February ༢༠༡༥

རྒྱལ་སྤྱིས་ཉེས་ཡང་ཚོགས་པའི་སྙན་ཐོ།

    ༄༅། །རྒྱལ་སྤྱིའི་ཉེས་ཡང་ཚོགས་པས་ཉེ་འཆར་ཕྱི་ལོ་ ༢༠༡༤ ནང་རྒྱལ་ཁབ་ ༡༦༠ ནང་གི་འགྲོ་བ་མིའི་ཐོབ་ཐང་གི་གནས་སྟངས་སྐོར་གྱི་སྙན་ཐོ་ཞིག་བཏོན་འདུག་པ་དེའི་ནང་། བོད་ནང་དུ་བོད་མི་ཚོའི་ཆོས་དད་དང་འདུ་འཛོམས། སྨྲ་བརྗོད་སོགས་ཀྱི་རང་དབང་ལ་རྒྱ་ནག་གཞུང་གིས་མུ་མཐུད་ནས་དམ་བསྒྲགས་བྱེད་བཞིན་ཡོད་པ་མ་ཟད། བོད་མི་རྣམས་ལ་དབྱེ་འབྱེད་བྱེད་བཞིན་ཡོད་སྐོར་འཁོད་འདུག ཕྱོགས་མཚུངས་སྙན་ཐོའི་ནང་བོད་ནང་དགོན་པ་ཁག་གི་གཙོ་འཛིན་དང་། རྩོམ་པ་པོ། དེ་བཞིན་བོད་མི་ཞི་རྒོལ་བ་བཅས་དོ་དམ་བཀག་ཉར་བྱས་ཡོད་སྐོར་འཁོད་འདུག  དེ་ཡང་སྙན་ཐོའི་ནང་བོད་མིར་དམ་བསྒྲགས་བྱས་སྐོར་འཁོད་ཡོད་པ་དེའི་ནང་། ཕྱི་ལོ་ ༢༠༡༤ ཟླ་ ༨ ནང་སི་ཁྲོན་ཞིང་ཆེན་གྱི་དཀར་མཛེས་རྫོང་དུ་རྒྱ་མིའི་ཉེན་རྟོག་དམག་མིས་བོད་མི་ངོ་རྒོལ་བྱེད་མཁན་ཚོར་མེ་མདའ་བརྒྱབ་ཡོད། བོད་མི་དེ་དག་གིས་ངོ་རྒོལ་བྱེད་དགོས་དོན་ནི་ཁོང་ཚོའི་གྲོང་གི་འགོ་དཔོན་རྒྱ་ནག་གཞུང་གིས་དམ་བསྒྲགས་བཀག་དཀྱིལ་བྱས་པ་དེ་གློད་བཀྲོལ་ཡོང་ཆེད་ཡིན་འདུག  སྐབས་དེར་བོད་མི་ངོ་རྒོལ་བ་བཞི་ལ་མེ་མདས་སྨྲས་སྐྱོན་བཏང་ནས་འདས་གྲོངས་སུ་གྱུར་ཡོད་པ་མ་ཟད། བཀག་དཀྱིལ་འོག་ཡོད་པའི་ངོ་རྒོལ་བྱེད་མཁན་ཁྲོད་བོད་མི་གཅིག་གིས་རང་ཤི་བརྒྱབ་འདུག  ཅེས་འཁོད་འདུག ཕྱོགས་མཚུངས་སྙན་ཐོ་དེའི་ནང་ཕྱི་ལོ་ ༢༠༠༩ ནས་བོད་མི་ཚོས་རང་ལུས་མེར་སྲེག་གཏུད་མར་བཏང་ཡོད་སྐོར་འཁོད་དོན།  ཕྱི་ལོ་ ༢༠༡༤ ལོར་བོད་ནང་དུ་རྒྱ་ནག་གཞུང་གི་དམ་བསྒྲགས་ཅན་གྱི་སྲིད་བྱུས་ལ་ངོ་རྒོལ་ཆེད་བོད་མི་བདུན་གྱིས་རང་ལུས་མེར་སྲེག་བཏང་ནས་བོད་མི་གཉིས་འདས་གྲོངས་སུ་གྱུར་ཡོད།  ཕྱི་ལོ་ ༢༠༡༡ ཕྱི་ཟླ་ ༣ ནས་ད་བར་ཤེས་རྟོགས་བྱུང་བ་ལྟར་ན།...
དེ་ལས་མང་པ།

བུད་མེད་ཀྱི་བདེ་ཐང་སྐོར་གྱི་ཤེས་བྱ།

     སྐྱེ་ཁམས་རིག་པས་ཞིབ་འཇུག་ལྟར་བཤད་ན་བུད་མེད་ནི་རང་བཞིན་གྱི་སྐྱེས་པ་དང་བསྡུར་ན་ལུས་སྟོབས་ཞན་པ། ནུས་ཤུགས་དམའ་བ། སྐད་ངག་ཕྲ་བ།སེམས་ཁམས་ལ་འགྱུར་བ་དང་ཚོར་བ་འབྱུང་སྐྱེན་པ་ཞིག་ཀྱང་ཡིན་པར་བཤད། དེ་བཞིན་ནད་རིགས་འབྱུང་སླ་བ་ཞིག་ཀྱང་ཡིན་པར་བཤད་ཡོད། དེའི་ཕྱིར་བུད་མེད་ཀྱི་བདེ་ཐང་ནི་སྐྱེས་པ་ལས་ཀྱང་ཧ་ཅང་གལ་ཆེ་བ་ཞིག་ཡིན། གལ་ཏེ་བུད་མེད་ལ་བདེ་ཐང་མེད་པ་ཡིན་ན། འབྱུང་འགྱུར་གྱི་བུ་ཕྲུག་དང་། ད་ལྟའི་ཁྱོ་ག་སོགས་ཀྱི་བདེ་ཐང་ལ་ཤུགས་རྐྱེན་ཆེན་པོ་བཟོ་བཞིན་ཡོད་པས་འདི་ནི་མིའི་རིགས་སྤྱིའི་བདེ་ཐང་དང་འབྲེལ་བ་དམ་ཟབ་ཏུ་གྱུར་ཡོད། འདི་ལ་སྤྱི་ཚོགས་ཡོངས་ཀྱིས་ཐུགས་ཁུར་དང་དོ་སྣང་བྱེད་འོས་པ་ཞིག་རེད། བུད་མེད་བདེ་ཐང་ཡོང་མིན་དེའང་བུད་མེད་རྐྱང་པའི་དོན་དག་ཅིག་མིན་པར་སྐྱེས་པ་ཚོའི་འཕྲོད་བསྟེན་དང་། བདག་སྐྱོང་ལེགས་མིན།  ཕྱོགས་གཉིས་ཀྱི་རིམས་འགོག་འདུ་ཤེས་སོགས་ལ་ཡང་འབྲེལ་བ་དམ་པོ་ཆགས་ཡོད། ལྷག་ཏུ་བོད་ཡུལ་གྱི་བུད་མེད་དག་གིས་རང་ལུས་ལ་བདག་སྐྱོང་ལེགས་པོ་མི་ཤེས་པ་དང་། སྤོབས་པ་ཆུང་བ། ཆ་རྐྱེན་ཞན་པ་བཅས་ཀྱི་དབང་གིས་མང་ཆེ་བ་ལོ་ན་ཆུང་དུས་ནས་མོ་ནད་ཅན་དུ་འགྱུར་ནས་ཡོད།  དེས་ན་གཤམ་གྱི་དོན་ཚན་དག་ནི་ཆེད་ལས་ཞིབ་འཇུག་པས་དཔྱད་འབྲས་གལ་ཆེན་དག་གཞན་ལས་བཤུས་ཏེ་སྤེལ་བ་ཡིན། མ་མཐའ་ཡང་བུད་མེད་ཅིག་ཡིན་ན་རྒྱུན་ཤེས་འདི་འདྲ་མ་ཤེས་ཐབས་མེད་ཡིན། དང་པོ། ཟླ་མཚན་འབབ་དུས་ཀྱི་དོ་སྣང་བྱ་ཡུལ་གྱི་སྐོར། ༡༽ ཟླ་མཚན་འབབ་དུས་ལུས་ལ་མི་བདེ་བ་དང་ཟུག་གཟེར་རེ་ཡོད་པ་ནི་རྒྱུན་ལྡན་ཡིན་ཡང་། བུད་མེད་ལ་ལས་སྨན་པར་ཟླ་མཚན་འབབ་བཞིན་པ་གསང་ནས། ཟླ་མཚན་འབབ་སྐབས་འཐུང་མི་རུང་བའི་སྨན་རིགས་འཐུང་བས་ནད་གཞི་ཇེ་སྡུག་དང་ནད་འདྲེན་བཞིན་པ་མང་པོ་ཡོད། ༢༽ ཟླ་མཚན་འབབ་དུས་ལས་ཚེགས་ཆེ་བའི་རིགས་ལས་མི་རུང་ལ། ཆུ་འཁྱགས་སོགས་གྲང་བའི་རིགས་ལ་རེག་པ་དང་། བརླན་གཤེར་དང་གྲང་ལྷགས་ཆེ་བའི་ས་ནས་འདུག་པ་དང་ཉལ་བ་སོགས་མི་རུང་། དྲོད་ལྡན་གྱི་གོས་དང་བཅུད་ཆེན་གྱི་ཟས་བསྟེན་དགོས། དུས་ཚོད་བདུན་བརྒྱད་ཀྱི་གཉིད་ཚད་རྫོགས་དགོས་པ་དང་། ལྷག་ཏུ་རྩིས་འཕྲུལ་ཁ་པར་སོགས་གློག་གི་རྦ་རླབས་ཤུགས་ཆེན་ཡོད་པའི་རིགས་ཡུན་རིང་གཏན་ནས་བཀོལ་མི་རུང་བ་དང་།ལུས་འབྲེལ་ནི་དེ་བས་ཀྱང་བྱ་མི་རུང་ངོ་། ། གཉིས།...
དེ་ལས་མང་པ།

རྗེ་བཙུན་མི་ལ་རས་པ།

  རྗེ་བཙུན་མི་ལ་རས་པ་ནི།  རབ་བྱུང་དང་པོའི་ལྕགས་འབྲུག (སྤྱི་ལོ1040)ལོར་ཡབ་མི་ལ་ཤེས་རབ་རྒྱལ་མཚན་དང་ཡུམ་མྱང་ཚ་དཀར་རྒྱན་གཉིས་ཀྱི་སྲས་སུ་མང་ཡུལ་གུང་ཐང་སྐྱ་རྔ་རྩ་རུ་འཁྲུངས།  མཚན་ལ་ཐོས་པ་དགའ་ཞེས་ཞུ།  ཆུང་ངུར་ཡབ་གཤེགས་ཏེ་སྡུག་མང་པོ་མྱངས།  དེ་རྗེས་མཐུ་བསླབས་ནས་འཁོན་གླན་པར་མི་མང་པོ་བསད།  སླད་ནས་སྡིག་པ་ལ་འགྱོད་དེ་ཆོས་བྱེད་པར་རབ་བྱུང་དང་པོའི་ས་རྟ (སྤྱི་ལོ1078) ལོ་ལྷོ་བྲག་ཏུ་ཕེབས་ཏེ་མར་པ་ལོ་ཙཱ་བ་ཆོས་ཀྱི་བློ་གྲོས་དང་མཇལ།  དེར་ལོ་དྲུག་ཟླ་བརྒྱད་ཙམ་བཞུགས་ཏེ་བླ་མ་དེ་ལས་དབང་དང་མན་ངག་རྫོགས་པར་བླངས།  མར་པ་ལོ་ཙཱ་བའི་བཀའ་ལྟར་སྡིག་སྒྲིབ་སྦྱོང་བའི་ཕྱིར་དཀའ་བ་ཚད་མེད་སྤྱད་དེ་སྲས་མཁར་དགུ་ཐོག་བརྩིགས།  དགུང་ལོ་ཞེ་ལྔ་པ་རབ་བྱུང་དང་པོའི་ཤིང་བྱི (སྤྱི་ལོ1084) ལོར་སྟོད་ཕྱོགས་སྐྱིད་གྲོང་དང་གཉའ་ནང་ཁུལ་དུ་ཕེབས་ཤིང་སྒྲུབ་པའི་དམ་བཅའ་མཛད་དེ་ལོ་དགུའི་རིང་དཀའ་སྤྱད་དྲག་པོས་བསྒོམས་པས་མཆོག་གི་དངོས་གྲུབ་ཐོབ།  དེ་ནས་ས་ཕྱོགས་གཞན་དུ་འབྱོན་བཞུད་མཛད་དེ་སྣོད་དུ་རུང་བའི་སློབ་མ་རྣམས་ལ་གསང་སྔགས་ཀྱི་གདམས་པ་ཅི་རིགས་གནང་།  སྒྲུབ་བརྒྱུད་ཀྱི་བསྟན་པའི་སྲོལ་བཙུགས།  རས་ཆུང་བ་དང་དྭགས་པོ་ལྷ་རྗེ་སོགས་སློབ་མ་གྲགས་ཅན་མང་པོ་བྱུང་།  ཉམས་མགུར་མང་དུ་བརྩམས་པ་རྗེས་རབས་པས《རྗེ་བཙུན་མི་ལ་རས་པའི་རྣམ་ཐར་རྒྱས་པར་ཕྱེ་བ་མགུར་འབུམ》ཞེས་བྱ་བ་བསྒྲིགས།  མཐར་དགུང་ལོ་གྱ་བཞི་པ་རབ་བྱུང་གཉིས་པའི་ཆུ་ཡོས (སྤྱི་ལོ1123) ལོར་མཁའ་སྤྱོད་དུ་སྐུ་གཤེགས། ཡོང་ཁུངས་དྲ་རྒྱ་གཞན།...
དེ་ལས་མང་པ།

བོད་རིཊ་བུ་མོ་གཉིས་ཀྱི་དཀའ་སྡུག་གི་ལོ་ཟླ།

     རྒྱ་བལ་འབྲུག་གསུམ་གྱི་བོད་མི་མང་པོ་ཕྱི་རྒྱལ་ཁག་ཏུ་འགྲོ་ཐབས་བྱས་ཏེ་དཀའ་ངལ་སྣ་ཚོགས་འཕྲད་ཀྱི་ཡོད་པ་ལྟར། བོད་རིགས་བུ་མོ་གཉིས་གཞན་གྱི་མགོ་སྐོར་འོག་ཚུད་དེ་སྒོར་མོ་མང་པོ་ཤོར་བ་མ་ཟད། ཨ་ཧྥེ་རི་ཁའི་མཐའ་འཁོབ་ཅིག་ཏུ་གཡུགས་ཏེ་དཀའ་ངལ་ཆེན་པོ་འཕྲད་ཡོད་འདུག ཕྱི་ལོ་ ༢༠༡༣ ཟླ་ ༧ ཚེས་ ༡༦ ཉིན་ཕྱི་རྒྱལ་ཁག་ཏུ་མི་གཏོང་མཁན་རྒྱ་མཚོ་ཟེར་བ་ཞིག་གིས། བོད་རིགས་བུད་མེད་གཉིས་དང་བལ་ཡུལ་གྱི་མི་ ༥ བཅས་ཁྱོན་མི་གྲངས་ ༧ ཡུ་རོབ་ནང་གཏོང་རྒྱུ་བྱས་ཏེ། ལྡི་ལི་ནས་ལྷོ་ཨ་ཧྥི་རི་ཁའི་(Burkina Faso Ouagadougou)ཟེར་བའི་ས་ཆ་ཞིག་ཏུ་བསྐྱལ་ཡོད་པ་དང་། དེ་རུ་ཟླ་ ༦ ཙམ་ལྷག་རྗེས། མི་དེས་ཁོང་ཚོའི་དངུལ་དང་ཕྱི་སྐྱོད་ལག་འཁྱེར་ཚང་མ་འཁྱེར་ཏེ་གར་སོང་ཆ་མེད་དུ་གྱུར་ཡོད་སྟབས། བལ་པོའི་ལམ་གྲོགས་ཚོས་བོད་རིགས་གཅིག་པ་ཡིན་པའི་ཉེས་འཛུགས་འོག བོད་པའི་བུ་མོ་གཉིས་ལ་རྡུང་རྡེག་མནར་གཅོད་མང་པོ་བཏང་ཡོད་འདུག རྗེས་སུ་དགོང་མོ་ཞིག་ལ་བུ་མོ་གཉིས་ཐབ་ཚང་གི་སྒེའུ་ཁུང་ནས་མཆོངས་ཏེ་བྲོས་ཡོད་པ་དང་། སྟབས་ལེགས་ནས་བུ་མོ་གཅིག་གིས་ལག་འཁྱེར་ཁ་པར་འཁྱེར་ཡོད་སྟབས། ཡར་མར་ལ་འབྲེལ་བ་བྱས་མཐར་ ༢༠༡༤ ལོའི་ཟླ་ ༡ ཚེས་ ༣ ཉིན་སྡེ་དགེའི་སྐད་འཕྲིན་ཚོགས་པ་ཞིག་ལ་འབྲེལ་བ་མཐུད་ཐུབ་སྟེ།...
དེ་ལས་མང་པ།

ཁ་འཐོར་འཛིན་སྐྱོང་འོག་གནས་པའི་བོད།

དོན་དངོས་ཁ་འཐོར་འཛིན་སྐྱོང་འོག་གནས་པའི་མི་སེར་རྒྱལ་ཁབ་དང་བོད། བོད་འདི་ཉིད་མི་སེར་རྒྱལ་ཁབ་རིང་དོན་དངོས་རང་བཞིན་སྒོ་ནས་ཁ་འཐོར་འཛིན་སྐྱོང་སོང་བའི་ལོ་རྒྱུས་རགས་གླེང་། ལིས་ཅང་ལིང་གིས་བརྩམས། ནགས་ཤོད་སད་མིས་བསྒྱུར།         དེ་རིང་གི་གཏམ་བཤད་འདིར་སྐུ་ཞབས་ཤིན་ཧོ་ཉིང་ནས་གདན་ཞུ་གནང་བ་ལྟར།  ཚོར་བ་རྣོ་བའི་མི་རིགས་གནད་དོན་འགའི་སྐོར་ལ་ང་རང་གི་བསམ་ཚུལ་བཤད་ཀྱི་ཡིན། མི་རིགས་གནད་དོན་ཞིབ་འཇུག་བྱེད་པའི་མཁས་པ་ལ་ལ་བོད་སྐོར་མང་དྲགས་པའི་གླེང་སློང་བྱེད་འདོད་མེད།  དེ་ནི་བོད་ཀྱི་གནད་དོན(雷区)ཉེན་ལྡན་ས་ཁུལ་ཞིག་ཏུ་བསམ་པས་རེད། འོན་ཏེ་ངའི་ཞིབ་འཇུག་སྔ་མོ་ཞིག་ནས་ཉེན་ལྡན་ས་ཁུལ་དུ་འཛུལ་ཚར། ང་ཚོས་མི་སེར་རྒྱལ་ཁབ་རིང་གི་བོད་དོན་གླེང་ཡོང་དུས།  སླར་ཡང་དེ་ལས་གཏིང་ཟབ་པའི་ཉེན་ལྡན་ས་ཁུལ་ཞིག་ལ་འཛུལ་སོང་བ་རེད། དེ་ལྟ་མོད་ཀྱི། ང་ཚོས་དཔའ་བས་ཉེན་ལྡན་ས་ཁུལ་གྱི་ཟབ་སར་ཞུགས་པ་ཁོ་ནས། ད་གཟོད་རྒྱལ་ཁབ་དང་མི་རིགས།  ཀྲུང་བོད་འབྲེལ་བ།  རྒྱ་བོད་འབྲེལ་བའི་རབ་རིབ་མག་མོག་གི་བསམ་བློ་དེ་དག་བསལ་ཐུབ། ཉེན་ལྡན་ས་ཁུལ་དུ་མ་ཞུགས་པར་སྔ་མའི་རབ་རིབ་ཀྱི་བསམ་བློ་གཏོར་བརླགས་བྱས་ཚེ། ང་ཚོས་དངོས་གནས་དྲང་གནས་ཀྱི་འབྱོར་ཕྱུག་མི་སེར་རྒྱལ་ཁབ་ཅིག་དང་། མི་སེར་རྒྱལ་ཁབ་འཛུགས་སྐྲུན། མི་སེར་རྒྱལ་ཁབ་གསར་སྤེལ་བཅས་པའི་རྨང་གཞིའང་འཛུགས་སྐྲུན་བྱ་ཐབས་བྲལ་བ་རེད། གནད་དོན་འདི་ཅི་འདྲའི་གལ་ཆེ་སྟབས་ཕྲན་ནས་ངེས་པར་དུ་དེ་རིང་གི (ཀྲུང་ཧྭ་མི་སེར་རྒྱལ་ཁབ་ཀྱི་ལོ་རྒྱུས་དང་འདས་ད) གཞིར་བཅས་པའི་བརྗོད་དོན་ཐོག་གཏམ་བཤད་བྱེད་ཀྱི་ཡིན།  ཡིན་ནའང་གཙོ་བོ་བཟོ་བཅོས་ཅུང་ཙམ་བྱེད་འདོད་པ་དེ་ནི་ཀྲུང་ཧྭ་མི་སེར་རྒྱལ་ཁབ་དང་བོད་འབྲེལ་གནས་སྟངས་ཀྱི་འདས་མ་ད་གསུམ་རེད།  འདི་ནི་བརྗོད་གཞི་ཧ་ཅང་ཆེན་པོ་ཞིག་རེད། དུས་ཚོད་དབང་གིས་རང་ཉིད་ཀྱི་ལྟ་ཚུལ་མདོར་བསྡུས་ཤིག་བརྗོད་རྒྱུ་ལས་མེད། བོད་འདི་ཉིད་མི་སེར་རྒྱལ་ཁབ་སྐབས་སུ་དོན་དངོས་རང་བཙན་ངོ་བོར་གནས་ཡོད།         2011ལོའི་ཟླ་བ 10པར།  ང་རང་ཐའེ་པེ་རྒྱལ་ཁབ་ཡིག་མཛོད་ཁང་དུ་རྒྱ་བོད་འབྲེལ་བའི་སྐོར་ལོ་རྒྱུས་འཚོལ་བསྡུ་བྱེད་བཞིན་ཡོད། ཟླ་བ...
དེ་ལས་མང་པ།

གངས་རིའི་ཁྲོད་ཀྱི་རྨ་བྱ། 


འབའ་སྲས། མེ་ཏོག་ཚལ་དུ་དུག་ཟས་མི་བཟའ་ཞིང་།། སྤུ་རིགས་སྒྲོ་ལྡན་བྱ་ལ་མི་གཏོགས་པ།། ཡིད་འོང་མཚར་སྡུག་འཛུམ་གྱིས་མཛེས་པ་ཡི།། སྔོན་མེད་རྨ་བྱ་ཞིག་ནི་བདག་གིས་མཐོང་།། འཇའ་རིས་གོས་སུ་གྱོན་པས་མཚར་དུ་སྡུག ། སྒྲོ་མདོངས་རྒྱན་དུ་བཟུང་བའི་སྒེག་ག་མོ།། ང་ཡི་སེམས་སུ་རིང་ནས་འོད་འཚེར་འཚེར།། གངས་དཀར་བཟང་མོ་གངས་རིའི་རྨ་བྱ་ཡིན།། གཙུག་ཕུད་ལྡན་པའི་ལང་ཚོ་ཁྱོད་ལ་འཛོམས།། གཡུ་འབྲུག་ཅིག་གི་སྤོབས་པ་ང་ལ་མཆིས།། བརྩེ་སེམས་སྤྲིན་དཀར་ལོང་ལོང་དཀྲིགས་པའི་དབུས།། སྙིང་གཏམ་སྦྲང་ཆར་བདུད་རྩི་ས་ལ་འཇོ།། རྨ་བྱ་ཁྱོད་ནི་འགྲོ་འགྲོ་གང་ལ་འགྲོ ། གང་དུ་མ་འགྲོ་ང་ཡི་སེམས་སུ་ཕེབས།། ང་ཡི་སྙིང་གི་མེ་ཏོག་སྐྱེད་ཚལ་ན།། སྒྲོ་མདོངས་གུར་དུ་ཕུབ་སའི་རྩེད་ར་ཡོད།། རྨ་བྱ་ཁྱོད་ནི་ཡོང་ཡོང་གང་ནས་ཡོང་།། ང་ཡི་སེམས་དང་སྙིང་གི་དཀྱིལ་ནས་ཡོང་།། ང་ཡི་སྙིང་གི་ཐིག་ལེ་རི་མོ་འདི།། ནམ་ཡང་བོར་དུ་མ་འཇུག་རྒྱན་དུ་ཟུངས།། འཇིག་རྟེན་འདི་ན་བརྩེ་བའི་གཞན་དབང་གིས།། ལུས་སེམས་མ་བཅུམས་སྐྱེ་བོ་སུ་ཞིག་མཆིས།། དེ་བས་འདི་ན་མེ་ཏོག་ཁྱོར་བ་གང་།། ཁྱོད་ལ་གཏོར་བས་ང་ལ་སུ་ཡིས་འཕྱ།། ལང་ཚོའི་པིར་གྱིས་ཡིད་ཀྱི་རྩིག་ངོས་སུ།། འདག་པར་དཀའ་བའི་རི་མོ་བྲིས་མིན་པར།། དུངས་སེམས་འོད་ཀྱི་ཟེགས་མ་འཕྱོ་བ་ཡི།། ཟླ་བ་གཞོན་ནུ་ཡིད་དགའི་རྟེན་དུ་ཤར།། འོ་དཀར་བསྙལ་ན་ཞོ་དཀར་ཕུང་བོ་དང་།། དཀྲུགས་པར་བྱས་ན་མར་གྱི་རིལ་བུ་བཞིན།། མཛའ་བ་སེམས་ལ་བརྡར་བའི་ལོ་ཟླའི་ནང་།།...
དེ་ལས་མང་པ།