མཁར་སྒང་བསོད་ནམས་དབང་ལྡན།       གདན་ས་ཆེན་པོ་སེ་ར་ཐེག་ཆེན་གླིང་གི་ཡ་གྱལ་སེར་བྱེས་མཁས་སྙན་གྲྭ་ཚང་ལ་ཐུན་མོང་དང་ཐུན་མོང་མིན་པའི་ཆོས་ཕྱོགས་ཀྱི་མཛད་ཆེན་མང་དུ་ཡོད་པའི་ནང་ནས་བཟང་སྤྱོད་ཆེན་མོ་ནི་གལ་ཆེ་ཤོས་དེ་ཡིན་པས། དེ་ངོ་སྤྲོད་ཞུ་ན་འདི་ལྟར། བཟང་སྤྱོད་ཆེན་མོ་འདི་སུའི་ཆེད་དུ་བཙུགས་པ། སུས་དུས་ནམ་བཙུགས་པ། ངོ་བོ་གང་ཡིན་བཅས་བཤད་རྒྱུ་ཡིན། ༡༽ བཟང་སྤྱོད་ཆེན་མོ་འདི་སུའི་ཆེད་དུ་བཙུགས་པ་ཤེས་པ་ལ་ཐོག་མར་སེར་བྱེས་མཁས་སྙན་གྲྭ་ཚང་གི་ཡིག་ཆ་མཛད་པ་པོ་འཇམ་དཔལ་དབྱངས་མིའི་གར་རོལ་རྗེ་བཙུན་ཆོས་ཀྱི་རྒྱལ་མཚན་དཔལ་བཟང་པོ་མཆོག་གི་མཛད་རྣམ་ཤེས་དགོས་པས།  ཅུང་ཟད་སྨོས་ན།  ཕྱི་ལོ་ ༡༤༦༩ རབ་བྱུང་བརྒྱད་པའི་ས་མོ་གླང་གི་ལོར་གཙང་མྱང་སྟོད་རི་ནང་གི་ཁྱེའུ་ཞེས་པར་སྐུ་འཁྲུངས།  དགུང་ལོ་བདུན་པར་རབ་ཏུ་བྱུང་བ་ནས་བཟུང་སྡོམ་གསུམ་རིམ་གྱིས་བཞེས་ཤིང་། རྒྱལ་བའི་བསྟན་པ་རིན་པོ་ཆེ་ལ་ཐོས་བསམ་སྒོམ་པ་ཡ་མ་བྲལ་བར་མཛད་དེ། ལུང་རིགས་ཀྱི་དབང་ཕྱུག་ཆེན་པོར་གྱུར་པས། མཁས་པ་ཀུན་གྱི་གཙུག་གི་རྒྱན་དུ་གྱུར། དགུང་ལོ་ཉེར་བཞི་ཡས་མས་སུ་གཙང་གི་རོང་སྦུག་ཏུ་བཞུགས་སྐབས་མནལ་ལམ་དུ་ཡི་དམ་རྗེ་བཙུན་སྒྲོལ་མ་དང་།  དམ་ཅན་ཆོས་ཀྱི་རྒྱལ་པོ་གཉིས་ཀྱི་སྐུའི་སྣང་བ་ཡང་ཡང་བྱུང་བ་ལ་སོགས་པའི་གཟིགས་སྣང་ཁྱད་པར་ཅན་དང་།  ནང་གི་ཉམས་རྟོགས་ཀྱང་ཕུན་སུམ་ཚོགས་པ་ལ་སོགས་པ་བྱུང་བ་འདིར་བརྗོད་ཀྱིས་མི་ལང་ཡང་།  འཕྲིན་ལས་ཀྱི་གཙོ་བོ་ནི།  ཕྱི་རབས་ཀྱི་གདུལ་བྱའི་དོན་དུ་དགོངས་ཏེ། གཞུང་ཆེན་བཀའ་པོད་ལྔ་ལ་སོགས་པའི་སྐོར་གྱི་གསུང་རྩོམ་ཟབ་ཅིང་རྒྱས་ལ། ཁ་གསལ་ཞིང་མཐའ་ཆོད་པ་མང་དུ་མཛད་པ་རྣམས་ད་ཆར་གསུང་འབུམ་པོད་བཅུ་དྲུག་བཅུ་བདུན་ཙམ་སྒྲིག་འཆར་ཡོད་པ་ལྟར་ཡིན་ལ།  བཀའ་སྲོལ་བརྒྱུད་འཛིན་གནང་མཁན་ཡང་། སེར་བྱེས་གྲྭ་ཚང་དང་།  བྱང་རྩེ་གྲྭ་ཚང་གིས་མཚོན་པའི་བོད་ས་སྟོད་སྨད་བར་གསུམ་ལ་དགོན་པ་ཆེ་ཆུང་བགྲང་གིས་མི་ལང་བ་ཞིག་བྱུང་བ་སོགས་ཏེ།  མཁས་གྲུབ་གཉིས་ལྡན་གྱི་སྐྱེས་ཆེན་དམ་པ་ཁོང་གི་དགོངས་རྫོགས་དུས་མཆོད་དུ་ བཙུགས་པ་ཞིག་རེད། ༢༽ དུས་ནམ་གྱི་ཚེ་སུས་བཙུགས་སྙམ་ན།  ཁོང་དགུང་ལོ་དོན་དྲུག་བཞེས་པ་རབ་བྱུང་དགུ་པའི་ཤིང་ཕོ་འབྲུག་ ༡༥༤༤ ལོའི་བོད་ཟླ་...

འབྲོག་མྱི།          ཕྱི་ལོ ༢༠༡༥ཟླ ༢ ཚེས ༥། རེས་གཟའ་ཕུར་བུའི་ཉིན། ཨ་རིའི་རྒྱལ་ས་ཝ་ཞིན་ཊིན་དུ་མངོན་པར་མཐོར་བཏགས་ཀྱི་ལོ་འཁོར་རྒྱལ་ཡོངས་ཞོགས་ ཇའི་སྨོན་ལམ་ལྷན་ཚོགས་སྟེང་། སྲིད་འཛིན་ཨོ་བྷ་མ་མཆོག་གིས ༧གོང་ས་རྒྱལ་བ་རིན་པོ་ཆེ་མཆོག་ལ་ཆེ་བསྟོད་གནང་བ་ལས། དངོས་སུ་མཇལ་འཕྲད་གནང་མེད། དེ་འདྲའི་བཀོད་སྒྲིག་ནི་རྒྱ་ནག་དང་ཨ་རིའི་འབྲེལ་བར་འགལ་ཟླ་ཆེར་མི་ལྷགས་པ་བྱས་པར་ངོས་འཛིན་བྱས་ཆོག ཨ་རིའི་ལོ་རེར་ཐེངས་རེར་ཚོགས་སྲོལ་ཡོད་པའི་རྒྱལ་ཡོངས་ཞོགས་ཇའི་སྨོན་ལམ་ལྷན་ཚོགས (National Prayer Breakfast) ནི་ཆབ་སྲིད་དང་ཆོས་ལུགས་དབུ་ཁྲིད། གྲགས་ཅན་མི་སྣ་ལྷན་འཛོམས་ཤིག་ཡིན་ཞིང་། དེ་རུ་ཨ་རི་དང་རྒྱལ་སྤྱིའི་དབུ་ཁྲིད ༣༦༠༠ལྷག་ལྷན་འཛོམས་བྱུང་ཡོད། སྲིད་འཛིན་ཨོ་བྷ་མས “གྲོགས་མཆོག” ཏཱ་ལའི་བླ་མར་དམིགས་བསལ་གྱི་དགའ་བསུ་ཞུས་ཡོད་ཅིང་། ཚོགས་ཞུགས་པ ༣༦༠༠འི་ཁྲོད། ༧གོང་ས་རྒྱལ་བ་རིན་པོ་ཆེ་མཆོག་གཏམ་བཤད་སྟེགས་བུའི་ཆེས་ཐག་ཉེ་སའི་མདུན་དུ་བཞུགས་ཡོད་པ་དང་། ལྷན་ཚོགས་མདོ་འཛིན་པས་དམིགས་བསལ་ངང་ ༧གོང་ས་རྒྱལ་བ་རིན་པོ་ཆེ་མཆོག་ལྷན་ཚོགས་ལ་ངོ་སྤྲོད་ཞུས་དུས།  ཨོ་བྷ་མས་ཕྱག་གཉིས་ཐལ་མོར་སྦྱར་ནས་ཧ་ཅང་དད་ཅིང་གུས་པའི་ཚུལ་གྱིས་དབུ་མར་གུག་གུག་གནང་ནས་གུས་འདུད་ཞུས་རྗེས་ཕྱག་གཡུག་གཡུག་གིས་དགའ་བའི་འཛུམ་དང་བཅས་ཀྱིས་  ༧གོང་ས་མཆོག་ལ་འཚམས་འདྲིའི་རྣམ་འགྱུར་བཏོན་ཡོད་པ་རེད། དེ་བཞིན་སྲིད་འཛིན་ཨོ་བྷ་མ་མཆོག་གིས་གསུང་བཤད་གནང་སྐབས། “ངས་དམིགས་བསལ་དགའ་བསུ་ཞུ་འདོད་པ་ཞིག་ནི།...

    སྤོ་བོ་ལགས་རྒས་འཁོགས་གཉིས་རྡོར་གདན་དུ་ཞབས་བསྐོར་ལ་མཉམ་དུ་ཕེབས་སྐབས་ལམ་ཟུར་ལ་ཁྱི་ཞིག་བསྡད་ཡོད་པ་མཐོང་བས། སྤོ་བོ་ལགས་གཅིག་གིས། “ཁྱི་དེས་ང་གཉིས་ལ་མིག་ལོག་བལྟ་ཡི་འདུག ཕལ་ཆེར་ང་གཉིས་འབྲུག་པའི་མི་དང་ནོར་བ་ཡིན་ས་རེད།” ཅེས་བཤད་པར། སྤོ་བོ་ལགས་གཞན་དེ་ཧང་སངས་ཏེ། “ཁྱིས་འབྲུག་པ་ལ་ཁོང་ཁྲོ་ལངས་ཡས་དེ། ་འབྲུག་པ་ཚོས་སུར་པན་མང་པོ་བཟས་ནས་བཙོག་པ་དེ་ཁྱིས་ཟ་དུས་ཁྱི་དེ་ཚོ་ཁ་ཞེ་དྲག་ཚ་ཡི་ཡོད་ཙང་འབྲུག་པ་མཐོང་དུས་ཁྱི་ཁོང་ཁྲོ་ཟ་ཡི་ཡོད་རེད།” ཅེས་བཤད་པས་སྤོ་བོ་ལགས་གཞན་པ་དེ་གད་མོ་ཤོར་ཐག་ཆོད་པ་རེད། སྐྱེ་དམན་ཁོང་ཁྲོ་ཟ་བ།           ཁྱོ་ག་ཞིག་གིས་སོ་སོའི་སྐྱེ་དམན་གྱི་ཕྱེད་པར་ཞིག་ག་དུས་ཡིན་ནའང་། དངུལ་ཁུག་ནང་འཁྱེར་གྱི་ཡོད་པ་དེ། སྐྱེ་དམན་གྱིས་མཐོང་སྟེ། “ཁྱེད་རང་ག་དུས་ཡིན་ནའང་སྦ་ཁུག་ནང་ལ་ངའི་པར་བཅུག་ནས་འཁྱེར་འགྲོ་ཡི་འདུག་པས་ག་རེ་ཡིན་ནམ།” ཞེས་དྲིས་པར། ཁྱོ་གས། “ང་ཕྱི་ལ་འགྲོ་དུས་རྙོག་གྲ་འདྲ་མིན་འཕྲད་དུས་ཁྱེད་རང་གི་འདྲ་པར་ལ་བལྟ་ཙམ་བྱས་ན་སེམས་པ་ལྷོད་ལྷོད་ཆགས་ཀྱི་འདུག དེ་འདྲ་སོང་ཙང་། ཁྱེད་རང་གི་འདྲ་པར་ག་དུས་ཡིན་ནའང་འཁྱེར་འགྲོ་ཡི་ཡོད། ” ཅེས་བཤད་པར། སྐྱེ་དམན་དེ་སྤོབས་པ་ཆེ་མདོག་གིས་བཤད་དོན། “དངོས་གནས་བྱས་ན་ཁྱེད་རང་ལ་ང་ག་གྲས་བཀའ་དྲིན་ཆེན་པོ་མ་རེད་དམ།” ཞེས་བཤད་པར། ཁྱོ་ག་དེས། “སྐུ་མཁྱེན།  ཁྱེད་རང་གི་འདྲ་པར་མཉམ་དུ་འཁྱེར་ནས་བལྟ་ཙམ་བྱེད་ཡས་དེ། ང་རང་གི་སེམས་ལ་སེམས་གསོ་བྱེད་ཡས་ཀྱི་ཆེད་དུ་ཡིན། ཕྱི་ལ་རྙོག་གྲ་འདྲ་འཕྲད་དུས་ཁྱེད་རང་གི་པར་ལ་བལྟ་ཙམ་བྱས་ན། ཕྱི་ལོགས་ཀྱི་རྙོག་གྲ་ཆུང་ཚགས་དེ་ཚོ་འདྲ་པར་འདིའི་རྙོག་གྲ་དང་བསྡུར་ན་གང་ཡང་མ་རེད་བསམ་སྟེ་ངའི་སེམས་ལ་ངལ་གསོ་ཡོང་གི་འདུག”  ཅེས་བཤད་པར་སྐྱེ་དམན་དེ་ཁོང་ཁོ་ཟ་ཐག་ཆོད་པ་རེད། ཡོང་ཁུངས་གཞན། ...