February ༨, ༢༠༡༥

མཱར་ཊིན་ལུ་ཐར་ཀིང་རྗེས་དྲན་དུ།

རི་བོ་ཡར་ལྷ་ཤམ་པོའི་དབུ་རྩེ་ནས་ཀྱང་རང་དབང་གི་ཅོང་སྒྲ་དེ་སྒྲོག་པར་བསྒུག་ནས་ཡོད། _____མཱར་ཊིན་ལུ་ཐར་ཀིང་རྗེས་དྲན་དུ། སྤོ་ཆུང་ཚང་དོན་གྲུབ་ལྷ་དར། རྩོམ་ཡིག་འདི་ཉིད་རྒྱས་པ་བོད་ཀྱི་བང་ཆེན་གསར་ཤོག་ཐོག་བཀོད་རྗེས་འདིར་སྙིང་བསྡུས་ཤིག་བསྐྱར་འགོད་ཞུས་ཡོད།          གུས་བཀུར་འོས་པའི་སྐྱེས་བུ་དམ་པ་མཱར་ཊིན་ལུ་ཐར་ཀིང་( Martin Luther King, Jr) མཆོག་གིས་གཏམ་བཤད་གནང་སྐབས་ཀྱི་ངོ་གདོང་གི་འགྱུར་བག་དང་། ལག་པའི་གདེངས་འཇོག སྐད་ཀྱི་ངར་ཤུགས་སོགས་ནས་ལུས་ངག་ཡིད་གསུམ་འཐབ་རྩོད་དེའི་ནང་ཐིམ་པའི་རིགས་ཞེན་ཅན་ཞིག་གི་བློས་གཏོང་དང་། དཔའ་སྤོབས་མཐོང་བྱུང་ལ། མིང་དོན་མཚུངས་པའི་དབུ་འཁྲིད་ཅིག་གི་ཁྱད་ཆོས་མཇལ་བྱུང་། དེ་དག་ནི་མི་དཀྱུས་མ་ཞིག་གིས་དགུང་ན་གཞོན་པའི་སྐབས་ནས་གསར་བརྗེའི་བྱ་གཞག་རླབས་ཆེན་དེ་ལྟ་བུ་ཞིག་སྣེ་འཁྲིད་ལེགས་གྲུབ་ཐུབ་པའི་རྒྱུ་མཚན་ལོས་ཡིན་སྙམ་པ་བྱུང་། སྤྱི་འབངས་ཀྱི་ཐོབ་ཐང་རྩོད་ལེན་པ་དང་ཞི་བདེའི་དབུ་འཁྲིད་རླབས་ཆེན་མཱར་ཊིན་ ལུ་ཐར་ཀིང་ཕྱི་ལོ་ ༡༩༢༩ ། ༡། ༡༥། གྲང་ངར་ཆེ་བའི་དགུན་དུས་སུ་ཨ་རིའི་ཇཱིཨོར་ཇཱི་ཡ་ Georgia མངའ་སྡེའི་ཨེ་ཊི་ལཱན་ཊ་Atlanta, རུ་ཕ་མ་གཉིས་ཀ་མི་རིགས་ནག་པོ་ཡིན་པའི་ཁྱིམ་ཚང་ཞིག་ནང་སྐུ་འཁྲུངས། སྐབས་དེའི་མི་རིགས་ནག་པོའི་གནས་བབ་ནི་བྲན་གཡོག་དང་དབྱེ་འབྱེད་ཀྱི་འོག་ཏུ་ཚུད་པའི་མུན་ནག་གི་དུས་རབས་ཤིག་སྟེ།  རྒྱུན་རིང་ངན་ལངས་ངན་གོམས་དང་།  ལུགས་མཐུན་མིན་པར་ཁྲིམས་དང་གོམས་སྲོལ་དུ་ཆགས་པའི་མི་རིགས་དཀར་ནག་དབྱེ་ འབྱེད་འོག་གནས་ཡོད། ལྷག་པར་ཨ་རིའི་ལྷོ་ཕྱོགས་ཁུལ་དུ་མི་རིགས་ནག་པོ་ཚོ་མི་རིགས་དཀར་པོ་འགྲོ་སའི་ལྡུམ་ར་དང་།  སློབ་གྲྭ།  ཞབས་བྲོ་ཁང་།  ཟ་ཁང་མགྲོན་ཁང་དང་།...
དེ་ལས་མང་པ།

བཙོན་ནས་ཧོར་ཁང་ལ་གནང་བའི་མགུར།

དགེ་འདུན་ཆོས་འཕེལ། འདི་ན་སུ་དང་གང་གིས་མི་ཤེས་པའི།། གཡུང་དྲུང་ལྷ་ཡི་རྨུ་ཐག་རིང་མོ་འདིས།། མཐའ་མེད་ཆོས་དབྱིངས་རིག་པའི་དབྱིངས་སུ་བཏགས།། རིག་པའི་བུ་ཆུང་ལུས་ཀྱི་ནང་དུ་བཏགས།། ལུས་ཀྱི་ཐོ་ཡོར་ཟས་དང་སྐོམ་ལ་བཏགས།། ཟས་དང་སྐོམ་ནི་ཕྱི་རོལ་རྐྱེན་ལ་བཏགས།། དེ་ལྟར་ཐག་པ་གཅིག་ལ་གཅིག་མཐུད་པས།། གཅོད་པའི་ས་མཚམས་གཞན་ནི་ཡོད་མ་ཡིན། ས་མཚམས་གཅིག་ནི་ཀུན་གྱིས་མི་འདོད་པ།། ལུས་སེམས་འབྲེལ་ཐག་ཆོད་པའི་འཆི་བ་ཉིད།། ས་མཚམས་གཅིག་ནི་ཀུན་གྱིས་མི་ཤེས་པ།། ཐག་པ་རུལ་ནས་དབྱིངས་རིག་འདྲེས་པ་ཉིད།། སེམས་འདི་མཐའ་དང་བྲལ་བའི་ལྷ་མོ་སྟེ།། ལྷ་མོའི་ཕ་ཡུལ་འཇིག་རྟེན་འདི་མིན་མོད།། སེམས་ཀྱི་ལྷ་མོའི་ཞབས་ཀྱི་མཐེ་ཆུང་གཅིག། སྐུད་པས་ལུས་པོ་འདི་ལ་དམ་དུ་བཏགས།། དེ་ནས་སྐུད་པ་འདི་ཉིད་ཆད་ཀྱི་བར།། ལུས་ཀྱིས་གང་མྱོང་སེམས་ཀྱིས་མྱོང་བར་སྣང༌།། མཐེ་ཆུང་འདི་ལ་ཕན་གནོད་གང་བྱས་པས།། ལྷ་མོ་དེ་ལ་བདེ་སྡུག་མྱོང་བར་ཟད།། ཐག་པ་འདི་དེ་ཆད་ན་ལེགས་མོད་ཀྱང༌།། ཐག་པ་ཆད་པར་འཇིག་རྟེན་ཐམས་ཅད་སྐྲག།། ཐག་པས་འབྲེལ་བའི་ཐབས་ལ་འབད་པ་ན།། ཐག་པའི་སྣེ་ཀུན་ཚེར་མས་དཀྲིས་པར་མཐོང༌།། ཚེར་མའི་རྩེ་མོ་རེ་རེ་འགོག་སླད་དུ།། ཤེས་རིག་ལས་ཀྱི་རྣམ་གྲངས་རེ་རེ་བསླབ།། དེས་ན་ཚེར་མ་འགོག་པའི་ཁྲལ་ལས་འདི།། མ་ཤིའི་བར་དུ་བྲེལ་བས་བྱེད་པར་ཟད།། ཚར་མེད་སྤང་དུ་མེད་པའི་བྲེལ་བ་འདི།། ཀུན་ཀྱི་སྐྱེ་བ་བླངས་པའི་དོན་སྒོར་སྣང༌།། མཁའ་དང་མཉམ་པའི་སེམས་ཀྱི་ཆ་ཤས་གཅིག། ཤ་ཁྲག་ལས་ཀྱི་འདམ་དུ་ཚུད་པ་ན།། ཚ་གྲང་བཀྲེས་སྐོམ་རེ་དོགས་འཇིགས་སྐྲག་གི།...
དེ་ལས་མང་པ།

འབྲོག་པའི་སེམས་ངལ།

(རྡུང་ལེན་གཞས་ཚིག) ཇོ་རུ། ______མཆེད་གྲོགས་ཞིག་གིས་གཞས་ཚིག་བསླངས་པའི་ངོ་མ་ཆོད་པར་བྲིས། ཕྱུགས་མ་བཙོང་འབྲོག་པར་ལྟོ་རྒྱབ་དཀའ།། ཕྱུགས་སྡེབ་འཚོང་བོད་པར་སྡིག་སྒྲིབ་ལྕི།། ལྟོ་སྡིག་སྒྲིབ་གཉིས་ཀྱི་བར་མཚམས་ན།། འབྲོག་རུ་བ་ཚང་ལ་སེམས་ངལ་ལྕི།། རྗེ་བླ་མ་སྐུ་ཚེ་བརྟན་རྒྱུ་བོ།། ཚེ་འདི་ཕྱི་བར་ནས་འདུམ་ཞིག་གནོངས།། ཕྱུགས་ཁེ་མེད་འཚོ་རྒྱུར་འགྲོ་སོང་དཀའ།། བྱམས་སྙིང་རྗེ་འདོར་རྒྱུར་བློ་བཟོད་ལྕི།། ཁེ་སྙིང་རྗེ་གཉིས་ཀྱི་བར་མཚམས་ན།། འབྲོག་རུ་བ་ཚང་ལ་སེམས་ངལ་ལྕི།། གོང་མཁས་པ་བསམ་དོན་འགྲུབ་རྒྱུ་བོ།། སེམས་དངོས་པོའི་བར་ནས་ལམ་ཞིག་སྟོན།། འབྲོག་རི་མགོར་ལུས་ན་ཡར་ཐོན་དཀའ།། རུ་གྲོང་མཐར་ཕབ་ན་རང་སྲོལ་འཆོར།། སྲོལ་ཡར་ཐོན་གཉིས་ཀྱི་བར་མཚམས་ན།། འབྲོག་རུ་བ་ཚང་ལ་སེམས་ངལ་ལྕི།། མཐོ་དཔོན་པོ་སྐུ་བསོད་དར་རྒྱུ་བོ།། སྲོལ་ཡར་ཐོན་བར་ནས་ཁྲིམས་ཤིག་བསྩོལ།། (ད་ལྟའི་འབྲོག་པའི་གནས་སྟངས་སྐོར་གྱི་པར་རིས་འགའ་མཐོང་བའི་སེམས་གཞིར་བཟུང་ནས་བྲིས།) ཕྱི་ལོ་ ༢༠༡༥ ཟླ་ ༢ ཚེས་ ༨ ཉིན། གསར་རྩོམ་གཞས་ཚིག་དག་གི་འགན་དབང་ངེད་དྲ་ཚིགས་ལ་ཡོད་པས་ཆོག་མཆན་མ་ཞུས་པར་གང་བྱུང་དུ་རྐུ་ཁྱེར་དང་བརྒྱུད་འགོད་བྱ་མི་ཆོག...
དེ་ལས་མང་པ།