February ༢, ༢༠༡༥

མཚོ་སྔོན་པོའི་གསེར་ཉ་གཤོག་དྲུག་མ།

འབྲོག་མྱི།         ཉེ་ཆར་མཚོ་སྔོན་པོའི་གསེར་ཉ་སྲུང་སྐྱོང་དང་འབྲེལ་ཡོད་དོན་རྐྱེན་མང་པོ་ཞིག་བྱུང་དང་འབྱུང་གིན་པ་དང་། སྲུང་སྐྱོབ་བྱེད་མཁན་ཡང་གཞུང་དམངས་གཉིས་ཀ་ཡོད་པ་དང་། ཁྲིམས་འགལ་ངང་གསེར་ཉ་འཛིན་མཁན་ཡང་ཉ་ལས་ཉེན་རྟོག་ལས་བྱེད་པ་དང་ཉ་བདའ་བ་གཉིས་ཀ་ཡིན་པའི་གནས་ཚུལ་གོ་རྒྱུ་མཐོང་རྒྱུ་འདུག  ཡིན་ན་ཡང་། མཚོ་སྔོན་པོའི་གསེར་ཉ་ལ་ཁྱད་ཆོས་ཅི་ཞིག་ཡོད་པ་དང་། ཅིའི་ཕྱིར་སྲུང་སྐྱོབ་བྱེད་དགོས་པའི་རྒྱ་མཚན་མི་མང་པོ་ཞིག་གིས་ཤེས་ཡོད་རྒྱུ་མ་རེད་བསམ་བྱུང་། དེར་དམིགས་ནས་གཤམ་དུ་མཚོ་སྔོན་པོའི་གསེར་ཉ་ངོ་སྤྲོད་མདོར་བསྡུས་ཤིག་བྱེད་རྒྱུ།
  བོད་མི་རྣམས་ཀྱིས་མཚོ་སྔོན་པོའི་ནང་གི་ཉ་ལ་གསེར་ཉ་ཞེས་འབོད་ཅིང་། རྒྱའི་སྐད་དུ་ལོའུ་ལའེ(裸鲤)དང་ཧོང་ཡེ(湟鱼)ཡང་ཟེར། མཚོ་སྔོན་པའི་གསེར་ཉའི་གཟིགས་དབྱིབས་ནི་མགོ་རྔ་ཕྲ་ཞིང་དཀྱིལ་སྤོམ་པའི་འཕང་དབྱིབས་དང་། མགོ་ལོག་ལོག ཁ་ཆེན་པོ་ཞིག་མགོའི་མདུན་ན་ཡོད་ཅིང་། གཤོག་པ་དྲུག་ཅན་དང་། ཁ་དོག་ལྗང་སེར། ལུས་སྟེང་ན་ཆ་མི་མཚུངས་པའི་ཁྲ་ཐིག་ཡོད་པ་དང་། ཉ་ཁྲབ་ཕལ་ཆེར་མེད་པ་དང་། ཁྱད་ཆོས་དེར་གཞིགས་ནས་། རྒྱའི་སྐད་དུ་ལོའུ་ལའེ་སྟེ “ལའེ་ཉ་གཅིར་བུ” ཞེས་བཏགས་ཤིང་། རང་རེའི་བོད་པས་གསེར་ཉ་འདོགས་དོན་ལ་ཁ་དོག་དང་བསྟོད་པའི་ཆ་གཉིས་ཀ་ལྡན་ཡོད་ པར་སྙམ།
མཚོ་སྔོན་པོའི་གསེར་ཉའི་རིགས་དེ་མཚོ་སྔོན་པོ་ཁོ་ན་མ་གཏོགས་མེད་པ་དང་། ཉ་དེ་ནི་ཆུ་ཧ་ཅང་གྲང་མོ་དང་ཚྭ་ཆུའི་ནང་འཚོ་གནས་བྱེད་ཐུབ་པའི་ཉ་རིགས་ཤིན་ཏུ་ དཀོན་པོ་ཞིག་ཀྱང་རེད།
 མཚོ་སྔོན་པོ་ས་བབ་གོམ་པ་སུམ་སྟོང་གི་ཡན་ན་ཆགས་ཡོད་པས། ཆུའི་དྲོད་ཚད་ཀྱང་དེ་བཞིན་དུ་ཧ་ཅང་དམའ། དེའི་སྟབས་ཀྱིས། མཚོའི་ནང་གི་ཉའི་སྐྱེ་འཚར་ཡང་ཤིན་ཏུ་དལ་མོ་ཡིན། ཚན་རིག་དབྱེ་ཞིབ་ལྟར་ན། ཆ་སྙོམས་ལོ་རེ་ཤ་སྲང་གང་མ་གཏོགས་སྐྱེ་ཐུབ་ཀྱིན་མེད་པས། ལོ་བཅུ་ཅན་གྱི་གསེར་ཉ་ཞིག་ལ་རྒྱ་མ་གཅིག་ལས་མེད་པ་དང་། མཚོ་སྔོན་པོའི་གསེར་ཉ་རྒྱུན་ལྡན་གྱི་རིང་ཚད་ལ་ལི་སྨི...
དེ་ལས་མང་པ།

མིག་མདངས།

གཟུངས་ཕྱུག་སྐྱིད། སྨག་གི་ཡོལ་བ་ཞིག་མིག་གི་གདན་ལ་བཏིང་ཞིང་།། སྐར་མའི་མིག་ཟུང་ལ་སེམས་པའི་གཙང་བོ་བཅུ་དུས།། གོམ་སྒྲ་ཡང་མོ་ཞིག་མཚན་མོའི་ལྗོངས་སུ་འཁྱིལ་བ།། རེ་བའི་མིག་མདངས་དེ་བཙལ་བའི་གཏམ་རྒྱུད་ཡིན་ནམ།། སེམས་འགྱུ་བན་བུན་ཞིག་འཚོ་བའི་ཀློང་ནས་རྙེད་ཀྱང་།། མིག་གི་ཆུ་རིས་ལ་སྐྱོ་བའི་མདངས་ཤིག་འཁྱིལ་བྱུང་།། ཤ་རུས་བརྩེ་དུང་ལ་བརྒྱུས་པའི་དུང་སེམས་སྙི་མོ།། དམར་ཆུང་སེམས་པ་ཡི་གཏིང་ན་དགུ་མདུད་བརྒྱབས་ཡོད།། སེམས་ཀྱི་ཉི་མ་དེ་ནུབ་རིའི་མཐའ་ན་འཛུམ་ཞིང་།། མཁའ་ཡི་ཟླ་བ་ཡང་སྤྲིན་གྱི་ཡོལ་བས་བསྒྲིབས་པས།། མཐའ་མེད་མཁའ་དབྱིངས་སུ་འཐོར་བའི་སྐར་མའི་ཁྱུ་ཚོགས།། སྨག་གི་དཀྱིལ་དབུས་ནས་འདར་ཚུལ་སུ་ཡིས་རྟོགས་སམ།། མི་ལོ་བཅུ་གཉིས་ཀྱི་གྱེས་བྲལ་རིང་མོ་བསམ་ན།། སྙིང་གི་རུས་ཆུང་ལ་གས་ཀ་ཡང་ཡང་ཤོར་ཡང་། ། གཅེས་པའི་བུ་ཆུང་གི་འཛུམ་ཆུང་ལྷུག་ལྷུག་དགོད་དུས།། འཚོ་ལམ་རིང་མོ་འདིའི་གཤོག་པ་རང་ལ་མ་དབང་།། ཕ་ཡུལ་གངས་ལྗོངས་ནས་རེ་བཞག་རུམ་གང་ཁྱེར་ཏེ།། གཞན་ཡུལ་ས་མཐའ་ནས་ལོ་ཟླའི་ཕྲེང་རྡོག་འདྲེན་དུས།། སྐྱིད་སྡུག་རེས་མོས་ཀྱི་འཚོ་བའི་ཁ་དོག་རེ་ནས།། ལུས་ཀྱི་རོ་གོག་འདི་སྡུག་ལ་ཡང་ཡང་གཏད་བྱུང་།། སྲིད་པའི་གངས་རྒན་གྱི་རྩེ་ནས་ཐུར་དུ་ཟགས་ཏེ།། མཐའ་མེད་རྒྱ་མཚོ་ལ་འདྲེས་པའི་རིགས་རྒྱུད་ཅིག་གི།། ཕྱོགས་མེད་འགྲུལ་བཞུད་ལ་བྲིས་པའི་བྱུང་བ་རིང་མོར།། དཀར་ནག་གོ་འབྱེད་ཀྱི་ཟིན་ཐོ་སུ་ཡིས་འགོད་དམ།། གསལ་བྱེད་སུམ་ཅུ་ཡི་ངག་རྟ་དྲོན་མོ་འདི་ལ།། སྙིང་གི་འཕག་འཚག་གི་ཚ་དྲོད་ཡང་ཡང་གླན་ཡང་།། ལོ་དང་བསྐལ་བ་ཡི་མཐའ་ནས་རྒྱང་བསྐོར་བྱེད་དུས།། ཤི་གསོན་གོ་ནོར་གྱི་ཚད་ཐིགས་སུ་ཡིས་ལེན་ནམ།། བརྩེ་བའི་ཕ་མ་ནི་གངས་རིའི་ལྗོངས་ན་ལུས་ཡོད།། འདྲིས་པའི་གྲོགས་པོ་ཡང་ཡུལ་གྱི་མཐའ་ན་ལྷག་ཡོད།། བརྩེ་མེད་འདྲིས་མེད་ཀྱི་རྒྱང་གི་གླིང་ཕྲན་ཞིག་ལ།། ལས་ཀྱི་བཀོད་སྒྲིག་གི་རི་མོ་བསྐྱར་ཏུ་བྲིས་སོང་།།...
དེ་ལས་མང་པ།