February ༢༡, ༢༠༡༥

ཕ་སྐད་ཉིན་མོའི་ཕྱིར་འདང་། (བོད)

 རུ་མང་འཕྲིན་ལས་རྒྱ་མཚོ། དེ་རིང་ནི་སྤྱི་ཟླ་༢.༢༡ཉིན་ཏེ་འཛམ་གླིང་ཕ་སྐད་ཉིན་མོ་ཡིན།  ཕྲན་གྱིས་དུས་ཆེན་འདིར་བོད་ཀྱི་ཕ་སྐད་ཐད་ཕྱིར་འདང་ཉུང་ཙམ་བྱེད་འདོད།  དེ་ཡང་དུས་རབས་རེ་རེ་དང་ལོ་རབས་རེ་རེའི་སྤྱི་ཚོགས་ཀྱི་འཕེལ་འགྱུར་དང་།  མི་རིགས་གཞན་དང་རྒྱལ་ཁབ་གཞན་གྱི་འབྲེལ་འདྲེས་བརྒྱུད་ནས་རང་རེ་བོད་ཀྱི་ཕ་སྐད་གཙང་མ་ལ་འདྲ་མིན་སྣ་ཚོགས་ཀྱི་སླད་སྐྱོན་མང་བོ་བྱུང་བས་འཛམ་གླིང་ཆེད་མཁས་པས་ཞིབ་འཇུག་བརྒྱུད་གཏན་འཁེལ་བྱས་པ་ལྟར་སྐད་རིགས་ཤིག་ཉམས་པ་ལ་བརྒྱུད་རིམ་བཞི་བརྩིས་ཡོད་པ་ལས་སྐབས་དེའི་རང་རེའི་བོད་སྐད་ལ་ཆ་རྐྱེན་ནམ་བརྒྱུད་རིམ་བཞི་བོ་དེ་ཕལ་ཆེར་ཚང་ནས་འདུག་པས་ཉམས་པའི་ཕྱོགས་སུ་འགྲོ་བའི་སྐབས་ལ།  ཀུན་གཟིགས་པཎ་ཆེན་བཅུ་བ་ཆེན་མོ་དང་།  དེང་རབས་མཁས་པ་མི་གསུམ་དུ་བགྲངས་པའི་ངེས་དོན་ཀྱི་མཁས་དབང་རྗེ་དམུ་དགེ་བསམ་གཏམ་རྒྱ་མཚོ།  ཨ་ལགས་ཚེ་ཏན་ཞབས་དྲུང་ཚང་། མཁས་དབང་དུང་དཀར་བློ་བཟང་འཕྲིན་ལས་ཚང་བཅས་ཀྱིས་བོད་ཁུལ་གྱི་ཆོས་དང་རིག་གཞུང་གི་ལས་སྒོ་སྣ་ཚོགས་སུ་སླད་ཞུགས་པའི་བོད་སྐད་བོད་ཡིག་གི་གསར་འགྱུར་དང་མཚམས་སྦྱོར་སྣ་ཚོགས་སོགས་ལ་སྐྱོན་བརྗོད་དང་ཐེར་འདོན་གནང་སྟེ།  ཕ་སྐད་གཙང་མའི་འཕྲིན་ལས་རྒྱས་པར་གཞོག་འདེགས་གནང་།  ཁྱད་པར་དུ་ཀུན་གཟིགས་པཎ་ཆེན་རིན་པོ་ཆེ་མཆོག་གིས་དུས་རྒྱུན་ཕྱག་ལས་སྣ་ཚོགས་གང་གི་སྐབས་ལའང་བོད་སྐད་བོད་ཡིག་རྣམ་དག་ལ་ཐུགས་འཇོག་གནང་སྟེ་སླད་སྐྱོན་ཅན་གྱི་ཐ་སྙད་གཅིག་ཀྱང་རང་དགར་མི་བསྐྱུར་བར་སྐྱོན་བརྗོད་དང་བཀའ་བཀྱོན་ཚ་ནན་གནང་།  དཔེར་ན་༡༩༧༩ལོར་ཁོང་རིན་པོ་ཆེ་མཚོ་སྔོན་དུ་ཕེབས་དུས་གསུང་བཤད་ཅིག་གི་སྐབས་ལ་ས་གནས་འགོ་ཁྲིད་ཅིག་གིས་འགོ་འཛིན་བྱས་ཏེ།  “ཞོལ་ནས་ཨུ་ཡོན་ཀྲང་གཞོན་པ་པཎ་ཆེན་ཨེར་ཏི་ནི་ཡིས་ཅཱང་ཧྭ་(讲话)བྱེད་རྒྱུ་རེད། ”  ཅེས་བརྗོད་པ་ལ་ཁོང་ཐུགས་རྒྱལ་བཞེངས་ནས་ཐད་ཀར་ཚོགས་འདུའི་བརྗོད་དོན་ཡང་བསྐྱུར་ཏེ་ཚུལ་དེ་ལ་སྐྱོན་བརྗོད་དང་བཀའ་བཀྱོན་ཚ་ནན་གནང་ཞིང་རིམ་པ་སོ་སོའི་འགོ་ཁྲིད་དང་ལས་བྱེད་ཚོ་ཚིག་གིས་དེད་ནས་རྐང་སུག་ཀྱང་སར་མི་ཚུགས་པར་འདར་འདར་དུ་བཏང་། དེ་ལྟར་ཁོང་གིས་ཕ་སྐད་གཙང་མ་ལ་གཅེས་སྐྱོང་གནང་།  ༡༩༨༩ལོར་གངས་ཅན་བོད་ཀྱི་བསོད་ནམས་ཀྱིས་མ་ཐེག་པར་ ༧ཀུན་གཟིགས་པན་ཆེན་བཅུ་བ་ཆེན་མོ་མཆོག་གློ་བུར་གཟུགས་སྐུའི་བཀོད་པ་ཆོས་དབྱིངས་སུ་བསྡུས་པའི་དུས་དེ་ནས་བཟུང་བོད་ཁམས་འདིར་བོད་ཀྱི་ཆོས་དང་རིག་གནས་ལ་སྟོབས་ཤུགས་ཞན་ཅིང་བདག་པོའང་ཅུང་ཇེ་ཉུང་ལ་འགྲོ་བ་དང་།  ལྷག་པར་དུ་ཕ་སྐད་གཙང་མའི་ལྗགས་ཀྱི་འདབ་མ་ལ་སྦྲགས་སྐད་ལྕགས་ཀྱི་མཛེར་མ་ཇེ་མང་ནས་ཇེ་མང་ལ་འགྲོ་བའི་སྐབས་དེར་ཏག་ཏག་སྣུམ་ཟད་མར་མེའི་འོད་ལ་ཏིལ་མར་བབ་པ་ནི་ ༡༩༩༤ ལོར་ཚུགས་པའི་གངས་ལྗོངས་ཤེས་རིག་ནོར་བུའི་སློབ་གླིང་རེད།   སློབ་གླིང་འདི་ཚུགས་ནས་ལོ་ངོ་གཉིས་གསུམ་ཙམ་ནས་བཟུང་བོད་རང་གི་རིག་གནས་ཀྱི་གཞི་རྐང་སྟེང་བརྟན་པོར་ལངས་ཏེ་ཕ་སྐད་གཙང་མ་སྨྲ་བའི་འབོད་སྐད་བསྒྲགས།  དགེ་སློབ་ཀུན་གྱིས་ཕ་སྐད་ལ་དོ་སྣང་ནན་མོ་གནང་ཞིང་སྦྲགས་སྐད་རེ་ལ་ཐལ་ལྕག་དང་ཤ་གཅུ། ལེགས་བཤད་བློར་འཛིན་སོགས་ཀྱི་ཆད་པ་སྣ་ཚོགས་མ་བསམ་ས་ནས་ཉོ་ངེས་ཡིན། སྐབས་དེར་གཞུང་ལས་ཁང་ལོགས་སུ་མེད་སྟབས་དགེ་རྒན་རྣམས་ཀྱིས་ལྷན་དུ་གསུང་གླེང་མང་བོ་གནང་ས་ནི་ཇ་ཁང་ཡིན་པས་དེ་རུ་ཕ་སྐད་གཡང་གི་སྒམ་ཆུང་ཟེར་བ་ཞིག་ཡོད།  སུས་སྦྲགས་སྐད་བཤད་ན་སྒམ་ཆུང་ནང་ལ་སྒོར་གཅིག་འཕེན་པའི་འགྲིག་ལམ་ཚུགས།  སྒམ་ཆུང་དེས་ཇ་ཁང་ནང་མི་ཡོང་ཡོང་ཀུན་གྱི་ཁར་བལྟས་བལྟས་ངང་བསྡད་ནས་སྦྲགས་སྐད་བཤད་མཁན་ཞིག་ཡིན་ན་གོང་རིམ་མགོ་ཁྲིད་དང་བླ་སྤྲུལ་སྐུ་མགྲོན་སུ་ཡིན་ཀྱང་ཡ་ང་དང་རྫུ་བག་མེད་པར་སྦྲགས་སྐད་རེར་སྒོར་གཅིག་རེ་ལེན་ངེས་ཡིན།  སློབ་སྐབས་རེ་རེའི་དབྱར་དགུན་གནང་སྐབས་དགེ་སློབ་ཀུན་གྱིས་བོད་ཁུལ་གྱི་ས་གནས་སོ་སོར་ཕ་སྐད་གཙང་མ་སྨྲ་བའི་འབོད་སྐད་ཤུགས་ཆེན་པོར་བཏོན་པས་གྲུབ་འབྲས་མི་དམན་པ་རེ་ཐོབ།  ཚུལ་འདི་དག་ནི་གོང་གི་སྐྱེས་ཆེན་དེ་དག་གི་འཕྲིན་ལས་ལས་བྱུང་བའི་བོད་ཁུལ་ལ་ཕ་སྐད་གཙང་མ་བརྗོད་འབོད་པ་དང་བོ་སྟེ། མི་སྒེར་ཙམ་མ་ཡིན་པར་ཚོགས་སྡེའི་རྣམ་པའི་སྒོ་ནས་བོད་ཁུལ་ལ་ཕ་སྐད་ཀྱི་འབོད་སྐད་གཏོང་མཁན་དང་བོ་ཡིན།  ད་ལྟའི་བར་ཕ་སྐད་སློབ་དེབ་དཔེ་ཆ་སྣ་ཚོགས་དང་།  འོད་སྡེར། ཀློག་འདོན་འཕྲུལ་སྨྱུག་སོགས་ཁྲི་ལྔ་བཅུ་ལྷག་བོད་མདོ་དབུས་ཁམས་གསུམ་གྱི་སྤྱི་ཚོགས་སུ་བཀྲམ་ཡོད།...
དེ་ལས་མང་པ།

རྒྱ་མཚོ་ལ་བལྟས་པ།

མགར་བཟའ། ལྗང་ནེམ་ནེམ་གྱི་ཞོགས་པ་ཇི་ལྟར་མཛེས་ནའང་། ཤ་དྲོད་དབེན་པའི་སྐྱི་པགས་རྫོབ་པོ་དག་གིས། སྒོ་དང་སྒེའུ་ཁུང་གང་རུང་ནས་སྐེ་སོ་བལྟས་བྱུང་། གྲིབ་སོ་རེ་རེ་གློག་རླབས་ཀྱིས་ཧྲུག་གེར་འཆོས་ཤིང་། དབུགས་རྒྱུན་ཡོད་ཚད་འཕྲུལ་ཆས་ཀྱིས་ཡོངས་སུ་དགག་འདུག་པ་འདྲ། ཏག་ཏག་བར་སྐབས་འདིར། སེམས་པ་ནི་གཤོག་ཐོགས་ཤིག་དང་འདྲ་བར། འཆར་ཡན་གྱི་བར་སྣང་ནས་རླུང་གིས་ཡང་ཡང་གསེད། བྱ་ཁྱུ་བག་ཡངས་ཀྱིས་རྒྱུ་བའི་གླིང་ཀ རྩ་ཐང་བཅོས་མ་ཞིག་སྟེ ཕྱི་ཚུལ་ནས་ཁ་དོག་གསོབ་རྫུ་རེ་གྱོན་ཏེ། གྲོང་ཁྱེར་ཁོ་ནས་རོལ་དབྱངས་ལ་ཕྱོགས་དུས། ངས་བཙལ་ཆོག་ཆོག་གི་མིག་ཟུང་དེ་རྙེད་ཐབས་མི་འདུག གངས་རིའི་སྙིང་ཁ་ནས་ལམ་ལ་ཆས་ཏེ། རྒྱ་མཚོའི་རླབས་རྒྱུན་དང་དབྱངས་འགྲོས་ལ་འཁྱུད་དུས། རྨི་ལམ་གྱི་སྒོ་མོ་འདི་འདས་སོང་དང་སང་ཉིན་ལ་ཕུལ་ཆོག་གམ། འདི་ལྟར་ཁ་སང་གི་འགྲོ་ལམ་ནོར་སོང་ན། དེ་རིང་གི་ངག་སྒྲུང་བོར་བྱུང་ན། ཡང་ན་སང་ཉིན་གྱི་གདོང་རིས་འགྱུར་དགོས་ན། སུ་ཞིག་ལ་གནོང་དགོས་པ་ལྟ་བུའི་ཡིག་འབྲུ་ནག་པོ རང་ཉིད་ཁོ་ནའི་སེམས་ཀྱི་དུར་ཐང་ན། ལྷོག་ལྷོག་ཏུ་འགུལ་བའི་རྣམ་ཤེས་ལྷག་མ་དེའོ། འདི་ལྟར་ས་ཆེན་པོའི་ལག་མཐུལ་ནས། སེམས་ཀྱི་ཟབ་ས་ནས་བརྩེ་འདང་ཁོ་ནས་གྲིབ་གཟུགས་འཚོལ་དུས། མཐའ་མེད་པའི་བྱེ་ཐང་དང་རྒྱ་མཚོ་ཙམ་ལས། ང་ལ་དབང་ཆོག་ཆོག་གི་བླ་རི་ཞིག་མེད་པ་ཚོར། ཉི་ཟེར་གྱིས་འཁྱུད་པའི་རྒྱ་མཚོའི་ངོགས་སུ། ཁ་དོག་ཅི་ཡང་འཛོམས་པ་བདེན་མོད། སིག་སིག་འཕྱོ་བའི་ངའི་མེས་པོའི་རལ་པ་མི་འདུག རྨི་ལམ་དཀྲོགས་པའི་རྩྭ་ཐང་གི་ཞོགས་གླུ་མི་འདུག ངའི་བླ་སྲོག་བསྐྲུན་པའི་ཀ་ཁའི་གླེགས་བམ་མི་འདུག གང་ཡང་མེད་དུས། བདག་མེད་དུ་ཡན་པའི་བྱ་ཁྱུའི་གཤོག་འགྱུར་ནི།...
དེ་ལས་མང་པ།

ལོ་གསར་ཚེས་གཅིག་གི་དྲན་གསོ།

རྡོ་རྗེ་རིན་ཆེན་གྱིས་བྲིས།    སྔོན་མ་རྗེའུ་ཤུ་མི་རིགས་ཀྱིས་ཉིན་རེའི་ཞོགས་ཟས་མ་ཟོས་སྔོན་དུ། ནང་མི་ཚང་མ་མཉམ་མཛོམས་ཀྱིས། རྒྱལ་ཁབ་ཤོར་བ་དང་དགྲ་བོ་ལ་དྲན་གསོ་གནང་རྗེས། ཞོགས་ཟས་ཟ་བའི་ལོ་རྒྱུས་ཡོད།    ང་ཚོས་དེ་འདྲ་བྱེད་མ་ཐུབ་རུང་། བོད་མི་ཚང་མས་ལོ་གསར་བའི་ནང་རྗེའུ་ཤུའི་མི་རིགས་བཞིན། ལོ་གསར་ཚེས་གཅིག་གི་ཟས་མཆོག་ལ་མ་རོལ་སྔོན་དུ།   རང་གི་རྒྱལ་ཁབ་ཀྱི་ཆགས་འཇིག་དང་མི་རིགས་ཀྱི་ལས་དབང་། དགྲ་བོའི་གཉའ་གནོན་སོགས་ལ་དྲན་གསོ་གནང་རྗེས། ལོ་གསར་བ་བསུ་རོགས།  གཅིག་ན། བདག་གིས་དྲན་སྐུལ་མ་གནང་རུང་། བོད་མི་ཚོས་དེ་ལྟར་གནང་སྲིད་ངེས་ཏེ། ལོ་གསར་ནི་ལོ་ཡི་འཁོར་མོ་གཅིག་ནང་གི་ཁྱིམ་མི་ལྷན་འཛོམས་དང་། དགའ་སྐྱིད་མཉམ་རོལ་ཡོང་བའི་དུས་ཆེན་ཆེ་ཤོས་ཤིག་ཡིན་རྐྱེན།    ང་ཚོ་བོད་མི་རྣམས་ལོ་ངོ་མང་བོའི་རིང་དུ། ཕ་མ་བུ་ཕྲུག་ཁ་བྲལ་དུ་སོང་ཡོད་དང་། བླ་མ་དང་སྐྱབས་འབངས་སོ་སོར་གྱེས་པ། རྒྱབ་ཁབ་དང་མི་རིགས་ཕྱོགས་སུ་འཁྱམས་པ་ལ་སོགས།     དྲན་པ་ཙམ་གྱིས་ཡིད་སྐྱོ་ཞིང་སེམས་སྡུག་ནས་མིག་ཆུ་ཤོར་འགྲོ་བའི་ལས་དབང་ཡ་ང་བ་ཞིག་གི་འོག ད་དུང་གནས་མུས་སུ་ཡོད་པས་སོ།།   བདག་གིས་ལོ་གསར་ཚེས་གཅིག་ལ་དགྲ་བོར་ཤ་འཁོན་འཆང་དགོས་ལབ་པ་མ་ཡིན་མོད། ང་ཚོས་རང་ཅག་གི་མི་རབས་ཕྱི་མ་རྣམས་ལའང་མུ་ནས་མུ།   མུན་ནག་དང་ཆར་རླུང་། བྱེ་ཐང་དང་དམྱལ་ཡུལ་ལྟ་བུའི་ལོ་ཟླ་འདི། ཁོ་ཚོས་མྱང་མི་དགོས་པ་ཞིག་གནང་དགོས་པར་འདོད།   མི་སྒེར་ཞིག་གི་སྡུག་བསྔལ་དང་མནར་གཅོད་ནི། ཆེས་རིང་མཐའ་ལའང་མི་ཚེ་གཅིག་ལས་མྱང་མི་དགོས་མོད།   ཡིན་ནའང་། མི་རིགས་ཤིག་གི་སྡུག་བསྔལ་དང་གཉའ་གནོན་མནར་གཅོད་ལ་སོགས་ནི། དེ་འདྲ་ཞིག་གཏན་ནས་མ་ཡིན་ཏེ།  ...
དེ་ལས་མང་པ།