འོད་དཀར།
ཤར་གྱི་ནགས་ཀླུང་འཁྱིལ་བའི་སྐྱེད་ཚལ་ལ།།
དམར་སེར་ཚོན་གྱིས་བྱུགས་འདྲའི་རང་བྱུང་ཁམས།།
དྭངས་གཙང་ཆུ་བོ་མཛེས་པའི་ཉམས་འགྱུར་ལས།།
སེམས་ཀྱི་ལྷ་ཡུལ་འདི་ལ་ཐེངས་གཅིག་རོལ།།
མཐོང་ན་མིག་གི་དབང་པོར་འཁྲུལ་སྣང་སྟེར།།
བསྐྱོད་ན་ལུས་ཀྱི་ཁམས་ལ་རླུང་བུ་རྒྱུ།།
རང་བྱུང་ཁམས་ཀྱིས་བརླན་པའི་སྣང་བ་འདི།།
ཚང་ཚིང་ནག་ཀླུང་འདི་ཡི་བཅུད་ན་འདུག།
མ་བཅོས་རང་བྱུང་ཁམས་ཀྱི་མངོན་འགྱུར་འདིས།།
སྣང་བ་འཁྲུལ་བའི་ངོས་ལ་ངལ་གསོ་སྦྱིན།།
རྟོག་པའི་དྲན་ཤེས་རྟ་ལ་སྲབ་ཅིག་བསྐོན།།
ཐ་སྙད་ཚད་གྲུབ་འཇོག་ལ་ཞེ་རེ་སྨོན།།
༢༠༡༤། ༡༠། ༢༧ ཉིན་བྲིས།
ངེད་དྲ་ཚིགས།
