རྡོ་རྗེ་རིན་ཆེན། (སྐྱ་རེངས) ཁ་བ། ཁ་བ་ལྷ་མོ། ཧི་མ་ལ་ཡའི་ཡང་རྩེ་ཡི་ཁ་བ། ཁྱོད་རང་ངའི་འཇིག་རྟེན་དུ་བབས་པ་ནས། ངའི་སེམས་ཀྱི་རྡུལ་ཚུབ་དྭངས། ལྷ་མོ། ཁ་བ་ལྷ་མོ། མི་ཡི་དྭངས་རྩེ་ཡི་ལྷ་མོ། ཁྱོད་རང་ངའི་རྨི་ལམ་དུ་ཡོང་བ་ནས། ངའི་ཡིད་ཀྱི་སྐྱོ་སྡུག་སངས། ཁ་བ་ལྷ་མོ། ཁྱོད་ནི་ཁ་བ་ཡིན་ལ་ལྷ་མོའང་ཡིན་པས། ང་ཁྱོད་ཀྱི་ལག་ཟུང་ལ་འཇུས་ཏེ། ཕ་ཡུལ་དུ་ཐེངས་གཅིག་ལོག་འདོད། ཁ་བ་ལྷ་མོ། ཁྱོད་ནི་ལྷ་མོ་ཡིན་ལ་ཁ་བའང་ཡིན་པས། ང་ཁ་བའི་འདབ་མ་རུ་སྤྲུལ་ཏེ། ཕ་ཡུལ་དུ་ལན་གཅིག་འབབ་འདོད། ངེད་དྲ་ཚིགས།...

ལྟག་ཨོ་རྒྱན་ཆོས་འཕེལ་གྱིས་བརྩམས།      གཟི་ནི་བོད་ཁ་བ་གངས་ཅན་པའི་ཡུལ་དུ་ཐོན་པའི་རིན་པོ་ཆེའི་རིགས་ཤིག་ཡིན། ཕལ་ཆེར་ལོ་ངོ་བཞི་སྟོང་གི་ལོ་རྒྱུས་ལྡན་ཡོད། ཆེས་ཐོག་མའི་གཟི་རིན་པོ་ཆེ་འདི་གངས་རིས་བསྐོར་བ་ཞང་ཞུང་གི་ཡུལ་དུ་དར་ནས་རིམ་པར་བོད་ཀྱི་ལྗོངས་ཡོངས་སུ་ཁྱབ། ལོ་ངོ་སྟོང་ཕྲག་གི་བརྒྱུད་རིམ་ནང་གཟི་རིན་པོ་ཆེ་འདིར་སྤུས་ཀ་ཇེ་ལེགས་དང་དགོས་པ་ཇེ་ཆེ། མཛེས་ཆ་ཇེ་བཟང་། བཟོ་དབྱིབས་ཇེ་མང་། རི་མོ་ཇེ་ཡག་གི་རྣམ་པ་རུ་འགྱུར་ཏེ། ཤིན་ཏུ་རྩིས་ཆེ་བ་རྙེད་དཀའ་བའི་རིན་པོ་ཆེ་དངོས་མ་ཞིག་ཏུ་ཆགས་ཡོད། འགྱུར་རིམ་གཞན་ཞིག་ནི་དགོས་པ་ཉིད་ནས་མཚོན་པའི་གཟི་རིན་པོ་ཆེ་འདི་མཆོད་པའི་རྫས་ནས་གཡང་ནོར། རྒྱན་ཆ་བཅས་སོ། ། གཟི་ཞེས་པའི་མིང་དང་དེའི་འབྱུང་ཁུངས།     གཟི་ཞེས་པའི་མིང་འདི་ནི་ཤིན་ཏུ་བརྡ་རྙིང་པའི་ཞང་ཞུང་གི་སྐད་དོ།  དོན་ནི་མཐོ་བ་དང་སྤ་དང་།  སྟོབས་དང་སྤོབས་པ།  རྒྱལ་བ་དང་བཙན་པ།  བསོད་ནམས་དང་འབྱོར་བ་སོགས་གང་རུང་ལ་གོ་ཆོག  དེ་མ་ཚད་པར་གཟི་ཞེ་ན་དཀར་ནག་ཅན་གྱི་རི་མོ་མིག་ལྟ་བུ་ལ་ཡང་གོ་ཆོག་ཅིང་། དེས་ན་གཟི་རིན་པོ་ཆེ་དང་སྦྲེལ་བའི་མིང་དུ་མ་ཞིག་ཀྱང་ནུས་པ་དང་ལྡན་པའི་མཚན་རྟགས་སུ་གྱུར་ཡོད། དཔེར་ན།  གཟི་བརྗིད།  གཟི་མདངས།  གཟི་དཔལ།  གཟི་འོད་བཅས་སོ།  རྗེས་སོར་བོད་སྐད་དུ་གཟི་ཡི་མིང་དུ་གཟི་ལྡན།  གཟི་སྟོབས།  གཟི་ཆེན་ཞེས་འབོད་ཡོད།  དེ་མིན་ཞང་ཞུང་གི་ཕྱོགས་མཐར་གནས་པའི་མི་རིགས་ཁག་ནས་ཀྱང་སྐད་འདི་ལས་མ་ཡོལ་བ་གཟི་དང་སི།  ཟི།  ཉི་ཟི་བཅས་སོ།། འདི་ལྟ་བུའི་རིན་པོ་ཆེ་འདི་ཉིད་ལོ་ངོ་བཞི་སྟོང་གི་གོང་རོལ་སྟོད་ཞང་ཞུང་གི་ཡུལ་དུ་ཐོག་མར་བྱུང་ཡོད། ...