March ༢༠༡༥

བྷི་བྷི་སིའི་ཏཱ་ལའི་བླ་མའི་ཡང་སྲིད་སྐོར་བགྲོ་གླེང་།

     ཟླ་འདིའི་ཚེས་ ༢༤ ཉིན་བྷི་བྷི་སིའི་བདུན་རེའི་ཆེད་སྒྲིག་ལེ་ཚན་ནང་། གསར་འགོད་པ་ཇའོ་ཕུ་ཇོན་ལགས་ཀྱི་གཙོ་སྐྱོང་འོག བོད་མིའི་སྒྲིག་འཛུགས་བྱང་ཡུ་རོབ་སྐུ་ཚབ་དོན་གཅོད་ཆོས་འཕེལ་ཚེ་རིང་མཆོག་དང་། པེ་ཅིན་རྒྱལ་སྤྱིའི་འབྲེལ་ལམ་སློབ་གཉེར་ཁང་གི་རིགས་གཅིག་མཁས་པ་ཇེ་ཞོ་ཏུང་ (Jia Xiudong)། ཨ་རིའི་ཀོ་ལོམ་བྷེ་ཡ་གཙུག་ལག་སློབ་ཆེན་གྱི་བོད་རིག་པའི་མཁས་པ་རའོ་བྷར་ཌི་བྷར་ཎེ་ཌི་ (Robert Barnett)། རྩོམ་པ་པོ་འཇམ་དབྱངས་ནོར་བུ་སོགས་གདན་འདྲེན་ཞུས་ཏེ། ༼མ་འོངས་པར་ཏཱ་ལའི་བླ་མའི་ཡང་སྲིད་ཕེབས་སྲིད་དམ།༽ཞེས་པའི་བགྲོ་གླེང་གནང་བ་ཞིག་འདིར་བོད་བསྒྱུར་ཞུས།...
དེ་ལས་མང་པ།

ཁྱེད་ཉིད་དྲན་ཚུལ།

ཁ་སྒང་བས། ན་ནིང་ཁྱེད་དང་འཕྲད་པའི་ལས་སྐལ་དེ།། དུང་བའི་སེམས་ཀྱིས་བཞེངས་པའི་མཛེས་སྡུག་ཅིག། རྨི་ལམ་ཁྲོད་ནས་བརྙེད་པའི་བརྩེ་འདང་འདི།། བདག་གི་མི་ཚེ་ཧྲིལ་བོའི་རེ་བཞག་ཅིག། ཁྱེད་ཀྱི་བརྩེ་བ་དྭངས་གཙང་མཚོ་མོ་རེད།། བདག་གི་དུང་བ་འགྱུར་མེད་རྡོ་རྗེ་བྲག། ཅུང་ཟད་ཙམ་ལ་བྲལ་བའི་གདུང་བ་ཡང་།། བསྲོན་དུ་མི་ཚུགས་སྙིང་གི་གཅེས་ལོ་ཀྱེ།། དཀར་འཇམ་ཤ་ཡིས་བ་སྤུ་ལྡིང་བར་བྱེད།། ལྷད་མེད་འཛུམ་གྱིས་ཡིད་སེམས་གཡོ་བར་བྱེད།། རྣམ་དག་སེམས་ལ་བཅངས་པའི་བརྩེ་དུང་སྟེ།། ཡོད་ཚད་སྙིང་ཆུང་འདི་ཡི་འཕར་རྩར་འབྲེལ།། ཟླ་བ་ངུ་བའི་མཆི་མ་རྒྱ་མཚོར་འཁྱིལ།། ཉི་མ་བཤུམ་པའི་སྐད་སྒྲས་གནམ་ས་འགེངས།། རེ་སྒུག་མིག་ཟུང་བསྐམས་པའི་གཏམ་རྒྱུད་འདི།། ང་ཡི་མགོ་ལ་ལྷུང་བའི་ཞལ་ལྕེ་ཉིད།། དྲན་བཞིན་དྲན་བཞིན་ན་ཟུག་ཆེ་རུ་གྱུར།། སྨྲེང་བཞིན་སྨྲེང་བཞིན་ལག་པས་མགོ་བོ་སྐྱོར།། ངུ་བཞིན་ངུ་བཞིན་སྐྱོ་བའི་གཞས་ཤིག་བླངས།། སྙིང་གི་དམར་ཆུང་དྲན་པའི་བརྡ་ལན་ཡིན།། ངེད་དྲ་ཚིགས།...
དེ་ལས་མང་པ།

བདག་དང་ཕོ་བྲང་པོ་ཏ་ལ།

—91ལོར་ཕོ་བྲང་པོ་ཏ་ལར་ཐོག་མར་མཇལ་རྗེས། སྙིང་མིག གནའ་སྔ་མོའི་ཡིད་འཕྲོག་གི་གཏམ་རྒྱུད་དེས། རྒས་ཉམས་ཤར་བའི་ཕོ་བྲང་པོ་ཏ་ལར་གཟི་བྱིན་བསྣན། ལོ་ངོ་སྟོང་ཕྲག་གམ་ཡང་ན་དེ་བས་ཀྱང་སྔ་རོལ་ཞིག་ལ། ཁྱེད་ཀྱི་སྐྱེས་སྐར་རམ་ཡང་ན་ཐོག་མར་དབུ་བརྙེས་བའི་དུས་ནས། ཁྱོད་ཀྱིས་ད་གཟོད་སྲིད་པའི་རྩེ་མོ་ལ་ཞབས་ཀྱིས་བཅགས། ཁྱོད་ཀྱིས་ད་གཟོད་ཉི་ཟླ་དང་བར་ཐག་ཉེ་བར་ཕྱིན། བློ་ཡུལ་ལས་འགོངས་བའི་རླབས་ཆེ་བའི་བདེན་དོན་དེས། ཁོ་བོར་སེམས་ཤུགས་དང་སྤོབས་པ་ཅིག་ཅར་བསྩལ། དུས་དེ་ནས་བཟུང་།ངས་ནི་རྟག་པར་ཁྱོད་ཀྱི་ལོ་རྒྱུས་ལ་དྲི་བ་བཏོན། སྨོན་པ་བརྒྱ་ཕྲག་ཅིག་གིས་ང་རང་ཁྱོད་དང་མཇལ་བ་སྟེས་དབང་མིན། དེ་རིང་།བདག་གིས་བྱུང་འདས་ཀྱི་གླེགས་བམ་བསྐྱར་དུ་བཀླགས་ཤིང་། བསམ་གཞིགས་ཀྱི་སྐར་ཚོམ་དགུང་ནས་འདིང་དུས། འགྱེལ་ལོག་གམ་འཕག་འཚག་ཐེངས་གཅིག་གི་ངེས་ཤེས་སླར་ཡང་རྙེད། ཆོས་རྒྱལ་སྲོང་བཙན་ནས་བོད་རྒྱལ་གླང་དར་བར། རླབས་ཆེན་དང་ཉེན་ཁའི་ཁྲོད་ནས་ཁྱོད་ཀྱི་ལང་ཚོ་འབར། ཨ་ཅེ་རྒྱ་བཟའ་དང་བལ་བཟའ་ཁྲི་བཙུན་གཉིས། ཁྱེད་ཀྱི་ཕང་བ་ནས་སྐུ་ཚེ་ཐིམ་པའང་སྒྲོ་བཏགས་མིན། ལྷ་སྒྲུང་ལྟ་བུའི་བྱུང་འདས་ཀྱི་རི་མོ་རེ་རེ། ཁྲི་ཕྲག་གཅིག་གི་འཐབ་རྩོད་དང་འགལ་ཟླ་རེ་རེ། ད་ལྟ།ལོ་ཟླའི་རླུང་རླབས་ཀྱི་ལག་པས་རྒྱང་རིང་དུ་བསྣུར་ནའང་། དུས་མཐའི་བརྩེ་བྲལ་གྱི་བསྲེག་ཟས་གཟུགས་མེད་དུ་བསྒྱུར་ནའང་། ཤི་གསོས་བྱུང་བའི་ཡར་ཀླུང་གཙང་ཆབ་སྔོན་མོས། མྱ་ངན་དྲག་པོས་ལོ་རྒྱུས་ལ་ར་སྤྲོད་བགྱིད་བཞིན། བོར་རྙེད་བྱུང་བའི་གཞོན་དུས་ཀྱི་སྙན་ངག་ཚན་པ་གཅིག  ༩༡་ལོར་ལྷ་སར། ངེད་དྲ་ཚིགས།...
དེ་ལས་མང་པ།

རྒྱ་ནག“ཞིག”ཀྱང་མི“འཐོར”།

འབྲོག་མྱི།      རྒྱ་ནག་འཐོར་ཞིག་གི་ལུང་བསྟན་དེ་ཁ་སང་དེ་རིང་གསར་ཏུ་བྱུང་བ་ཞིག་མིན། མ་མཐའ་ཡང་གྱ་དགུ་ལོའི་གནམ་བདེ་སྒོ་མོའི་ཆེ་སློབ་མའི་དམངས་གཙོའི་ལས་འགུལ་གྱི་རྗེས་སུ་བྱུང་བ་ཞིག་ཡིན་ཞིང་། དོན་རྐྱེན་དེའི་རྗེས་སུ་རྒྱ་བོད་ཕྱི་གསུམ་གྱི“ལུང་སྟོན་པ”རྣམས་ཀྱིས་མངོན་ ཤེས་རིག་འདེད་ཀྱི་ཚུལ་གྱིས་རྒྱ་ནག་འཐོར་ཞིག་ལ་འགྲོ་བའི་དུས་ཚོད་ཁ་ཚོད་བཅད་ ནས་ལུང་བསྟན་གནང་ཡོད་མོད། ལུང་བསྟན་དེ་དག་ཁ་ཐོག་དོན་ཐོག་ལ་སོང་མེད་པ་མ་ཟད། རྒྱ་ནག་ལོ་རེ་བསྡད་པའི་ཇེ་བརྟན་གྱི་ནམ་པ་ཤར་ཡོད།    ཉེ་ཆར་ཨ་མེ་རི་ཀའི་རྒྱ་ནག་གི་མཐིལ་རྟོགས་མཁན་སྐོར་ཞིག་གིས་བརྒྱུད་ལམ་སྣ་ ཚོགས་སུ་སྨྲ་བ་བརྗོད་ནས། ཞི་ཅིན་ཕེང་གི་སྲིད་འཛིན་སྐྱོང་སྟངས་ལ་ཡིད་ཐང་ཆད་པའི་རྣམ་འགྱུར་དང་མ་དགའ་ བའི་སྐྱོན་བརྗོད་དྲག་པོ་དང་མཉམ་དུ“རྒྱ་ནག་གི་གོམ་ཁ་ས་སྲོས་སུ་ཕྱོགས”།“རྒྱ་ ནག་ཚེ་སྨད་དུ་བསླེབས”། “རྒྱ་ནག་འཐོར་ཞིག་ཏུ་འགྲོ་གྲབས་ཡོད”ལ་སོགས་ལུང་བསྟན་གསར་བ་སྐོར་ཞིག་ཡང་ བསྐྱར་བཏོན་ཡོད། ལུང་བསྟན་དེ་དག་ལ་དོ་སྣང་ཡོང་དོན་ནི། ལུང་ཅི་ཞིག་བསྟན་ཡོད་པར་མ་ཡིན་པར། རྒྱ་ནག་གི་མཐིལ་རྟོགས་མཁན་དེ་ཚོའི་བསམ་བློའི་འགྱུར་ལྡོག་ཡིན། རིག་གནས་ལས་རིགས་ཀྱིས་རྒྱ་ནག་ལ་ཕྱོགས་པའི་མཐིལ་རྟོགས་མཁན་དེ་དག་ལ“དོམ་ཁྲར་ འཐམ་འཁྱུད་པའི་ཚོགས”ཞེས་ཁྱད་ཆོས་བརྗོད་པའི་མིང་ཞིག་བཏགས་ཡོད་ཅིང་། ཁོང་ཚོས་འབྲེལ་འདྲིས་དང་ཤུགས་རྐྱེན་བརྒྱུད་ནས་རྒྱ་ནག་དེ་རིམ་གྱིས་དམངས་གཙོ་ ཅན་དུ་བསྒྱུར་རྒྱུའི་ལྟ་བ་བཟུང་ཡོད། རྒྱ་ནག་གི་དཔོན་རབས་སྔོན་མ་རྣམས་ལས་ཞི་ཅིན་ཕེང་གིས་ནུབ་ཕྱོགས་གླིང་ལ་རྣམ་ འགྱུར་ཅུང་མཁྲེགས་པོ་བསྟན་ཡོད། ཕྱི་ལོ ༢༠༠༩ ལོར། རྒྱལ་ནག་གི་སྲིད་འཛིན་གཞོན་པ་ཡིན་པའི་ཞི་ཅིན་ཕེང་ཨ་རིའི་ཁྱིམ་མཚེས་རྒྱལ་ཁབ་ མེ་ཀི་སི་ཀོ་རུ་འཚམས་གཟིགས་སྐབས། “ལྟོ་འགྲངས་ཤིང་ལས་རྒྱུ་མེད་པའི་ཕྱི་རྒྱལ་བ་ལ་ལས། ང་ཚོའི་ལས་དོན་ལ་རྐང་བརྡ་ལག་བརྡ་བྱས་ནས་སྐྱོན་བརྗོད་བྱེད་ཀྱིན་ཡོད། གཅིག་ནས་ང་ཚོས་གསར་བརྗེ་སྤེལ་གྱིན་མེད།...
དེ་ལས་མང་པ།

ངའི་འཇིག་རྟེན་ངུ་མ་དགོད།

སྨྱུག་མདའ། (སེ་ར) ཉི་འོད་ཀྱིས་བཀྲུས་པ་མཛེས་ཉམས་ཤིག། མེ་ཏོག་གི་མགོ་དཀྲིས་འཇའ་ཚོན་ལྷག། སྐུད་པ་ལ་ཤར་མར་རྨི་ལམ་འཁོར།། མུན་པ་ཡི་ཐིག་ལེར་གསལ་ལ་དྭངས།། སྙན་ངག་གི་དུམ་བུ་མཚོ་ལ་ཟགས།། མཚོ་མཐའ་ཡི་རླབས་ངོགས་སྒྱུ་རྩལ་སྦར།། གྲོང་ཁྱེར་གྱི་གཞུང་ལ་དར་ལམ་བྲིས།། རྐང་སྣམ་གྱིས་ཤ་རྩ་བཅུམ་པ་ཤེས།། རི་ལུང་གི་འདོད་པ་སྦྲེན་བ་ན།། སྙན་ངག་གི་མཆི་སྒྲོས་དམར་ཐག་ཆོད།། སྐད་འཕྲིན་གྱི་མགྲིན་པ་ཉེ་ས་ནས།། བདག་ཉིད་ཀྱི་ཡི་གེར་འོ་བརྒྱལ་བཟོས།། སྒྱུ་འཕྲུལ་གྱི་རོལ་མོ་དཀྲོལ་བས་ན།། ཚོར་བ་ནི་གཏིང་གི་གཏིང་ཞིག་རེད།། དམིགས་འདུན་གྱི་སྤར་ཁ་མ་ལྷོད་པར།། དུས་ཚོད་ཀྱི་ཐག་སྣེར་ཤེར་རབ་བྲི།། ངུ་ཤུམ་ལ་ཁྲེལ་དགོད་ལན་གསུམ་བསྐུར།། ཚ་སྨུག་གི་ཀློང་དུ་དམ་པོར་བསྡམས།། རྨི་སྙེག་གི་ཁ་ཕྱོགས་གཡོག་ཏུ་ཚུད།། ན་ནིང་གི་ཡི་གེ་རྐུབ་སྟེགས་རེད།། བྱེ་ཐང་གི་བཙོན་ཁང་དྲུད་དེ་ཟུག། འདོད་རྔམས་ཀྱི་ཁ་རུ་ཡང་ཡང་བརྡབས།། ཆབ་སྲིད་ཀྱི་ཀླད་པ་གླེང་རྒྱུར་དགའ།། བདེན་རྫུན་གྱི་སྲིན་འབུ་ཐང་ལ་བརྡལ།། རི་བོ་དེའི་སླ་ང་ཆུང་དྲགས་པས།། ཡར་ཀླུང་གི་རྒན་མོ་གྱད་ཀྱིས་ཅེར།། ཁ་མིག་གི་སོ་བ་ཡོད་ཚད་འདུས།། བྱ་རོག་གི་གྲིབ་མ་རྐྱེན་དུ་གྲུབ།། མཆི་མ་ལ་ཉར་བའི་སྙན་ངག་འདི།། ས་མཐའ་རུ་གཏོར་བ་ཚོད་ཅིག་མེད།། ༢༠༡༥། ༠༣།...
དེ་ལས་མང་པ།

འགྱུར་མེད་ཀྱི་བརྩེ་འདང་།

ཁ་སྒང་གཡང་འབུམ་ཚེ་རིང་། ལྷན་གཅིག་འཛོམས་སོང་། འཛུམ་མདངས་བསྟན་སོང་། དམར་ཆུང་སེམས་པ་འདི་ཁྱེད་ཀྱི་ཕྱོགས་ལ་དབང་མེད་ཤོར་སོང་། ཡང་ཡང་འཕྲད་སོང་། ཟུར་མིག་འཕངས་སོང་། ཁྱེད་དང་ང་ཡི་སེམས་ནང་གི་གསང་བ་སུ་ཡིས་རྟོགས་སམ། ཡིད་འཕྲོག་ལགས། ཡིད་འཕྲོག་ལགས། ཡིད་ཆེས་གནོངས་དང་། སྙིང་སྡུག་ལགས། སྙིང་སྡུག་ལགས། བརྩེ་བ་འདི་ལྷད་མེད། སྙིང་སྡུག་ལགས། སྙིང་སྡུག་ལགས། བརྩེ་བ་འདི་ལྷད་མེད། སྣང་བ་མཐུན་སོང་། ཞེ་སེམས་འདྲེས་སོང་། ལྷད་མེད་དག་གཙང་གི་བརྩེ་སེམས་སྣུམ་པོར་དྲོད་ཁོལ་རྒྱས་སོང་། སྙིང་གཏམ་གླེང་སོང་། གསང་གཏམ་བཤད་སོང་། ཁྱེད་དང་ང་ཡི་ལས་དབང་གི་རྨུ་ཐག་གཅིག་ཏུ་སྦྲེལ་སོང་། སྙིང་ཆུང་ཡ། སྙིང་ཆུང་ཡ། ཡིད་ཆེས་གནོངས་དང་། མཛའ་མོ་ཡ། མཛའ་མོ་ཡ། བརྩེ་སེམས་འདི་འགྱུར་མེད། མཛའ་མོ་ཡ། མཛའ་མོ་ཡ། བརྩེ་སེམས་འདི་འགྱུར་མེད། མེ་ཏོག་བཞད་སོང་། བརྩེ་འདང་རྒྱས་སོང་། མི་ཚེ་འདི་ཡི་མཛེས་སྡུག་གི་རི་མོ་སྙིང་ལ་སིམ་སོང་།...
དེ་ལས་མང་པ།