གངས་ཕྲུག་བསིལ་རླུང་། ཨ་འབུམ་བློ་བཟང་དམ་ཆོས་ཀྱིས་བསྒྱུར།                 ཨ་རི་བས་སྐྱུག་རྫོབ་ཀྱི་ཨ་རི་བ་བྲིས་ཡོད་པ་དང་།  འཇར་པན་པས་སྐྱུག་རྫོབ་ཀྱི་འཇར་པན་པ་བྲིས་ཡོད། སྐུ་ཞབས་པོ་ཡང་གིས་ཀྱང་སྐྱུག་རྫོབ་ཀྱི་རྒྱ་རིགས་བྲིས་ཡོད་པ་རེད།  དེས་ན་ང་ཚོས་ཅིའི་ཕྱིར་སྐྱུག་རྫོབ་ཀྱི་བོད་རིགས་ཞེས་པ་འབྲི་མི་ཐུབ་པ་རེད།   དངོས་ནས་ང་ཚོའི་མི་རིགས་ནི་དེ་འདྲའི་ཕུལ་དུ་བྱུང་བའི་མི་རིགས་ཞིག་ཡིན་ནམ། རྩོམ་པ་པོས་བལྟས་ན་ང་ཚོའི་མི་རིགས་ནི་མི་རིགས་གཞན་པ་འདི་དག་ལས་ཀྱང་སྐྱུག་རྫོབ་ཞིག་རེད། ངས་སྐད་ཆ་འདི་བཤད་མ་ཐག་ངའི་སེམས་ནས་གསལ་པོར་ཤེས་ཐུབ་པ་ནི་སྤུན་ཟླ་མང་པོས་ང་ལ་མཆིལ་ཞགས་འཕེན་ངེས་པ་མ་ཟད།  ཐ་ན་ང་ལ་མི་རིགས་ཀྱི་ཞབས་འདྲེན་རེད་ཅེས་སྡིགས་ངེས་ཡིན།  རྒྱུ་མཚན་ང་ཚོའི་མི་རིགས་འདི་ལ་གནའ་ནས་སྐྱོན་བརྗོད་དང་ནོར་འཁྲུལ་ངོས་ལེན་བྱེད་ཕོད་པའི་བློ་ཁོག་མེད་པས་རེད། གྲོགས་པོ་ལགས། ཁྱོད་ཀྱིས་བསམ་བློ་བཏང་ཨེ་མྱོང་།  དུས་རབས་ཉེར་གཅིག་པའི་ང་ཚོ་ཅིའི་ཕྱིར་གཞན་མི་རིགས་ཀྱི་རྗེས་མ་ཆོད་པ་རེད།  བོད་རིགས་སྤུན་ཟླ་མང་པོ་ཞིག་གིས་ང་ཚོའི་མི་རིགས་ནི་ལོ་རྒྱུས་རྒྱུན་རིང་ལྡན་པའི་མི་རིགས་ཞིག་ཡིན་པ་དང་།  ང་ཚོའི་མི་རིགས་ནི་གཞུང་དྲང་སྙིང་རྗེ་ལྡན་པའི་མི་རིགས་ཞིག་ཡིན་ཞེས་གླེང་རྒྱུར་དགའ།  གཅིག་བྱས་ན་ལོ་བརྒྱ་ཕྲག་འགའི་སྔོན་དུ་དེ་འདྲ་ཡིན་ཡང་སྲིད། འོན་ཀྱང་ད་ལྟ་བོད་རིགས་ཡོངས་སུ་འགྱུར་ཚར་ཡོད། སྐུ་ཞབས་པོ་ཡང་ལགས་ཀྱིས། གལ་ཏེ་མི་རྣམས་བླ་མེད་ཀྱི་སྤྱོད་བཟང་དང་མི་གཤིས་ལ་ཁ་བྲལ་ཚེ། དུས་འགྲོ་དང་གཉིས་སུ་དབྱེར་མེད་ཅེས་བཤད།  ད་ཆ་ང་ཚོའི་མི་རིགས་ཀྱི་གཤིས་རྒྱུད་ངན་རུལ་དུ་གྱུར་ནས་སྐྱོབ་ཐབས་བྲལ་བའི་གནས་སུ་ལྷུང་འདུག  འོན་ཀྱང་དོན་དངོས་ཀྱི་གནས་ཚུལ་འདི་ཁས་ལེན་མཁན་ག་ཚོད་ཡོད་དམ། སོ་ཕག་འཕངས་ནས་གཡང་ཊི་འདྲེན་པའི་དཔེ་ལྟར་ཡང་དག་བསམ་འཆར་བསྡུ་ལེན་བྱེད་ཕྱིར་ངས་རྩོམ་ཐུང་འདི་འབྲི་བའི་སེམས་ཐག་བཅད་པ་ཡིན།  གལ་ཏེ་བོད་རིགས་ཚོར་ད་དུང་སྐྱེས་ཐོབ་ཀྱི་ཤེས་རབ་ལྡན་པའི་མཁས་པ་རེ་ཡོད་ན་གཏིང་ཟབ་པའི་ངང་ནས་ཞིབ་འཇུག་དང་གྲོས་བསྡུར་བྱེད་པའི་རེ་བ་ཡོད། གཅིག དཀའ་བ་མ་སྤྱད་པར་འབྲས་བུ་ཐོབ་འདོད་ཀྱི་བསམ་བློ་ཤིན་ཏུ་ཚབས་ཆེ་བ།       གང་ལྟར་འབྱོར་ཕྱུག་རྒྱས་པའི་ནང་ལོག་གམ། ཡང་ན་ལྷིང་འཇགས་ཀྱི་སྤུ་ཧྲེང་རྫོང་ཡིན་ན་ཆོག ངས་ག་དུས་ཡིན་ནའང་ལྷ་སའི་སྲང་ལམ་གྱི་ལག་གཉིས་བསྲིངས་ནས་གཞན་ལ་སྒོར་མོ་སློང་བ་དང་ཟ་མ་སློང་བའི་གཞོན་ནུ་ཁྱུ་ཚོ་དེ་དག་དྲན་འོངས། ...

མཁས་དབང་དགེ་འདུན་ཆོས་འཕེལ། གང་ལ་བརྟེན་ན་བསླུ་བ་མ་མཆིས་པའི།། སྐྱབས་གནས་རིན་ཆེན་གསུམ་གྱི་ཐུགས་རྗེའི་མཐུས།། དོན་མེད་འཁོར་བའི་འཕྲུལ་སྣང་ཀུན་ཞི་ནས།། བློ་སྣ་ཆོས་ལ་ཕྱོགས་པར་བྱིན་གྱིས་རློབས།། ཅི་ལ་བསམས་ཀྱང་འཇིག་རྟེན་བྱ་གཞག་ལ།། ཡང་སྒོས་སྙིང་བོ་ཏིལ་ཙམ་མི་འདུག་པས།། ཡུན་ཐུང་ཚེ་འདིའི་བློ་སྣ་བསྒྱུར་བྱས་ཏེ།། ད་ནས་སྙིང་བོའི་ལྷ་ཆོས་བྱེད་པར་བྱ།། དར་མའི་ན་ཚོད་དབྱར་གྱི་མེ་ཏོག་ཙམ།། མཛེས་པའི་བཀྲག་མདངས་དགུན་གྱི་འཇའ་ཚོན་ཙམ།། མི་ཡི་ཚེ་ལ་ཡུན་ལོང་མི་འདུག་པས།། ད་ནི་སྙིང་བོའི་ལྷ་ཆོས་བྱེད་པར་བྱ།། སྡུག་པའི་དུས་སུ་སྐྱིད་པའི་ཐབས་ལ་རེ།། སྐྱིད་པའི་དུས་སུ་སྡུག་བསྔལ་ཡོང་གིས་དོགས།། རེ་དོགས་འཕྲང་ལས་ཐར་དུས་མི་འདུག་པས།། ད་ནི་སྙིང་བོའི་ལྷ་ཆོས་བྱེད་པར་བྱ།། གཅེས་པར་བསྐྱངས་ཀྱང་ནད་དང་གཅོང་གི་གཞི།། རྒྱན་གྱིས་མཛེས་ཀྱང་མི་གཙང་རང་བཞིན་ཉིད།། མི་རྟག་ལུས་ལ་སྙིང་བོ་མི་འདུག་པས།། ད་ནི་སྙིང་བོའི་ལྷ་ཆོས་བྱེད་པར་བྱ།། ཕྱུག་པོ་ཕྱུག་པོའི་ས་ནས་སྡུག་གཏམ་བྱེད།། དབུལ་བོ་དབུལ་བོའི་ས་ནས་སྨྲེ་ངག་འདོན།། མི་རེའི་སེམས་ལ་སྡུག་བསྔལ་ཁུར་བོ་རེ།། འཁོར་བའི་གནས་ན་བདེ་བའི་སྐབས་མ་མཆིས།། སྤྱིར་ན་ཕྱི་རོལ་བདེ་སྡུག་སྣང་བ་ཀུན།། རང་གི་སེམས་ཉིད་གཅིག་པོའི་ཆོ་འཕྲུལ་ཏེ།། ནང་གི་གཟུགས་བརྙན་ཕྱི་རུ་འཆར་བ་ལས།། ཕྱི་ཡི་རྣམ་པ་ཚུར་ལ་འོངས་པ་མིན།། དེ་ལྟར་ལེགས་པར་གོ་ནས་དཔྱད་པ་ཡིས།། ཀུན་གཞི་སེམས་ཀྱི་རྩ་བ་ཆོད་པའི་ཚེ།། སྣང་བའི་ན་བུན་འདི་ཡི་ཕ་རོལ་ན།། ཆོས་ཉིད་དོན་གྱི་ནམ་མཁའ་དངོས་སུ་བཞུགས།། ཡོད་ཅེས་བྱ་བ་འདི་ཡང་བཅོས་མ་སྟེ།།...