང་བོ་ཞིག་བྱུང་དང་འབྱུང་བཞིན་མཆིས་ལ། མིའི་རིགས་ཀྱི་ཆོས་ལུགས་དང་མི་རིགས་འདྲ་མིན་གྱི་ཁྲོད་དུའང་རྣམ་ཤེས་ཡོད་པར་འདོད་མཁན་དང་མེད་པར་འདོད་མཁན་མང་བོ་ཞིག་ཡོད་པ་རེད། ཡིན་ན་ཡང་ཚན་རིག་དང་དངོས་ཡོད་ཀྱི་ལམ་ནས་རྣམ་ཤེས་ལ་ཞིབ་འཇུག་བྱ་བའི་ལས་རླབས་པོ་ཆེ་དེའི་མཚམས་ཡེ་ནས་བཞག་མ་མྱོང་ལ། ཚན་རིག་པ་དང་ཆོས་ལུགས་པ་རྣམས་ཀྱིས་རང་ས་ནས་རིག་སྟོབས་དང་གཞུང་ལུགས་ཀྱི་ལམ་ནས་ཞིབ་བསྡུར་དང་དཔྱད་ཞིབ་རབ་དང་རིམ་པ་མཛད་ཡོད། ཉེ་ཆར་འཛམ་གླིང་གི་རྒྱལ་ཁབ་ཁག་གི་ཚན་རིག་པ་རྣམས་ཀྱིས་ཞིབ་འཇུག་གི་འབྲས་བུ་མང་བོ་དཔང་དུ་བཙུགས་ནས་རྣམ་ཤེས་ཡོད་པར་བདེན་དཔང་སྙོམས་མེད་ཅིག་བྱས་ཡོད། དབྱིན་ཇིའི་ཚན་རིག་པ་ཧྲན་མུའུ་ཕ་ཨར་ཉི་ནི་འཛམ་གླིང་གི་རྣམ་ཤེས་ཡོད་པར་བདེན་དཔང་བྱེད་མཁན་གྱི་གསོ་རིག་མཁས་ཅན་ཞིག་ཡིན་ལ། ཁོས་རང་གི་ནད་པ༡༠༠ལྷག་ལ་ཞིབ་འཇུག་སྣ་ཚོགས་བྱས་ཏེ། རང་ཉིད་ཤི་རྗེས་སླར་གསོན་བྱེད་པའི་འདས་ལོག་མང་བོ་ཞིག་གི་ལུས་དང་བྲལ་རྗེས་ཀྱི་གནས་ཚུལ་དག་ཁ་གསལ་དུ་བརྗོད་དེ་རྣམ་ཤེས་ཡོད་པར་སྒྲུབ་ཚུགས་བྱས་ཡོད། དབྱིན་ཇིའི་ཚན་རིག་པ་རྣམས་ཀྱིས་ཀྱང་མི་འདས་རྗེས། རྣམ་ཤེས་ལུས་དང་ཁ་འབྲལ་བར་རྟོགས་ཡོད། ཁོ་རང་ཚོས་སྤེལ་བའི་ཚན་རིག་ཞིབ་འཇུག་ཁྲོད་ཀྱི་གསོ་རིག་དཔྱད་གཞི་ལྟར་ན། མི་འདས་རྗེས་སྙིང་གི་ལྡིང་མཚམས་བཞག་ན་ཡང༌། ཚེ་སྲོག་གཏན་ནས་མཚམས་འཇོག་བྱས་མེད་པ་རེད། རྣམ་ཤེས་ཀྱིས་ད་རུང་འགུལ་བསྐྱོད་བྱེད་བཞིན་ཡོད། ཁོ་རང་ཚོས་བཏོན་པའི་པར་རིས་ལ་བལྟས་ཚེ། དེ་ནི་རང་རེའི་ནང་བསྟན་གྱི་གཞུང་གཙོ་བོ་མཛོད་ལས། སྔོན་དུས་སྲིན་འབྱུང་ཤ་ཚུགས་ཅན། ། དེ་ནི་འཆི་བའི་སྔ་རོལ་ཏེ། །...
དེ་ལས་མང་པ།