གཡུ་ཐོག་གསར་མ་ཡོན་ཏན་མགོན་པོ་ནི། རབ་བྱུང་གཉིས་པའི་མེ་རྟ ༼ཕྱི་ལོ ༡༡༢༦༽ ལོར་གཙང་མྱང་སྟོད་སྒོ་བཞི་རེ་ཐང་སྟེ།  དེང་གི་གཞིས་རྩེ་ས་ཁུལ་རྒྱལ་རྩེ་རྫོང་མྱང་སྟོད་ཤང་སྒོ་བཞི་རེ་ཐང་ཞེས་པའི་གྲོང་དུ་འཁྲུངས།  ཁོང་ནི་བོད་ཀྱི་གསོ་རིག་ལོ་རྒྱུས་ཐོག་སྙན་པའི་གྲགས་པ་ས་སྟེང་ཡོངས་སུ་ཁྱབ་པའི་སྨན་བླ་གཉིས་པ་དེ་ཡིན། སྐྱེས་མཆོག་དེ་ཆུང་ངུའི་སྐབས་ནས་བྱིས་པ་ཚོགས་པའི་དབུས་སུ་རྩ་ཆུའི་བརྟག་པ་དང་།  ས་རྡོ་སྔོ་སོགས་ལ་སྨན་གྱི་ངོས་འཛིན་གྱི་ཚུལ་མཛད་པ་སོགས་སྨན་དཔྱད་ཐད་ལ་བག་ཆགས་ལྷན་སྐྱེས་སུ་ཡོད་ཅི་ང།  དགུང་ལོ་བརྒྱད་ནས་རིག་གནས་སྤྱི་དང་།  ཁྱད་པར་གསོ་རིག་གཞུང་ལུགས་ལ་གསན་བསམ་གནང་སྟེ་སྨན་དཔྱད་ཀྱི་འགྲོ་དོན་བསྐྱངས། དེ་ནས་དགུང་ལོ་བཅུ་བཞི་ཙམ་ལ་རོག་སྟོན་དཀོན་མཆོག་སྐྱབས་ཞུ་བ་དེ་དབུས་སུ་གྲྭ་བསྐོར་ལ་བྱིན་པའི་ལམ་བར་དུ་ཞབས་འབམ་གྱི་སྙུང་ལས་གྲོལ་ཞིང་དགའ་བཞིན་དུ་དབུས་སུ་བྱོན།  ལོ་གཉིས་ཙམ་བཞུགས་པས་རོག་སྟོན་ལ་ཡང་བསྐྱར་ནད་ཤིན་ཏུ་ཐུ་བ་ཞིག་ཐེབས་ནས་སྨན་པ་འགའ་ལ་གཏུགས་ཀྱང་དྲག་སྐྱེད་ཅི་ཡང་མ་བྱུང་བར།  དབུས་པ་དར་གྲགས་ཀྱི་དྲུང་དུ་བཅར་ཏེ་སྨན་བཅོས་བགྱིས་པས་ནད་ལས་གྲོལ།  དེ་ལ་བརྟེན་ནས་དབུས་པ་དར་གྲགས་ལ་རོག་སྟོན་གྱིས་གཡུ་དྲུག་དམར་ནམ་མཁའ་གསལ་བ་ནས་ཁལ་སྟོང་རི་བ་ཞིག་ཡོད་པ་དེ་ཕུལ་ཏེ་གསོ་དཔྱད་ཀྱི་སློབ་དཔོན་ཞུས་ནས་རྒྱུད་བཞི་ཆ་ལག་ཁ་སྐོང་དང་བཅས་པ་ཆིག་བརྒྱུད་དུ་ཞུས་ནས་འགྲོ་བ་ནད་པའི་དོན་མཛད་པར་གྲགས།  དེ་ནས་རོག་སྟོན་ཕྱིར་བྱོན་དུས་ལམ་བར་དུ་གཡུ་ཐོག་པའི་དྲིན་གསོ་བ་དང་།  རྒྱུད་འདི་ཕུལ་ན་མ་འོངས་པར་འགྲོ་ཕན་རྒྱ་ཆེར་ཡོང་བར་དགོངས་ནས་རྒྱུད་ཀྱི་མན་ངག་གཞུང་འགྲེལ་དང་བཅས་པ་ཡོངས་སུ་རྫོགས་པ་རྗེ་གཡུ་ཐོག་པར་བསྩལ་བས་གཡུ་ཐོག་པ་ཤིན་ཏུ་མཉེས་པའི་ངང་རོག་སྟོན་ལ་འབུལ་བ་གྱ་ནོམ་པ་ཕུལ་ཞིང་།  རེ་ཞིག་ཆིག་བརྒྱུད་ཀྱི་བཀའ་རྒྱ་མ་བཀྲོལ་བར་རྗེ་ཉིད་ཀྱིས་ཟབ་བཞེས་སུ་མཛད། གཡུ་ཐོག་པ་དགུང་ལོ་བཅོ་བརྒྱད་ལ་རྒྱ་གར་དུ་ཕེབས་པས་མཁའ་འགྲོའི་གཙོ་མོ་དཔལ་ལྡན་ཕྲེང་བ་དང་མཇལ་ནས་སྨན་དཔྱད་མང་པོ་གནང་།  ལྷ་མོ་བདུད་རྩི་མ་དང་མཇལ་ནས་སྨན་དཔྱད་ཞུས་ལན་སྐོར་གུསམ་སོགས་དང་། བེ་དྷའི་གླིང་དུ་མཆོག་མཐུན་གྱི་དངོས་གྲུབ་དུ་མ་བསྩལ་ནས་འཇིགས་པ་བརྒྱད་སོགས་ལམ་གྱི་བར་ཆད་བསལ།  དགུང་ལོ་ཉེར་གཅིག་ལ་བོད་དུ་ཕེབས།  དགུང་ལོ་གསུམ་ལ་སླར་ཡང་མཁའ་འགྲོའི་ལུང་བསྟན་ལྟར་རྒྱ་གར་དུ་བྱོན་པས་དྲང་སྲོང་ཙ་ར་ཀ་སོགས་པཎ་གྲུབ་དུ་མ་དང་མཇལ།  ཡེ་ཤེས་ཀྱི་མཁའ་འགྲོ་མ་དཔལ་ལྡན་ཕྲེང་བས་རྗེས་སུ་བཟུང་ནས་ཡན་ལག་བརྒྱད་པ་སོགས་སྨན་དཔྱད་དང།  ཁྱད་པར་གསང་ཆེན་རྡོ་རྗེ་ཐེག་པའི་གསང་ལམ་གྱི་གདམས་པ་མཁའ་འགྲོའི་སྙིང་ཁྲག་ལྟ་བུ་ལུང་བསྟན་དང་བཅས་གནང་ནས་སླར་བོད་དུ་ཕེབས། སྔ་ཕྱིར་རྒྱ་གར་དུ་ལན་དྲུག་བྱོན་ནས་མ་ཧཱ་ར་ཛའི་མཆོད་གནས་ཀྱང་མཛད། ཉིད་ཀྱི་གསུང་ལས་ཀྱང“རྒྱལ་བའི་བཀའ་མཆོག་ཡན་ལག་བརྒྱད་པ་དང་། ཀླུ་སྒྲུབ་གཞུང་དང་ཟླ་ཟེར་དཀར་ནག་དང་། དྲང་སྲོང་ལུགས་དང་ཕ་ཁོལ་གཞུང་རྣམས་དང་། རྒྱ་གར་རྒྱ་ནག་མཁས་པའི་གཞུང་རྣམས་དང་། བོད་དང་ལི་ཡུལ་སྨན་པའི་ཉམས་མྱོང་དང་། མཁའ་འགྲོའི་ལུང་དང་བུ་སློབ་བསོད་ནམས་ཀྱིས། རྒྱ་ཆེའི་གཞུང་དང་བླ་མ་མང་བསྟེན་ནས།...

ཚངས་མགུར་ཞིབ་འཇུག་གི་ངོ་སྤྲོད།     རིག་འཛིན་ཚངས་དབྱངས་རྒྱ་མཚོ་ནི་རྒྱལ་བ་ན་རིམ་ལས་ཆེས་དམིགས་བསལ་ཞིག་སྟེ།  ལ་ལས་ཁོང་རྒྱལ་བའི་སྤྲུལ་སྐུ་འཁྲུལ་མེད་དུ་འཛིན་པ་མ་ཟད།  བསམ་གྱིས་མི་ཁྱབ་པའི་སྐྱེས་བུ་ཞིག་ཏུ་འདོད།  ལ་ལས་ཁོང་རྒྱལ་བའི་སྤྲུལ་སྐུའི་གྲས་སུ་བགྲང་མོད་མཛད་པ་ལ་ཞེན་པ་ལོག་ཅིང༌།  དགེ་ལུགས་པའི་ཞབས་འདྲེན་དུ་བརྩི།  ལ་ལས་ཁོང་རྒྱལ་བའི་སྤྲུལ་སྐུའང་མིན་པར་འདོད།  ཁོང་ལ་ཟུར་མི་འདྲ་བའི་ངོས་ནས་ལྟ་ཚུལ་ཀྱང་མི་འདྲ་བས་ཁོང་གི་མགུར་གླུ་ལའང་ལྟ་ཚུལ་མི་འདྲ་བ་དང་འགྲེལ་སྟངས་ཀྱང་མི་འདྲ་བས་ལ་ལས་འདོད་གླུར་དང་ལ་ལས་ཉམས་མགུར་ཏུ་བསམ།  གང་ལྟར་ཀྱང་སྙན་ངག་ལེགས་པོ་ཞིག་ཡིན་པ་སུས་ཀྱང་ཁས་ལེན།  དེབ་འདིས་ཚངས་དབྱངས་རྒྱ་མཚོའི་མི་ཚེའི་གསང་བ་བཙལ་བ་མ་ཟད།  མགུར་གླུའི་ངོས་དང་ཟུར་ནས་མྱོང་བའི་འགྲེལ་བའང་བྲིས་ཤིང༌།   གཞན་གྱི་མིག་མི་འདྲ་བས་མཐོང་བའི་མགུར་གླུའི་གསང་བའི་ཡུལ་ལྗོངས་དེའང་བཀྲལ་འདུག   ཁྱེད་རང་ཚངས་མགུར་གྱི་འཇིག་རྟེན་དུ་འགྲིམ་འདོད་ན།   ཁྱེད་རང་གནའ་བོའི་སྙན་ངག་ཅིག་གི་སྐྱིད་སྡུག་ལ་ཐིམ་འདོད་ན།  དེབ་འདིར་གཟིགས་དང༌།   སྙན་ངག་གི་དགའ་སྐྱོའི་འགྱུར་བའི་ཉམས་དེས་ཁྱེད་ཉིད་བཟི་བར་བྱེད་དོ།། དཔེ་སྐྲུན་ཁང༌།  ཀན་སུའུ་མི་རིགས་དཔེ་སྐྲུན་ཁང༌། དེབ་རེར་སྒོར།   ༢༥ འབྲེལ་གཏུག་བྱེད་ས། བླ་བྲང་ལྔ་རིག་དཔེ་ཁང༌། ཟི་ལིང་བོད་མིའི་ཁྲོམ་གྱི་རིག་བཅུའི་དཔེ་ཁང༌། ཟི་ལིང་བོད་མིའི་ཁྲོམ་གྱི་མང་ཚོགས་སྒྱུ་རྩལ་དཔེ་ཁང༌། ཟི་ལིང་མེ་འཁོར་ས་ཚིགས་འགྲམ་གྱི་རྒྱང་བསྐྱོད་རླངས་འཁོར་ས་ཚིགས་ཀྱི་བདེ་སྐྱིད་དཔེ་ཁང༌། གངས་ལྗོངས་ཤེས་རིག་ནོར་བུའི་གླིང་གི་དགེ་རྒན་རྔ་བ་དར་རྒྱས། མཚོ་སྔོན་མང་རྫོང་ཀླུ་ཚང་དགོན་པའི་མང་རའི་བཟོད་པ་རྒྱ་མཚོ།  ནག་བཟའི་ཆོས་གྲགས།   ནག་བཟའི་བརྩོན་འགྲུས་བཅས་ཡིན། ཕྱི་ལོ་ ༢༠༡༥ལོའི་ཟླ་དང་བོའི་ཚེས་གཉིས་ཉིན། དགོན་སྡེའི་སློབ་གསོའི་ངོ་སྤྲོད།     ...